Dagblaðið Vísir - DV - 27.04.1998, Blaðsíða 10

10
MÁNUDAGUR 27. APRÍL 1998
HÁRSNYRTIVÖRUR 'gí
G Wfin? 'f
Rakarastofan
Kiapparstíg
Fréttir
Algjör uppstokkun fyrirsjáanleg í bæjarstjórn ísafjarðarbæjar:
Harða flokkapólitíkin í kreppu
Er kominn tími
til aö skipta um
síu í bílnum?
FRAM ábyrqð
PENNZOIL
SMURSTOÐ
Hjallahrauni 4, Hafnarfirði
Sími 565 4440
WWW. FRAMEUROPE.NL
í eina tíð var ísafjörður gjarnan
kallaður Rauði bærinn vegna öflugr-
ar stöðu krata og harðrar pólitíkur
sem þar var rekin. Upp úr því um-
hverfi spruttu margir þjóðkunnir
menn á borð við Hannibal Valdimars-
son, Matthías Bjamason og fleiri sem
þekktir voru um allt land fyrir að
standa fast á sinni meiningu, ekki
síst þegar hart var að þeim sótt. Þessa
ímynd hafa ísfirskir pólitíkusar hald-
ið allt fram á þennan dag, enda hefur
bæjarmálapólitíkin iðulega einkennst
af mikilli hörku. Þegar ísafjarðar-
kaupstaður sameinaðist þorpunum
vestan heiða undir heitinu ísafjarðar-
bær komu upp raddir sem vildu
breyta pólitískum áherslum. Fólk
sagði sem svo að það þyrfti nýja hugs-
un og leggja yrði niður flokkspólitísk
landamæri. Þegar kosið var til nýrrar
bæjarstjómar í sameinuðu sveitarfé-
lagi fyrir tveim árum virtust gömlu
flokkarnir ekki átta sig á þessari
kröfu almennings og voru listar því
skipaðir samkvæmt viðteknum hörð-
um pólitískum forsendum. Þá varð til
framboð framhaldsskólanema undir
nafhinu Funklisti.
Grínframboö
Upphaflega var þetta Funklista-
framboð hreint grín, stofnað til að
hleypa skemmtilegri umræðu í kosn-
ingamar. Grínið varð þó fljótt að al-
vöru þegar nálgaðist kosningar og
enn frekar þegar úrslit lágu fyrir.
Fólkið sem hafði viljað nýja hugsun
í pólitíkina og gömlu flokkamir
höfðu ekki hlustað á sneri sér auð-
vitað að þeim eina valkosti sem
mögulegur var í stöðunni, nefnilega
Funklistanum. Útkoman varð stór-
sigur grínframboðsins sem fékk tvo
kjörna fulltrúa í bæjarstjórn og varð
þar með að fúlustu alvöru. Þrátt fyr-
ir sigurinn voru þeir litnir homauga
af gömlu flokkunum sem ekkert
vildu með þá hafa í stjómarmyndun-
arviðræðum. Niðurstaðan varð því
sú að sjálfstæðismenn og kratar
mynduðu meirihluta og samstarfs-
sáttmáli var undirritaður í Vest-
fjarðagöngum, langt undir yfirborði
jarðar. Þar olli sólóleikur kratans
Sigurðar Ólafssonar í myndun meiri-
hlutans miklum titringi innan Al-
þýðuflokksins.
Þrátt fyrir nokkuð nýtt pólitískt
landslag þurfti varla að búast við að
óreyndir framhaldsskólapiltar geröu
stórar rósir í bæjarmálapólitíkinni
en eftir á má ef til vill segja að þeir
hafi sökum reynsluleysis klúðrað
tækifæri til að gera stóra hluti. Ein-
hvem veginn tókst þeim ekki að
komast út úr grínímynd sinni og
urðu þar af leiðandi aldrei það afl í
bæjarstjórninni sem atkvæðastyrkur
Funklistans hefði átt að gefa þeim.
