Dagblaðið Vísir - DV - 17.08.1996, Blaðsíða 4

4
LAUGARDAGUR 17. ÁGÚST 1996 jLlV
fréttir
Uppistand vegna finnskra kvikmyndagerðarmanna:
Ofurhugar köfuðu í
í Gullfoss og Geysi
- eru að búa til heimildarmynd um „ísland undir vatnsyfirborði“
Talsvert uppistand hefur orðið
vegna finnsks kvikmyndagerðar-
hóps sem kafaði í Geysi í síðustu
viku. Hópurinn, sem er á vegum
finnska kvikmyndagerðarfélagsins
Markoröhr Film Production, er að
gera heimildarmynd um ísland í
samvinnu við íslensku kvik-
myndasamsteypuna og finnska
sjónvarpið. Myndin á að heita
Underwater Iceland og hefur hóp-
urinn kafað m.a. í Gullfoss, Þing-
vallavatn og Jökulsá á Breiða-
merkursandi auk Geysis og tekið
þar myndir undir yfirborði vatns.
Náttúruverndarráð gaf Finnun-
um leyfi til að fara með kvik-
myndatökubúnað ofan í Geysi en
ekki mátti senda kafara ofan í
hverinn þar sem það er bannað.
Eftirlitsmaður Náttúruverndar-
ráðs átti að fara með þeim en for-
fallaðist og annar óreyndari var
sendur með þeim. Hann gerði sér
ekki grein fyrir hvað mátti og
mátti ekki og leyfði finnska hópn-
um að senda kafara ofan í hver-
inn. Þegar það fréttist út ætlaði
Náttúruverndarráð að stöðva
myndatökur hópsins þar sem
menn höfðu myndað í óleyfi í
hvernum. í vikunni báðu Finnarn-
ir Náttúruverndarráð afsökunar á
því að hafa gert meira en leyfi
þeirra var gefið út fyrir. Að sögn
Finnans Ilka Matila, fram-
kvæmdastjóra myndarinnar, hafa
nú náðst sættir í málinu og þeir
eigi ekki lengur í útistöðum við
Náttúruverndarráð. Matila vildi
ekki tjá sig nánar um verkefnið að
svo stöddu og engin svör fengust
heldur hjá íslensku kvikmynda-
samsteypunni.
Frábærar og
ómetanlega myndir
Heimildarmaður DV, sem þekk-
ir vel til mála, sagði kvikmynda-
hópinn hafa tekið frabærar mynd-
ir sem aldrei hefðu verið teknar
áður. Þessar myndir væru ómetan-
legar í landkynningu fyrir Island.
Kvikmyndahópurinn mun hafa
orðið fyrir nokkru fjárhagslegu
tjóni því rándýr og sérhannaður
ljóskastari, sem sendur var ofan í
Geysi, sprakk í hitanum þar. Ljós-
kastarinn var á um 5 metra dýpi
þegar hann sprakk en hitinn þar
er um 90 gráður. Kafari hópsins
fór ofan í hverinn í sérútbúnum
kafarabúningi og var undir yfir-
borðinu í tæplega tvær mínútur.
Þegar hann kom upp úr var hann
mjög máttfarinn eftir hinn gríðar-
lega hita. Samkvæmt heimildum
DV gengu myndatökur hópsins vel
á öðrum stöðum.
-RR
Þaö rigndi eins og hellt væri úr fötu þegar íslendingum gafst kostur á aö skoöa skúturnar tvær sem liggja í ytri höfn-
inni.en þær eru í eigu sjóherskólans í Karlskrona. Herforingjaefnin Fredrik Boquist og Fredrik Spets létu þaö þó ekki
á sig fá, enda orönir sjóaðir eftir 10 daga siglingu, en viöurkenndu þó aö fyrstu dagarnir heföu veriö mjög erfiöir sök-
um sjóveiki og þess sem sjóferöum tilheyrir. DV-mynd GS
Skip í eigu sænska herskólans í heimsókn:
Vorum mjög sjó-
veikir fyrstu dagana
- herforingjaefnin Fredrik Boquist og Fredrik Spets
„Við komum hingað frá Dan-
mörku og líðanin á leiðinni var
vægast sagt slæm. Við urðum
mjög sjóveikir fyrstu dagana en
jöfnuðum okkur smám saman. Við
áttum reyndar von á þessu því
þetta er okkar fyrsta sigling en
vonandi verður heimferðin betri,“
sögðu herforingjaefnin Fredrik
Boquist og Fredrik Spets sem
komu hingað til lands á skipi sem
er í eigu sænska herskólans.
