Þjóðviljinn - 14.10.1988, Blaðsíða 2

SKAÐI SKRIFAR
#
Þensluböl
og
þensluskortur
Ég Skaöi, hef alltaf reynt að standa mínar pligtir sem meðvitaður
þegn í landinu. Þess vegna hefi ég lagt það á mig að skilja menn þegar
þeir tala um neikvæðan fjármagnskostnað og er alveg klár á því að
markaðssetning er góð og arðbær en framleiðsla á vöru hið mesta
glæfraspil. Ég veit meira að segja að það er eðlilegt lögmál í hagfræð-
inni að hótel þurfi að fara þrisvar á hausinn til að hægt sé að reka það.
Og er því alls ekki eins og hver annar asni
En stundum verð ég svolítið ráðvilltur, vandræðalegur og klumsa.
Eitt slíkt dæmi varð á dögunum þegar ég sá það í stórri fyrirsögn í DV
að nú værum við íslands börn á leið úr þenslu yfir í erfiðari tíma.
Þetta skil ég bara alls ekki, sagði ég við vin minn Guðjón, sem vinnur
hjá Þjóðhagsstofnun.
Hvað skilur þú ekki, Skaði minn? sagði hann með þessu Ijúfa
umburðarlyndi sem einkennir hagfræðinga, þegar þeir ætla að fara að
útskýra það fyrir okkur hvers vegna okkur líður illa.
Sjáðu nú til Guðjón, sagði ég. Ég hefi alltaf haldið að þenslan í
þjóðfélaginu væri ekkar höfuðverkur. Þaðan stöfuðu allir alminnilegir
erfiðleikar.
Þaö er rétt. sagði Guðjón.
Við búum við eftirspurnarþenslu og söluþenslu og eyðsluþenslu,
sagði ég. Þágetur hvaða asni sem erfengið vinnu, enginn hefuragaá
þessum vinnulýð sem alltaf er með kjaftinn opinn, allir kaupa eins og
óðir skip og skrauthýsi, fjórhjól og fermingartölvur, virkjanir og vídeó.
Jón og Gunna strjúka til Ibiza, viðskiptahallinn við útlönd fer á hvolf,
skuldahalinn við útlönd verður eins og hver annar Miðgarðsormur
utan um okkur í tíu kynslóðir.
Það er rétt, sagði Guðjón.
Þegar þessum ófögnuði lýkur, sagði ég, þá hljóta að byrja BETRI
tímar.
Nei það er ekki rétt, sagði Guðjón.
Nú, hvers vegna ekki? spurði ég.
Af því að þá fer allt niður til andskotans, sagði Guðjón. Fólk fer
minna til útlanda, Flugleiðir komast í vandræði og þurfa ríkisstyrk. Það
verður flutt minna inn, verslunin fer í rusl og Kringlan fer á borgina.
Enginn getur keypt hús lengur og fasteignasalar segja sig til sveitar.
Fólkið kaupir minna, ríkið missir af söluskatti í stórum stíl og ríkissjóður
fer á hausinn. Það getur meira að segja verið að fjárfestingarfyrirtækin
rúlli líka.
Og hvað með það?
Og hvað með það? segir hann. Þú sérð að þetta er ekki hægt. Þú
sérð alla þessa duglegu framtaksmenn sem fara á hausinn og svo
standa kommar og allskonar óþjóðalýður á hverju götuhorni og
spretta fingrum að okkur og segja: ykkur var nær.
Ertu þá að biðja um meiri þenslu? spurði ég.
Nei sagði Guðjón,. Auðvitað ekki. Agi verður að vera.
Ég skil þetta ekki Guðjón minn. Ertu kannski að segja að allt sem
gerist sé til hins verra?
Skaði minn, sagði Guðjón. Þetta er dálítið eins og kynlífið. Þú ættir
að vita það, þú sem skrifar í Helgarblað Þjóðviljans.
Eins og kynlífið? hváði ég.
Já sérðu það ekki. Fyrst kemur ógnarleg þensla í mann. Maður er
rekinn áfram af þessari kynlífsþenslu af æ meiri ofstopa og ákefð út í
alls konar ævintýri og ógöngur og lífsháska og hætta menn þá til
mannorði, eignum og heilbrigðu hjartalínuriti, því kynlífið er sko ekkert
grín. Svo kemur að því að maður nær að slaka á þenslunni. Og þá er
það eins og í efnahagslífinu. Það koma erfiðir tímar. Leiðinlegir tímar
slökunar, allur vindur og kraftur úr mönnum, tilveran grá og leiðinleg,
hinn aðilinn að kynlífinu kannski með bakreikninga upp á offjárfesting-
ar í húsum og börnum og tilfinningum og guð má vita hverju.
í RÓSA-
GARÐINUM
Svona er þetta kvenfólk
Fortíðin ætti svosem að vera
honum nægt áhyggjuefni, því
haft hefur verið eftir honum að
hann hafi sængað hjá þúsund
konum um dagana. Skammvinnt
hjónaband hans með Birgitte Ni-
elsen er hins vegar sagt hafa far-
ið út um þúfur af því hún hélt
framhjá.
Tíminn.
Ekki er ráð nema í tíma
sé tekið
Að vísu munu þingmenn áður
hafa tekið samvisku sína úr sam-
bandi. En einsdæmi er að menn
geri það fyrirfram og á formlegan
hátt.
DV.
Liðsemd prestarnir
lögðu
litla sem von var til
Ég held það sé engin sérstök
dyggð að vera ástfanginn. Það
kemurað mestu leyti af sjálfu sér.
Úr prédíkun í Mbl.
Fáðu þér reiðhjól asninn
þinn
Umferðin í Reykjavík er orðin
svo erfið að það er hin mesta
raun að aka um borgina.
Víkverji Morgunblaðsins.
Einhvers staðar verða
vondir að vera
Allt er afstætt en hins vegar
hefur aldrei verið svo til mannlegt
samfélag að borgarverkfræðing-
ur í einni eða annarri mynd hafi
ekki verið þar við lýði.
Myndhöggvari í viðtali við
Lesbók Morgunblaðsins
Ég og þú við urðum
aldrei til
Enginn lifir í raunveruleikan-
um.
Lesbók Morgunblaðsins.
Eigi er mærin dauð
heldur sefur hún
Frelsisnámskeið Hannesar
Hólmsteins endurvakið.
Fyrirsögn í DV.
Stuðlasetningin undur-
samlega
Kennsla í skítnum skárri en
keyrsla
Fyrirsögn í Tímanum
um Foldaskólamálin.
Þjálfun til æðri
embætta?
Að sofa sitjandi verður megin-
verkefni sem um áttatíu manns
leggja fyrir sig næstu vikurnar á
námskeiði sem Fræðslumiðstöð-
in Æsir stendur fyrir.
Alþýðublaðið
Hinn óttalegi leyndar-
dómur
Fyrir þá sem starfa á blöðum
getur oft reynst ómögulegt að
skýra villur sem koma fyrir augu
lesanda.
2 SÍÐA - NÝTT HELGARBLAÐ Fimmtudagur 13. október 1988
Morgunblaðið