Þjóðviljinn - 31.08.1990, Blaðsíða 18

Judit er nú langfremst Polgar-systra
Nú er nokkuð um liðið síðan
Polgar-systurnar þrjár vöktu
heimsathygli og árangur þeirra við
skákborðið vekur ekki svipað umtal
og áður. Elsta systirin Susza Polgar
og miðsystirin Sofia hafa, þrátt fyrir
ágætan árangur, algerlega fallið í
skuggann fyrir þeirri yrigstu, hinni 14
ára gömlu Judit Polgar sem virðist
líkleg til að velta Bobby Fischer úr
sessi sem yngsta stórmeistara allra
tíma. Hún hefur í sumar unnið tvö
eftirtektarverð afrek, fyrst sigraði
hún á heimsmeistaramóti unglinga 14
ára og yngri, og síðan lá leiðin til Am-
sterdam þar sem hið árlega OHRA-
skákmót fór fram um mánaðamótin
júlí-ágúst. OHRA-mótið er tvískipt,
annarsvegar er teflt í svokölluðum
„Krúnu-flokki“ þar sem stórmeistar-
ar með yfir 2600 Elo stig tefla tvöfalda
umferð og síðan er samhliða því
geysisterkt opið mót og margir þátt-
takendur þar ættu fullt erindi í efsta
flokkinn.
Alexander Beljavskí vann öruggan
sigur í efsta flokki og hlaut 6V2 vinn-
ing úr tíu skákum en keppendur voru
sex talsins. Hann tók forystuna þegar
í stað í sínar hendur og hélt henni
mótið á enda og sigur hans hefði orð-
ið mun glæsilegri ef ekki hefði komið
til tap fyrir Viktor Kortsnoj í síðustu
umferð: Lajos Portisch varð annar
með 5V2 vinning, Kortsnoj þriðji með
5 vinninga, Azmaparashvili og Nunn
deildu fjórða og fimmta sæti með 4'/2
vinning og Jon van Der Wiel rak le-
stina með 4 vinninga.
í opna flokknum voru þátttakend-
ur 24, þar af níu stórmeistarar og
Polgar-systur. Tefldar voru níu um-
ferðir eftir Monrad-kerfi og eftir
mikla baráttu varð Judit Polgar í efsta
sæti ásamt sovéska stórmeistaranum
Vladimir Tukmakov en þau hlutu 6
vinninga af 9 mögulegum. f 3.-8.sæti
með 5V2 vinning komu Indverjinn
Anand, Daninn Curt Hansen, Svíinn
Hellers, Bandaríkjamaðurinn Feder-
owicz, A-Þjóðverjinn Uhlmann og
Hollendingurinn Brenninkmeijer.
Susza Polgar fékk 4Vi vinning en Sof-
ia rak lestina með 2'/2 vinning.
Wolfgang Uhlmann er án efa fræg-
asti skákmaður sem A-Þjóðverjar
hafa eignast. Stjarna hans reis hvað
hæst á sjöunda áratugnum en eftir að
lokað var fyrir allar ferðir a-þýskra
skákmanna til Vesturlanda kringum
1974 gleymdist hann og tíminn leið.
Þeir fengu að tefla heilmikið í heima-
landi sínu, Póllandi og Sovétríkjun-
um en sjaldnast nema í minni háttar
mótum. Uhlmannn er frægur fyrir þá
tryggð sem hann hefur haldið við
frönsku vörnina og kemur það kann-
ski ekki á óvart, trúin á Kerfið hefur
verið ansi lífseig þar eystra. Vissulega
gerir þessi staðfesta andstæðingum
auðveldara með allan undirbúning og
Judit hafði svo sannarlega lært sína
lexíu fyrir eftirfarandi skák:
Judit Polgar - Wolfgang Uhlmann
Frönsk vörn
1. e4-e6
2. d4-d5
3. Rc3-Bb4
4. e5-Re7
5. a3-Bxc3+
6. bxc3-c5
7. Dg4-0-0
8. Bd3
(Þessi leikaðferð hefur verið afar vin-
sæl uppá síðkastið og svartur farið
halloka í fjölmörgum skákum. En
Uhlmann lætur sér það í léttu rúmi
liggja.)
