Dagblaðið Vísir - DV - 28.04.1999, Blaðsíða 4
4
MIÐVIKUDAGUR 28. APRÍL 1999
Fréttir
sandkorn
Landlaus blökkumaður fær ekki landvistarleyfi á Islandi:
Þessar fréttir eru reiðarslag
- segir Halldóra Gunnlaugsdóttir, unnusta hans, sem kærir úrskurðinn til ráðherra
DV, ísafirði:
Beiðni Christopher Bundeh,
blökkumanns frá Sierra Leone,
sem sótti um landvistarleyfi hér á
landi með aðstoð íslenskrar sam-
býliskonu sinnar, hefur nú verið
hafnað. „Þessar fréttir eru reiðar-
slag,“ segir Halldóra Gunnlaugs-
dóttir, sem mánuðum saman hefur
barist fyrir því að fá leyfi fyrir
unnusta sinn að flytjast til íslands.
Halldóra sótti úrskurð til út-
lendingaeftirlitsins með þessum
tíðindum 19. apríl í umboði
Christophers. Hún segist óttast
mjög um framtíð hans, en hann er
nú landlaus í Finnlandi, þaðan
sem honum hefur verið vísað á
brott. Hann mun heldur ekki njóta
réttinda sem flóttamaður og til Si-
erra Leone kemst hann ekki vegna
vargaldar sem þar geysar. Reynd-
ar segir Halldóra að vegna ástand-
ins í Sierra Leone, þá hafi bæði
Rauði krossinn og Sameinuðu
þjóðirnar flutt sitt starfsfólk á
brott þaðan.
Hún segist lítið vita um fram-
Halldóra og Christopher Bundeh. DV-mynd Hörður
haldið, en býst við að úrskurði út-
lendingaeftirlitsins verði áfrýjaö
til dómsmálaráðherra. Segist hún
þegar hafa pantað fund með hon-
um nú í vikunni. í synjun útlend-
ingaeftirlitsins er vísað til samn-
inga á milli Norðurlandanna um
að ef maður hafi hlotið dóm í ein-
hverju landanna og verið vísað á
brott, þá sé engu þeirra heimilt að
taka við honum.
Tómas Jónsson, lögfræðingur
Christophers og Halldóru hér á
landi, segir að reglur á milli land-
anna hafi mjög unnið gegn land-
vistarbeiðni Christophers og að
með brottvísunarúrskurði frá
Finnlandi sé Christopher í raun
réttlaus þar í landi og staða hans
því afar erfið. Ef mál hans sé hins
vegar skoðað í heild sinni, þá eigi
hann sér sitthvað til málbóta. Það
sé þvi ekki síst út frá mannúðar-
sjónarmiðum sem Tómas veiti
sína aðstoð í málinu. Tómas segir
að úrskurður útlendingaeftirlits-
ins verði nú kærður til ráðherra.
HKr.
Ég er ekki sægreifi
- segir Steingrímur J. Sigfússon alþingismaður
DV, Akureyri:
„Maðurinn verður auðvitað að
gæta þess að vera ekki með órök-
studdar ávirðingar af þessu tagi út
í loftið. Ég ætla ekki að standa í
neinu karpi við Sverri," segir
Steingrímur J. Sigfússon, formað-
ur Vinstrihreyfingarinnar - græns
framboðs, en Sverrir Hermanns-
son, formaður Fjálslynda flokks-
ins, „spyrti" hann við flokk
„kvótagreifanna" í Beinni línu á
DV, er hann sagði Steingrím
..hluthafa norður á Þórshöfn" og
átti þar við að Steingrímur hefði
hagsmuna að gæta sem eigandi
hlutafjár í Hraðfrystistöð Þórs-
hafnar.
„Sverrir verður auðvitað að eiga
það við sig og sína hvaða aðferðir
hann velur í sinni kosningabar-
áttu, en þar sem hann nafngreindi
mig sérstaklega á „Beinni línu
DV“ er rétt að upplýsa að það er
rétt að ég á örlítið hlutafé í sjávar-
útvegsfyrirtæki í minni gömlu
heimabyggð," segir Steingrímur
og á þar við Hraðfrystistöð Þórs-
hafnar.
