Dagblaðið Vísir - DV - 23.03.1998, Side 12
12
MÁNUDAGUR 23. MARS 1998
Spurningin
Hvaða íþróttamaður er í
uppáhaldi hjá þér?
Björn Guðmundsson, fyrrv. flug-
stjóri: Kristinn Björnsson.
Kristrún Jónsdóttir húsmóðir:
Kristinn Bjömsson og Vala Flosa-
dóttir.
Jón Helgi Hólmgeirsson, 9 ára:
Magnús Scheving.
Steinar Þór Ólafsson, 9 ára: Krist-
inn Bjömsson.
Árni Mathiesen alþingismaður:
Lee, markvörður í FH.
Magnús Benjamínsson: Jón Amar
Magnússon.
Lesendur
Almannafé og
ríkisfjármál
Þingmenn eru ekki þeir einu sem teljast gera þjóðinni gagn, segir m.a. í bréfinu.
K.H. skrifar:
Allir eru nú upplýstir um hve
lág launin eru hér á landi miðað
við önnur lönd, en þó erum við
íslendingar taldir vera með 10
ríkustu þjóðum heims.
Meirihluta þjóðarinnar sem
vinnur á ekki að vanmeta. Þing-
menn eru ekki þeir einu sem
teljast gera þjóðinni gagn. Setja
ætti reglur, svo að þeir komist
ekki upp með brask og hrossa-
kaup og takmarka ætti hve mik-
ið þessir menn mega útdeila
miklu fé úr ríkissjóði. Ýmis fríð-
indi sem þeir fá ætti að afnema.
Hvers vegna geta þeir ekki greitt
utanlandsferðir sínar eða ráð-
herrar fyrir bilana sem þeir aka
á? Allir aðrir í landinu þurfa að
greiða þetta af sínum eigin laun-
um - eða svo til allir - þótt þau
laun séu lægri.
Þótt nýverið sé búið að gera
launasamninga ættu margar lág-
launastéttir í raun að krefjast endur-
skoðunar á þeim og krefjast hærri
launa. Laun eru enn þá ekki mann-
sæmandi, þrátt fyrir þá hækkun sem
varð. í raun er varla hægt að tala um
launahækkun. Það eru einfaldlega
settir á fleiri skattstofnar og þeir
sem fyrir eru hækkaðir, eða viðbót-
ar-þjónustugjöld til að ná pening-
unum aftur inn í ríkiskassann.
Er verkalýðsforingjum greitt und-
ir borðið til að halda launum niðri?
Maður freistast til að halda að svo
sé. Hvers vegna hafa þeir sjálfir
ekki sömu laun og fólkið i verka-
mannafélögunum sem þeir eru að
semja fyrir? Eru þau laun ekki
verkalýðsforingjunum bjóðandi?
Gætu þessir menn, að meðtöldum
þingmönnum, sætt sig við að vera
með 62.000 til 70.000 krónur á mán-
uði? Fyrri talan er undir skattleys-
ismörkum eins og þeir telja sjálfir
vera nóg fyrir aðrar fjölskyldur og
einstaklinga. Og þaö þrátt fyrir að
matvöruverð hér á landi sé um
250% hærra en í Bandaríkjunum
eins og fram kom í DV fyrir
nokkrum dögum. - Það mátti einnig
lesa í DV fyrir skömmu að þeir í
ESB spurðu hvort það væru ekki
verkalýðsfélög á íslandi!
Það er nóg af peningum í ríkis-
sjóði, þótt ráðamenn segi annað þeg-
ar hækka þarf laun láglaunafólks.
Þeir tala enda ekki um tóman ríkis-
sjóð þegar þeirra eigin laun eru
hækkuð og af þeim sjálfum. Ég vil
ekki saka saklausa menn um þjófn-
að, en þessi ríkisfjármál þarf að
kanna niður í kjölinn og það um-
svifalaust.
