Þjóðviljinn - 27.01.1989, Side 20

iTidiii iuui vjai uai auuuu i i ai a.
Gallaljótur
Ævintýri
Einu sinni lengst inni í háu klettafjalli bjó álfkona og tröllkarl. Þau áttu tíu börn. Vegna
þess að álfkonan var góð en tröllkarlinn vondur, urðu sum börnin góð en sum vond. Því
miður var tröllkarlinn, sem hét Krumsi, stærri, svo að sjö börn urðu vond en þrjú yngstu
góð. Eins og flestir kannski vita, mega tröll ekki vera úti á daginn, en það finnst álfum
hinsvegar best. Svo það var erfitt fyrir þessa fjölskyldu að lifa saman.
Elstu börnin sjö voru lík pabba sínum, næstu tvö lík mömmu sinni en sá yngsti var líkur
pabba sínum í útliti en vildi samt öllum vel eins og mamma hans.
Krumsi var vondur, frekur og ráðríkur og heimtaði að fá að ráða hvað öll börnin, sem
voru lík honum, voru látin heita. Grey yngsta strákinn langaði svo að heita fallegu nafni.
Sú ósk rættist ekki, hann varð að heita Gallaljótur Krumsason. Hin góðu börnin hétu
Bjartur og Dísa.
Umsjón:
KRISTÍN VALSDÓTTIR H
ANDRÉS GUÐMUNDSSON
Orðagáta
Þú ættir að greiða úr flækjunni og raða bók-
stöfunum eftir tölustöfum. Þá færðu út nafn á
Ijóði og síðasta degi þorra.
Hver er hann
Þorri?
Nú er hann mörsugur liðinn og þorri tekinn við.
Fyrir réttri viku var bóndadagur og þorrabyrjun.
Þorri er gamalt mánaðarheiti yfir fjórða mánuð
vetrar. Sennilega er þorri þekktastur af gömlu
mánuðunum því ennþá er hans minnst með
veislum sem heita þorrablót. í gamalli sögu er sagt
frá því að þorri sé kóngur sem haldi miklar veislur
er nefnist þorrablót. Þorri kóngur í sögunni á dóttur
sem heitir Góa og þar er líka sagt frá kóngafólki
sem heitir nöfnum úr náttúrunni. Þar eru þeir fé-
lagar Frosti og Snær ásamt Kára, Loga og Ægi.
Þorri hefur án efa verið sá sem réð yfir vetrinum og
því hefur mönnum alltaf þótt vissaraað hafa karl-
inn góðan og haldið honum góðar, miklar veislur.
Tvennt var gott við Gallaljót: Hann gat vakað bæði dag og nótt, bæði úti og inni en
aldrei orðið þreyttur; og hann gat talað við allt: blóm, tré, dýr o.s.frv.
Tíminn leið og nú ætlaði Bjartur að fara að heiman. Stuttu seinna fréttu þau að hann
væri giftur og búinn að fá vinnu. Nú langaði Dísu líka að fara að heiman. Nokkru eftir að
hún fór bauð hún þeim í brúðkaup sitt.
Gallaljótur og mamma hans lögðu nú af stað í brúðkaupið. Þar voru margir hissa á
tröllslegu útliti Gallaljóts og nafni. Þarna heyrði hann í fyrsta sinn um Gleymmérei
kóngsdóttur sem tröll höfðu tekið og geymdu í stórum kletti. Gallaljótur fór að hugsa, að
það væri nú varla mikið mál að bjarga henni, því hann færi nú inn í klett á hverjum degi
og væri sjálfur hálfgert tröll, svo hann ákvað að bjarga henni. Hann vissi að konungur-
inn, faðir hennar, hafði lofað að sá sem bjargaði Gleymmérei mundi fá hana og hálft
ríkið með, en Gallaljótur vildi bara gleðja hana með því að bjarga henni.
Hann sagði mömmu sinni frá þessu og lagði af stað gangandi. Hann gekk nótt og dag
og eftir þrjá sólarhringa kom hann að klettinum. Hann var stærri en sá sem Gallaljótur
átti heima í og engin hurð á, bara pínulítili gluggi efst uppi. Þá kallar hann á litla flugu og
biður hana að fljúga upp og inn um gluggann, koma síðan og segja sér hvað hún hafi
séð. Þegar flugan kom aftur sagði hún að Gleymmérei kóngsdóttir sæti mjög döpur við
gluggann. Síðan segir hún að þetta sé eitthvert tröllaféiag og að mörg tröll gæti
Gleymméreiar. Þau séu öll sofandi núna því það var dagur. Gallaljótur settist niður og
beið þangað til nóttin skall á.
Þá fer hann og bankar á klettinn. Þá opnast lítil rifa og ófrítt andlit gægist út og öskrar:
„Gallaljótur! Þú fannst okkur! Loks ertu orðinn vondur!" - Þarna var þá pabbi hans og
allir vondu bræður hans.
Nú varð hann að þykjast vera vondur - vonandi yrði það ekki lengi. Þá segir pabbi
hans: „Við vorum einmitt að fara að draga um hver ætti að fá Gleymmérei kóngsdóttur,
ég bæti þá þínu nafni í hattinn."
Það fer að verða erfitt að vera svona lengi vondur, hugsar Gallaljótur. En þá segir
Krumsi: „Nú er stóra stundin runnin upp. Hver fær kóngsdótturina?... og... það er...
Gallaljótur!“
Nú varð mikill hamagangur og læti en Gallaljótur sagði, til þess að losna strax með
kóngsdótturina: „Ég ætla að drífa mig heim með hana.“ - Ekki hafði honum dottið í hug
að þetta yrði svona auðvelt.
Svo giftust þau og urðu mjög hamingjusöm og mamma hans bjó hjá þeim. Þið skuluð
ekki láta ykkur bregða þó að þið einhvern tímann sjáið kóng, drottningu, prins eða
prinsessu sem annaðhvort talar við dýr, er líkur trölli eða sefur aldrei.