Dagblaðið Vísir - DV - 25.08.1999, Blaðsíða 11

MIÐVIKUDAGUR 25. ÁGÚST 1999
11
Fréttir
Náttúruverndaráætlun fyrir norðurheimskautssvæðin:
Áhersla lögð á
varðveislu minja
DV, Akureyri:
Aukin fræðsla í skólum um
menningu og umhverfismál á
norðurheimskautssvæðum,
áhersla á varðveislu nátttúru- og
menningarminja, græn ferðaþjón-
usta, samstarf um forvarnir gegn
umhverfisglæpum og aðferðir til
að meta áhrif veiðarfæra og veiði-
aðferða á lífríki sjávar eru meðal
áhersluatriða í náttúruvemdar-
áætlun fyrir norðurheimskauts-
svæðin sem norrænu umhverfis-
ráðherrarnir samþykktu á fundi
sínum i Mývatnssveit nú í vik-
unni.
Með áætluninni, sem tekur gildi
á næsta ári, vilja ráðherrarnir
beina sjónum sinum í vaxandi
mæli að sjálfbærri þróun og vernd
menningarlandslagsins á norður-
heimskautssvæðunum en í þessu
samhengi er átt við ísland, Græn-
land og Svalbarða, auk þess sem
aðrar Norðurlandaþjóðir, s.s. Fær-
eyingar, geta tekið þátt í ýmsum
verkefnum áætlunarinnar.
Norrænu umhverflsráðherrarn-
ir telja að það sem ógni nátttúru
norðurheimskautsins einna mest
sé vaxandi umferð, mengun, ósjálf-
bær auðlindanýting og loftlags-
breyting af manna völdum. Nátt-
úra norðurheimskautssvæðisins
sé sérlega viðkvæm því lífverur og
lífkerfi hafi í tímans rás þróast á
ákveðinn hátt til þess að geta að-
lagast hinum sérstöku loftlagsskil-
yrðum sem þar ríkja.
Norræna áætlunin hefur að
geyma tillögur um 14 verkefni og 5
svið þar sem gert er ráð fyrir sér-
stökum aðgerðum. Þar er m.a. um
að ræða framkvæmd Staðardag-
skrár 21 á norðurslóðum, samþætt-
ingu umhverfissjónarmiða í ferða-
þjónustu, í vísindarannsóknum og
í skólakerfinu. Huga skal sérstak-
lega að verndun gæsa, sjófugla og
selategunda. Tryggja skal varð-
veislu menningarminja og þá er
lagt til að unnið verði að áætlun
um hvernig koma megi í veg fyrir
umhverfisglæpi á norðurheim-
skautssvæðunum.
Ráðherrarnir ræddu einnig um
mengun sjávar og ákváðu að grípa
til aðgerða í því skyni að stuðla
enn frekar að verndun hafsins á
norðurheimskautssvæðunum.
-gk
Unnið að dýptarmæl-
ingum við Snæfellsnes
DV, Vesturlandi:
Um þessar mundir er unnið að
dýptarmælingum við Snæfellsnesið.
Ms. Baldúr hefur í sumar farið með
Snæfellsnesinu sunnanverðu, fyrir
Öndverðarnes og er nú við Ólafsvík.
Að sögn Hilmars Helgasonar, for-
stöðumanns Sjómælinga íslands,
eru dýptarmælingar þessa svæðis,
sem fram koma á sjókortum í dag,
að stærstum hluta frá því um sið-
ustu aldamót. En þær mælingar
voru gerðar af Dönum með tækni
þess tíma, handlóðum og sextant. í
dag eru fullkomnir bergmálsdýptar-
mælar og GPS-staðsetningartækni
notuð til að tölvuskrá dýptina en
ætlunin er að gefa síðan út ný kort
í mælikvarðanum 1:100.000. Baldur
mun fljótlega koma inn á Grundar-
Qörð og síðan er áformað að halda
mælingunum áfram til Stykkis-
hólms í haust eða næsta vor.