Allsherjarþing Bænda-
samtaka íslands
Valur Fr. Jónsson skrifar:
Hvað eru allir þessir menn að gera
á „allsherjarþing" Bændasamtaka ís-
lands? Þessir menn eru allir for-
menn í búnaðarsamböndum sem
hvert um sig er talið eiga 5.000.000
króna hlut í norðvesturbandalaginu
en þær milljónir voru veittar búnað-
arsamböndunum sem styrkur úr
sjóðakerfmu til kaupa á hlutabréfum
i áðurnefndu norðvesturbandalagi.
Þau hlutafjárkaup voru víst ekki
borin undir atkvæði almennra fé-
lagsmanna í búnaðarfélögunum. -
Auk þess sem einn þeirra mun vera
stjórnarformaöur í kaupfélagi og
ennfremur stjórnarmaður í norð-
vesturbandalaginu.
Én hverjum á að vera trúr og fyr-
ir hverja á að vinna? Geta menn með
trúverðugum hætti setið á tveimur
og þremur stöðum við sama borðið
og samið við sjálfa sig fyrir hönd
tveggja og þriggja hagsmunaaðila?
Þessir menn hljóta að hafa, líkt og
aðrir, möguleika á að kynna sér
stjórnsýslulög og samkeppnislög en
þeir hinir sömu vita mikið betur en
margir aðrir að i landbúnaðarpólitík
á íslandi hefur tíðkast og tíðkast enn
ýmislegt sem er löglegt en algjörlega
siðlaust. - Þar sem sömu menn kjósa
sömu menn til margra starfa árum
og jafnvel áratugum saman.
Er ekki eitthvað til sem kallað er
miðstýring og haftastjórn? Það er
vitanlega rétt hjá framkvæmdastjór-
anum að viðskipti með landbúnaðar-
vörmr hljóta að lúta sömu lögmálum
og viðskipti með aðrar vörur. Þvi
lengri framleiðslutími þeim mun
meira af fersku kjöti fyrir ánægða
neytendur. - En það er hvorki gamla
né nýja miðstýrða kaupfélagskerfinu
þóknanlegt.
Flugleiðir við aldamót
Aðhaldiö fyrir bí? - Frá aöalfundi Flugleiða hf. sl.
fimmtudag.
Hluthafi hringdi:
Þessa dagana hefur maður verið
að lesa hugleiðingar og fréttir um
afkomu Flugleiða hf. sem héldu að-
alfund sl. fimmtudag. - Margt er
enn óljóst um þróun og afkomu
þessa stærsta flugfélags okkar nú
undir aldamótin. Eitt er þó næsta
öruggt; íslendingar vilja eiga ís-
lenskt millilandaflugfélag svo lengi
sem unnt er.
Stjórnarformaður gat þess fyrir
fáum árum að brýnt væri fyrir flug-
félög í örum vexti eins og Flugleiðir
að gæta fyllstu varkárni í útgjöldum.
í síðasta tölublaði Viðskiptablaðsins
er spurt, eftir að hafa vitnað til þess-
ara orða stjórnarformanns: „Hefur
framkvæmdastjórn fyrirtækisins
brugðist aðhaldshlutverki sinu eða
telur stjórnin
ekki lengur mikil-
vægt að gæta
fyllsta aðhalds?"
Ég held að vandi
Flugleiða í dag
liggi að mestum
hluta í slæmum
ráðgjöfum innan
fyrirtækisins, og
það fleiri en ein-
um. Fram-
kvæmdastj óram-
ir, sem eiga að
vera sérfræðing-
ar, hver á sínu
sviði, eru þeir
sem eru forstjóra
til ráðuneytis og
stýra sínum sér-
sviðum. Mér er
til efs að allir
þeirra séu menn til að valda því
hlutverki. - Það yrðu landsmönnum
engin gleðitíðindi að frétta skyndi-
lega, að eina úrræðið fyrir Flugleið-
ir hf. væri að sameinast SAS eða
öðru stærra erlendu flugfélagi.