8. .. f5
9. exfó-Hxfó
10. Bg5-Hf7
11. Dh5-h6
12. Bg6-Hf8
13. Rf3-Rbc6
14. 0-0-Dc7
15. Bxe7-Dxe7
16. Hael-Df6?
(Uhlmann ætti að vita hvað hann er
að gera því hann teflir ekki aðra byrj-
un. Þessi leikur sýnist mér þó vera
ónákvæmur og að betra sé 16. .. Bd7
með hugmyndinni - Be8.)
17. Re5! cxd4
18. f4-dxc3
19. g4!
(Með nokkrum þrumuleikjum í röð
er Judit skyndilega komin með
ógnvekjandi sókn.)
19. .. De7
(Svartur gat reynt 19. .. Rxe5 en nið-
urstaðan er ekki glæsileg eins og eftir-
farandi afbrigði sýnir: 20. fxe5-De7
21.Bd3!-De8 - þvingað vegna hótun-
arinnar22. Dg6-22. Hxf8+ Kxf823.
Helgi
Ólafsson
Hfl+ Ke7 24. Bg6+ og svartur er
glataður.)
20. Bd3-De8
21. Rg6-Bd7
22. g5! Hf7
23. gxh6-gxh6
24. Khl!
(Sóknaráætlun hvíts hefur gengið
fullkomlega upp. Nú getur svartur
ekki varist atlögunni eftir g-línunni.)
24. .. Re7
25. Hgl-Rf5
(Hvað annað?)
26. Rc7+ Kf8
27. Rxf5-Hf6
28. Dg4-Df7
29. Rd6-Hxf4
30. Rxf7-Hxg4
31. Hxg4-Kxf7
32. Hh4
- Svartur er hrók undir og staðan
gjörsamlega vonlaus. Hefði margur
meistarinn kosið að draga niður
flaggið undir þessum kringumstæð-
um. Það er ekki með öllu sársauka-
laust að tapa fyrir konu við skákborð-
ið og Uhlmann þráaðist við fram í 53.
leik.
í næstu skák leggur Judit þann lit-
ríka stórmeistara John Federowicz að
velli sem í skákheiminum gengur
undir nafninu „bardagamaður frá
Bronx“ en talsmáti hans allur minnir
ótrúlega mikið á Sylvester Stallone.
Skákin lýsir stíl Juditar vel. Henni
tekst snemma að byggja upp vænleg
sóknarfæri og gengur beint til verks
og mylur niður stöðu svarts:
Judit Polgar - John Federowicz
Sikileyjarvörn
1. e4-c5
2. Rf3-d6
3. d4-cxd4
4. Rxd4-Rf6
5. Rc3-Rc6
6. Bc4-Db6
7. Rb3-e6
8. Be3-Dc7
9. De2-a6
10. Bd3-b5
11. f4-Be7
12. a4-b4
13. Rbl-e5
14. f5-Bb7
15. Rld2-Rb8
Alltof tímafrekur leikur en byrjun
svarts, sem er þó tiltölulega algeng,
hefur einhvernveginn misheppnast.)
16. g4! d5
17. g5-dxe4
18. Bc4-Rd5
a b c d e f g h
19. f6!
(Judit hikar ekki við að fórna tveimur
peðum til að komast í tæri við kóngs-
stöðu svarts.)
19. .. gxf6
20. gxf6-Bf8
(Sjálfsagt var 20. .. Bf8 sem hvítur
svarar sennilega best með 21. 0-0-0
með vænlegum sóknarfærum.)
21. 0-0-0 Rd7
22. Rxe4-R7b6
(Hvítur er með óstöðvandi sókn því
það er engin leið að koma kóngnum í
skjól. Hér strandaði 22. .. Rxe3 á 23.
Bxf7+ Kxf7 24. Dh5+ Ke625. Rg5+
með mátsókn.)
