Dagblaðið Vísir - DV - 01.03.1996, Blaðsíða 2

2
FÖSTUDAGUR 1. MARS 1996
NIÐURSTAÐA
------—.—
*» •
m
,r S d d
Á biskup Islands að segja FOLKSINS
31 904-1600
Fréttir
Islenska stúlkan sem tekin var meö kókaín í Kaupmannahöfn:
Fór sem „buróardýr" fyrir tvo
Nígeríumenn til Úrúgvæ
íslenska stúlkan, sem tekin var á
Kastrupflugvelli meö tvö og hálft kíló
af kókaíni á sér, á yfír höföi sér tíu ára
fangelsi verði hún dæmd til þyngstu
refsingar fyrir brot sitt. Stúlkan hefur
verið úrskurðuð í gæsluvarðhald til
20. mars en þarf ekki að reikna með að
losna fyrr en dómur hefur fallið og af-
plánun er lokið.
„Refsiramminn hjá okkur er tíu ár
fyrir brot af þessu tagi. Hafl hún gert
þetta áður getur hámarksrefsing orðið
15 ár. Ég skal ekki segja um hver dóm-
urinn verður en það er tekið hart á
þessum málum hér,“ sagði Erik Bjöm,
lögreglufulltrúi hjá fikniefnadeild
Kaupmannahafnarlögreglunnar, við
DV í gær.
Lögreglufulltrúinn sagði að málið
væri ekki að fullu upplýst en þó hefðu
allt að tíu ára fangelsi
tveir Nígeríumenn verið handteknir
eftir að stúikan var tekin á Kastrup
með kókaínið í handtösku. Hún var að
koma ffá Montevideö í Úrúgvæ og
sagði Erik að hún væri að öllum lík-
indum svokaflað „burðardýr". Ekki er
útilokað að fleiri tengist málinu.
Hann sagðist ekki vita til að stúlkan
hefði ætlað sér til íslands með efnið.
Enn sem komið væri lægi þó ekkert
fyrir um hve viða smyglmál þetta
teygði anga sína. Erik sagði að stúlkan
yrði ákærð í Danmörku og að öllum
líkindum dæmd þar, enda hefði engin
krafa komið fram um framsal hennar.
Smyglmál stúlkunnar er eitt af hin-
um stærri sem komið hafa upp í Dan-
mörku þótt ekki sé það hið stærsta á
þessu ári.
-GK
Tveggja daga kirkjuráðsfundur stendur nú yfir. Ólafur Skúlason biskup
gerði ráðsmönnum í gær grein fyrir máli sínu en hann er sakaður um kyn-
ferðislega misbeitingu gagnvart þremur konum og hefur siðanefnd presta-
félagsins kærur þeirra til meðferðar auk þess sem prestafélagið hefur málið
líka á sínu borði. Aftur verður fundað í dag. DV-mynd S
Lokið 9 ára baráttu stúlkunnar sem missti höfuðleður og handlegg í drifskafti:
„Við erum í tveggja herbergja íbúð í Þorlákshöfn og núna getur maður
kannski farið að stækka við sig,“ sagði Málfríður Þorleifsdóttir sem vann
fullan sigur fyrir Hæstarétti í gær þegar henni voru dæmdar hátt í 15 milljón-
ir í bætur vegna dráttarvélarslyss sem hún lenti í fyrir tæpum 9 árum.
DV-mynd ÞÖ
„Mér líöur vel yfir því að þetta
skuli loksins vera búið og að niður-
staðan sé jákvæö. Þetta er mjög
mikið spennufall. Ég vissi ekki við
hverju ég mætti búast; þetta gat al-
veg farið á hinn veginn þannig. að
ég er mjög ánægð. En þetta hefur
verið löng barátta. Niðurstaðan
breytir mjög miklu - hún breytir
eiginlega öllu í mínu lífi,“ sagði
Málfríður Þorleifsdóttir, rúmlega
tvítugur ibúi í Þorlákshöfn sem
fékk dæmdar á fimmtándu milljón
króna i skaða- og miskabætur í
Hæstarétti í gær.
Málfríður missti höfuðleður og
annan handlegginn þegar hún fór í
drifskaft á dráttarvél er hún var í
sveit á bæ í Gnúpverjahreppi árið
1987. Hátt í niu ára baráttu fyrir
bótum er því lokið.
Rúm tvö ár eru síðan héraðsdóm-
ur gekk í málinu. Vátryggingafélag
íslands tapaði því þá en áfrýjaði til
Hæstaréttar sem staðfesti héraðs-
dóminn í gær í megindráttum.
Fáum okkur stærri íbúð
„Það eina sem kemst að hjá mér
núna er bamið,“ sagði Málfríður
sem er komin tæplega níu mánuði á
leið. „Ég á að fæða 15. mars.
Við erum í tveggja herbergja íbúð
í Þorlákshöfn og núna getur maður
kannski farið að stækka við sig,“
sagði Málfríður en hún og Þorsteinn
Árnason, maður hennar, eiga fyrir
Huldu, tveggja ára.