Enn fleiri jarð-
göng
Gunnar hringdi:
Ég vil taka undir með þeim
Mýrdælingum og öðrum á fundi í
Vík nýlega þar sem ræddar voru
umferðartruflanir á þjóðveginum
austur úr. Göng gegnum Reynis-
fjall eru sögð stytta leiðina um
hringveginn um allt að 4 kíló-
metra og heiðin er oft eina hindr-
unin til að komast klakklaust
austur eftir þegar snjór er yfir.
Hvers vegna eigum við að sætta
okkur við að fá ekki jarðgöng þar
sem fjölfarið er og mannfjöldinn
er miklu meiri en t.d. á Vestfjörð-
um? Jarðgöng eru varanleg og
þau leysa farartálma um íjalllendi
og heiðar.
Tölvuvandinn
árið 2000
Helgi Sig. skrifar:
Er ekki óþarfi að búast við
miklum vandræðum í tölvukerf-
um almennt árið 2000? Enn hefur
ekkert komið fram sem sannar að
vandamál skapist. Menn biðja nú
unnvörpum að fá þennan vanda
greindan og hvað eigi að varast -
ef eitthvað. Og svo spyrja menn
líka: Geta ekki allir tölvusérfræð-
ingarnir leyst umræddan vanda á
einu og hálfu ári eða þeim tæpu
tveimur sem eru til aldamótanna?
Mér finnst vera gerður úlfaldi úr
mýflugu sem enginn veit þó hvort
er til staðar því enginn hefur séð
hana enn.
Maður úr
kjördæminu
Einar Gíslason hringdi:
Alltaf er það eins í pólitíkinni
þegai- ráða skal menn til embætt-
isfærslu. Þá er það ýmist skyld-
menni, góðkunningi, nú eða
traustur maður úr kjördæminu,
sem tekinn er fram yfir aðra sem
sækja. Þannig sýnist mér það
einmitt vera nú þegar ráðinn er
maður í stöðu varalögreglustjóra
Reykjavíkur. Maður úr kjördæmi
dómsmálaráöherra er ráðinn. Um
stöðuna sóttu svo valinkunnir
embættismenn aðrir sem maður
hefði haldið að fengju að ganga
upp í starfi. En það er eins og í
bönkunum, þar eiga bankamenn
ekki greiða götu heldur póli-
tíkusamir, ferskir eða aifdankaðir
eftir atvikum.
Um hvað snúast
stjórnmál?
Egill Egilsson skrifar:
Mér finnst í hæsta máta undar-
legt þegar manneskja, sem gefur
kost á sér til þátttöku í stjórnmál-
um, lýsir því yfir að hún hafi eng-
an áhuga á pólitík. Anna Geirs-
dóttir, sem er í 9. sæti R-listans í
Reykjavík, hefur hvarvetna ítrek-
að þetta. Þekkingarleysi má fyrir-
gefa hverri manneskju, enda auð-
velt að bæta það upp með fræðslu
og síðar reynslu. En hafi karl eða
kona ekki áhuga á því og lýsi því
sérstaklega yfir þá er vart von til
þess að hann/hún hafi það sem
þarf eða verði góður þjónn al-
mennings. Eftir stendur þá spum-
ingin um hvað réð þessu vali og
um hvað stjómmál snúast yfir-
leitt.
Eiður og
Keikó heim
Jón Gunnarsson hringdi:
Hvað eiga Eiður Guðnason
fyrrv. sendiherra og Keikó sam-
eiginlegt? Jú, þeir verða báðir á
heimaslóðum á ný eftir áralanga
dvöl erlendis. Kannski kemur það
í hlut Eiðs sem sendiherra auð-
linda og umhverfismála að hafa
umsjón með málum Keikós því
auðlind verður Keikó talinn og
umhverfi hans verður sannarlega
vemdað. Allir þekkja Keikó sem
hefur ekkert breyst en Eiður er
nær óþekkjanlegur með skeggið
sitt. Hann verður því að kynna
sig rækilega eftir heimkomuna.