23. Bxb6-Rxb6
24. Ra5-Rxc4
25. Rxc4-Bh6+
26. Kbl-Kf8
27. Hhgl-b3
28. cxb3
- og svartur gafst upp.
Keppni í landsliðsflokki
frestað um tvo daga
Keppni í landsliðsflokki á Skákþingi
fslands 1990 átti að hefjast sl. mánu-
dag á Höfn í Hornafirði. Þar sem ekki
var flugfært til Hafnar vegna þoku var
ákveðið að fresta mótinu um tvo daga
og hófst keppni sl. miðvikudag. Mót-
inu verða gerð skil í þessum dálkum á
næstunni.
Oflugt landssamband
Skráðir bridgespilarar á landinu í
dag eru 3552. Hvorki meira né
minna. Á höfuðborgarsvæðinu eru
þeir (með Hafnfirðingum) alls 1150.
Á Reykjanesi (án Hafnfirðinga) eru
þeir 144. Á Suðurlandi eru þeir 525.
Á Austurlandi alls 481. Á Norður-
landi eystra eru þeir 307. Á Norður-
landi vestra alls 376. Á Vestfjörðum
alls 283. Og á Vesturlandi alls 286.
Þessum 3552 spilurum er skipt í 52
félög. Af þeim eru ein 4 sem ekki eru
starfandi í dag (með um 130 skráða
félaga).
Ef við rennum yfir þá sem hlotið
hafa viðurkenningar frá Bridge-
sambandinu fyrir árangur í spila-
mennsku (nálar) þá eru það 1987 spil-
arar sem hlotið hafa þann heiður, frá
mars 1976, er BSÍ tók upp nv. fyrir-
komulag í skráningu meistarastiga
hér á landi. Þetta þýðir að 1565 spilar-
ar hafa ekki stundað þessa íþrótt að
ráði, af þeim sem skráðir eru. Enginn
spilari er skráður hjá tveimur eða
fleiri félögum, en mönnum er frjálst
að velja sér félag og geta raunar verið
félagar í eins mörgum félögum og þeir
kjósa. Stigin sem viðkomandi spilarar
ávinna sér eru aðeins skráð á eitt fé-
lag, þ.e. það félag sem viðkomandi
spilari hefur kosið að skrá sín stig hjá.
Þessar vangaveltur leiða okkur að
því vandamáli sem skapast á hverju
ári varðandi þátttöku spilara á svæða-
mótum. Mín skoðun er sú, að spilarar
eiga aðeins rétt á að taka þátt í einu
svæðamóti árlega. Með þátttöku
sinni þar útiloka þeir sjálfa sig frá
þátttöku á öðrum svæðamótum enda
sé verið að keppa um réttindi og stig á
öllum svæðamótum og óeðlilegt að
spilarar geti „valsað“ á milli, allt eftir
því hvernig viðrar þann daginn. Það
væri þessari stjórn Bridge-
sambandsins til sóma ef hún kippti
þessu máli í liðinn á næsta ársþingi, í
eitt skipti fyrir öll.
Bridgefélag Kópavogs er 30 ára um
þessar mundir. Af því tilefni eru uppi
ráðagerðir í stjórn félagsins að minn-
ast þeirra tímamóta með einhverjum
hætti í haust. Hugsanlega með Opnu
afmælismóti með tvímenningsfyrir-
komulagi og veglegum peningaverð-
launum. Tímasetning þessa móts (ef
af verður) ræðst þó af Mótaskrá
Bridgesambandsins, sem trúlega ætti
að liggja fyrir á skrifstofu BSÍ innan
tíðar, eða hvað?
26 pör tóku þátt í Opna mótinu sem
spilað var á Ákureyri sl. laugardag.
Sigurvegarar urðu feðgarnir Steinar
Jónsson og Jón Sigurbjörnsson frá
Siglufirði. 1 2. sæti urðu svo Arnar
Geir Hinriksson og Guðmundur M.
Jónsson frá Isafirði. Keppnisstjóri
var Jakob Kristinsson frá Akureyri.
