Dagblaðið Vísir - DV - 31.10.1995, Blaðsíða 5

Dagblaðið Vísir - DV - 31.10.1995, Blaðsíða 5
ÞRIDJUDAGUR 31. OKTOBER 1995 Fréttir i Háskólarektor áhyggjufullur vegna flótta raunvísindamanna: Viöhorf gömlu atvinnu veganna hindrun - segir framkvæmdastjóri Rannsóknarráðs íslands „Við hjá Rannsóknarráöi höfum haft áhyggjur af þessu ástandi. Fyr- ir nokkrum árum gerðum við athug- un á þessu og fundum út að menn sem fluttu til útlanda sneru til baka og þá gjarnan innan tíu ára en lik- lega hefur sú staöa breyst i dag. En við lítum svo á að þetta fólk sé okk- ur ekki að öllu glatað því við getum oft leitað til þess og það blundar í öllum íslendingum að koma aftur," segir Vilhjálmur Lúðvíksson, fram- kvæmdasrjóri Rannsóknarráðs ís- lands, um ræðu Sveinbjörns Bjöms- sonar háskólarektors við braut- skráningu kandídata frá Háskóla ís- lands síðastliðinn laugardag. Sveinbjörn benti á að 44 prósent kandídata læknadeildar á árunum 1979 til 1988 og nær 20 prósent kandídata úr raunvísindadeild á sama tíma væru búsettir erlendis og óvíst hvort þeir sneru heim því þeir væru líklega komnir í atvinnu er- lendis. Sagði hann þetta áhyggju- efhi, sérstaklega ef haft væri í huga að íslendinga skorti kennara í raun- vísindum í framhaldsskólum lands- ins. Vilhjálmur segir lika spurningu í hvaða mæli menntafólk það sem hér um ræðir eigi að skapa sér atvinnu sjálft. Það geti jafnan verið erfitt með hliðsjón af skorti á aðstöðu og fíármagni en þó séu menn að fást við verkefni á sviði erfðatækni, sameindalíffræði og ekki síst upp- lýsingatækni hér á landi í dag sem gætu boðið upp á marga möguleika. Tölfræðilegar upplýsingar sýni að þróunin sé í þessa átt en hún sé allt- of hægfara og takmarkast af við- horfum gömlu atvinnuveganna sem ræður rikjum í mörgum stofnunum okkar, þar með talið fjármálastofn- unum. „Ég hlustaði á þetta og þetta var fróðlegt áheyrnar. Rektor varpaði þessu fram sem hugleiðingu og ég er sammála honum að þetta er mál sem við þurfum að velta fyrir okkur hvernig við eigum að taka á og hvort hægt sé að beina góðum náms- mönnum inn á aðrar brautir ef það er nauðsynlegt," segir Björn Bjarna- son menntamálaráðherra. Björn segir ljóst að atgervisflótta kandídata í raunvísindadeild verði ekki breytt með einfbldum ákvörö- unu'm. Þetta sé spurning um þróun sem menn T>g sérstaklega hjá Há- skólanum muni velta fyrir sér. PP Tengivagninn utan vegar. Tengibeisli gaf sig um samsuðu. Tengivagn tættist í sundur Jón Benediktsson, DV, Suöurlandi: Tengivagn með fóðurdælubúnaði losnaði aftan úr fóðurflutningabíl á Suðurlandsvegi, rétt vestan við Skeiðavegamót, í rokinu fyrir helg- ina. Óhappið varð með þeim hætti að tengibeisli á vagninum brotnaði um samsuðu. Féll vagninn niður og plægði upp úr klæðingu vegarins, rann síðan um fimmtíu metra á réttum vegarhelmingi og valt yfir vegrið þar sem hann tættist gjör- samlega í sundur. Á vagningum var dísilvél sem notuð er til að knýja dælurnar. Töluverð olía rann á veginn og kom slökkviliðið frá Selfossi á stað- inn og hreinsaði upp. Það er mildi að vagninn lenti ekki á bíl úr gagn- stæðri átt. Suðan virðist ekki hafa uppfyllt þær kröfur sem ætlast er til. Mikil umferð er með tengivagna á vegum landsins og ekki vanþörf á að herða eftirlit með og skoðun á búnaði þeirra. Garnaspákona á Kárastööum í Hegranesi: Spáir fremur mildum vetri ÞórhallurÁsmundss., DV, Sauðárkróki: Þrátt fyrir að vetur konungur hafi sýnt mátt sinn undanfarna daga býst Sigurlaug Jónasdóttir, garnaspákona á Kárastöðum í Hegranesi, við fremur mildum vetri. „Já, ég er nýbúin að glugga í garnirnaf og sá ekki annað en allt sæmilegt. Þetta verður gott fram- an af, alveg fram undir jól. Þá sýn- ist mér að koma muni einhver ill- viðrakafli en hann verður ekki langur. Síðan gæti komið smákuldakafli í byrjun apríl en svo ætti að fara að vora úr því," segir Sigurlaug. „Já, mér sýnist að þetta verði mildur vetur og lítið um stórviðri. Það má náttúrlega búast við ein- hverri vetrarveðráttu en snjórinn verður samt ekkert í líkingu við það sem var síðasta vetur. Annars hef ég heyrt að einhvert annar hafi verið búinn að spá fyrir mig. Að það væri haft eftir mér að þó að síðasti vetur hefði verið harður væru það smámunir miðað við þær vetrarhörkur sem í vændum væru. Þetta er ekki rétt," sagðí Sigurlaug. Stundum hafa spár Sigurlaugar staðist furðanlega. Hún spáði m.a. útmánaðarkuldum á liðnum vetri og komu þeir á daginn. Hins veg- ar var ekki að finna 1 spánni þá hið mikla fannfergi sem varð um allt land á liðnum vetri. Þriðjungur í Skinnaiðnaði til sölu Gylfi Kristjánsson, DV, Akureyri: Bæjarráð Akureyrar hefur heim- ilað bæjarstjóra að selja öll hluta- bréf í Skinnaiðnaði hf. og verður leitað samvinnu við Kaupþing Norðurlands um sölu bréfanna. Akureyrarbær lagði til um 30% hlutafjár í Skinnaiðnaði hf. sem reist var á rústum íslensks skinna- iðnaðar hf. sem varð gjaldþrota og réð mestu um þá ákvörðun bæjar- ins að starfsemin legðist ekki af í bænum. Nú þykir Ijóst að Skinna- iðnaður hf. sé kominn á gott skrið, _ afurðir fyrirtækisins'. hafa selst vel erlendis og bærinn h ífur því ákveð- ið að draga sig út úr ~yrirtækinu. DV-mynd Jón Benediktsson Afgreiðslufólk á sölustöðum aðstoðar þig með mikilli ánægju ef þú viltprófa! Prófaðu Kínó - þú gcetir unnið þann stóra! VINNINGAR

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.