Dagblaðið Vísir - DV - 01.03.1997, Qupperneq 40

52
LAUGARDAGUR 1. MARS 1997 1 *"\7'
skák
Kasparov sýndi yfirburði sína í Linares:
Öruggt efsta sæti þrátt fyrir óvænt tap
- deildakeppnin og fjöltefli Ivans Sokolovs í Faxafeni um helgina
Garrí Kasparov tryggði sér sigur-
inn á stórmótinu í Linares með
glæsilegum endaspretti; hann vann
þrjár síðustu skákirnar og þar á
meðal helsta keppinautinn, Vla-
dimir Kramnik, í hreinni úrslita-
skák í siðustu umferð. Kasparov
hefur því enn tekist að slá ungu arf-
tökum sínum við en á Linares-mót-
inu var valinn maður í hverju rúmi
Skoðum
lokastöðuna:
1. Garrí Kasparov (Rússlandi) 8,5
v. af l\ mögulegum.
2. Vladimir Kramnik (Rússlandi)
7,5 v.
3. - 4. iMichael Adams (Englandi)
og Veselín Topalov (Búlgaríu) 6,5 v.
5. Judit Polgar 6 v.
6. Viswanathan Anand 5,5 v.
7. - 8. Boris Gelfand og Vassily
Ivantsjúk 5 v.
9. - 10. Alexei Dreev (Rússlandi)
og Predrag Nikolic (Bosníu) 4,5 v.
11.-12. Jeroen Piket (Hollandi) og
Alexei Sírov (Spáni) 3,5 v.
Kasparov vann alla þá sem siðar
höfnuðu í einu af sex efstu sætun-
um en miður gekk honum með slak-
ari helming mótsins. Hann vann
Nikolic og Sírov, skákum hans við
Gelfand, Dreev og Piket lauk með
jafntefli, en í fjórðu síðustu umferð
tapaði Kasparov óvænt fyrir Vassily
Ivantsjúk, sem þá vermdi neðsta
sætið með 2 vinninga úr 7 skákum.
Eftir skákina beit Kasparov hins
vegar í skjaldarrendur og vann þær
skákir sem hann átti eftir. Ivantsjúk
reis einnig úr öskustónni og náði 3
vinningum úr 4 síðustu umferðun-
um.
Skemmtileg var skák Ivantsjúks
við Piket í næstsíðustu umferð.
Ivantsjúk, sem hafði engu að tapa
lengur, auk þess sem sigurinn móti
Kasparov hafði gefið honum aukna
von, beitti gamalreyndri skákbyrj-
un - kóngsbragði. Þessi byrjun þyk-
ir áhættusöm og er núorðið býsna
sjaldgæf á stórmótum.
Hvítt: Vassily Ivantsjúk
Svart: Jeroen Piket
Kóngsbragð.
1. e4 e5 2. f4 exf4 3. Bc4 c6 4. Rc3
d5!?
Algengari leikmáti er 4. - Rf6 en
leikur Hollendingsins er allrar at-
hygli verður. Hugmyndin kemur í
Umsjón
Jón LÁrnason
ljós í 6. leik.
5. exd5 Dh4+ 6. Kfl f3! 7. d3
fxg2+ 8. Kxg2 Rf6 9. De2+ Kd8
Hvíti kóngurinn er heldur
skjóllítill en nú er sá svarti ekkert
betur settur. Hins vegar gekk ekki
9. - Be7 vegna 10. d6.
10. De5! Df2+!?
Hvítur hótaði 11. Bf4 og svarið
við 10. - Rbd7 hefði orðið 11. Df4 með
góðu tafli. Svartur kýs því að
þvinga fram drottningakaup með
örlítilli leikfléttu.
11. Kxf2 Rg4+ 12. Kg2 Rxe5 13.
Bf4 Rg6?
Ógæfu svarts í framhaldinu má
rekja til þessa leiks. Betra er 13. -
Rxc4 14. dxc4 Bb4 og nú kann svart-
ur að vera nálægt því að jafna taflið.
14. Bg3 f6 15. Rf3 Bb4 16. Rd4
Bd7 17. Re6+ Bxe6 18. dxe6
Eftir mistök svarts í 13. leik hafa
línur skýrst. Eins og svo oft áður í
kóngsbragði á hvítur augljósa yfir-
burði í endataflinu, þökk sé bisku-
paparinu og óþægilegum frelsingj-
anum á e6.
18. - Re7 19. Hhfl Rc8 20. Re4
Ke7 21. Bh4 HfB
Hótunin var 22. Rxf6! o.s.frv.
22. c3 Bd6 23. Khl!
Hugmyndin með dularfullum
kóngsleiknum kemur í ljós i 30. leik.
