Dagblaðið Vísir - DV - 25.08.1999, Blaðsíða 19
MIÐVIKUDAGUR 25. ÁGÚST 1999
51
Fréttir
Danska konungsfjölskyldan býr síg undir fjölgun:
Margrét drottning
orðin viðþolslaus
Margrét Þórhildur Danadrottning
ætlar ekki að prjóna á fyrsta barna-
barnið sitt sem væntanlegt er í
heiminn eftir fáeinar vikur. Ástæð-
an er einfóld:
„Ég kann sem betur fer ekki að
prjóna,“ segir drottning í danska
vikublaðinu Billed Bladet.
Ekki þar með sagt að henni
standi á sama um bamið sem Alex-
andra prinsessa, eiginkona Jóakims
prins, ber undir belti. Þvert á móti.
Drottning segist hlakka alveg
óskaplega til en hún sé bara hrein-
lega ekki búin að átta sig á þessu
öllu saman.
„Við verðum áreiðanlega ferlega
kjánaleg afi og amma, eins og allir
afar og ömmur eru,“ segir drottning
um þau Henrik prins.
Starfsfólk dönsku hirðarinnar og
aðrir Danir geta ekki átt von á að
sjá afa gamla ýta barnavagni á und-
an sér og ekki er þess heldur að
vænta að hann skipti á blessuðu
Alexandra og Jóakim gera Margréti
Þórhildi Danadrottningu að ömmu
innan fárra vikna.
barninu.
„Af hverju ætti ég að gera það?
Ég er bara afinn þegar á allt er lit-
ið,“ segir hann. En sannleikurinn er
ekki langt undan.
„En ég verð að viðurkenna að ég
kann það ekki,“ segir Henrik.
Af foreldrunum tilvonandi, þeim
Alexöndru og Jóakim, er annars
það að frétta að þau fluttu nýlega til
Kaupmannahafnar frá kastala sín-
um á Jótlandi. Nánar tiltekið komu
þau sér fyrir í Amalienborgarhöll
til að vera nær Lansanum þeirra
Dana.
Þótt ekki sé gert ráð fyrir að
bamið komi í heiminn fyrr en í
septemberbyrjun vilja hjónakomin
vera við öllu búin, sem vonlegt er.
Það er jú aldrei að vita hvað barn-
inu liggur mikið á.
Að sögn hirðmeistara drottningar
hafa ekki verið gerðar neinar sér-
stakar ráðstafanir í Amalienborg
fyrir komu barnsins.
Blaðberar óskast
í eftirtaldar götur:
Brúnaveg Selvogsgrunn Máshóla
Dalbraut Sporðagrunn Orrahola
Ugluhola
Valshóla
Auðbrekku
Löngubrekku Bankastræti
Laufbrekku Laugaveg
Upplýsingar veitir afgreiðsla
W | DV í síma 550 5000
Hasarkroppurinn Joaquin Cortes, sem er fyrrverandi elskhugi
ofurfyrirsætunnar Naomi Campbell, heillaði alla viðstadda og milljónir
sjónvarpsáhorfenda þegar hann dansaði af ástríðu á setningarhátíð
heimsmeistaramótsins í frjálsum fþróttum í Sevilla á Spáni um helgina.
Símamynd Reuter
Tveir lífverðir
gæta Brooklyns
Það er ekki bara dans á rósum að
vera frægur. Kryddpían Victoria
Adams, sem eignaðist soninn
Brooklyn siðastliðinn vetur, er svo
hrædd um að þeim stutta verði
rænt að hún hefur ráðið tvo lífverði
til að gæta hans. Verða lífverðirnir
í fullu starfi við gæsluna á Brooklyn
litla sem er orðinn fimm mánaða og
fá þeir góða þóknun fyrir, að því er
bresk slúðurblöð greina frá. David
Beckham, eiginmaður Victoriu, er
ekki síður hræddur um að óprúttn-
ir náungar ræni drengnum.
Victoria Adams. Símamynd Reuter
BORGARSKIPULAG REYKJAVÍKUR
BORGARTÚN 3 • 105 REYKJAVÍK • SÍMI 563 2340 • MYNDSENDIR 562 3219
Auglýsing um breytingu á aðalskipulagi Reykjavíkur
1996 - 2016 og deiliskipulag fyrir Laugarnes,
Klettasvæði og breytingu á deiliskipulagi Kirkjusands
í samræmi við 21. og 25. gr. skipulags- og byggingarlaga nr. 73/1997, með
síðari breytingum, eru hér með auglýst til kynningar deiliskipulagstillögur
fyrir greind svæði og tillaga að breytingu á aðalskipulagi Reykjavíkur 1996-
2016 í tengslum við þær.
Aðalskipulagstillagan lýtur að því að tengibrautin Hólavegur er falli burt,
tengibrautin Klettagarðar milli Sæbrautar og Sundagarða bætist við.
Borgarvernd á Laugarnesi falli niður en í stað þess verði svæðið
hverfisverndað. Hluti Kirkjusands (Laugarnesvegur 89) verði að íbúðarsvæði
í stað athafnasvæöis.
Laugarnes
Svæðið afmarkast af Sæbraut í suður og nýrri tengibraut, Klettagörðum, í
austur. Skipulagstillagan tekur mið af því að á Laugarnesi er heilsteypt
menningar- og náttúrulandslag og að svæðið fái notið sín sem "ósnortið
útivistarsvæði".
Klettasvæði
Svæðið afmarkast af Sæbraut í suður, nýrri tengibraut, Klettagörðum, í
vestur, höfninni í norður, Sundagörðum og Korngörðum í austur. Tillagan
felur í sér nýtt skipulag af svæðinu í heild.
Kirkjusandur
Svæðið afmarkast af Sæbraut í norður, Laugalæk í suður og Laugarnesvegi
í austur. Tillagan lýtur að því að gera þessar breytingar helstar á staðfestu
deiliskipulagi svæðisins frá 30.11 .'90, sbr. og breytingu á því frá 17.10/96:
landnotkun á lóðinni Laugarnesvegi 89 breytist úr athafnasvæði í
íbúðasvæði, sú lóð stækkar úr 7.534 m2 í u.þ.b. 8.160 m2, legu
Laugarnesvegar og gatnamótum hans við Sæbraut er breytt, gatnamótum
Sæbrautar og Kirkjusands er breytt og lóðin nr. 91 við Laugarnesveg
stæk.kar úr 22.467 m2 í u.þ.b. 24.175 m2.
Tillögurnar liggja frammi í sal Borgarskipulags og byggingarfulltrúa í Borgartúni 3,
1. hæð, virka daga kl. 10.00 - 16.00 frá 25. ágúst til 22. september 1999.
Ábendíngum og athugasemdum skal skila skriflega til Borgarskipulags Reykjavíkur
fyrir 6. október 1999.
Þeir sem eigi gera athugasemdir innan tilskilins frests, teljast samþykkja tillögurnar.
17. ágúst 1999
Þorvaldur S. Þorvaldsson, skipulagsstjóri.