Kerfið braut mig niður
Málfríður, sem er 80 prósent ör-
yrki, segir að árin níu hafi ekki ver-
ið þrautalaus:
„Það var sagt á sínum tíma viö
foreldra mína að ég myndi ekki fá
neitt út úr þessu. En það hefur af-
sannast núna. Það gekk vel að
vinna sig út úr slysinu en síðan
byrjaði ég að lenda í brasi við kerf-
ið - það var það sem dró mig niður
úr öflu valdi og braut mig mest nið-
ur. Þetta var erfiðast. Alltaf voru
einhver vandræði.
Ég sé til dæmis ekki fram á að fá
hár aftur og það voru margar hindr-
anir í að fá endurgreiðslur í sam-
bandi við hárkoflur eða hjálpar-
tæki. Ég þurfti mikið að eyða
orkunni í þetta en mér finnst að
kerfið ætti frekar að styrkja mann.
Móðir mín sá um allt fyrir mig
þegar ég bjó í foreldrahúsum þannig
að núna fyrst er ég að átta mig á
hlutunum. Þegar fólk kvartar yfir
kerfinu áttar maður sig ekki á raun-
veruleikanum en þegar ég fór að
gera þetta sjáif var ólýsanlegt hvað
baráttan dró mig niður. Þetta var
ömurlegt,“ sagði Málfríður.
Mikill stuðningur fjölskyldunnar
„Það sem mér er efst í huga núna
er að gefast ekki upp. Það er erfitt að
standa í vandræðum og jafnvel hægt
að halda að kerfið vilji að maður gef-
ist upp. Það geta ekki allir barist.
En ég hef fengið mikinn stuðning
frá fjölskyldu minni og manni. Án
þeirra hefði ég ekki fárið út í þessa
baráttu. Ef þau hefðu ekki verið til
staðar og ég síðan heyrt að ég hefði
ekki fengið bætur hefði ég látið þetta
allt eiga sig. En þessi barátta er búin
og ég mun áfram þurfa að standa í
baráttu út af mörgu öðru,“ sagði
Málfríður Þorleifsdóttir.
-Ótt/brh
Stuttar fréttir
Læknavakt í óvissu
Óvissa er um framtið Lækna-
vaktarinnar á höfuðborgarsvæð-
inu vegna deilna um verkaskipt-
ingu heilsugæslulækna og sér-
fræðinga. Samkvæmt RÚV rann
samningur hennar við ríkið út á
miðnætti.
Einkaréttur afnuminn
Neytendasamtökin vilja að
einkaréttur augnlækna á að
mæla sjón í fólki verði afnum-
inn. Samtökin benda á að víðast
í nágrannalöndunum hafa augn-
læknar misst þennan einkarétt.
Sinfónían lofuð
Gagnrýnandi stórblaðsins
New York Times fer einkar lof-
samlegum orðum um leik Sin-
fóníuhljómsveitar íslands og
hljómsveitarstjórn Osmo
Vanska á tónleikum í Carnegie
Hall í vikunni. Ánægjan var
ekki eins mikil með einleikar-
ann.
Salmonella enn á ferð
í vikunni greindust fjórir
sjúklingar og þrír starfsmenn á
Landspítalanum með salmon-
ellusýkingu. Upptökin eru
ókunn en málið er í rannsókn.
Vaxtabreytingar
Sparisjóðimir og Búnað-
arbankinn lækka vexti vísitölu-
bundinn útlána í dag um 0,10
prósentustig en Landsbankinn
gengur lengra og lækkar vexti
flestra útlána um 0,25 til 0,60
prósentustig.
Eimskipsgróði eykst
Eimskip hagnaðist um 602
milljónir króna í fyrra saman-
borið við 557 milljóna hagnað
árið 1994.
Selt í Kaupþingi
Búnaðarbankinn hefur selt
sinn hlut í verðbréfafyrirtækinu
Kaupþingi til sparisjóðanna sem
eiga nú allt fyrirtækið.
Aukið verðmæti Oz
Markaðsvirði tölvufyrirtækis-
ins Oz er komið í 1,6 miflarða,
samkvæmt Mbl. -bjb
Móðir Málfríðar Þorleifsdóttur:
Þetta mál hefur
tekiö sinn toll
„Ég er mjög ánægð með aö
þetta skuli búið. Niöurstaðan er
alveg ljós. Best finnst mér niður-
staðan gagnvart bændum. Nú
geta þeir verið ánægðir. Þeir vita
þá allavega núna að þeir eru
tryggðir fyrir slysum. Dráttarvél-
in var úti og upp við hlöðu en
ekki úti á túni eða úti á vegi, um
það snerist málið - hvað hafa þeir
verið að tryggja í öll þessi ár,“
sagði Guðrún Stefánsdóttir, móðir
Málfríðar Þorleifsdóttur,
stúlkunnar sem fékk dæmdar bæ-
tumar í Hæstarétti í gær.
„Þetta mál hefur tekið sinn toll,
ekki bara vegna fjármála heldur
líka heilsufarslega. Við vorum í
góðum málum árið 1986 en ári sið-
ar hrundi heimurinn okkar. Þetta
lagast auðvitaö núna, sérstaklega
vegna Málfríðar. Ég er mjög
ánægð með þetta,“ sagði Guðrún.
-Ótt
Dómsniðurstaðan breyt
ir eiginlega öllu í lífinu
- Vátryggingafélag íslands á að greiða henni á fimmtándu milljón króna í bætur