Þjóðviljinn - 21.04.1990, Page 4

Sveitarstjórnarmenn
Hvimleitt og skaðlegt
Sveitarstjórnarmenn Alþýðubandalagsins: Skiptar skoðanir um yfirlýsingar Ólafs Ragnars og
Sigurjóns. Jóhann Ársœlsson: Vanhugsað hjá Ólafi. Valþór Hlöðversson: Skil afstöðu formannsins.
Sveitarstjórnarmenn Alþýðu-
bandalagsins utan Reykjavík-
ur eru skiptir í afstöðunni til orð-
askaks Olafs Ragnars Gríms-
sonar og Sigurjóns Péturssonar
um framboðsmálin í Reykjavík.
Sumir segja það fáránlegt eða
vanhugsað af Óiafi Ragnari að
lýsa ekki yfir stuðningi við G-
listann, aðrir segjast skilja af-
stöðu formannsins. Flestir eru
þeir hins vegar sammála um að
deilurnar séu hvimleiðar og geti
haft slæm áhrif, ekki aðeins í
Reykjavík.
„Mér finnst yfírlýsing Ólafs
Ragnars vera vanhugsuð. Hann
hefði auðvitað átt að lýsa yfir
stuðningi við G-listann, en hefði
um leið getað harmað að ekki
tókst samfylking með minnihlut-
aflokkunum," sagði Jóhann Ár-
sœlsson, bæjarfulltrúi á Akra-
nesi, þegar Þjóðvihinn leitaði
álits hans á deilum Ólafs og Sig-
urjóns.
„Deilur af þessu tagi hafa alltaf
slæm áhrif. Þetta ástand virðist
hins vegar nokkuð bundið við
Reykjavík, við þekkjum þetta
ekki hér á Akranesi,“ sagði Jó-
hann.
Heimir Ingimarsson: Þurfum ekki blessun formannsins
Styð Ólaf
Hilmar Ingólfsson, bæjarfull-
trúi í Garðabæ, sagðist hins vegar
vilja lýsa yfir fullum stuðningi við
Ólaf Ragnar í þessu máli.
„Skilaboð mín til Sigurjóns og
G-listans í Reykjavík eru að þau
eiga að leysa sín mál í héraði en
ekki í fjölmiðlum. Þessi upp-
hlaup og vandræðagangur í fram-
boðsmálunum í Reykjavík er
okkur hinum ekki til framdráttar
nema síður sé,“ sagði Hilmar.
Valþór Hlöðversson, bæjar-
fulltrúi og verðandi oddviti Al-
þýðubandalagsins í Kópavogi,
tók í svipaðan streng og Hilmar.
„Ég get vel skilið afstöðu Ólafs
Ragnars í þessu máli. Það er al-
veg rétt hjá formanninum að G-
listinn í Reykjavík er allt annað
en G-listar annars staðar því fé-
lagið í Reykjavík er klofið í tvær
ef ekki þrjár fylkingar. Fjölmarg-
ir félagar í Reykjavík styðja ekki
G-listann.
Svona innanmein eru ekki uppi
hjá okkur í Kópavogi, en deilurn-
ar í flokknum sjúga kraft úr fólki
og auka varla tiltrú almennings á
flokknum. Við í Kópavogi höfum
raunverulega öðrum hnöppum
að hneppa en að velta þessu fyrir
okkur, en það er ljóst að menn
verða að fara að leysa þessi mál
með einhverjum hætti,“ sagði
Valþór.
Óeðlilegt hjá Ólafi
„Mér finnst það óeðlilegt að
formaður Alþýðubandalagsins
skuli ekki lýsa yfir stuðningi við
G-listann í Reyicjavík," sagði Jó-
hann Geirdal, efsti maður á G-
listanum í Keflavík.
„Ég held að þessar deilur hafi
ekki mikil áhrif á okkur hér í
Keflavík, en auðvitað eru svona
deilur af hinu vonda og vitaskuld
er hætta á að þetta skaði framboð
flokksins um allt land,“ sagði Jó-
hann.
„Mér hefði fundist eðlilegt að
formaðurinn styddi framboð G-
listans, enda er að því staðið á
lýðræðislegan hátt. Það er erfitt
að starfa í flokki ef meirihlutinn á
ekki að ráða.
En þessar deilur eru flokknum
ekki til gagns og menn verða að
komast að einhverri sameigin-
legri niðurstöðu um þessi mál,“
sagði Kristinn H. Gunnarsson,
bæjarfulltrúi í Bolungarvík og
efsti maður á lista Samstöðu þar.
Óttalega rœfilslegt
Heimir Ingimarsson, bæjar-
fulltrúi á Akureyri, sagði að
strangt til tekið þyki honum ótta-
lega ræfilslegt af Ólafi Ragnari að
geta ekki lýst yfir stuðningi við
G-listann í Reykjavík.
