Dagblaðið Vísir - DV - 14.01.1999, Blaðsíða 10
10
FIMMTUDAGUR 14. JANÚAR 1999
Spurningin
Ertu farin/n að hugsa
um sumarfríið?
Eiríkur Kristinsson fram-
kvæmdastjóri: Nei, ekki strax.
Egill Óskarsson nemi: Ég ætla að
vinna en svo fer ég til Portúgals eða
Hollands.
Jón Sævarsson nemi: Ég fer til
Danmerkur.
Haukur Gunnarsson nemi: Nei.
Garðar Björgvinsson trésmiður:
Nei.
Anna Guðmundsdóttir nemi: Já,
ég ætla til sólarlanda.
Lesendur
íþróttamaður íþrótta-
fréttamanna 1998
„Val íþróttafréttamanna á íþróttamanni ársins er tímaskekkja í dag,“ segir
bréfritari m.a. - Frá vali íþróttamanns ársins 1998.
Elma Guðmundsdóttir, Neskaup-
stað, skrifar:
íþróttafréttamenn hafa enn einu
sinni valið íþróttamann ársins. Þeir
byggja val sitt trúlega fyrst og
fremst á nýliðnum atburðum, alla
vega er það svo í mínum augum.
Tilefni þessara skrifa er, eins
flestir eru farnir að renna grun í, að
ég er ákaflega ósátt við val þeirra og
er það reyndar ekki í fyrsta skipti.
Ég þekki ekki til hlítar reglur þær
sem „kollegar" mínir fara eftir þeg-
ar þeir velja til þessa heiðurs. Getur
það verið að Evrópumeistaratitill sé
meira virði en heimsmet (enda er
það bara með litlum staf)?
Af hverju segi ég þetta? Jú, vegna
þess að á árinu setti Vala Flosadótt-
ir tvö heimsmet í stangarstökki,
sem eru þá væntanlega líka jafngild
Evrópumetum að stigafjölda, og
stóð sig frábærlega þrátt fyrir
meiðsli. Hún er fyrsti íslendingur-
inn sem nær þeim merka árangri að
setja heimsmet í grein sem keppt er
i á ólympíuleikum. Ekki einu sinni,
heldur tvisvar. Enginn íslendingur
til þessa hefur leikið þetta eftir.
Ég hef fylgst með kjöri íþróttaf-
réttamanna á íþróttamanni ársins
frá upphafi og taldi lengi vel að
þarna færi fram sanngjamt og rétt-
mætt val. Sú skoðun er nokkuð
löngu horfin. Hún hvarf alveg þegar
fréttamennimir gleymdu afreki júd-
ókappans Bjarna Friðrikssonar á
ólympiuleikunum um árið. Silfur-
verðlaunahafinn hlaut ekki náð fyr-
ir augum íþróttafréttamanna sem
að valinu stóðu þá.
„Þegar athvæði eru greidd eru
íþróttamenn metnir samkvæmt ár-
angri og með tillit til reglusemi,
ástundunar, prúðmennsku og fram-
fara,“ sagði kynnirinn. Varla efast
nokkur um að Vaia Flosadóttir og
aðrir þeir sem eru í fremstu röð af-
reksfólks uppfylli þessi ákvæði.
Kannski má rekja þetta val til þess
að hlutur kvenna á íþróttasíðum
dagblaðanna og einnig í öðrum fjöl-
miðlum er vægast sagt lltill, og á
engan hátt í samræmi við þátttöku
kvenna í íþróttum. Skemmst er að
minnast ákvörðunar Skáksambands
Islands um að senda stúlkur ekki á
heimsmeistaramót barna og ung-
linga í skák.
Ég veit að margir eru sömu skoð-
unar og ég varðandi val á íþrótta-
manni ársins 1998 og veit líka að
margir eru mér ósammála. Val
íþróttafréttamanna á íþróttamanni
ársins er tímaskekkja í dag. Ég óska
sundmanninum unga úr Hafnar-
firði til hamingju, sem og öflum
þeim sem unnið hafa til afreka á
liðnu ári. Kannski er mesta afrekið
að vera með. Við Völu Flosadóttir
segi ég bara: Það kemur!
Fýrir hverja er frétta-
stofa Sjónvarpsins?