Gamlir pólitískir refir beittu líka
reynslu sinni óspart gegn óhörönuö-
um ungmennunum og oft af mikilli
hörku. Reyndar varð það pólitísk
m
átt
von á góðum Degi
/

MeÖal vinninga
er sælkeraveisla
á veitingakúsinu
Lækj ark r ekku.
Lestu blaðið ogtaktuþátt > leiknum!
xzo oooo
W I'ú grciðir ekkert umfram vcnjulegt ifintal
Blásiö hefur um Þorstein Jóhannesson og Sigurð Ólafsson á kjörtímabilinu.
harka sem varð meirihluta sjálfstæð-
ismanna og krata að falli er tekist
var á um byggingamál gnmnskól-
ans. Þar hitnaði verulega í kolunum
og hugmyndir sjálfstæðismanna um
að kaupa Norðurtangann undir
skóla urðu til þess að bæjarstjórnar-
flokkur sjálfstæðismanna riðlaðist
og meirihlutinn sprakk í lok nóv-
ember. Þá notaði bæjarstjórinn,
Kristján Þór Júlíusson, tækifærið til
að yfirgefa svæðið á leið sinni inn á
lista sjálfstæðismanna á Akureyri.
Ný bæjarstjórn
Ný stjórn vinstri aflanna var
mynduð og sátu Fxmklistamenn og
sjálfstæðismenn því í minnihluta.
Síðan hefur lítið
farið fyrir opin- ^—j-------------
berri umræðu um
skólamálin og al-
menningur lítt ver-
ið upplýstur um
áform um að
byggja nýjan skóla
á Torfnessvæðinu.
Ýmsir hafa bent á 1 3
að hægt sé að fara
ódýrari leiðir á núverandi skólalóð og
því hlýtur bæjarstjóm að skulda al-
menningi skýringar á því hvers
vegha það sé ekki hægt. Það má því
búast við að mestur slagurinn í kosn-
ingabaráttunni sem framundan er, ef
einhver verður, snúist um byggingu
grunnskóla á ísafirði. Fyrir komandi
kosningar hefur Funklistaframboðið
sem ekki býður fram aftur og krafa
fólksins um nýja hugsun haft þau
áhrif að hrein ringulreið hefur verið
innan allra gömlu flokkanna. Menn
minnast útreiðarinnar frá því í síð-
ustu kosningum þar sem öflugu ísa-
íjaröarkratarnir nánast þurrkuðust
út vegna Funklistaframboðsins og
íhaldið náði ekki þeim styrk sem það
taidi sig eiga tilkall til með yfirlækn-
inn í forystusæti. í allan vetur hafa
flokkamir því verið að glima við það
hlutverk að setja saman lista sem
helst gæti þóknast breyttum pólitísk-
um forsendum. Reyndin varð sú að
mjög erfiðlega gekk að finna fólk í
forystuhlutverk við þessar aðstæður
og átti það við alla gömlu flokkana.
Sameining en...
Fyrirhuguð sameining allra vinstri
manna undir einn hatt með þátttöku
ffamsóknarmanna gekk ekki að öllu
'úÁi' úúmÆWK
leyti upp. Þó tókst að setja saman
sameiginlegan lista Alþýðuflokks, Al-
þýðubandalags, óháðra og Kvenna-
lista. Forystusætið er skipað Bryndísi
Friðgeirsdóttur, Alþýðubandalagi,
sem hefur talsverða reynslu af sveit-
arstjórnar- og félagsmálum. Oddviti
krata, Sigurður Ólafsson, sem verið
hefur mjög umdeildur innan síns
flokks, skipar siðan annað sætið í
þessu sameiginlega framboði. Fram-
sóknarmenn settu fram eigin lista
sem eins og hjá öðrum gekk ekki
hljóðalaust fyrir sig að búa til. Þar er
nýr maður í forystusæti, Guðni Jó-
hannesson, sem kemur í stað gömlu
kempunnar Kristins Jóns Jónssonar.
