Dagblaðið Vísir - DV - 16.08.1997, Blaðsíða 4

LAUGARDAGUR 16. ÁGÚST 1997 JLjP"V
Jféttir
Dragnótabátar sagöir fleygja þorski og skemma lífríki ÖnundarQarðar:
Öfund trillukarla
- segir Magnús Kristjánsson á Mýrafelli ÍS
„Það er bara rugl að við hendum
þorski og skemmum lífríkið. Við
hirðum þann þorsk sem kemur um
borð. Þessar gróusögur eru upp-
spuni frá rótum og við viljum ekki
sitja undir þeim áburði. Þetta snýst
bara um öfund einstakra trillukarla
sem mega hvorki sjá togara né drag-
nótarbát án þess að beita fyrir sig
lygi til að ófrægja aðra sjómenn.
Þetta á alls ekki við um alla trillu-
karla, flestir horfa á þetta jákvæð-
um augum,“ segir Magnús Krist-
jánsson, skipstjóri á Mýrafelli ÍS,
vegna þess orðróms að snurvoðar-
bátar veiði þorsk inni á Önundar-
firði og hendi dauðum fyrir borð
vegna kvótaleysis.
DV fór í róður með Magnúsi á
fímmtudag, og fylgdist með veiðun-
um örskammt frá Flateyri en aðeins
er nokkurra mínútna sigling á mið-
in. Þess má til gamans geta að fjög-
urra manna áhöfn bátsins borðar á
stundum hádegismat á Vagninum
þannig að ekki fer mikið fyrir
matseld um borð. í ferð DV með
Mýrafelli var afli takmarkaður og
þorskur vart sjáanlegur og hver ein-
asti fiskur hirtur.
Lítiö um þorsk
„Það hefur verið lítið um þorsk í
dragnótina inni á Önundarfirði eins
og margir vilja halda fram. Ýsa og
koli hefur verið uppistaða aflans. Á
mínu skipi tíðkast ekki að henda
Magnús skipstjóri segir að í stað
þess að skemma lífríkið, eins og
sumir haldi fram, hirði þeir alls kyns
drasl af sjávarbotninum. Veiðarnar
séu því umhverfisvænar og hressi
lífríki fjaröarins viö.
þorski en ég þekki ekki hvemig
þessu er háttað á öðrum bátum. Ég
vil þó ekki trúa því að menn séu að
drepa þorsk til þess eins að fleygja
honum,“ segir Magnús.
DV hefur heimildir fyrir því að
einstakir dragnótarbátar hafi veitt
þorsk en losað frá pokanum beint í
hafíð aftur. Tekið skal fram að þar
er ekki um að ræða Mýrafell en þeir
sem þetta hafa gert segja þorskinn
lifa ef honum sé þannig sleppt strax
aftur. Þar vitna þeir til fiskifræð-
inga sem haldi því fram að slíkt
skaði ekki.
Nokkur óánægja hefur verið á
Flateyri vegna veiða „uppi i kál-
görðum“ eins og það hefúr verið
orðað. Sumir viija láta loka firðin-
um fyrir öðrum fiskveiðum en
krókaveiðum. Magnús segir um að
ræða misskilning og að dragnótin
skemmi ekki lífríki fjarðarins, því
sé þveröfugt farið.
Hreinsunarstarf
„Þetta hressir upp á lífríkið og
fiskgengd eykst við þessar veiðar
okkar. Snurvoðin skaðar ekki botn-
inn vegna þess hversu létt hún er.
Við höfum þvert á móti verið að
vinna hér ákveðið hreinsunarstarf
þar sem mikið af alls kyns rusli hef-
ur komið upp með veiðarfærinu og
við höfum sett það í land,“ segir
hann. Sem staðfestingu á þessum
orðum Magnúsar kom gamalt
ankeri upp með snurvoðinni.
„Það hefur meira að segja vakið
athygli ferðamanna að við skulum
koma með þetta að landi. Það var
kona hér á ferðalagi sem horfði á
okkur hífa þetta í land og hafði sér-
staklega orð á því að þetta hefði hún
aldrei séð áður,“ segir Magnús.
-rt/-rr
Um borö í Mýrafeliinu á Önundarfiröi. Afli var frekar dræmur en allur fiskur,
sem kom í nótina, var nýttur.
DV-myndir Róbert Reynisson
Málverk eftir listaköttinn Loka:
Snöggtum betri
málari en mörg
mannskepnan
- segir Aðalsteinn Ingólfsson listfræðingur
„Það sem ég hef séð af þessum verkum er
um að ræða svokallaðar ljóðrænar afstrakt-
sjónir. Ef kötturinn er höfundurinn að þeim
verkum sem þarna um ræðir er hann
snöggtum betri málari en mörg mannskepn-
an sem málar í þessa veru,“ segir Aðal-
steinn Ingólfsson listfræðingur um mál-
verkin eftir myndlistarköttinn Loka.
Listasafn Akureyrar hefur sem kunnugt
er keypt nokkur málverk eftir Loka.
Verkin hafa vakið allmikla hriftiingu
meðal flestra Akureyringa en myndlistar-
menn noröan heiða eru misánægðir með
þetta. Sumir segja þetta með eindæmum
kjánalegt þar sem verið sé að ráðstafa fjár-
munum sem safhið hafi til kaupa á mynd-
list og skattgreiðendur borgi. Aðrir telja
kaupin sýna aukinn frumleika og víðsýni
listasafnsins.
Kattarsporin
„Mér sýnist nú sem Snorri Ásmundsson,
eigandi kattarins Loka, eigi samt mest í
þessum verkum. Hann virðist nota spor
kattarins og yfirklór eins og tilviljunar-
kennt inngrip í það sem hann sjálfur er að
gera, og kveikju að ýmiss konar hugmynd-
arhvarfli, sem er algengt meðal listamanna.
Ég held að ekki sé hægt að bera þetta sam-
an við tilraunir fólks úti í heimi til að láta
apa eða önnur dýr búa til málverk. Vilji
Listasafn Akureyrar eiga þessar myndir
hljóta að liggja gildar ástæður fyrir því. Þar
á bæ eru menn ekki skyni skroppnir,“ seg-
ir Aðalsteinn um verkin.
Ánægður meö kaupin
Snorri Ásmundsson, myndlistarmaður
og eigandi Loka, segist afar ánægður með
kaupin, fyrir sína hönd og kattarins.
Haraldur Ingi Haraldsson, forstöðumað-
ur listasafhsins, segir að verk Loka hafi
verið ódýr. Hann segir að kötturinn hafi
ekki verið einn að verki því að eigandi hans
eigi töluvert í verkunum. -RR
Tvö af verkum Loka sem Listasafn
Akureyrar hefur keypt. Aöalsteinn
Ingólfsson listfræðingur segir
þetta vera Ijóörænar afstraktsjónir.
Aðalsteinn segir að ef kötturinn sé
höfundur verkanna sé hann
snöggtum betri málari en mörg
mannskepnan sem málar í þessa
veru.
Snorri Ásmundsson myndlistarmaður með listakött sinn, Loka, í fanginu. Listasafn
Akureyrar hefur keypt nokkrar myndir eftir köttinn.