Dagblaðið Vísir - DV - 08.12.1998, Blaðsíða 14

14
ÞRIÐJUDAGUR 8. DESEMBER 1998
Glæsilegur hópur. Sumum kornabörnum
finnst ekki gott að láta nudda sig í fyrsta
skipti. Litlu líkamarnir eru viðkvæmir enda til-
tölulega nýkomnir í heiminn. Viðkvæmnin
minnkar smátt og smátt og sá dagur kemur
að börnunum finnst voða gott að láta mömmu
og pabba nudda á sér fæturna, magann,
handleggina og andlitið.
Ungbamanudd gerir foreldra
og börn þeirra enn nákomn-
ari hvort öðru. Það getur lag-
fært líkamleg óþægindi hjá
kornabarninu auk þess sem
það getur haft áhrifá líkam-
legan og andlegan þroska
þess. Ungbarnanudd getur
líka hjálpað nýbökuðum
mæðrum sem eiga við fæðing-
arþunglyndi að stríða.
Magakrampi getur horfið
Þau kynntust betur
Ingibjörg Sigrún Stefánsdóttir
landfræðingur og Aðalsteinn
Leifsson flugumferðarstjóri
eignuðust sitt fyrsta barn 28.
september. Frumburðurinn er son-
ur sem heitir Stefán Friðrik.
„Hann var óvær og stundum
með magakrampa áður en við Að-
alsteinn fórum með hann í ung-
barnanudd. Hvort sem það er
nuddinu að þakka eða einhverju
öðru þá hefur það gengið til baka,“
segir Ingibjörg. Stefán litli sefur
vært úti í vagni. „Fyrst fannst
honum óþægilegt að láta nudda sig
og lét okkur vita af því. Honum
finnst það hins vegar ágætt núna.
Hann þurfti að læra á þetta eins og
við.“
Ingibjörg segir að hún og Aðal-
steinn hafi valið að fara með son-
inn í ungbarnanudd vegna þess að
þau töldu að það væri gott bæði
fyrir hann og þau. „Það gefur okk-
ur góðar stundir til að vera sam-
an. Við Stefán Friðrik kynntumst
líka betur og ég þekki betur til-
finningar hans og viðbrögð. Ég er
fljótari að komast að því hvað það
er sem hann vill.“
Ingibjörg segir að ungbarna-
nuddið hafi gefið sér tækifæri til
að komast út á meðal fólks. Hún er
tiltölulega nýbúin að ljúka námi
og vann alltaf samhliða því. „Ég
hef líka mætt á mömmumorgna og
seinna í vetur ætlum við Aðal-
steinn með strákinn í ungbarna-
sund. Ég hef heyrt að það sé gott
fyrir börnin og líka fyrir mæðurn-
ar.“
-SJ
Nýlegar rannsóknir hafa
sýnt fram á að nudd í
bernsku er nauðsynlegt
fyrir líkamlegan og andlegan
þroska," segir Þórgunna Þórarins-
dóttir svæðanuddari sem kennir
ungbamanudd. „Það er Ruth Di-
ane Rice, bandarískur sálfræðing-
ur, hjúkrunarfræðingur og sér-
fræðingur í þróun á frumbernsku-
stigi, sem hefur staðið að þessum
rannsóknum. Þær sýna jafnframt
fram á að nudd hraðar bæði tauga-
og heilaþroska auk þess sem það
hefur góð áhrif á líkamsvöxt og
hormóna- og frumustarfsemi."
Þórgunna segir að ungbarna-
nudd hjálpi mörgum börnum til að
sofa betur auk þess sem það hefur
reynst vel við ungbarnakveisu og
lofti í þörmum. Einnig virðist
nudd örva hægðarlosun hjá þeim
bömum sem hafa sjaldan hægðir.
„Það er ekki sannað hvað gerist en
nudd örvar bæði hreyfingar í
þörmunum og blóðrásina í vöðv-
unum. Það losar um spennu og
örvar ristilinn. Það er mikilvægt
að nudda alltaf eins og ristillinn
liggur, frá hægri til vinstri.“
Magakrampi getur minnkað eða
jafnvel horfið eftir eina til þrjár
vikur eftir að byrjað er að nudda
bamið.
