Þjóðviljinn - 07.07.1989, Blaðsíða 18

HELGI
ÓLAFSSON
Jón L. og Margeir tefla um
íslandsmeistaratitilinn
Ný bók um heimsbikarmótið, unglingakeppni á Norðurlöndum o.fl.
Bragi Halldórsson skák-
meistari hefur sent frá sér bók um
heimsbikarmót Stöðvar 2 sem
haldið var sl. haust. Þetta er gott
framtak hjá Braga sem gaf bók-
ina út með styrk frá Reykjavíkur-
borg, Greiðslumiðluninni - Visa
Island og Einari J. Skúlasyni.
Skákir mótsins hingað til hafa að-
eins verið tiltækar í ágætu móts-
blaði tímaritsins Skákar en ítar-
legar skýringar og ýmsar athuga-
semdir bætast nú við. Bragi hefur
getið sér gott orð sem þýðandi
þekktra skákbóka s.s. „Hvernig
ég varð heimsmeistari“ eftir Mik-
hail Tal og „Baráttan við borðið"
eftir David Bronstein sem skrifuð
var um áskorendamótið 1953 en
Bragi hefur að uppsetningu
stuðst nokkuð við það mikla
verk.
Það er ekki fýsilegt að setjast í
stól gagnrýnanda enda verður
þeim víst seint reistur minnis-
varði. Mér virðist þó Bragi mega
vel við una. Einkum á það við
frágang og málfar, sem ber það
með sér að ekki er ýkja langt síð-
an hann skrapp frá vinnu við
fornsögurnar og hefur síðar dval-
ið um stund í túni Braga sem einn
af aðstandendum útgáfu á verk-
um Jónasar Hallgrímssonar. Er
hann oft kjarnyrtur og gagnorður
þótt vissulega megi finna staði til-
gangslauss orðagjálfurs.
Um efnistök að öðru leyti er
það helst að segja að skýringar
eru allgóðar, þótt finna megi
ýmsar villur en Bragi getur þess
að hann hafi nýtt sér skýringar
sem flestir skákmeistararnir
sendu frá sér í hið víðlesna rit
Informant og gerir það verkið að
mínu mati áreiðanlegra. Örsjald-
an bregður við dálítið klisjukennd-
um athugasemdum eins og að
einhver skákmaður hafi varist vel
í tiltekinni skák þegar sú er alls
ekki raunin, heldur þvert á móti.
Umfjöllun um skák hér á landi er
stundum á þann veg að menn eru
að éta hver upp eftir öðrum
jafnvei árum saman einhvern
grundvallarmisskilning. Þetta á
þó ekki við um Braga en andi
hans sýnist mér vera allsæmilega
frjáls um þessar mundir. Aðalat-
riðið er að með þessari bók eru
merkum skák- og menningarvið-
burði gerð skil á þann veg að bæði
byrjendur og lengra komnir geta
haft mikið gagn af.
Einvígi um
íslands-
meistaratitilinn
Dregist hefur úr hömlu að þeir
Jón L. Árnason og Margeir Pét-
ursson settust niður til að heyja
einvígi um titilinn „Skákmeistari
fslands 1988“ en fyrir tæpu ári
urðu þeir efstir á skákþinginu
sem háð var í Hafnarfirði.
Óvenju þétt dagskrá skákmeista-
ranna hefur valdið því að ekki
verður af einvíginu fyrr en nú.
Það hefst í húsakynnum Útsýnar í
Mjóddinni 9. júlí kl. 18. Fyrir-
komulagið er á þann veg að tefl-
dar verða 4 skákir á fimm dögum
og sé staðan jöfn, 2:2, þá verða
tefldar tvær skákir til viðbótar.
Síðan bráðabani.
TR — Bayern
Múnchen
Eins og komið hefur fram, náði
sveit Taflfélags Reykjavíkur
þeim áfanga að komast í 2. um-
ferð í Evrópukeppni taflfélaga
með því að leggja belgíska félagið
Anderlecht Nú hefur
verið dregið í 2. umferð keppn-
innar og mun sveit TR kljást við
Bayern Múnchen, sigurvegarann
í þýsku bundesligunni. Þetta er
hörkulið með ungverska stór-
meistarann Zoltan Ribli á 1.
borði. Keppnin fer fram í
Reykjavík dagana 5. og 6. ágúst.