-DVÓ/GK
Fjöldi manna var viðstaddur vígsluna.
| iC « | -f* tiW* -fi ■ w | - ■ 'W C n Ú _A /f
,r sm; áU- k i
Nýja sundlaugin vígð
DV, Stykkishólini:
Nýja sundlaugin í Stykkishólmi
var formlega tekin í notkun þann
13. ágúst síðastliðinn. Fjöldi manns
var viðstaddur hátíðlega athöfn á
sundlaugarbakkanum, meðal ann-
arra Sturla Böðvarsson, Ingibjörg
Pálmadóttir og aðrir þingmenn
Vesturlands. Ólafur Hilmar Sverris-
son bæjarstjóri bauð gesti velkomna
og síðan tók Ellert Kristinsson, for-
maður byggingamefndar sundlaug-
arinnar, til máls. Hann rakti bygg-
ingarsöguna og fram kom í máli
hans að kostnaður við framkvæmd-
ina nam 175 milljónum króna. Hann
gat þess einnig að næstum 10.000
manns hefðu komið i laugina síðast-
liðinn mánuð og jafngilti það því að
hver Hólmari hefði farið í sund
tvisvar sinnum í viku. Að loknum
ræðuhöldum blessaði sóknarprest-
urinn í Stykkishólmi, séra Gunnar
Eiríkur Hauksson, mannvirkið.
Það þótti vel við hæfi að ljúka at-
höfninni með því að þau Hrefna
Gunnarsdóttir og Rúnar Gunnars-
son styngju sér til sunds þvi þau
voru bæði fengin til þess að taka
fyrstu skóflustunguna að lauginni
fyrir rúmu ári.
-BB
Gerth A. Pivat vill eyða ævidögum sínum í Kuumiit. Hér er hann ásamt Bent, 6
ára barnabarni sínu, en börnin hans þrjú eru flutt í burtu. DV-mynd Róbert R
Grænlenskur veiöimaður í Kuumiit:
Ætla að
deyja hérna
- og veit lítiö um ísland
DV, Kuumiit:
„Ég veit lítið um ísland. Árið
1964 millilenti ég í Keflavík en það
var aðeins stutt stopp,“ segir
Gerth A. Pivat, 48 ára grænlensk-
ur veiðimaður og sjoppueigandi,
sem býr í þorpinu Kuumiit á Aust-
ur-Grænlandi. Alls búa í þorpinu
um 400 manns sem lifa á veiði-
mennsku og styrkjum, auk þess
sem nokkrir vinna í frystihúsi
Nuka A/S. Rennandi vatn er að-
eins í nokkrum húsum og vatns-
salerni eru óþekkt ef undan er
skilið frystihúsið. Fólk ber vatn og
olíu í fotum heim en þrír bæjar-
starfsmenn hafa atvinnu af því að
tæma kamra þorpsbúa..
Pivat hefur alið allan sinn aldur
í Kuumiit ef undan er skilið eitt ár
sem hann bjó í Danmörku. Hann
veiðir á jullu sinni en selur snakk,
sælgæti og gos úr skúr á kvöldin.
Þá daga sem styrkur íbúanna er
greiddur út bíður hann á tröppum
kaupfélagsins til að innheimta það
sem han hefur skrifað hjá sveit-
imgum sínum.
Hann segir gott að búa í þorpinu
og önnur lönd eða svæði heilli sig
ekki. Áhyggjuefnið sé helst að
unga fólkið setjist ekki að á heima-
slóðum og vilji búa á þéttbýlli
svæðum. Hann á þrjú böm sem öll
eru flutt í burtu. Eitt er í Dan-
mörku en tvö í Ammassalik sem
er 2000 manna bær skammt frá
Kuumiit.
Unga fólkið vill ekki lifa af veið-
um og það flytur því í burtu," seg-
ir Pivat.
Hann ljómar þegar DV spyr
hann hvort hann hafi einhvern
tímann veitt ísbjörn.
„Ég hef veitt alls átta ísbirni,"
segir hann.
-rt