„Við hér nyrðra getum hins
vegar bj argað okkur án þess að fá
blessun Ólafs Ragnars. Ef Sigur-
jón treystir sér ekki til þess að
berjast við Davíð án þess að hafa
krossmark formannsins á bakinu,
á hann ekkert að vera að standa í
þessu,“ sagði Heimir.
Hann sagðist ekki eiga von á að
þessi deila hefði áhrif á kosninga-
baráttu G-listans á Akureyri,
sem er í þann veg að hefjast.
„Það er best að geyma þessar
væringar fram yfir kosningar og
sjá hverjar niðurstöðurnar
verða,“ sagði Heimir Ingimars-
son.
„Mér finnst það afar hryggilegt
að þessi staða skuli koma upp,
sérstaklega þegar svona stutt er
til kosninga. En mér finnst að
meginreglan eigi að vera sú að
G-listinn sé listi flokksins. Þó skil
ég þann vanda sem formaður
flokksins á í,“ sagði Kristinn V.
Jóhannsson, oddviti Alþýðu-
bandalagsins í Neskaupstað.
„Mér finnst það alveg ægilegt
að formaður flokksins og oddvit-
inn í Reykjavík séu komnir í hár
saman út af framboðsmálum þeg-
ar svo skammt er til kosninga,“
sagði Bryndís Friðgeirsdóttir,
sem skipar efsta sætið á G-
listanum á ísafirði.
„Að öðru leyti finnst mér best
að hafa sem fæst orð um þetta
mál á meðan það er á æsifrétta-
stigi og einbeita sér þess í stað að
kosningabaráttunni hér heima,
sem, gengur vonum framar,“
sagði Bryndís.
Sigurður Hlöðversson, bæjar-
fulltrúi á Siglufirði sagðist telja
að Ólafur Ragnar hefði ekki get-
að farið aðra leið í þessu máli.
„En ég er alveg undrandi á að
menn efni til svona deilna rétt
fyrir kosningar. Mál flokksins í
Reykjavík eru komin í óefni og
við erum auðvitað ekki par hrifin
af þessu, en ég held að þetta smiti
ekki út frá sér til okkar. Við
stöndum sameiginlega að okkar
málum," sagði Sigurður. -gg/grh
Steinmnna
forystu
dagar uppi
Hvers vegna gafst þú út ná-
kvæmlega á þessum tímapunkti,
að þú gætir ekki lýst yfir einhliða
stuðningi við G-listann í Reykja-
vík. Var þetta tilraun til skemmd-
arverkastarfsemi eins og sumir
hafa sagt?
Nei, það er mikill misskilning-
ur. Þetta mál á sér mjög langan
aðdraganda og ég verð sem for-
maður flokksins að horfast í augu
við þá staðreynd að á síðustu vik-
um hefur verið að koma skýrt í
ljós að Alþýðubandalagsmenn í
höfuðborginni hafa kosið að
standa að borgarstjómarkosn-
ingunum með ólíkum hætti.
Annars vegar er listi sem
meirihlutinn í Alþýðubanda-
lagsfélagi Reykjavíkur ákvað,
eða G-listinn, og hins vegar er
samstarfið sem kennt er við Nýj-
an vettvang. Það er auðvitað ljóst
að mikill fjöldi félagsmanna í
ABR stendur að því framboði,
meðal annars borgarfulltrúi
flokksins, fyrsti varaborgarfull-
trúi flokksins og mikill fjöldi ein-
staklinga sem gegnt hafa trún-
aðrstörfum fyrir Alþýðubanda-
lagið í nefndum og ráðum. Ann-
að af tveimur flokksfélögum í
Reykjavík, Æskulýðsfylkingin,
hefur einnig formlega ákveðið að
styðja Nýjan vettvang.
Þetta hefur verið að koma
smátt og smátt í ljós undanfarnar
vikur og fjölmiðlar og aðrir hafa
um nokkra hríð viljað fá að vita
hver afstaða mín væri og ég taldi
eðlilegt að hún lægi fyrir áður en
hin eiginlega kosningabarátta
hæfist svo hún blandaðist ekki
inn í kosningabaráttuna. Ég tel
óhjákvæmilegt að formaður sem
vill halda sambandi við alla
flokksmenn og vill leggja sitt að
mörkum til að tryggja breiða
samstöðu í flokknum, taki ekki
afstöðu með öðrum aðilanum
þegar jafn afgerandi ágreiningur
er á meðal Alþýðubandalags-
manna í borginni og raun ber
vitni.
Þetta er sérstaklega mikilvægt
þegar ljóst er að alls staðar ann-
ars staðar á landinu stendur Al-
þýðubandalagsfólk einhuga að
framboðum, hvort sem það býð-
ur fram G-lista eins og í mörgum
kaupstöðum, eða stendur að
sameiginlegum framboðum með
öðrum jafnaðarmönnum og fé-
lagshyggjufólki eins og gert er
víða. Það er meðal annars vegna
þessarar eindregnu samstöðu um
G-lista og sameiginleg framboð
sem mér fannst óskynsamlegt að
formaður flokksins væri að
blanda sér inn í deilurnar í
Reykjavík.