„Á erfiðleikaárum í sjávarútveg-
inum upp úr 1990 var skorað á alla
heimamenn og þá sem eiga rætur í
þessu byggðarlagi að leggja sitt af
mörkum til hjálpar fyrirtækinu og
styrkja um leið stoðir atvinnulífs-
ins á Þórshöfn. Ég, ásamt tugum
eða hundruðum annarra einstak-
linga, varð við þessu kalli og lagði
fram mjög óverulega fjárhæð og hef
átt þetta síðan. Þama er um mjög
hverfandi eign að ræða, þetta vom
á sínum tíma einhverjar hundruðir
þúsunda króna og ég veit reyndar
ekkert hvað þetta er í dag. Ég hef
ekki haft af þessu meiri áhyggjur
en það að ég veit ekki hvað þetta
eru miklir peningar í dag.
Ég á í fyrirtækinu svipaðan hlut
og hundruð íbúa á svæðinu sem
lögðu í þetta peninga á sínum
tíma, en þetta var á þeim tíma þeg-
ar heimamenn vora að freista þess
að ná forræði fyrirtækisins aftur í
sínar hendur, eftir að það hafði
lent að verulegu leyti í eigu ríkis-
ins um tíma vegna endurfjármögn-
unar á erfiðleikaárunum upp úr
1990. Sverrir Hermannson getur
sofið alveg rólegur yfir þessu, ég á
ekki þarna eign sem skiptir neinu
máli og satt best að segja finnst
mér það komið niður á dapurlegt
plan ef hlutir eins og þessir eiga
helst að vera honum til framdrátt-
ar.
Að öðru leyti hefur hlutabréfa-
eign mín í gegnum tíðina aðallega
falist í því að setja fé I ýmiss kon-
ar útgáfufyrirtæki á vinstri kant-
inum, en ég held að þau séu öll
með tölu gjaldþrota. Ég hef því
Steingrímur J. Sigfússon: „Ég er
ekki sægreifi".
ekki fitnað af verðbréfaeign og sæ-
greifi er ég ekki,“ segir Steingrím-
ur.
-gk
Undirstaða æskulýðsstarfsins
:ÆM£
Ef til er íþróttastórveldi á
íslandi þá er það KR. Félag-
ið ber höfuð og herðar yfir
önnur slík enda elsta knatt-
spymufélag landsins,
hvorki meira né minna en
aldargamalt. Raunar má
segja að önnur íþróttafélög
séu aðeins eftirlíkingar stór-
veldisins.
Áratugum saman safhaði
KR öllum helstu titlum sem
völ var á í safn sitt. Útilókað
var aö koma tölu á alla þá
bikara. Skápapláss dugði
ekki. Veldi félagsins frá upp-
hafi var slíkt að svart-hvítur
búningur dugði. Liðsmenn
hins glæsta vesturbæjarliðs
þurftu ekki lit í búninga
sína til þess að sjást. Þeir
höfðu einfaldan smekk og
það dugði.
Félagið er enn stórveldi en illar tungur hafa
líkt því við breska ljónið. Stóra-Bretland var
máttugt stórveldi með nýlendur um allan heim.
Síðustu áratugi hefur veldi þess skroppið saman
svo um munar. Þessar sömu rætnu tungur segja
því að breska ljónið geti enn. öskrað en sé því
miður tannlaust. Hið sama eigi við um vestur-
bæjarveldið, að minnsta kosti á knattpspymu-
vellinum. Svona níð nær auðvitað engri átt en
KR-ingar verða því miður að kyngja því að Is-
landsmeistaratitill hefur ekki unnist í ríflega
þrjátíu ár. Það er langur tími fyrir unnendur
knattspyrnustórveldis.
Tapi stórveldi orrustu á einu sviði leitar það
annað þar sem vænta má árangurs og uppreisn-
ar æru. Þetta er þekkt úr sögunni og á einnig við
um KR. Þar sem dráttur varð á glæstum sigram
á knattspymuvellinum tóku bestu synir félagsins
sig til og breyttu félaginu í hlutafélag, KR-Sport.
Hlutafélagiö tók að sér rekstur knattspyrnudeild-
ar félagsins en önnur markmið þess vógu þyngra.
í stofnskrá þess var nefnilega gert ráð fyrir því
að KR-Sport sérhæfði sig og fjárfesti á sviði lista,
menningar og afþreyingariðnaðar.
Þessi nýja stefna KR-inga er fráleitt orðin tóm
því félagið hefur þegar haslað sér völl á sviði
menningar og afþreyingar. Æskulýðsstarf
íþróttafélagsins virðist tryggt eftir að það festi
kaup á þremur merkum menningarstofnunum,
Rauða ljóninu, Koníaksstofunni og Sex baujunni.
Allt eru þetta með virtustu börum í vesturbæ
Reykjavíkur. í fregnum af kaupunum sögðu KR-
ingar að þeir væra með þessu að hugsa til fram-
tíðar og verður það vart skilið á annan veg en að
þar sé átt viö æskulýðsstarfið, framtíð félagsins.
