Dagblaðið Vísir - DV - 17.05.1999, Blaðsíða 2

2
MÁNUDAGUR 17. MAÍ 1999
Fréttir
Sindri Snær frá Eskifirði fékk ósk sína uppfyllta og fór til Bretlands:
Hápunkturinn aö Liver-
pool burstaði Wimbledon
„Við komum hingað á föstudag-
inn og þetta er búið að vera ævin-
týri líkast," sagði Einar Einarsson,
faðir Sindra Snæs Einarssonar,
drengsins sem brenndist illa á Eski-
firði í lok síðasta sumars og hefur
átt erfiðan vetur þar sem hann hef-
ur að mestu leyti dvalið á Landspít-
alanum. Þar sem vitað var að
Sindri Snær er mikill aðdáandi
enska knattspyrnuliðsins Liverpool
ákvað McDonald á íslandi að bjóða
honum ásamt foreldrum hans og
stórvini hans, Flosa Helgasyni,
vaktmanni á Landspítalanum, sem
hefur gert honum stundirnar á spít-
alanum bærilegri, á síðasta leik
Liverpool í ensku meistaradeild-
inni sem háður var í gær og fór
hópurinn til Englands á föstudag-
inn. Liverpool, sem lék á heimavelli
gegn Wimbledon, átti góðan dag og
sigraði með þremur mörkum gegn
engu.
„Þetta var æðislega gaman og það
að Liverpool skyldi bursta
Wimbledon var hápunkturinn á
ferðinni," segir Sindri Snær sem
var að vonum mjög glaður þegar DV
hafði samband við hann eftir að leik
var lokið. „Það var verst að ég gat
eiginlega ekkert séð þegar mörkin
voru skoruð. Við sátum frekar ofar-
lega og þegar skorað var risu allir á
fætur áður en markið kom og ég sá
því ekki mörkin en það var alveg
þess virði fyrst það var Liverpool
sem skoraði."
Sindri var spurður hvort foreldr-
ar hans og Flosi væru jafnmiklir
Liverpool-aðdáendur og hann sjálf-
ur: „Það held ég nú og Flosi var enn
æstari en ég svo ég held að hann sé
orðinn miklu harðari stuðnings-
maður heldur en ég.“
Að sjálfsögðu klæddist Sindri
Liverpool-gallanum sínum á leikn-
um og Flosi var einnig í sínum
Liverpool-bol: „Það var mjög gaman
að geta mætt í þessum búningi og
sjá flestalla vera eins klædda og
maður sjálfur." Og Sindri segist
aldrei muni gleyma stemningunni á
vellinum. „Þetta var ótrúlegt, allt
þetta fólk sem lifði sig inn í leik-
inn.“
Að sögn föður Sindra fengu þau
sæti mjög ofarlega á vellinum: „Ég
hélt í fyrstu að við myndum lítið sjá
en það var öðru nær, við sáum ljóm-
Sindri Snær Einarsson fyrir framan Anfield-leikvanginn í Liverpool.
andi vel og stemningin var líka
þannig að það var ekki annað hægt
en að taka þátt í henni. í heildina
hefur þessi ferð heppnast mjög vel
og ég vil biðja fyrir þakklæti frá
okkur öllum til McDonalds sem
bauð til þessarar ferðar." Sindri
Snær kemur heim í dag og mun
leggjast inn á Landspítalann ein-
hvern tíma en vonast til að fá að
fara austur til síns heima á Eski-
firði sem fyrst.“ -HK
Sindri Snær Einarsson ásamt foreldrum sínum Einari Einarssyni og Ingi-
björgu Sverrisdóttir og Flosa Helgasyni, vaktmanni á Landspítalanum og
stórvini Sindra.
Tannlæknadeilan dregur dilk á eftir sér:
Starfslið félagsins hættir
Kveikt var í sinu í Ártúnsbrekkunni
á föstudagskvöld, rétt hjá jarðhús-
unum. Mikið er af trjágróðri á þess-
um stað og skemmdist hann nokk-
uð í eldinum. Hér má sjá slökkviliðs-
menn vinna að því að slökkva eld-
inn. DV-mynd S
Erfiðleikar KÞ:
Beðið eftir
aðalfundi
Stjómendur harðviðarverk-
smiðjunnar Aldins hf., dóttur-
fyrirtækis Kaupfélags Þingey-
inga, hafa um helgina unnið að
skýrslu fyrir Landsbankann um
framtíð fyrirtækisins. Starfs-
menn Aldins fengu engin laun
greidd út sl. föstudag en þeir eru
um fimmtán talsins.
Verkalýðsfélag Húsavíkur
samþykkti í gær ályktun þar
sem lýst var yfir þungum
áhyggjum vegna stöðu Kaupfé-
lagsins. Aðalfundm’ KÞ verður
haldinn á þriðjudag og á Húsa-
vík bíða menn milli vonar og
ótta eftir niðurstöðu fundarins.
-kjart
Framkvæmdastjóri Tannlæknafé-
lags íslands ásamt hinum starfs-
krafti skrifstofu félagsins er á för-
um frá félaginu vegna hinna harð-
vítugu deilna sem ríkja í félaginu.
