Dagblaðið Vísir - DV - 26.04.1999, Blaðsíða 13

MÁNUDAGUR 26. APRÍL 1999
13
Fréttir
$ SUZUKI
Hólma-
drangur á
fjarlæg mið
DV, Hólmavík:
Nú nýverið landaði frystitogarinn
Hólmadrangur ST 70 allgóðum
rækjuafla á Hólmavík miðað við þá
ördeyðu sem sögð hefur verið á mið-
um við ísland siðustu mánuðina. Að
því búnu hélt skipið til rækjuveiða á
Flæmingagrunn þar sem það hefur
áður verið og áunnið sér þar með
veiðireynslu.
Um er að ræða tvær veiðiferðir og
um 10 vikna úthald. Aflanum úr fyrri
veiðiferðinni verður landað í Kanada
og hann síðan sendur til íslands. Þess
er vænst að skipið komi með nánast
fullfermi úr síðari veiðiferðinni. 15
menn eru i áhöfn auk eftirlistmanns
frá Fiskistofu og reiknað er með að
flestir þeirra verði úthaldið á enda.
Guðflnnur
Strandamenn:
Skíðamenn
í sókn
DV Hólmavík:
Skíðafólk af Ströndum hefur
stöðugt verið að bæta getu sína og
það til mikilla muna síðustu árin og
er að komast í flokk með þeim bestu
í göngugreinum, bæði í flokkum
hinna yngri og fullorðinna.
Sex keppendur tóku til dæmis
þátt í Fljótagöngunni nýverið og
komust allir á verðlaunapall. Þar af
urðu tveir sigurvegarar. Fyrir dyr-
um eru innanhéraðsmót og skíða-
vertíðinni lýkur að venju með þátt-
töku í Fossavatnsgöngunni við ísa-
fjörð um næstu mánaðamót.
-GF
Pizza 67 selur hugmyndina víða um heim:
Gengur vel á
fyrsta Pizza
67 í Kína
Merki Pizza 67 verður víða sýni-
legt í Kína ef fram ganga hugmynd-
ir um opnun pitsustaða þar í landi.
í þriðju stærstu borg landsins, Ti-
anjin, þar sem búa 9,3 milljónir
manna, er búið að opna pitsustað
þar sem íslenska pitsumerkið blasir
við. Heimamenn reka staðinn á við-
skiptasérleyfi (franchising) frá
Pizza 67. Ætlun rekstraraðilanna er
að opna Pizza 67 í fleiri borgum
Kína á næstu mánuðum, enda hefur
fyrsti pitsustaðurinn gengið að ósk-
um, að sögn Gísla Gislasonar hjá
Pizza 67 sem heimsótti Kina nýlega.
Kínverska fyrirtækið, sem rekur
Pizza 67, mun vera fyrsta almenn-
ingshlutafélagið í Kína.
Tuttugu pitsustaðir á fslandi eru
undir merkjum Pizza 67, einn í
Kaupmannahöfn, einn í Tékklandi,
auk staða sem er annaðhvort er
nýlega búið að opna eða er verið
að opna. Pizza 67 selur viðskipta-
sérleyfi en innifalið í því er allt
kerfið, allt frá uppskriftum til
skrifstofuhalds, í raun hugmyndin
öli í einum pakka. í Madrid er fyr-
irhugað að opna Pizza 67 og sama
má segja um fleiri lönd.
„Það er verið að skoða ýmsa
möguleika og þetta gengur mjög
vel,“ sagði Gísli Gíslason. Hann
segir að mikið sé unnið í Banda-
ríkjunum, en þar var stofnað fyrir-
tækið Pizza 67 US í fyrra og fyrir-
hugað að opna pitsustaði þar í
landi. Gísli segir að Pizza 67 kerfið
í heild sé metið á 3 milljónir
Bandaríkjadala, ef farið verður af
stað í Bandaríkjunum.
„Möguleikarnir í þessu eru nán-
ast óendanlegir. Við erum víða
með sambönd, en þetta er dýr
vinna sem við erum í og því forum
við hægt í sakirnar. Við þurfum að
ná svolítið fleiri stöðum erlendis
til að geta farið hraðar yfir, en
meðan bíðum átekta," sagði Gísli
Gíslason.
Pizza 67 mun vera fyrsta ís-
lenska fyrirtækið sem nýtur sér-
leyfistekna af þessu tagi, peninga
sem renna inn í landið. Hins vegar
eru nokkur fyrirtæki hér á landi
sem greiða afgjöld til Bandaríkj-
anna, til dæmis Domino’s, Kent-
ucky Fried og McDonald’s. -JBP
Kórinn. Fremst eru stjórnendurnir Kjartan Eggertsson og Nanna Þórðardóttir, ásamt séra Friðriki J. Hjartar sóknar-
presti. DV-mynd Jón E.
Tónleikar í Ólafsvíkurkirkju
DV, Ólafsvik:
Kirkjukór Ólafsvíkurkirkju hélt
tónleika fyrir skömmu. Á efn-
iskránni voru ýmis verk. Byrjað var
á dúett úr kantötu eftir J.S. Bach
sem konurnar fluttu og einnig
sungu þær fleiri verk. Þá fluttu
kcirlamir nokkur lög og einnig söng
kórinn saman.
Stjómandi kórsins, Kjartan Egg-
ertsson, gerði lög við nokkra Passíu-
sálma Hallgríms Péturssonar og
einnig samdi einn kórfélaginn,
Bjami Ólafsson, ljóð við eitt laga
Kjartans. Þá sungu þær Nanna
Þórðardóttir og Margrét Jónasdóttir
dúett og fengu þær og kórinn mjög
góðar undirtektir.
Alls söng kórinn 20 lög á þessum
tónleikum sem voru vel sóttir. Æf-
ingar hafa staðið yfir frá áramótum
og m.a. var farið á Hótel Örk eina
helgina í vetur til að æfa.
Staðið hafa yfir breytingar nú í
mars á Ólafsvíkurkirkju að innan
sem hafa tekist mjög vel og var
þetta fyrsta athöfnin sem þar fór
fram eftir þær. DV-PSJ.
Nýr
Qórhjóladrifinn
Baleno Wagon
verð aðeins:
1.675.000 kr.
BALENO
a leið
• Nýtt stílhreint og glæsilegt útlit • Sérlega rúmgóður • ABS
• Sameinar mikið afl og litla eyðslu • Öryggisbúnaður eins og hann gerist bestur
SUZUKIBÍLAR HF
Skeifunni 17. Sími 568 51 00.
www.suzukibilar.is