Dagblaðið Vísir - DV - 18.03.1996, Qupperneq 6

6
MÁNUDAGUR 18. MARS 1996
Fréttir
Einkaviðtal DV við The Prodigy:
Tónlistin og Island
Taktföst tónlistin skók líkama ungra tónleikagesta og krafturinn var þvílíkur að varla þurfti vöðvakraftinn til, fólk
hreyfðist af sjálfu sér.
Keith, Liam, Leroy og Maxim, meðlimir hljómsveitarinnar The Prodigy.
DV-myndir Teitur
Hljómsveitin The Prodigy hélt
tónleika í Laugardalshöllinni á
laugardagskvöld. Taktföst tónlistin
skók líkama ungra tónleikagesta og
krafturinn var þvílíkur að varla
þurfti vöðvakraftinn tU, fólk hreyfð-
ist af sjálfu sér. Á þessum tónleik-
um sýndi hljómsveitin hvers vegna
hún er fremst í flokki á sviði dans-
tónlistarinnar í heiminum. Stuttu
fyrir þessa ótrúlegu danssýningu
hitti undirritaður Keith, Liam, Ler-
oy og Maxim á herbergi 644 á Hótel
Sögu.
GBG: „Ok., þið eruð komnir aftur
tU íslands (í þriðja skiptið), hvert er
aðdráttaraflið?“
Leroy: „Kvenfólkið."
Liam: „Við spilum úti um allan
heim, í Evrópu og fleiri stöðum.“
Keith: „Við spiluðum í 26 mis-
munandi löndum í fyrra. Ég get
ekki einu sinni nefnt 26 lönd, hvað
þá munað hvar þau eru. Við spUum
bara þar sem við fáum gott „buzz“
út úr því og við höfum spilað hérna
áður og alltaf liðið vel með það.“
Liam: „Áð vísu var fólkið sem
sótti Uxa mun eldra en hópurinn
sem við eigum von á í kvöld. Það
truflar mig dálítið, því ef fólkið er of
ungt skilur það líklega ekki sýning-
una. “
Liam: „Þú getur ekki beðið fólk
um að hætta að kaupa tónlistina
þína en þegar við erum í Englandi
spilum við á klúbbum þar sem ald-
urstakmarkið er 18 ár.“
GBG: „Já, en fólkið sem kaupir
plöturnar ykkar hér á landi er á
aldrinum 13 til 20 ára.“
Keith: „Ég man þegar ég var fjórt-
án ára, þá hlustaði ég á The Jam og
þannig hljómsveitir og nú þegar
maður sér hvað hefur orðið úr Paul
Weller þá skilur maður hvað The
Jam var kúl hljómsveit og finnst
kúl að hafa hlustað á þá á þessum
aldri. Þannig að mér finnst virðing-
arvert ef einhverjir litlir strákar,
sem eru vel á undan sinni samtíð,
fila tónlistina okkar. Við viljum
bara ekki fólk sem öskrar of mikið."
Leroy: „Þaö á frekar heima á
Take That tónleikum."
Nýja platan
GBG: „Hvernig gengur svo nýja
platan?"
Liam: „Ég er búinn með sex lög
núna og þegar ég er búinn með tíu
þá lít ég á verkið og tek ákvörðun
um hvort því sé lokið. Athuga hvort
það vantar meira í það, það er bara
þannig sem ég vinn. Þegar ég var
búinn með Firestarter (sem Keith
syngur og kemur út í Bretlandi í
dag) var ég mjög ánægður og ákvað
að búa til lag þar sem Keith og Max-
im „syngja" saman. Svo bjó ég til
svona „retro, techno, instrumental"
lag sem við spilum meðal annarrs í
kvöld (þeir spiluðu allt nýja efnið og
það lofar góðu), svo gerði ég eitt lag
með Maxim sem heitir Mindfields
og svo endurgerðum við lag með
Corky, sem er gamalt hip hop band.