Menningu og afþreyingu er því vel sinnt hjá
KR. Enn hefur ekki reynt á stuðning KR-Sport
við sjálfa gyöjuna en list skal, svo sem segir í
stofnskrá, styrkja af alefli. Þegar þar aö kemur er
búist við að félagið einbeiti sér að svokölluðum
listrænum dansi. Sú dansmennt nýtur aukinna
vinsælda hérlendis en sá galli er á gjöf Njarðar að
flytja hefur þurft inn hina listrænu dansara, ým-
ist frá Eystrasaltsríkjunum eða Austur-Evrópu.
Styrki KR-Sport þessa tegund listar af sama afli
og menningu og afþreyingu er von til þess að efla
megi þjóðlegri þætti hins listræna dans, jafnvel
að stúlkumar stigi vikivakaspor við súluna.
Áfram KR!
Dagfari
Tími Margrétar
Um helgina tók Margrét Frl-
mannsdóttir af skarið með að hún
væri forsætisráöherraefhi Samfylk-
ingarinnar í viðtölmn við Dag og
Bylgjuna. Yfirlýsingar hennar féllu
ekki alls staðar í
kramið. Margir
kratar telja að Sig-
hvatur Björgvins-
son ætti að leiða
ríkisstjómar-
myndun eða Jó-
hanna Sigurðar-
dóttir þar sem
leiðin væri greið
fyrir hana í leið-
togahlutverkið. En Jóhanna hefur
ekkert sést í kosningabaráttunni og
Sighvatur hefur talað þannig í fjöl-
miðlum að hann virðist ekki sækj-
ast eftir frekari vegtyllum í ríkis-
stjóminni. Tími Margrétar virðist
því kominn...
Siv ráðherra
Eftir ráðherraraunir Framsókn-
ar á liðnum vetri í kjölfar ákvörð-
unar Guðmundar Bjamasonar
um að hætta í stjóm-
málum vekur eftir-
tekt hveijum Fram-
sókn teflir fram á
sviði fjölmiðlanna.
Þar hafa þrir þing-
menn verið mest
áberandi, formað-
urinn, Halldór
Ásgrímsson, og í
minna mæli Finnur Ing-
ólfsson varaformaður. En auk
þeirra hefur Siv Friðleifsdóttir
verið atkvæðamest. Nær ekkert hef-
ur borið á formanni þingflokksins,
Valgerði Sverrisdóttm-, sem fyrir
kosningamar var þó talin standa
næst rikisstjóminni. Þetta telja
menn að bendi til að Halldór sé bú-
inn að veðja á Siv sem ráðherra
þegar Framsókn og Sjálfstæðis-
flokkur innsigla næstu ríkisstjóm
að morgni 9. maí...
Mathiesen og Árnason
Hinn sívinsæli skák- og kapp-
ræðubar, Grand
Rokk, er langt frá
því að vera hætt-
ur að leggja lin-
umar iýrir kom-
andi kosningar.
Hann ætlar ann-
an fóstudaginn í
röð að boða til
kappræðna
milli frambjóð-
enda fyrir þingkosningam-
ar. í hádeginu á fóstudaginn mun
barinn, í samvinnu við Bylgjuna,
boða til kappræðna milli frambjóð-
andanna Marðar Ámasonar og
Áma Mathiesen. Er búist við
fjölda gesta á kappræðumar en
þátttaka síðasta fóstudag var ffam-
ar björtustu vonum. Stjómandi er
sem fyrr hinn algjörlega ópólitíski
dagskrárgerðarmaður, Snorri Már
Skúlason...
Kosningaspár
Margir em famir að spá í úrsht
alþingiskosninganna þann 8. maí,
bæði fyrrverandi ráðherrar og for-
stjórar. Friðrik Sophusson, fyrr-
verandi fiármála-
ráðherra og for-
sfjóri Landsvirkj-
unar, er einn
þeirra. Hann
var spurðm- að
því um helgina
hvemig alþing-
iskosningam-
ar færa. Hann
var fLjótur til sv
40. Það er að segja Sjálfstæðisflokk-
urinn 40%, Samfylkinginn 30%,
Framsókn 20% og hinir flokkamir
th samans 10%.
Nú er bara að sjá hvort Friðrik
verður sannspár. Ef svo er er
draumur Margrétar Frímanns-
dóttm- og félaga í Samfylkingunni
um ráðherrastóla að engu orðinn.
Umsjón: Haukur L. Hauksson
Netfang: sandkorn @ff. is