íslendingar unnu
Fjögurra landa
keppnina
Skáksveit íslands bar sigur úr
býtum í Fjögurra landa keppn-
inni sem svo er kölluð, skipuð
skákmönnum 20 ára og yngri, en
hún fór fram í Maimö í Svíþjóð
dagana 19.-21. júní sl. Þessari
keppni var komið á fót er skák-
samböndum hinna Norðurland-
anna fannst komið nóg af yfir-
burðum íslendinga í sambæri-
legum keppnum undanfarin ár.
Þetta er þriðja árið sem keppnin
fer fram og unnu íslendingar nú í
fyrsta sinn. Hver sveit var skipuð
10 skákmönnum og innan vé-
banda þeirrar íslensku voru sam-
kvæmt borðaröð: Hannes H.
Stefánsson, Þröstur Þórhailsson,
Sigurður Daði Sigfússon, Andri
Ass Grétarsson, Þröstur Arna-
son, Tómas Björnsson, Héðinn
Steingrímsson, Snorri Karlsson,
Helgi Ass Grétarsson og Ragnar
Fjalar Sævarsson.
Keppnin var geysilega jöfn en
íslenska sveitin þó greinilega best
skipuð. í 1. umferð vann hún
sænsku sveitina SViAVi, þá
norsku í 2. umferð 6Vr3Vi og
gerði síðan jafntefli í síðustu um-
ferð við þá dönsku 5:5. Lokanið-
urstaðan varð þessi: 1. ísland 17
v. (af 30) 2. Noregur 15 v. 3.-4.
Danmörk og Svíþjóð 14 v.
Bestum árangri í íslensku
sveitinni náðu Þröstur Árnason
og Helgi Áss Grétarsson með 2Vi
v. úr þremur skákum. Hannes
Hlífar, Andri Áss Grétarsson,
Tómas Björnsson og Héðinn
Steingrímsson hlutu allir 2 vinn-
inga.
Eftirfarandi skák var tefld í 1.
umferð en þar leggur Þröstur
Ámason andstæðing sinn snyrti-
lega að velli. Þröstur byggir stöðu
sína markvisst upp eftir fremur
slappa taflmennsku hvfts, 14.
Dh4 í stað 14. f4! (íslenska leiðin)
Db6 15. 0-0! og nær yfirburða-
stöðu. í 24. leik á Þröstur kost á
drottningarfórn sem leiðir til
vinningsstöðu: 24. ... dxc3! 25.
Hxd5 c2! 26. Hc5 Hd8! 27. h3
Hdl+ 28. Kh2 Bxc5 29. Bxf4
exf430. Dh5+ Kg831. De8+ Bf8
32. De6+ Kh8 33. Dxf5 cl (D)
34. Dxf8+ Kh7 35. Df5+ Kh6 36.
De6+ g6 o.s.frv. en kýs aðra
góða leið. Hvítur gefst upp þegar
drottning fellur en nákvæmari
taflmennska var þó 31. ... Del +
(í stað 31. ... Rg2+) 32. Kf3
De4+ 33. Kg3 Dg2 mát:
R. Backelin (Svíþjóð
- Þröstur Árnason
Frönsk vörn
1. e4 eó 17. Bxf5 gxf5
2. d4 d5 18. Bg5 Da5+
3. Rd2 Rf6 19. Kfl Be7
4. e5 Rfd7 20. Kg2 d4
5. Bd3 c5 21. Hcl Rd5
6. c3 Rc6 22. Hhdl Rf4+
7. Re2 cxd4 23. Khl Dd5
8. cxd4 f6 24. Hc3 d3
9. Rf4 Rxd4 25. Hdxd3 Rxd3
10. Dh5+ Ke7 26. Bxe7 Dxf3+
11. Rg6+ hxg6 27. Kgl Ddl+
12. exf6+ Rxf6 28. Kg2 Rf4+
13. Dxh8 Kf7 29. Kg3 Dgl+
14. Dh4 e5 30. Kf3 Dhl+
15. Rf3 Rxf3+ 31. Ke3 Rg2+
16. gxf3 Bf5
- og hvítur gafst upp.