Já, þetta er áframhald af Jilted
Generation. Við höldum kraftinum
og höldum tónlistinni harðri
áfram.“
GBG: „Haldið þið að nýja platan
laði að sér stærri hlustendahóp?"
Liam: „Þaö er alltaf að gerast. Til
dæmis hlusta margir rokkunnendur
á okkur í Bretlandi.“
Maxim: „Svo spilum við á tónlist-
arhátíðum líka og þar er enn einn
hópurinn mættur.“
Liam: „Við erum fullorðins band
sem vinnur ekki eftir formúlum. Ég
geri bara hluti sem mér líkar við,
sem eru skapandi. Ég get ekki farið
eftir einhverjum reglum eins og
sumir techno tónlistarmenn."
Leroy: „Þegar menn fylgja ákveð-
unum reglum vakna þeir einn dag-
inn upp viö þann vonda draum að
þeir geta ekki breyst."
Liam: „Við erum mjög heppnir aö
hafa náð ákveðinni stærð. Það er til
dæmis ekkert víst að eitthvað ann-
að dansband fengi lag eins og
Firestarter spilað í útvarpi, en við
getum leyft okkur mikið út af stærð-
inni.“
Keith: „Þú mátt ekki gleyma
þinni eigin sköpunargáfu."
Liam: „Nei, en það er stærðinni
að þakka aö hún er notuð, held ég.“
Keith: „Þetta er eins og með list-
málara. Hann getur notaö oliuliti,
pastel, kol og vatnsliti, þú veist, ver-
ið áhrifamikill á mismunandi svið-
um, en ef hann blandar aðferðunum
saman er hann strax orðinn mun
sniðugri og ef hann gerir þaö vel
gæti það haft einhver stór áhrif.“
Ákveðinn hljómur
GBG: „En þið hafið skapað ykk-
ur ákveðinn hljóm. Þegar maður
heyrir lag með ykkur í útvarpinu er
maður ekki lengi að átta sig á því
hver er þar á ferðinni."
Liam: „Ætli það sé ekki dálítið
vegna þess hvemig ég forrita hlut-
ina. Ég held að ég sé ekki meðvitað-
ur um þetta, lögin koma bara eins
og þau koma, en ég sem ekki fyrir
plötusnúða, að því leytinu til er ég
öðruvísi. Ég lít ekki á The Prodigy
sem techno band, The Prodigy er
hörð danshljómsveit með sinn eigin
hljóm og sín eigin hljóð. Hljómur-
inn kemur líka út frá því hvernig ég
byggi upp lögin eins og t.d. í Poison,
þá breytist lagið alltaf á áttunda
hverjum takti. Það er ekkert eitt el-
ement sem er eins alveg í gegn, vit-
ið hvað ég meina.“
Keith: „Chemical Brothers gera
þetta líka, þeir eru með sinn eigin
stíl.“
Leroy: „Það liggur líka í útsetn-
ingunum."
Liam: „Þær eru stundum of „cle-
an“ í danstónlist. Mér finnst t.d. allt
í lagi að hlusta á techno, en ég þoli
ekki þennan hreina þýska hljóm.“
GBG: „Evróstrandpoppið."
Liam: „Já, það er svo dæmigert
(tónsýni), mér er bara alls ekkert
vel við það,“
GBG: „Hvað með endurhljóð-
blandanir fyrir annað fólk, finnst
þér það skapandi.“
Liam: „Eiginlega of skapandi. Ég
er hættur að gera það í bili. Pening-
arnir eru í lagi, sérstaklega núna,
ég get farið fram á mikið. En mér
finnst hugmyndirnar eiginlega
meira virði en peningarnir. Stund-
um er ég búinn að nota eitthvað fyr-
ir aðra sem ég hefði getað notað fyr-
ir Prodigy.“
Keith: „Þú ert verður líka að hafa
allt fullkomið. Sjáðu til, Liam tekur
ekki við einhverri X fjárhæð fyrir
einhver X gæði. Það þarf alltaf allt
að vera fullkomið."