Ragnhildur Sigurðardóttir skrifar:
í sl. viku var mikið íjallað um
gjaldahækkanir á Reykvíkinga sem
nýlega voru kynntar. Stöð 2 fór vel
yfir málið og ræddi við Helga Hjörv-
ar sem lofaði lækkunum á gjöldum
Reykvíkinga í kosningabaráttunni
og þurfti svo að éta allt ofan í sig.
Það sem vakti athygli mína og
margra á mínum vinnustað var að
Sjónvarpið þagði þunnu hljóði um
þetta mál.
Við erum þess minnug að frétta-
stofa Sjónvarpsins fékk á sig harða
gagnrýni fyrir að styðja R-listann og
bent á tengsl hennar við Ráðhúsið.
Þá vár sagt að sjálfstæðismenn væru
bara spældir yfir því að vinna ekki
borgina. Eftir að hafa horft á Stöð 2
annars vegar og Sjónvarpið hins veg-
ar í síðustu viku er enginn vafi í
mínum huga, að það var örugglega
heilmikið til í þeirri gagnrýni. Það
sem nú blasir viö er að þetta heldur
áfram. - Það getur ekki verið tilvilj-
un lengur að þagað sé yfir vandræð-
um hjá R-listanum.
Þá er spumingin: Fyrir hverja er
Sjóvarpið og hvaða hagsmuna á það
að gæta? Ég hélt að það værum við,
neytendur, en ekki prívathagsmunir
einhvers fólks. En þessi ábending
mín og önnur gagnrýni sem frétta-
stofa Sjónvarps fær á sig hefur ekk-
ert að segja. Þetta bréfkorn mitt er
bara pólitískar ofsóknir og ekki
svaravert.
Og svo heldur þetta áfram eins og
áður og Sjónvarpið heldur áfram að
draga taum R-listans og þeir sem
voga sér að gagnrýna það eru með of-
sóknir. - En Stöð tvö á þakkir skild-
ar fyrir frábæra og sanngarna frétta-
mennsku og greinilegt er að menn
vinna heimavinnuna sína á þeim bæ.
Gjafsókn vegna Æsuslyssins
- barátta fyrir rétti einstaklinga
Birgir Jónsson skrifar:
Það eru gleðitíðindi að dóms-
málaráöherra hafi nú heimilað að
Kolbrún Sverrisdóttir fái gjafsókn í
máli gegn útgerð og tryggingafélagi
skelfiskbátsins Æsu sem fórst árið
1996. Lengi vel leit svo út að ekkjan
sem missti mann sinn í slysinu
hefði enga stoð í baráttu sinni í
kerfinu. Nú er vonandi að hún fái
tilskildar skaðabætur þótt aldrei
verði svona nokkuð að fullu bætt.
Það er þó eitt sem fær marga til
að fá eftirþanka í þessu máli. Það er
að bæði útgerðin og viðkomandi
tryggingafélag skuli hafa algjörlega
QJ!§)[ÍIMÆ\ þjónusta
allan sólarhringinn
Aðeins 39,90 m(nútan
- eða hringið í síma
550 5000
miili kl. 14 og 16
Skelfiskskipið Æsan sem fórst á Arnarfirði árið 1996.
hafnað bótakröfu ekkjunnar og
bama hennar. - Og það þótt Rann-
sóknarnefnd sjóslysa hafi skilað
áliti þar sem fram kemur að stöðug-
leika sokkna bátsins hafi verið stór-
lega ábótavant.
Það er yfirleitt þannig að trygging-
arfélög neita staðfastlega öllum bóta-
kröfum þrátt fyrir augljósar stað-
reyndir um að tjónþoli hafi á réttu
að standa. Leikmenn og almenning-
ur standa ávallt ifla að vígi gagnvart
tryggingafélögum að þessu leyti.
Hann verður þvl oftast að kosta
miklu til svo að hann nái rétti sín-
um. í Æsumálinu er máliö hins veg-
ar loks á réttri leið. Þaö er gleðiefní
fyrir flesta landsmenn, fullyrði ég.
