Þjóðviljinn - 12.04.1990, Blaðsíða 21

Hugleikur
Ofuiraunsær skrautleikur
á Galdraloftinu
Þrjár Yndisferðapíur á árshátíð fyrirtækisins. Myndir - Jim Smart
, eins og þeir eru í raun og veru, þá
hefur hún farið réttu leiðina við
að setja það upp. En þetta er
harður sósíalrealismi og kemur út
á eitt hvað leikstjóri hefur reynt
að gera hlutina fáránlega með því
i að stækka eyru og lengja nef. Ég
gæti í hæsta lagi fallist á að þetta
sé sósíalsúrrealískt verk, vegna
þess hvað það hefur verið sett
upp á súrrealískan hátt, en þar
við bætist að þetta er vitanlega
post glacialt leikrit.
- Eg get kannski samþykkt að
þetta sé post glasnost leikrit,
segir Sigrún. - Hefði það verið
leikið í Sovétríkjunum fyrir fimm
árum hefði það ábyggilega verið
bannað. Börnum að minnsta
kosti. En hvað varðar þessa svo-
nefndu súrrealísku túlkun mína á
verkinu þá er það einfaldlega svo
að þegar ekki er lengur hægt að
nota meðul raunsæisins til að
koma hlutunum á framfæri grípur
maður til fáránleikans. Hér á
landi er fólki talin trú um að það
búi við lýðræði, en síðan er þann-
ig um hnútana búið að hér er ekk-
ert lýðræði í raun. Verkið snýst
um það að sýna áhorfendum að
þeir búa við falskt lýðræði, - eða
Scheindemomkrati og því er
þetta kennsluleikrit og þar að
auki pólitískasta verk, sem ég hef
leikstýrt.
- Nei, þar er ég ósammála,
segir Árni. - Ég verð að undir-
strika að þetta verk hefur ekkert
með glasnost að gera og að það er
algjörlega ópólitískt. Þetta er
bara leikrit um venjulega
Reykvíkinga við leik og störf. Eg
er nú alinn upp í anda ungmenn-
afélaganna og þarna er ég í raun-
inni bara að skrifa ópólitíska
sveitalýsingu.
Sautján leikarar fara með hlut-
verk í Yndisferðum, en auk
þeirra koma við sögu Alda Sig-
urðardóttir, sem gerir búninga,
Vilborg Valgarðsdóttir, sem sér
um gervin og Árni Baldvinsson,
sem mun víðar hafa látið ljós sitt
skína en á Galdraloftinu. Miða-
sala er í síma 24650. LG
Árni Hjartarson: Ópólitískur sósíalsúrreal-
ismi. Sigrún Valbergsdóttir: Hveturlitla
manninn til dáða
Reykvíska áhugaleikfélagið
Hugleikur sýnir þessa dagana
splunkunýtt leikrit eftir Árna
Hjartarson. Yndisferðirheitir
verkið og er skrautleikur, og eru
sýningaráGaldraloftinu, Hafnar-
stræti 9. Skrautleikurinn ersjö-
unda verkefni Hugleiks og sér-
staklega samið fyrir leikhópinn,
en hann hefur, með einni undan-
tekningu, aðeins sýntfrumsamin
verk eftir félaga í Hugleik á sex
ára starfsferli sínum.
Tónlistin í Yndisferðum er
eftir höfund verksins, Árna
Hjartarson, sem segir Yndisferð-
ir vera ópólitískt raunsæisverk.
Leikstjóri er Sigrún Valbergs-
dóttir, en að hennar mati er
Yndisferðir leikrit með boðskap,
kennsluleikrit í anda Brechts.
- Leikurinn gerist í Rúg-
brauðsgerðinni, á árshátíð ferða-
skrifstofunnar Yndisferða, segir
Sigrún. - Þar kemur ýmislegt í
Ijós um starfsemi fyrirtækisins
eins og oft vill verða á árshátíð-
um, en forstjóri fyrirtækisins er
dæmigerður framagosi. Hann er í
sérstökum samböndum við
helstu framámenn landsins og
leikur þann leik að kaupa eigin
fyrirtæki rétt áður en það fer á
hausinn, breytir því svo í hlutafé-
lag sem hann síðan setur á haus-
inn, og það leiðir svo aftur til
þess að hann er kosinn til æðri
metorða.
- Þetta er sem sagt dæmigerð-
ur sósíalrealismi, segir Ámi.