Guðni hefur ekki verið mikið í póli-
tísku sviðsljósi þó hann þekki vel til
á bak við tjöldin.
Nýr oddviti D-lista
Eftir miklar og erfiðar fæðingar-
hríðir þar sem fyrirhugað prófkjör
var m.a. blásið af vegna manneklu
kynntu sjálfstæðismenn svo lista með
nýrri manneskju í fyrsta sæti. Þar er
um að ræða fjölmiðlafræðinginn
Birnu Lárusdóttur sem hefur enga
reynslu í bæjarpólitíkinni en er vel
þekkt rödd í útvarpi. Með henni er
tvær konur í efstu sætunum, önnur
með nokkra pólitíska reynslu en hin
óþekkt á þessum vettvangi. Oddvitinn
sjálfur frá því síðast, Þorsteinn Jó-
hannesson, vermir síðan fimmta sæt-
ið og mun því aðeins ná kosningu að
flokkurinn nái hreinum meirihluta.
Öll þessi framboð skilja eftir sig tals-
verða úlfúð á bak við tjöldin og viðbú-
ið að margir muni ekki kjósa sam-
kvæmt viðtekinni hefð. Kosningarnar
í vor hafa því trúlega aldrei verið jafn-
óskrifað blað og nú. Að sumu leyti
hefur álit almennings fyrirfram unnið
nokkurn sigur. Það hefur verið gerð
uppstokkun á fólki á listum flokkanna
en sú tilfinning að flokkspólitík eigi
ekki heima í sveitarstjórnarmálunum
á enn nokkuð í land með að öðlast al-
mennan skilning.
Þvert á flokkslínur
Það er því alveg óljóst hvað sú
hreyfing sem skóp sigur Funklistans
gerir. Þar er á ferðinni stór hópur
fólks sem tilbúið er að kjósa þvert á
allar flokkslínur. Sá hópur er það stór
að hann getur haft úrslitaáhrif í kosn-
ingunum. Það virðist samt vera að
flokkarnir hafi þrátt fyrir allt skilið
þennan styrk og bendir niöurröðun á
listana til að
--------------— menn þori ekki
lengur að líta
fram hjá vilja
óflokksbundinna
• borgara. Mikil
umræða hefur
verið um óskil-
greint, óflokks-
bundið framboð.
Ekkert bendir þó
til að af þvi verði. Ásthildur Cesil
Þórðardóttir setti upp kosningaleik í
vikublaðinu Vestra fyrir skömmu þar
sem fólk var hvatt til að setja saman
lista með níu nöfnum sem það vildi
helst sjá í framboði. Reglur leiksins
gerðu það að verkum að tiltölulega
fáir samtaka aðilar gátu haft veruleg
áhrif á niðurstöðuna. Þar vakti at-
hygli hversu Úlfar Ágústsson kaup-
maður fékk afgerandi góða útkomu í
hópi 97 aðila sem tilnefningu hlutu.
Útkoma Úlfars er þó í nokkuð góðum
takti við andófið við heföbundnu
flokkana. Þó Úlfar sé yfirlýstur sjálf-
stæðismaður þá veit fólk að hann hef-
ur aldrei látið flokkslínuna segja sér
fyrir verkum. Hann rekst sem sagt
illa í flokki, eins og kallað er. Að því
leyti undirstrikar þessi leikur reynsl-
una frá síðustu kosningum, fólk kýs
þvert á flokkapólitíkina og atkvæðin
hafa aldrei verið jafnmikið í lausu
lofti. Það eru því tvær spurningar sem
ekki verður svarað fyrr en talið hefur
verið upp úr kjörkössunum: Önnur er
sú hvaða framboði tekst best að
ávinna sér traust almennings. Hin er
sú hvort almenningur sé bara ekki
orðinn hundleiður á öllum vandræða-
ganginum og mæti hreinlega ekki á
kjörstað.
Innlent
fréttaljós
Hörður Kristjánsson