Fyrir framtíðina
Börnin slaka betur á en ella eft-
ir að byrjað er að nudda þau
reglulega. „Börn eru oft með
spennusvæði sem eru til dæm-
is algeng í maga, andliti og
„Við Stefán Friðrik
kynntumst betur og
ég þekki betur til-
finningar hans og
viðbrögð." DV
mynd E. Ól.

brjóstkassa." Þórgunna segir að
ástæðan fyrir spennunni geti verið
spennuþjóðfélagið sem við lifum í.
„Ef móðirin og eða faðirinn er í
ójafnvægi getur það valdið spennu
hjá barninu. Svo er oft erfítt að
fæðast. Spenna í andliti virðist
ekki koma fram hjá börnum sem
tekin eru með keisaraskurði. Þau
þola betur andlitsnudd en hin.“
Líkami ungbarna er viðkvæmur
og þolir lítið nudd í einu. Nám-
skeiðin hjá Þórgunnu standa yfir í
mánuð og mæta foreldrar og hörn
einu sinni í viku. Eitt skref er tek-
ið i einu; fyrstu vikuna eru magi
og fætur nuddaðir, þá næstu
brjóstkassi og handleggir, síðan er
það andlit og bak og loks er allur
líkaminn nuddaður. „Einnig læra
foreldrar teygju- og samhæfinga-
ræfingar fyrir hægri og vinstra
heilahvel því mörg börn fara á mis
við æfingarnar ef þau skríða
ekki.“ Foreldrar búa yfir þessari
þekkingu það sem eftir er og geta
nuddað barnið og yngri systkini
þess næstu árin. Nudd getur til
dæmis komið sér vel þegar vaxtar-
verkir gera vart við sig hjá ung-
lingum.
Gegn fæðingarþunglyndi
Ungbarnanudd gefur foreldrum
og börnum þeirra dýr-
mæta stund saman
og gerir góð
tengsl betri.
„Rannsóknir
hafa sýnt að
ungbarnanudd
örvar m.a. framleiðslu prolactin-
hormóns hjá báðum foreldrum
sem stundum er kallað „um-
hyggjuhormón". Margir foreldrar
eru óöryggir eftir að barnið er
komið í heiminn. Nuddið gefur
foreldrunum meiri öryggistilfinn-
ingu auk þess sem barnið finnur
fyrir meiri öryggistilfinningu þeg-
ar það fær hlýja og góða snert-
ingu.“
Þórgunna segir að ungbarna-
nudd hafi hjálpað mörgum mæðr-
um sem hafa átt við fæðingarþung-
lyndi að stríða. „Þar gæti t.d.
prolactinhormónið hjálpað til þar
sem það örvar umhyggjutilfinn-
inguna og losar um spennu." SJ
„Nuddið gefur foreldrunum meiri öryggistilfinningu auk þess sem barnið
finnur fyrir meiri öryggistilfinningu þegar það fær hlýja og góða snertingu."
DV-mynd E. Ól.
Tengslin hafa áhrif
i*lm
Flest böm fá magakveisu og ég
ætlaði að búa mig undir að
taka á henni og reyna jafnvel
að koma í veg fyrir að barnið
fengi hana. Við erum tilbúin ef
eitthvað kemur upp á,“ segir Hel-
ena Marteinsdóttir. Hún og
Brynjólfur Þór Stefánsson sjómað-
ur eignuðust son 10. október. Hel-
ena á einnig 9 ára gamlan son sem
heitir Skúli Ævar Steinsson. „Þótt
drengurinn hafi ekkert verið óvær
áður finnst mér hann sofa miklu
betur. Hann tekur lengri dúra.“
Helena segir að það sem hún
hafi lært af tímunum sé að ung-
böm þurfi ró og næði og að for-
eldrar þurfi að gefa sér tíma með
börnunum.
„Tengslin í gegnum nuddið hafa
áhrif á okkur bæði. Ég nudda
hann bæði kvölds og morgna og að
undanförnu hef ég staðið sjálfa
mig að því að taka fæturna á hon-
um og gera teygjuæfingar. Ég er
ákveðin í að nudda hann í framtíð-
„Tengsiin í gegnum nuddið hefur áhrif á okkur bæði. Ég er ákveðin í að
nudda hann í framtíðinni eins lengi og hann vill.“ DV mynd E. Ól.
inni eins lengi og hann vill.“ ingu við þau en ella í orðsins
Helena og aðrir foreldrar sem fyllstu merkingu.
nudda börn sín eru í nánari snert- -SJ