9 efstir á
World Open
Margeir Pétursson var eini fs-
lenski þátttakandinn á World
Open-mótinu sem haldið var í
Fíladelfíu um síðustu mánaða-
mót. Margeir hlaut 6Vi v. úr 10
skákum en sá árangur dugði ekki
til verðlauna. 9 skákmenn deildu
efsta sætinu með IVi v. hver: M.
Gurevic, Alburt, Brown, Epish-
in, A. Ivanov, Chernin, Rhode,
Christiansen, Fedrowicz.
Viðunandi árangur
Landslið okkar í yngri flokki,
spilarar 25 ára og yngri, hafnaði í
5. sæti af 9 í Norðurlandamótinu,
sem lauk í Svíþjóð um síðustu
helgi. Norðmenn A-lið sigruðu
mótið, hlutu 366 stig og Dan-
mörk A-Iið varð í 2. sæti með 325
stig. Þessi tvö lið voru í sérflokki
á mótinu. Okkar menn mega vel
við una, því allir spilarar liðsins
eru gjaldgengir á næsta móti,
eftir 2 ár.
Sveit Guðlaugs Sveinssonar,
Reykjavík, sigraði sveit Huldu
Hjálmarsdóttur Hafnarfirði, í 2.
umferð Bikarkeppni BSÍ.
Nokkrir leikir eru fyrirhugaðir
um þessa helgi, í 1. umferð og 2.
umferð.
íslenska karlalandsliðið, sem
tekur þátt í Evrópumótinu í Finn-
landi þessa dagana, hefur átt
heldur dapurt mót, það sem af er.
Þegar þetta er skrifað, eru úrslit í
6 leikjum kunn;
1. umferð: ísland-V.Þýskaland:
16-4
2. umferð: Ísland-Sovétríkin:
17,5-12
3. umferð: Ísland-Holland:
8-22
4. umferð: Ísland-Ítalía: 2-25
5. umferð: ísland-írland: 12-18
A
o
6. umferð: Ísland-Tékkóslóv-
akía: 19-11
Samtals 74,5 stig og um 20. sæti
(af 25 þjóðum). Töfluröð ein-
stakra leikja liggur ekki fyrir á
skrifstofu BSÍ, og virðist erfið-
leikum bundið að fá hana upp-
gefna frá Finnlandi. Ljóst er að
erfitt mót er framundan hjá land-
anum ytra. Haft er eftir landsliðs-
fyrirliðanum, að takmarkið sé að
ná miðjum hópi, að þessu sinni.
Ekki fjarlægt takmark, því lok-
aumferðir í móti sem þessu geta
haft úrslitaáhrif.
Eftir 17 spilakvöld í Sumar-
bridge (á hverjum þriðjudegi og
fimmtudegi í Sigtúni 9, frá kl. 17)
er staða efstu spilara þessi: Þórð-
ur Björnsson 246, Murat Serdar
227, Lárus Hermannsson 165,
Óskar Karlsson 165, Gylfi Bald-
ursson 119, Lovísa Eyþórsdóttir
118, Jakob Kristinsson 113 og
Guðlaugur Sveinsson 111.
Alls höfðu 196 spilarar hlotið
stig, þaraf 42 konur. Meðalþátt-
taka er um 95 manns á kvöldi eða
tæplega 200 manns vikulega.
Bridgefélag Breiðfirðinga í
Reykjavík verður 40 ára í janúar
NÝTT ELGARBLAÐ

Ólafur
%, Lárusson
á næsta ári. í bígerð er að minnast
þeirra tímamóta með stórmóti.
Bridgefélag Kópavogs hefur
undanfarna daga sinnt fjölda
bridgespilara frá Færeyjum, nán-
ar tiltekið frá Klakksvík. Sam-
skipti vinafélaganna hefur staðið
í áraraðir.