Sigríður Dagbjartsdóttir, fram-
kvæmdastjóri félagsins og starfs-
maður í 21 ár, sagði í gær að hún
vildi hætta störfum, og undir það
tók Anný Antonsdóttir ritari sem
unnið hefur hjá félaginu í 6 ár. Þær
segjast renna blint í sjóinn með
framtíðaratvinnu en báðar hætta í
júní.
í fréttabréfi Tannlæknafélagsins
sem barst félagsmönnum í síðustu
viku eru kveðjuorð þeirra tveggja.
Þær segjast kveðja með söknuði,
vinnustaðurinn hafi verið góður.
En á síðasta hausti m-ðu breytingar
sem hafa í raun skipt félaginu í tvo
helminga. „I harðvítugum deilum
félagsmanna í haust urðum við þess
áskynja, okkur til mikils ama, að
skrifstofan var dregin inn í kosn-
ingabaráttuna, okkur Anný að
ósekju," segir í kveðjuorðum frétta-
bréfsins, sem Sigríður skrifaði.
Enn fremur segja þær að stjórn
félagsins hafi nú „frjálsar hendur og
getur nú kerlingalaust tekið til við
að efna kosningaloforðin", eins og
segir í bréfinu.
Sigríður sagði að breytingar í fé-
laginu og óánægja hafi valdið því að
þær ákváðu báðar að hætta. Bylt-
ingin í félaginu hafi komið af stað
illindum manna á meðal, ástandi
sem var óþekkt, en bitnar mjög á
skrifstofunni.
-JBP
Tannlæknar á byltingarfundi á síðasta hausti, síðan er félagið nánast klofið í tvennt. DV-mynd Teitur
Stuttar fréttir i>v
Vinnuskylda
Ingibjörg Sólrún Gísladóttir
borgarstjóri segir óánægju kenn-
ara með stöðu
sína og kjör
það alvarlega
að ekki verði
komist hjá því
að gera grund-
vallarbreyting-
ar á skólastarf-
inu. Breyting-
arnar sem borgarstjóri vill ná
fram felast fyrst og fremst í því
að kennarar skipuleggi starf sitt
fyrst og fremst í skólanum.
„Vinnuskylda" taki við af
„kennsluskyldu". Textavarpið
greindi frá.
Borgar sig að léttast
íslenskur læknir i Svíþjóð hef-
ur sýnt fram á það í doktorsrit-
gerð sinni að offfitusjúklingar,
sem léttast varanlega um 20-30
kíló, eiga síður á hættu að fá
hjarta- og æðasjúkdóma eftir það.
Textavai-pið greindi frá.
Skólagjöld hækka
Skólagjöld í ísaksskóla hækka
um 100 prósent næsta vetur í
kjölfar þess að nýr þjónustu-
samningur var gerður við skól-
ann: Foreldrafélag skólans telur
að með samningnum sé nemend-
um ekki tryggð sama greiðslu og
nemendum annarra skóla borgar-
innar.
Nýr framkvæmdastjóri
Bernhard Petersen mun síð-
sumars taka við stöðu fram-
kvæmdastjóra
Vöku-Helga-
fells í stað
Ólafs Ragnars-
sonar sem mun
sem starfandi
stjórnarfor-
maður einbeita
sér að upp-
byggingu fyrirtækisins en fyrir-
hugað er að skrá það á Verð-
bréfaþing íslands. Ólafur stofnaði
Vöku-Helgafell fyrir um 20 árum
og hefur stýrt rekstri þess síðan
þá. Bernhard er viðskiptafræð-
ingur og starfaði síðast sem fram-
kvæmdastjóri Félagsstofnunar
stúdenta.
Til fyrirmyndar
David Friedman, bandarískur
prófessor sem er sonur nóbels-
verðlaunahafans Miltons Fried-
mans, segir að íslenska Þjóðveld-
ið hafi verið til fyrirmyndar þar
sem það hafði aðeins einn ríkis-
starfsmann. Friedman er staddur
hér á landi og heldur nokkra fyr-
irlestra, m.a. hjá íslandsbanka og
Verslunarráöi íslands.
Kosovo-söfnun
Hjálparstofnun kirkjunnar og
Rauði kross íslands efna til söfn-
unar vikuna 17.-20. maí fyrir
fómarlömb átakanna á
Balkanskaga. Söfnunin hefst á
Stöð 2 í dag og nær hápunkti á
fimmtudaginn. Söfnunarsíminn
er 7 50 50 50 en einnig er hægt að
leggja inn á reikning Spron núm-
er 1150 26 56789.
Lyfjakostnaður eykst
Haraldur Briem smitsjúk-
dómalæknir segir að færri látist
af völdum al-
næmis hér á
landi en áður.
Hann segir að
kostnaður
vegna lyfja-
meðferðar hafi
aukist ár frá
ári. 126 íslend-
ingar hafa smitast hér á landi og
hafa 40 látist.
Gistu 800 þús. nætur
Erlendir ferðamenn eyddu
samtals 800 þúsund gistinóttum á
íslandi skv. nýrri könnun sem
Hagstofan framkvæmdi. Flestar
vora á höfuðborgarsvæðinu og á
Reykjanesi. Á vesturhluta lands-
ins eyddu ferðamennirnir 55 þús-
und gistinóttum og á austurhluta
landsins 220 þúsund. -hb