23. - b5 24. Bb3 Ra6 25. a4! Rc7
26. axb5 cxb5 27. d4 a5 28. Hf3 a4
29. Ba2 Ha6 30. Hgl Re8 31. Hf5
a3 32. Hxb5 g5 33. Hb7+ Rc7 34.
Rxd6 Hxd6
Eða 34. - Kxd6 24. Bg3+ og vinnur.
35. Hxc7+ Kd8 36. Hf7
- og svartur gafst upp.
Tvö helgarmót
Aukin samkeppni hefur færst í
skáklífið á höfuðborgarsvæðinu.
Um síðustu helgi fóru fram tvö helg-
arskákmót i Reykjavík, annað á
vegum Taflfélags Reykjavíkur og
hitt á vegum Taflfélagsins Hellis.
Mótin voru með áþekku sniði, tefld-
ar atskákir, 7 umferðir.
Hannes Hlífar Stefánsson stór-
meistari sigraði glæsilega á móti
Hellis, sem haldið var í félagsheim-
ilinu í Mjódd. Hannes vann allar
skákir sínar, hlaut 7 v. Bragi og
Björn Þorfínnssynir deildu 2. sæt-
inu bróðurlega, fengu 5 v. og 4,5
vinninga fengu Gunnar Bjömsson
og Ólafur Kristjánsson. Þátttakend-
ur voru tuttugu.
Mót Taflfélags Reykjavíkur var
heldur fjölmennara, þar tefldu 32
keppendur. Sigurvegari varð for-
maður félagsins, Þröstur Þórhalls-
son stórmeistari. Hann fékk 6 v. af 7
mögulegum. í 2.-A. sæti urðu Tómas
Bjömsson, Einar Hjalti Jensson og
Rúnar Sigurpálsson með 5,5 v.
Þessi skemmtilega skák var tefld
í Faxafeni, þar sem ein efnilegasta
skákkona okkar leikur listir sínar.
Hvítt: Harpa Ingólfsdóttir
Svart: Matthías Kormáksson
Sikileyjarvörn.
1. e4 c5 2. Rf3 d6 3. d4 cxd4 4.
Rxd4 Rf6 5. Rc3 g6 6. f3 Bg7 7.
Be3 0-0 8. Dd2 Rc6 9. 0-0-0 Rxd4
10. Bxd4 Be6 11. g4 Da5 12. a3
Hfc8 13. h4 Hab8 14. De3 b5 15.
h5 b4 16. Rbl Db4 17. Hd2 a5 18.
hxg6 hxg6 19. Hdh2 Hc7 20. Ba6
Bb3 21. c3 Hc6 22. g5 Rh5 23.
Bxg7 Kxg7 24. f4 Hxa6 25. f5 bxc3
26. Rxb3 Hc8 27. Kd2 Dc6 28.
Dd4+ e5 29. fxe6+ frhl. Kf8 30.
Hxh5 gxh5 31. Dh8+ Ke7 32. Df6+
Ke8 33. Dxf7+ Kd8 34. Hxh5 De8
35. Hh8 og svartur gafst upp.
Fjöltefli Ivans Sokolovs
Skákhelgin á höfuðborgarsvæð-
inu verður hlaðin viðburðum.
Seinni hluti deildakeppni Skáksam-
bands íslands fer fram í Faxafeni. -í
1. deild er keppnin afar tvísýn, því
að einungis hálfur vinningur skilur
að efstu sveitirnar tvær. Reykjavík-
urfélögin, Taflfélag Reykjavíkur og
Taflfélagið Hellir bítast um sigur-
inn. TR hafði hlotið 25 vinninga úr
32 skákum, Taflfélagið Hellir 24,5 v.
í þriðja sæti kom Skákfélag Hafnar-
fjarðar með 15,5 v., Taflfélag Garða-
bæjar hafði 14,5 v., Skákfélag Akur-
eyrar 14 v., b-sveit TR hafði 13,5,
Taflfélag Kópavogs 12,5 og sveit
Skáksambands Vestfjarða hafði
hlotið 8,5 v.
Fimmta umferð var tefld í gær-
kvöldi og þá áttust við sveitir TR og
Hellis. Tvær síðustu umferðirnar
fara fram í dag, laugardag. Sú fyrri
hefst kl. 10 árdegis, og lokaumferðin
hefst kl. 17.
Þá er stórmeistarinn snjalli frá
Bosníu, Ivan Sokolov, í heimsókn
hér á landi um helgina í boði Skák-
skóla íslands og Taflfélags Reykja-
víkur. Hann verður gestakennari
við Skákskóla íslands, þar sem
margir efnilegustu skákmenn lands-
ins munu njóta tilsagnar hans og að
auki teflir hann almennt fjöltefli í
Faxafeni 12 á sunnudagskvöld kl.
20. Sokolov teflir við 30 manns og
munu þeir fyrstu sem skrá sig fá að
taka þátt. Öðrum er velkomið að
fylgjast með meistaranum að tafli.