- Mér fannst kominn tími til að
íslensku þjóðlífi væru gerð skil í
nútímaverki og þarna fjalla ég
um þau vandamál, sem upp geta
komið í lífi dæmigerðs íslensks at-
hafnamanns og lýsi því hvemig
hann fer að því að leysa þau
vandamál. Nú er mikið talað um
litla manninn og þetta leikrit
sýnir einmitt hvernig athafna-
maðurinn kemst hjá því að láta
þennan litla mann hanga í sér og
tefja sína för. Menn þurfa nefni-
lega ekki að láta einhver smá-
vægileg vandamál hindra sig í að
ná sínum markmiðum og um það
fjallar leikritið.
- Það kann að vera að höfund-
ur hafi ætlað sér að skrifa um
þetta, segir Sigrún. - En þegar
upp er staðið er þetta kennslu-
leikrit í anda Brechts og höfðar
því að sjálfsögðu til litla mannsins
vegna þess að það hvetur hann til
dáða. Þetta er leikrit sem höfðar
til samkenndar fólks, hvetur það
til að rísa upp gegn ofurvaldi
Forstjórinn og hótelstýran ræða viðskipti.
framagosanna og sýnir því hvern-
ig það getur sjálft eignast sitt fyr-
irtæki með því að beita friðsam-
legum aðferðum. Þetta er þar af
leiðandi verk sem bendir fólki á
leiðina til bjartari framtíðar. Þeg-
ar menn hafa séð svona leikrit
hugsa þeir málin, fara svo að
ræða saman á kaffistofunni dag-
inn eftir og gera loks uppreisn
gegn þeirri kúgun sem þeir búa
við.
- Þetta er algjör misskilningur
hjá leikstjóranum, segir Árni,
- því þetta er einmitt leikrit um
hvernig á að bæla niður uppreisn.
Það eina sem ég gæti kannski
skrifað undir í túlkun hennar á
verkinu er að ef það þarf leikhús
fáránleikans til að sýna hlutina
íslandsmót á Loftleiðum
Úrslitakeppni íslandsmótsins í
sveitakeppni hófst í gær. Er þetta
birtist sjónum lesenda, er iokið
tveimur umferðum af sjö.
Umsjónarmaður tók saman til
gamans, áunnin stig meðlima þeirra
sveita sem spila til úrslita. Útkoman
var:
Verðbréfíslandsbanka 580
Flugleiðir 546
Try ggingamiðstöðin 393
Ólafur Lárusson 374
Modern Iceland 329
Ásgrímur Sigurbjömsson 292
Símon Símonarson 179
Samvinnuferðir 179
Þetta eru áunnin stig spilara á síð-
asta ári, en þess ber að gæta að aðeins
5 spilarar telja í sveitum Modern og
Símonar.
Eins og ofansagðar línur segja til
um, er meistarastigaskrá BSÍ komin
út. 2-3 eintökum er dreift á hvert fé-
lag innan BSf, en að auki geta félagar
keypt sér eintak á kr. 100 á skrifstofu
sambandsins. Skráin er með svipuðu
sniði og undanfarin ár, þó ekki prent-
uð heldur unnin í fjölritunarstofu hér
í bæ og sett að mestu af einum stjórn-
armeðlima BSÍ (í sjálfboðavinnu). Þó
er ein nýbreytni í skránni, en það eru
áunnin stig á síðasta ári.
25 spilarar hafa áunnið sér stór-
meistaranafnbót í íslenskum bridge,
en stigaskráning með þessu formi
hófst 1. maí 1976. Þeir eru:
Jón Baldursson 1257
Guðlaugur R. Jóhannsson 1117
Sigurður Sverrisson 1110
Þórarinn Sigþórsson 1106
Örn Arnþórsson 1105
Valur Sigurðsson 1068
Ásmundur Pálsson 1031
KarlSigurhjartarson 934
Guðmundur P. Arnarson 900
Símon Símonarson 876
Aðalsteinn Jörgensen 804
JónÁsbjörnsson 751
Þorlákur Jónsson 730
Guðmundur Hermannson 724
SævarÞorbjörnsson 713
Guðmundur Pétursson 709
Hjalti Elíasson 686
Hörður Arnþórsson 676
Hermann Lárusson 618
Ólafur Lárusson 613
Bjöm Eysteinsson 607
Stefán Guðjohnsen 596
BRIDGE
Ólafur
Lárusson
Sigtryggur Sigurðsson 573
HrólfurHjaltason 539
ÞorgeirP. Eyjólfsson 512
Stigahæsti spilari síðasta árs var
Aðalsteinn Jörgensen, sem skorðaði
hvorki meira né minna en 142 stig. f
2. sæti var svo Ragnar Magnússon
með 128 stig, Guðlaugur R. Jóhanns-
son með 111 stig og Orn Arnþórsson
með 107 stig. Fleiri komust ekki yfir
100 stiga markið.