Vestfjarðamótið í tvímenning
verður spilað á Patreksfirði um miðj-
an september. Skráning er hafin,
m.a. hjá Ævari Jónassyni á Tálkna-
firði. Stjórnun og útreikning mun
Kristján Hauksson annast.
Heimsmeistaramótið í Bridge
1990, í parakeppni, óopinberri sveita-
keppni og opinni tvímenningskeppni,
auk tvímennings kvenna, hefst í Zúr-
ich í Sviss á morgun (laugardag). Um
15 keppendur héðan taka þátt í mót-
inu að þessu sinni, en þetta er í 5. sinn
sem keppendur héðan taka þátt í
þessu móti (mótum), eða frá 1974, en
þá tók afar stór hópur keppenda héð-
an þátt í tvímenningskeppninni og
parakeppninni (alls um 20 keppend-
ur). Mótinu lýkur um miðjan sept-
ember.
Hauststarfsemi Bridgedeildar
Skagfirðinga hefst þriðjudaginn 11.
september með eins kvölds tví-
menningskeppni. Fljótlega þar á eftir
mun haustbarometer deildarinnar
hefjast.
Hauststarfsemi Bridgefélags
Breiðholts hefst einnig þriðjudaginn
11. september með eins kvölds tví-
menningskeppni.
Og hauststarfsemi Bridgefélags
Hafnarfjarðar hefst mánudaginn 10.
september með eins kvölds tví-
menningskeppni. Mánudaginn 25.
september hefst svo haustbarometer
félagsins. Formaður félagsins er Erla
Sigurjónsdóttir.
Þátturinn óskar þeim Önnu Þóru
Jónsðóttur og Ragnari Hermannssyni
til hamingju með „gyllta" áfangann
þann 18. ágúst.
Til eru fyrirbrigði í bridgeleiknum,
sem nefnast „þvinguð“ vinningsleið
(-ir). Þó nokkrar útgáfur eru til og
kannast víst flestir við afbrigði sem
komið hafa fyrir. Lítum á dæmi:
S: ÁK5
H: Á73
T: G82
L: 7643
S: 92 S: 743
H: DG1086 H: 952
T: D106 T: 9743
L: ÁK9 L: G105
S: DG1086
H: K4
T: ÁK5
L: D82
Eftir hjartaopnun Vesturs verður
Suður sagnahafi í 4 sþöðum. Eins og
sjá má eru 9 slagir „kaldir“ í 3
gröndum.
Vestur spilar út hjartadrottningu
og þú tekur við. Sérðu vinnings-
leiðina?
Eins og spilið liggur er aðeins ein
vinningsleið fyrir hendi. Hún byggist
á aðferð sem áður er nefnd og kallast
„þvinguð, fyrirfram gefin vinnings-
íeið“. f ofangreindu spili er notast við
„tæmingu", þ.e. spila-aðferð þar sem
vörnin neyðist til að fylgja frumkvæði
sagnhafa frá byrjun, þar til sviðið er
sett fyrir úrslitaslaginn.
Eftir hjartaútspil Vesturs og tekið á
kóng heima, er spaðaás og spaða-
drottning tekin, hjartaás og hjarta
trompað heima og þá tígulás, tígul-
kóngur og meiri tígull. Vestur er fast-
ur í netinu og verður að spila út í
tvöfalda eyðu (hjarta eða tígli, ef
hann á tígul eftir eða laufi frá ás-
kóng). 10. slagurinn kemur því á
þann hátt. Það sem mælir með þessari
spilamennsku er að tíguldaman gæti
komið niður á ás og kóng, frekar en
að ás og kóngur sé stakt á hendi Vest-
urs.
Það gæti hjálpað mörgum sagn-
höfum í viðkvæmum samningum að
gera sér grein fyrir úrvinnslunni áður
en lagt er af stað. í mörgum tilvikum
er aðeins um eina aðferð að ræða. Að
vísu eru byrjendur óvenju naskir á að
finna aðrar aðferðir, sem oftast duga
alls ekki.
18 SÍÐA-NÝTT HELGARBLAÐ Föstudagur 24. ágúst 1990