Maxim: „Endurhljóðblandanirnar
verða líka æ oftar að endurgerð-
um.“
Liam: „í flestum tilvikum minnka
gæði lags við endurhljóðblöndun en
það verður nær undantekningar-
laust betra við Prodigy mix. Ég er
alla vega hættur þeim í bili, alla
vega þangað til ég er búinn með
plötuna."
Keith: „Mér finnst við ekki geta
borið okkur saman við poppheim-
inn. Hjá okkur er það ekki búið þeg-
ar myndavélarnar og öskrin eru
komin. Við erum vaxandi band. Við
erum hraðir, pönkaðir, raunveru-
legir. Og jafnvel þó þú fílir ekki
endilega tónlistina sérðu að hér er
eitthvað raunverulegt á ferðinni,
ekki fjöldaframleiddur skítur.“
GBG: „Síðan Firestarter byrjaði
að heyrast í útvarpinu hér á landi
(löngu fyrir útgáfu) hef ég tekið eft-
ir að fólk ber það óhjákvæmilega
saman við ykkar vinsælasta lag til
þessa, No Good (Start the Dance).“
Liam: „Slæmt fyrir það.“
Leroy: „Við erum ekki að leitast
við að gera fólki til geðs.“
Liam: „Ég held að No Good hafi
farið hættulega nálægt mörkum
evrópoppsins. Ég ætti í raun ekki að
segja þetta því lagið var samið
löngu áður en nokkurt evródiskó
kom til sögunnar, en það seldi mik-
ið í Þýskalandi. Ég skammast mín
ekki fyrir það, við spilum það enn
(við mikinn fögnuð viðstaddra), en
hins vegar mun ég aldrei semja
neitt þessu líkt aftur vegna nálægð-
arinnar við evródiskóið. Ég á miklu
dýpri tónlist inni í mér sem þarf að
komast út, svo ég geri þetta ekki aft-
ur.“
Tónlist og eiturlyf
GBG: „Mikið af fólki hér á landi
tengir þessa tónlist við eiturlyf.
Hver er ykkar skoðun á því máli?“
Leroy: „Öll tónlist er tengd eitur-
lyfium."
Maxim: „Fjölmiðlarnir hjálpa
ekki til.“
Leroy: „Eins og t.d. orðið rave er
ekki notað af neinum nema lögreglu
og fjölmiðlafólki."
Liam: „Ég þoli ekki að spila fyrir
fullan sal af fólki á alsælu. Þú getur
spilað hvað sem er fyrir það, and-
skotann allt. Ég þarf bara að vera
klukkutíma í hljóðveri, setja saman
nokkra takta og liðið tryllist. Þú
færð ekki alvöru viðbrögð eins og
hjá fólki sem er ekki á alsælunni."
Keith: „Fólk er á eiturlyfjum til
dægrastyttingar, ekki þegar þaö er
að lyfta, þú færð þér þegar þú ferð
út.
Ég er viss um að það verða
krakkar þarna í kvöld, mjög ungir,
sem eru búnir að stela hinum og
þessum tegundum í flösku úr vín-
skápnum hjá mömmu og pabba og
stela nokkrum sígarettum úr vesk-
inu hjá ömmu vegna þess aö þarna
fá þau fimm tíma þar sem enginn er
að fylgjast með þeim og það er ekki
tónlistinni að kenna. Lestir þínir
vaxa síðan með þér. Sumir fara út í
leit að kvenfólki, aðrir til að verða
blindfullir."
Leroy: „Sérhver verður að vera
ábyrgur fyrir sjálfum sér, við getum
ekki verið það. Og hvort komdyrst,
tónlistin eða dópið.“
GBG: „Jæja, tíminn er að þrotum
kominn. Einhver skilaboð."