Engir sekir,
engin refsing
Höskuldur skrifar:
Það kemur berlega í ljós þessa dag-
ana hve agalaus og stjórnlaus íslenska
þjóðin er þegar mál eins og Hagaskóla-
málið kemur upp, svo og önnur mál,
alveg óskyld, eins og smygl á hassi
með togara til Vestmannaeyja og rak-
ettu er sprakk í nálægð farþegaflug-
vélar í lendingu á Reykjavikurflug-
velli. - Enginn hinna seku, sem þó
hafa náðst, munu fá refsingu eða sekt-
ir. Jafnvel er líklegt að smyglaranum
á togaranum verði sleppt á þeirri for-
sendu að hann eigi ekki hassið. Hinir
seku i Hagaskóla og sá sem skaut rak-
ettunni að flugvélinni sæta varla yfir-
heyrslu, hvaða þá meira, og málin
verða látin niður falla. Og agaleysið
heldur sínu striki. Engin furða þótt
áfram sígi á ógæfuhliðina hvað snert-
ir agaleysi og ofbeldi.
Gagnslaus minni-
hluti á þingi
Einar Björnsson hringdi:
Það var áberandi í sjónvarpsfrétt-
um sl. máudagskvöld þegar fréttir
voru fluttar af Alþingi varðandi til-
lögur sjávarútvegsnefndar um kvóta-
málið að ekki var greint frá svörum
forsætisráðherra sem hafði uppi rök-
færslur og gagnrýni á minnihluta
þingsins. Hann staðhæfði að engar
tillögur minnihlutans hefðu litið
dagsins ljós í kvótamálunum. Og
hann endurtók: alls engar. Þegar
maður fór að rifja upp fréttir um mál-
ið frá Alþingi varð manni ljóst að for-
sætisráðherra hafði lög að mæla.
Stjórnarandstaðan virðist vera full-
komlega óvirk og ekki hafa neina
burði til að vinna að lausn kvóta-
málsins. Enginn hefur enn mótmælt
orðum forsætisráðherra.
Vímuefnasmygl
með fiskiskipum
Knútur hringdi:
Eftir atvikið í Vestmannaeyjum er
togarinn Breki kom úr siglingu frá
Þýskalandi og skipverji gerði tilraun
til að smygla hassi við heimkomuna er
ekki nokkur ástæða til annars en að
herða eftirlit við komu togara og ann-
arra fiskiskipa sem tfl hafnar koma
hérlendis frá útlöndum. Það er engin
ástæða til að ætla annað en þessi skip
séu notuð tfl að koma hættulegum eit-
ur- og vímuefnum tO íslands. Dags-
skipan löggæslunnar ætti að vera;
verulega hert eftirlit með öllum sam-
göngutækjum sem tO landins koma,
áhöfnum þeirra og farþegum. Ekki síst
togurum og öðrum skipum.
Stór spónn úr
aski Flugleiða
Hluthafi hringdi:
Það kom mér verulega á óvart þeg-
ar ég heyrði að hlutabréf í Flugleið-
um hefðu hækkað á verðbréfamörk-
uðum eftir að félagið seldi stóran
hluta eigna sinna. Ég fagna þessu að
sjálfsögðu en held að þetta gæti
hvergi gerst nema hér á landi. Að
hlutabréf hækki í fyrirtæki við það
að missa stóran hluta eigna sinna er
umhugsunarefni. Hvað gerðist ef fé-
lagið seldi nokkrar flugvéla sinna?
Líka hækkun hlutabréfa? Ég stend
orðlaus af ánægju og undrun um leið.
Hve lengi skyldi þetta endast?
Áhugaverðar þing-
kosningar
Kolbrún skrifar:
Fáir munu efast um að næstu þing-
kosningar verði mjög spennandi. Það
er ekki bara að tveir gömlu stjórn-
málaflokkanna hér stefna að samein-
ginu heldur verður skorið úr um það
hvort gömlu kommúnistarnir eða
þeir sem eru lengst til vinstri (Hjör-
leifur, Steingrímur, Ögmundur og
fleiri) hafi þingfylgi hér á landi. Þetta
eru þeir flokkar sem kynnu að saxa á
atkvæðamagn sjálfstæðismanna og
framsóknarmanna, þótt það sé ekki
líklegt í dag. Dæmið kynni þó að
breytast verði áfram verulegur órói
vegna t.d. kvótamálsins og fyrn-hug-
aðra hálendisvirkjana. Allt er þetta
óráöið og því verulegur og vaxandi
áhugi fyr.tr þessum kosningum.