Mér voru það hins vegar von-
brigði að Sigurjón Pétursson
skyldi kjósa að gera úr þessari
afstöðu, sem ég taldi skynsam-
lega sem formaður flokksins,
sérstaka atlögu að mér sem for-
manni, þó Sigurjón hafi ætíð síð-
an 1987 verið á móti því að ég
væri formaður flokksins. Þar með
var hann að flytja þetta mál yfir á
annan völl.
Nú hafa margir þóst sjá slag-
síðu á aðra hliðina í þínum yfir-
lýsingum. Felst engin einkunna-
gjöf í þeim af þinni hálfu á þessi
tvö framboð?
Nei, ég hef ekki gefið neinar
einkunnir heldur þvert á móti
sagt að ég taki ekki afstöðu í mál-
inu, vegna þess að ég vil hafa
möguleika á að eiga viðræður og
samskipti við bæði þann mikla
fjölda Alþýðubandalagsfólks
sem stendur að Nýjum vettvangi
og þann mikla fjölda Alþýðu-
bandalagsfólks sem stendur að
G-listanum.
Mér hefur að vísu verið tjáð að
á félagsfundinum í ABR sem
haldinn var löngu áður en ég lét
ummæli mín falla, hafi einhverjir
ræðumenn sett fram þá kröfu að
landsfundur yrði haldinn í haust
og þá væntanlega til að setja mig
af. Á félagsfundi ABR þar sem
framboðslistinn var ákveðinn,
munu þessar hugmyndir hafa
komið fram, þannig að hugmynd
Sigurjóns virðist ekki beint tengd
ummælum mínum, heldur virðist
hún vera í samræmi við afstöðu
þess fólks sem aldrei hefur getað
sætt sig við að ég væri formaður
Alþýðubandalagsins
Hræðistu niðurstöðu slíks
landsfundar?
Ég hef aldrei hræðst neitt í
þessum efnum og bauð mig fram
til formennsku í Alþýðubanda-
laginu með fyrrverandi formann í
harði andstöðu á móti mér, þar
sem hann barðist af alefli fyrir
öðrum frambjóðanda og með
stóran hluta þingflokksins og
fjölmarga aðra á móti mér einnig.
Niðurstaðan varð hins vegar sú
að yfir 60% landsfundar veittu
mér brautargengi og á síðasta
landsfundi kom ekkert mótfram-
boð þó ýmsir væru ekki ánægðir
með mína formennsku.
Ég hef verið fulltrúi fyrir á-
kveðna endumýjun í Alþýðu-
bandalaginu, hef verið fulltrúi
fyrir kröfuna um að Alþýðu-
bandalagið verði flokkur nútíðar
og framtíðar, að flokkurinn taki
ýmsa málefnaþætti til endurskoð-
unar og fylgdist með tímanum og
tæki breytingum, að Alþýðu-
bandalagið verði jafnaðar-
mannaflokkur í evrópskum skiln-
ingi. Ég hef verið fulltrúi þessara
viðhorfa og jafnfram um árabii
lagt ríka áherslu á að við ættum
að kappkosta víðtæka samstöðu
með öðrum jafnaðarmönnum og
Ólafur Ragnar Grímsson. Mynd: Jim Smart.
félagshyggjufólki og hef aldrei
farið leynt með þessar skoðanir
mínar.
Ef flokksmenn í Alþýðubanda-
laginu vilja hverfa aftur til fyrri
tíðar og hefja aftur á loft viðhorf
frá fortíðinni, þá hafa þeir alla
möguleika til að taka þá ákvörð-
un. En ég hef þá trú að trúnaðar-
sveit flokksins og flokksmenn vítt
og breitt um landið vilji horfa til
framtíðar en ekki fortíðar og vilji
takast á við þá nýsköpun og end-
umýjun sem er óhjákvæmileg í
þeirri miklu gerjun sem fram fer í
heiminum í dag, og vilji ekki að
flokkurinn stirðni sem eitthvert
fyrirbæri frá fyrri tíma sem ekki
þorir að taka hlutina til endur-
skoðunar og horfast í augu við
nýjan veruleika.
Þess vegna er ég auðvitað bæði
Iýðræðislega og pólitískt óhrædd-
ur við að hlýta dómi flokksmanna
og kjósenda.
Varaformaður flokksins hefur
lýst yfir eindregnum stuðningi við
G-listann í Reykjavík og sagt
hann hreint Alþýðubandalags-
framboð sem staðið sé að af rétt-
um aðilum. Staðfesta ólík viðhorf
ykkar klofning flokksins á lands-
vísu?
Auðvitað tók ég eftir því að
Steingrímur J. Sigfússon tjáði sig
um þessi framboðsmál áður en ég
hafði gert það. Þar sem varafor-
maður flokksins kaus að taka jafn
4 SÍÐA - NÝTT HELGARBLAÐ I Laugardagur 21. apríl 1990