Liam: „Við viljum bara þakka öll-
um fyrir. Okkur finnst við alltaf vel-
komnir þegar við komum til ís-
lands, okkur líður vel hérna. Takk.“
Guðjón Bergmann
Sandkorn DV
Bolli
með skeið
Hinn mæti
vígslubiskup á
Hólum, Bolli
Gústavsson,
hefur fengið
það erfiöa hlut-
skipti að kveða
upp úrskurð í
Langholts-
kirkjudeilunni
á milli séra
Flóka og organ-
istans Jóns.
Bolli er ekki öf-
undsverður og víst aö hver sem úr-
skurður hans verður þá má búast
við óánægju einhvers staöar.
Talandi mn Bolla þá riijast upp
ágæt saga úr stórafmæli sem hann
átti eigi alls fyrir löngu. Hann fékk
forláta skeiðar aö gjöf, gott ef ekki
úr gulli. í þakklætisskyni hélt Bolli
ræðu sem hófst með þessum orðum:
„Ég er hrærður....“
r
I útvarpinu
Sagan segir af
konu sem
keypti sér
glæsilegan
sportbil. í
fyrsta rúntinum
ætlaði hún að
kveikja á út-
. varpinu en sá,
sér til furðu,
------------- enga takka. Þá
mundi hún að sölumaðurinn hafði
sagt að tækið væri raddstýrt. Hún
prófaði með því að segja „kveikja".
Viti menn, það kviknaði á tækinu
og tónlistin ómaði. Hún vildi eitt-
hvaö léttara og sagði „popp“. Þá
rann tækið yfir tiðnisviðið og stopp-
aði á FM 95,7 þar sem lag meö
Björk hljómaði. í þessum töluðu
orðum var konan að fara yfir á
grænu ljósi þegar öðrum bíl var
skyndilega ekið í veg f; rir hana. Þá
hrópaði konan: „Asni“. Og útvarpið
góða fór af stað þar til heyrðist:
„Þið eruð að hlusta á morgunútvarp
með Ehíki Jónssyni og Sigurði
HaU.“
Haldið
leyndum
Hið íslenska
klámfélag var
opinberað í
Sandkorni fyrir
viku síðan og
vakti sú um-
fjöllun nokkra
athygli. Meðal
annars var tek-
iö viðtal á Þjóðbraut Bylgjunnar við
stjórnarmann í félaginu. Klámfé-
lagsmenn telja sig sómakæra og
standi fyrir saklausum uppákomum
í skammdeginu. Karlar munu vera í
meirihluta í félaginu en félagaskrá
hefur ekki fengist uppgefin. Heim-
ildir Sandkornsritara herma þó að
félögum hafi fjölgað nokkuð eftir
umfjöilunina í DV og á Bylgjunni.
Hins vegar fæst ekki uppgefið hver
sé formaður félagsins. Honum er
víst haldið leyndum til að forða
honum frá kynferðislegri áreitni!
Maður nokkur
kom til endur-
skoðanda og
bað hann að
annast skatt-
framtalið. Mað-
urinn blikkaði
endurskoðand-
ann í sífellu
þegar þeir áttu
tal saman. End-
urskoðandinn
kvaðst geta gert
framtalið en
varð vandræða-
legur viö blikk mannsins og sagðist
ekki ætla að gera neitt óheiöarlegt.
Svona gekk þetta um stund, maður-
inn blikkaði endurskoðandann um
leið og hann bað hann „að redda
sér“. Þá brást endurskoðandinn
reiður við og bað hann að hætta að
blikka sig. Manngreyiö sagði þá frá
því að þetta væri kækur á alvarlegu
stigi og eina lækningin væru tvær
magnyl. Maöurinn fór aö leita í vös-
um shmm að töflunum en kom upp
með hvern smokkapakkann á fætur
öðrum. Endurskoöandinn varð
undrandi og spurði hverju þetta
sætti. Þá sagði okkar maður, blikk-
andi að sjálfsögðu: „Við hverju
býstu þegar maöur biður um
magnyi í apóteki og blikkar í sí-
fellu?"_______________________
Umsjón: Björn Jóhann Bjömsson
Blikkað
auga