Mikill fengur er að komu Sokolov
og langt er síðan erlendur stór-
meistari af þessum styrk hefur teflt
fjöltefli hér á landi.
Bridgehátíð 1997
bridge
Eins og kunnugt er af fréttum
rættist spá þáttarins að Ólympíu-
meistarar Frakka myndu vinna
sveitakeppnina, enda tvímælalaust
með bestu sveitina. Þótt þeir ynnu
hins vegar alla sina leiki nema einn
var sigurinn ekki eins afgerandi og
búast mátti við því fyrir síðustu
umferðina áttu þrjár sveitir mögu-
leika á sigri. Reyndar töpuðu
Ólympíumeistaramir síðasta leikn-
um gegn sveit Hjördísar Eyþórsdótt-
ur, 10-20, en hinar sveitirnar, sem
áttu möguleika, töpuðu einnig stórt
og því fór sem fór.
Lokastaðan í sveitakeppninni var
sem hér segir:
Frakkland 198
VÍB 187
Hjördís 186
Landsbréf 185
Roche 181
Sveit Marks Feldmans varð í sjö-
unda sæti og sveit Indónesa náði sér
aldrei á strik og endaði í 23. sæti
með 163 stig.
Sveit Roche var langefst í mótinu
framan af og mætti Ólympíumeist-
urunum í sjöundu umferð. Þar var
hart barist en leiknum lauk með
stórsigri Frakkanna.
Við skulum skoða eitt spil frá
leiknum.
I lokaða salnum sátu n-s Cronier
og Szwarc en a-v Hrólfur og Oddur
Hjaltasynir. Hrólfur hóf sagnir á
sterku laufi:
4 862
•* D9873
♦ K2
* 653
* ÁK
K642
* ÁG64
* K87
4 DG109743
*Á
♦ D3
* DG4
A/N-S
Austur Suður Vestur Noröur
14 14 dobl pass
1G 24 34* 34
3G pass * tígullitur pass pass
Szwarc spilaði náttúrlega út
spaðadrottningu og þetta þunna
geim virtist dauðadæmt. En eitt-
hvað varð að gera og Hrólfur spilaði
tígulás og meiri tígli. Tígul-legan
var góðar fréttir en samt voru ekki
nema átta slagir í augsýn.
Hrólfur tók nú tígulslagina, norð-
ur kastaði tveimur hjörtum og ein-
um spaða, Hrólfur mátti missa eitt
Ólympíumeistarar Frakka.
hjarta og Szwarc hikaði aðeins en
kastaði síðan tveimur spöðum og
einu laufi.
Hrólfur var ekki með stöðuna á
hreinu. Hann spilaði nú laufási og
þegar drottningin kom frá Szwarc
svínaði hann laufatíu næst. Szwarc
átti afganginn af slögunum, tveir
niður og 100 til n-s.
í opna salnum, á sýningartöfl-
unni, sátu n-s Haukur Ingason og
Jón Þorvarðarson en a-v Levy og
Mari. Aftur varð lokasamningurinn
3 grönd, en í þetta sinn var Ólymp-
íumeistarinn Mari við stjórnvölinn.
Jón spilaði út spaðadrottningu og
fyrstu slagimir voru eins og i lok-
aða salnum.
Þegar Levy tók síðan tígulslagina,
auglýsti Jón erfiðleika sína með að
hugsa sig út í horn. Að lokum losaði
hann sig við þrjá spaða og Levy spil-
aði þá hjartagosa og lét hann róa
yfir. Hann kostaði ásinn og þá var
spilið ömggt.
Umsjón
Stefán Guðjohnsen
Reyndar hefði Levy áreiðanlega
unnið spilið, þótt hann hefði getið
vitlaust í hjartað, því Jón hlaut að
eiga litlu hjónin í laufi.
Það vom því 11 impar til Frakka
sem unnu leikinn stórt.
Aöalfundur
íslenskra sjávarafuröa hf.
veröur haldinn föstudaginn 4. apríl 1997
f Súlnasal Hótel Sögu og hefst hann kl. 9.00
Dagskrá:
1. Venjuleg aöalfundarstörf skv. 8. gr. samþykkta félagsins.
2. Breytingar á samþykktum: Tillaga þess efnis aö hið enska
heiti félagsins „celand Seafood International plc” veröi fellt
inn f samþykktir félagsins (1 gr.).
3. Tillaga þess efnis aö íslenskum sjávarafuröum hf. veröi
heimilaö aö eignast eigin hluta aö nafnveröi allt aö 90 milljónir
króna, sbr. 2. og 3. mgr. 55 gr. laga nr. 2/1995 um hlutafélög.
4. Önnur mál, löglega upp borin.
íslenskar sjávarafuröir hf.
♦ 5
4» G105
+ 109875
* Á1092