Alls komu 90 manns með skip-
unum, sem eru tvö, en ætlunin er
að dvelja hér fram á sunnudag.
Þeir nafnar voru mjög ánægðir
með veru sína hér og hefðu gjarn-
an kosið að vera lengur en skyld-
an kallar, þeir eru báðir herfor-
ingjaefni og áframhaldandi nám
bíður þeirra er þeir koma heim.
„Hvorugur okkar ætlar að vera
í sjóhernum, það er ekki fyrir okk-
ur, en viö erum báðir í sérsveitum
á landi og það hentar mun betur,“
sögðu þeir nafnar sem báðir eru
22 ára og eiga líklega framtíðina
fyrir sér innan sænska hersins.
Þeir voru staðráðnir í að koma
aftur hingað til lands og skoða sig
betur um. Annar þeirra kom
reyndar í heimsókn fyrir þremur
árum og fór þá heim með auman
rass eftir mikla hestaferð um land-
ið. Ekki hafa gefist mörg tækifæri
í þessari ferö til að skoða sig um
en þeir sögðust þó aðeins hafa
skoðað bæjarlífið. Leist þeim vel á
allt nema verðlagið sem þeir
sögðu þó ekki aftra sér frá því að
koma aftur.
-gdt
Einar Þór Gunnlaugsson:
Gerir fræöslu-
mynd um
leitarhunda
„Þetta kemur fyrst og fremst til af
því að starfið með björgunar-
hundana er mjög ungt og nú fyrst er
nokkuð til af þjálfuðum hundum í
landinu,“ segir Einar Þór Gunn-
laugsson kvikmyndagerðarmaður
sem vinnur að gerð fræðslu- og
kynningarmyndar um leitarhunda.
Einar vinnur að gerð myndarinn-
ar í samvinnu við nokkra hunda-
þjálfara, björgunarsveitarmenn og
ríkissjónvarpiö, auk þess sem
skoskur hundaþjálfari miðlar af
reynslu sinni.
„Ég er að þessu fyrst og fremst
vegna þess að ég er kvikmyndagerð-
armaður og áhugamaður um þessi
málefni. Þá þekki ég til á þeim stöð-
um þar sem myndin er tekin, á
Vestflörðum og í Skagafirði," segir
Einar.
Einar segir íslensku björgunar-
hundasveitirnar hafa öðlast mikla
reynslu í snjóflóðunum á síðasta ári
og vonir standi til þess að hægt
verði að sýna útlendingum mynd-
ina, hvort sem það verði á kynning-
arfundum hér heima eða erlendis.
Þessa dagana eru menn að reyna að
ljúka við myndina og klára að fjár-
magna hana. Einar sagðist ekki vita
Einar Þór Gunnlaugsson kvik-
myndageröarmaöur.
DV-mynd BG
hvenær hægt yrði sýna myndina í
Sjónvarpinu en vonaðist til þess að
það gæti orðið fyrri part vetrar.
-sv
Bylting í
endurvinnslu málma
DV, Akureyri:
Fyrirtækið Hringrás ehf. vígði í
gær formlega færanlega endur-
vinnslustöð á Akureyri en stöðin
gerir kleift að fullvinna brotajám til
útflutnings á landsbyggðinni í fram-
tíðinni. Vilhjálmur Þ. Vilhjálmsson,
formaður Sambands íslenskra sveit-
arfélaga, vígði endurvinnslustöðina.
Stöðin er búin afkastamiklum
klippum á beltagröfu, brotajárns-
pressu, grabba og segul og er af-
kastageta stöðvarinnar um 100 tonn
á dag. Markmiðið er að starfsmenn
hringrásar komi með reglulegu
millibili á hvem söfnunarstað brota-
járns á landsbyggðinni til að vinna
brotajámið og minnka þannig um-
mál efnisins margfald sem auðveld-
ar allt birgðahald. Einnig að skipa
efninu út frá hveijum stað og skapa
með því vinnu og hafnargjöld á við-
komandi stað.
Hringrás er um hálfrar aldar gaffl-
alt endurvinnslufyrirtæki, stofnað
af Einari Ásmundssyni í Sindra.
Hringrás var hluti af Sindra og síð-
an Sindra-Stáli fram til ársins 1989
þegar Ásgeir Einarsson og fjölskylda
tók alfarið við fyrirtækinu og það
var aðskilið rekstri Sindra-Stáls.
Fyrirtækið var brautryðjandi í að
safna saman málmum og flytja þá út
en áður hafði viðgengist að urða
málma. Hringrás hefur til þessa flutt
út um 350 þúsund tonn af brotajárni-