Hermann Sigurðsson og Jóhannes
Oddur Bjarnason sigruðu síðasta
þriðjudag hjá Skagfirðingum og tóku
með sér vegieg páskaegg heim, að
launum. Rúnar Lámsson og Sveinn
Sigurgeirsson fengu einnig egg fyrir 2.
sætið. Á þriðjudaginn verður fram
haldið konfektkvöldum hjá Skagfirð-
ingum.
Hér var ætiunin að eyða plássi
undir skrif um undirbúning íslands-
mótsins í sveitakeppni. Hvemig ekki
á að auglýsa mót, hvernig ekki á að
hringja í keppendur tveimur dögum
fyrir mót og heimta sagnkerfi og
fleira, en umsjónarmaður hreinlega
nennir ekki að eyða orku í þvílíka
smámuni. Þó læðist að manni sú
spurning í dag: Hvað er Bridgesam-
bandið að gera með skrifstofu, þegar
enginn vinnur þar?
Þegar minningarmótið um Stefán
Pálsson hjá Bridgefélagi Hafnarf-
jarðar er hálfnað, leiða þau enn
mótið Hjördís Eyþórsdóttir og Anton
R. Gunnarsson. 30 pör taka þátt í
mótinu, sem er vel skipað þekktum
spilumm. Verðlaun í mótinu gefur
Sigtryggur Sigurðsson, til minningar
um þann góða dreng, Stefán Pálsson.
Ákveðið hefur verið að Bridge-
sambandið festi kaup á tölvu, til notk-
unar í daglegri starfsemi. í framhaldi
af þeirri ákvörðun er ekki úr vegi að
geta þess, að forrit það sem notast var
við á Stöð 2 í sambandi við úrslita-
leikinn í Bikarkeppni BSÍ sl. haust, er
ónothæft. Það blasir því við að
Bridgesambandið hefur greitt 200
þús. kr. fyrir þennan eina sjónvarps-
leik. Dýr myndi Hafliði allur.
Sigmundur Stefánsson hefur tekið
að sér starf fyrirliða og fararstjóra
kvennaliðs okkar sem kemur til með
að taka þátt í Norðurlandamótinu í
Þórshöfn í sumar. Bimi Eysteinssyni
hefur verið falið að velja landslið yng-
ri spilara, sem mun taka þátt í Evr-
ópumóti yngri spilara (25 ára og yng-
ri) í sumar.
Danir hafa löngum átt snjalla spil-
ara, sérstaklega hin síðari ár. Einn af
þeim er Knut Aage Boesgaard.
Lítum á handbragðið hjá honum, en
spilið kom fyrir á Evrópumótinu
1987:
S: G109
H: KD4
T: 752
L: G852
S: 43 S: 862
H: 9762 H: 83
T: ÁD4 T: G983
L: D973 L: ÁK106
S: ÁKD75
H:ÁG105
T: K106
L:4
Boesgaard var sagnhafi í 4 spöðum
íSuður. Út kom laufuppáásogsíðan
laufakóngur. Einhver spilaáætlun?
Ein leiðin er að trompa laufið og
spila Austur upp á tígulás eða litlu
hjónin í tígli. En Boesgaard var með
aðrar hugmyndir í kollinum; trom-
paði laufið smátt, hjarta upp á kóng,
lauf úr borði og trompað með drottn-
ingu, hjarta inn á drottningu og trom-
paði síðasta laufið með spaðakóng.
Síðan spaðaás og meiri spaði og spað-
anían sá um síðasta tromp mótherj-
anna. Síðan biðu 4 slagir á hjarta.
Slétt staðið. Einfalt?
Líkurnar á að spaðinn brotni 3-2
eru 68%, sem minnka þó eitthvað ef
við tökum inn í dæmið að hjartað
brotni 5-1 í andstöðunni. Sem eru í
allt rúmlega 60% líkur, miðað við
einfaldar 50-55% líkur á tígulásnum
réttum eða litlu hjónunum fyrir fram-
an kóng/ tíu í tígli. Var einhver að tala
um of rnikla stærðfræði í þessari
íþrótt?
Flmmtudagur 12. apríl 1990 NÝTT HELGARBLAÐ - SÍÐA 21