Þjóðviljinn - 07.07.1989, Page 16

Jóhann Karl var léttur í bragði þegar hann heilsaði Spánverjum sem staddir voru í Eyjum.
Spánarkóngur
Jóhann Karl brá sér um borð í Bjarnarey og var ekki
með öllu erfiðislaust að fóta sig á þilfarinu innan um
víra og kaðla.
í veri
Spænsku konungshjónin á ferð um Vestmannaeyjar
í gærmorgun heimsótti Spánarkonungur
Jóhann Karl 1 og Soffía drottning Vest-
mannaeyjar. Forseti íslands, Vigdís Finn-
bogadóttir var með í förinni ásamt fjölmennu
fylgdarliði konungshjónanna. Flugvél Land-
helgisgæslunnar lenti um kl.9.15 á flugvellin-
j umí Vestmannaeyjumþar sem bæjarstjórinn,
bæjarfógetinn og forseti bæjarstjórnar ásamt
eiginkonum þeirra tóku á móti hinum kon-
unglegu gestum. Tvær stúlkur í þjóðbúningi
færðu Vigdísi og Soffíu blómvendi við kom-
una.
Frá flugvellinum var ekið með gestina að
hraunhitaveitusvæðinu og þaðan farið út á
nýja Skansinn þar sem gott útsýni er yfir
innsiglinguna og höfnina. Þaðan var haldið
niður að höfn þar sem verið var að landa afla
úr togaranum Bjarnarey. Eftir að konungur
hafði litið á aflann brá hann sér um borð í
Bjarnarey og skoðaði skipið í fylgd með Sig-
urði Einarssyni eiganda Hraðfrystistöðvar-
innar.
Við Litla-Klif var höfð stutt viðdvöl á með-
an krakkar sýndu gestunum hvernig á að
spranga í klettinum með stíl en þau höfðu náð
mikilli leikni í þessari íþrótt þrátt fyrir ungan
aldur.
Að lokum skoðaði Jóhann Karl Hraðfrysti-
stöð Vestmannaeyja en á meðan heimsóttu
Soffía og Vigdís náttúrugripasafnið.
Heimsókninni lauk laust fyrir hádegi er kon-
ungshjónin héldu til Reykjavíkur þar sem
þau snæddu hádegisverð að Kjarvalsstöðum
í boði borgarstjórans. iþ
Soffía drottning og Jóhann Karl Spánarkonungur við komuna til
Vestmannaeyja í gærmorgun. Myndir Jim Smart.
Vigdís og
Sonja horfa
hér með at-
hygli á unga
Vestmanna-
eyinga
spranga ut-
an í Litla-Klifi.
Vigdís forseti og konungshjónin höfðu augljóslega nokkuð gaman af frásögn
Sigurðar Einarssonar frystihúseiganda sem hér er með sýnishom af afla úr
Bjarnarey sem verið var að landa í Vestmannaeyjahöfn.