Dagblaðið Vísir - DV - 26.04.1999, Blaðsíða 10

I
10
MÁNUDAGUR 26. APRÍL 1999
Fréttir
DV fylgir Guöjóni A. Kristjánssyni á Dvalarheimiliö Hlíf á ísafirði:
r
Með sólina í húfunni
„Þú ert nú meiri helvítis ruglu-
kollurinn að vera að hlaupa þetta
með honum Sverri. Þið eruð eins
og Bakkabræður sem héldu sig
geta borið sólina inn í húfunum,"
sagði Sigurður Helgason, vistmað-
ur á á Dvalarheimilinu Hlíf á ísa-
firði, þegar Guðjón A. Kristjáns-
son, efsta mann á lista frjáls-
lyndra, bar að garði ásamt DV.
Sigurður, sem starfaði á árum
áður sem vélstjóri, var á sjó í 45
ár. Guðjón lét hann ekki slá sig út
af laginu og sagði Frjálslynda
flokkinn vera í góðum málum og
sjálfur hefði hann hreina sam-
visku. „Þú hefur nú verið stuðn-
ingsmaður minn áður,“ sagði Guð-
jón og klappaði Sigurði á öxlina.
„Það kemur ekki til greina að
kjósa þig. Þið eruð allir eins þess-
ir pólítíkusar. Það er tómt helvítis
rugl sem kemur frá ykkur öllum.
Eintómt loforðarugl," sagði hann
en Guðjón gaf sig ekki og lagði
höndina á axlir hans. „Þú kýst
mig nú samt, er það ekki ?“ spurði
hann væntanlegan kjósanda blíð-
lega? Það var ekki að sjá að Sig-
urði leiddust blíðuhót frambjóð-
andans en síðan hvessti hann
röddina. „Það þýðir ekkert að
kjósa þig. Þú verður bara settur
beint á skítakamarinn þegar þú
kemur einn inn á Alþingi.
Hann leit síðan á Guðjón sem
enn hélt um axlir hans. „Andskot-
ans rugl,“ sagði hann heldur blíð-
ari manninn. „Ég ákveð mig bara
í kjörklefanum. Mér líst ágætlega
á þig og nógu ertu feitur,“ bætti
hann við og stóð af öndinni af
hlátri. „Gerðu ekki kvenfólkið
hrætt,“ kallaði hann á eftir Guð-
jóni þegar hann hélt ásamt föru-
neyti í föndursal Hlífar
þar sem konur voru í
miklum meirihluta.
„Hann kýs mig,“
sagði Guðjón drýg-
indalega við DV
brosti sínu breiðasta.
„Addi Kitta Guj.
Fyrir hvern ertu
nú í framboði?"
kallaði virðuleg
eldri kona yfir sal-
inn þveran. „Ég er i
efsta sæti fyrir Frjálslynda
flokkinn og Pétur Bjarna er í öðru
sæti,“ svaraði frambjóðandinn af
bragði. „Já, Pétur er ágætur,"
sagði gamla konan um hæl og upp-
HH
dfcZá*- 'hák '" ^ “* f
Það fór vel á með Guðjóni og konunum á Hlíf. Hann virtist vita deili á þeim öllum.
skar skellihlátur annarra vist-
manna.
Svo var að sjá að allar konurnar
væru tengdar Guðjóni með einum
eða öðrum hætti. Faömlög og
kveðjur voru allsráðandi og hann
vissi deili á öllum. „Manstu þegar
ég var lítill og þú tróðst í mig
lýsi og rúgbrauði,“
sagði hann við
eina konuna og
hún hélt það
nú. „Mikið
| ertu nú skip-
stjóralegur á
duggarapeysu
og í joggingbux-
um,“ sagði hún.
Ein konan vildi
vita hvurslags þetta væri eiginlega
með hann að fara í framboð með
Sverri. „Gastu ekki haldið þig í
Sjálfstæðisflokknum," spurði hún
með þunga.
„Það var sparkað í mig tvisvar
og ég bíð ekki eftir þriðja spark-
inu,“ svaraði Guðjón.
Svo var að sjá að Guðjón nyti
nokkurrar hylli kvennanna á Hlíf
þó ekki væri mikið um beinar
pólitískar ástarjátningar.
„Það getur vel verið að ég kjósi
hann. Hann er búinn að fá svo
margt á hrygginn í gegnum tíðina
og þolir allt,“ sagði ein Hlíf-
arkvenna í hálfum hljóðum við
DV um það bil sem Addi Kitta
Gauj hélt ánægður út af Hlíf.
-rt
og
Iðnaðarhúsnæði til leigu
110 fm iðnaðarhúsnæði með
stórum innkeyrsludyrum
til leigu við Bíldshöfða.
Mikil lofthæð.
Frekarl upplýsingar
ísíma 567 4235 frákl. 13-17.
Kemur ekki til greina að kjósa þig. Þið eruð allir eins, sagði hinn aldni sægarpur, Sigurður Helgason, við Guðjón A.
Kristjánsson, frambjóðanda Frjálslynda flokksins. DV-myndir GVA

';:-i