Undirbúningur fyrir Opna
stórmótið sem haldið verður á
Hallormsstað í enda ágúst, er
hafinn. Mótið verður bundið við
32 pör, í barometer-fyrirkomu-
lagi, með 3 spilum milli para.
Hátt í 10 pör af höfuðborgar-
svæðinu eru þegar skráð til leiks.
Skráð er hjá Ólafi í s: 91-673006
eða Jakobi í s: 91-14487.
Matthías Þorvaldsson, úr
landsliði yngri spilara, fékk feg-
urðarverðlaun Norðurlanda-
mótsins, fyrir spil úr mótinu.
Hann og félagi hans, Hrannar Er-
lingsson spiluðu alla 16 hálfleiki
mótsins, og voru lítillega hag-
stæðir í heildarútkomu mótsins
(Butler útreikningi).
Nýjar reglur varðandi flug með
Flugleiðum innanlands, á vegum
Bridgesambandsins, með þeim
afslætti sem viðkomandi aðilar
hafa gert með sér (sambærilegt
við íþróttasamband íslands)
virðast hafa tekið gildi, þegjandi
og hljóðalaust. í dag verða aðilar
sem hyggjast ferðast á þennan
máta, að sæta því að taka seinasta
flug til og frá viðkomandi stöðum
(ef fullbókað er í vélina) og á
ákveðnum dögum vikunnar, ef
þær upplýsingar sem umsjónar-
maður býr yfir, eru réttar. Ef
málið er þannig vaxið eða hafa
breyst að einhverju leyti, virðist
ekki ósanngjarnt að skrifstofa
Bridgesambandsins upplýsti þá
sem halda henni á floti með ár-
gjöldum, um skipan mála. Vel-
vilji Flugleiða til Bridgesamb-
andsins er löngu kunnur, en hafi
orðið einhverjar breytingar á
samskiptum aðila f þessu sam-
bandi, væri ágætt að spilararnir í
landinu fengju að njóta þeirra
upplýsinga.
Margir brandarar eru tengdir
bridgespilinu. Enda gengur á
ýmsu í viðskiptum mannanna við
græna borðið. Hér er einn:
„Presturinn var í klefa dauða-
dæmda mannsins til að veita hon-
um hinstu sáluhjálp. Eina hjálpin
var að hlusta á sögu þess dæmda
og skilja hvers vegna hinn hræði-
legi verknaður var framinn. „Þú
verður að vera fljótur," sagði
prestur og leit á klukkuna. „Það
var í mikilvægum úrslitaleik að
þetta spil kom fyrir;“
S: ÁG1043
H: —
T: KDG10982
L: 3
S: 982
H: ÁK8764
T: Á
L:ÁK2
S: K
H: 10532
T: 7654
L: DG108
S: D765
H: DG9
T: 3
L: 97654
Ég sat í Norður og félagi minn
var sagnhafi í 5 spöðum dobluð-
um eftir að andstæðingar okkar
höfðu sagt allt upp í 5 hjörtu.
Vestur spilaði út tígulás, en síðan
laufatvisti, í von um að Austur
ætti slaginn og gæfi honum
stungu í tígli. Austur, sem var
mjög góður spilamaður, lét hins
vegar áttuna og félagi minn þáði
slaginn þakklátur mjög og tók
áttuna með níunni. Hann spilaði
spaðadömu og lét hana fara yfir
og Austur fékk á stakan kónginn.
Þá spilaði Austur tígli og Vestur
trompaði. Einn niður. Ef Austur
hefði hins vegar tekið laufaslag-
inn og spilað tígli, þá hefði félagi
minn trompað með spaðadrott-
ningu og síðan spilað spaða að ás
og fellt kónginn og unnið spilið.“
„Og því, sonur sæll,“ sagði
prestur, „skaust þú félaga þinn
fyrir mistök, sem menn verða að
sætta sig við daglega."
„Nei, nei,“ sagði fanginn. „Ég
er þekktur fyrir umburðarlyndi
við félaga minn. Ég skaut Austur
fyrir að láta laufaáttuna."