Dagblaðið Vísir - DV - 13.09.1999, Blaðsíða 4

4
MÁNUDAGUR 13. SEPTEMBER 1999
Fréttir
DV
scmdkorn
Heilbrigöisyfirvöld íhuga úrræði:
Bann á sölu
ferskra kjúklinga
- úr kjúklingabúum meö mikinn campylovanda
„Það er ófært að 80 prósent þeirra
sýna sem tekin eru úr kjúklingabúi
reynist sýkt af campylobacter. Við
beitum nú aðferðum til að ná þessu
niður, t.d. með því að mæla stöðugt
í búunum. Til greina getur komið
að banna sölu á ferskum afurðum
frá þeim sem eru með einhvem
campylobactervanda. Mörkin hafa
ekki verið ákveðin en ég hugsa að
við myndum vilja sjá markið við 10
prósent, eins og gerist í Noregi, þar
sem hvað bestur árangur hefur
náðst.“
Þetta segir Haraldur Briem sótt-
vamalæknir um aðgerðir heilbrigð-
isyfirvalda til að sporna við
campylofaraldri í kjúkling-
um.
Mælingar á tiðni
campylobactersýkinga í
kjúklingabúum sýna að mest
hefúr mælst um 80 prósent
mengun í Reykjagarði sem
framleiðir Holtakjúklinga. Að-
spurður um hvort ekki hefði
komið til greina að stöðva sölu
fr á búi þar sem 80 prósent sýna
hefðu verið sýkt sagði Harald-
ur að eina ráðið hefði verið að vara
neytendur við og benda á rétta með-
höndlun. „Okkur vantaði tölur frá
sumum búum meðan ailtaf var verið
að skoða frá öðrum,“ sagði hann.
„Skýringin sem gefin var á
þessu er sú að ekki hefðu
fúndist kjúklingar frá sum-
um framleiðendum meðan
afurðir frá öðrum hefðu ver-
ið ráðandi á markaðnum.
Campylobacter hefur ver-
ið í kjúklingum hér alla tíð.
Meðan kjúklingar voru fryst-
ir var sýkingatíðnin tiltölu-
lega lítil. Þegar markaðshlut-
deild ferskra kjúklinga jókst
fóru fleiri að smitast. Þetta hlýtur að
vera ástæðan."
Aðspurður um hvort heilbrigðisyflr-
völd hefðu sofið á verðinum sagði Har-
aldur að svo hefði ekki verið. Hins veg-
ar mætti deila um hvort nóg hefði ver-
ið að gert.
„Annaðhvort ákveðum við að hafa
kjúkling á markaði eða ekki. Það er
mjög erfltt að uppræta þetta og þeir
sem ná bestum árangri eru með 10 pró-
sent mengun eins og ég gat um áður.“
Haraldur sagði að sett hefði verið í
reglugerð yfirdýralæknisembættisins
að fylgst yrði með salmonellu á búun-
um. Nú stæði einnig til að setja
campylobacter í reglugerð þannig að
einnig yrði farið að mæla það á búun-
um. „Við setjum okkur það markmið
að ná sýkingunni niður eins og best
gerist annars staðar."
-JSS
Haraldur Briem.
Lögreglan leitar enn ræningjans sem lagði til atlögu í Bláhorninu í Kópavogi.
DV-mynd S
Ræningi lagði á flótta
Skemmdarvargar á ferð:
Bíll þýskra ferða-
manna stór-
skemmdur
Tveir þýskir ferðamenn urðu fyrir
þeirri óskemmtilegu reynslu um helg-
ina að veist var að bíl þeirra á meðan
þeir sváfu og hann stórskemmdur.
Síðastliðið fóstudagskvöld voru Þjóð-
verjamir á ferð á ísólfsskálavegi sem
liggur á milli Krýsuvikur og Grinda-
víkur. Þeir tjölduðu við veginn á móts
við fjalliö Skála-Mælifell og lögðu bíln-
um skammt frá. Um nóttina brutu
skemmdarvargar allar rúður í bílnum,
stöppuðu ofan á velarhlíf, skotti og
þaki bílsins. Þá voru öll ljós brotin.
Lögreglan segist hafa nokkra unglinga
í Grindavík undir grun en vill ekki tjá
sig nánar um málið að svo stöddu.
Rannsókn er i fullum gangi. -HG
Skemmdur bíllinn. DV-mynd AG
Misheppnuð ránstilraun var gerð
í söluturninum Bláhominu á
Smiðjuvegi í fyrrakvöld. Ræninginn
fór inn í söluturninn, hafði í hótun-
um við afgreiðslustúlkuna þar og
heimtaði peninga. Hann ógnaði
henni einnig með hamri sem hann
hafði meðferðis. Að sögn lögreglu
brást afgreiðslustúlkan hárrétt við
og hélt ró sinni. Eftir nokkur orða-
skipti á milli hennar og ræningjans
lagði hann á flótta og gleymdi hamr-
inum á afgreiðsluborðinu.
Lögreglan var skömmu síðar
kvödd á vettvang og tók hún hamar-
inn í sína vörslu. Ræninginn var
ekki enn fundinn þegar blaðið fór í
prentun en lögreglan í Kópavogi
leitar hans. í gær bárust lögregl-
unni upplýsingar sem geta leitt til
þess að maðurinn finnist og er lög-
reglan bjartsýn á að handsama
hann fljótlega.
-HG
Meintir vandræðamenn
Lkiií/y/J
Fyrirtæki og verslanir
í nágrenni Hlemmtorgs
hafa lagt saman krafta
sína í tilraun til að kaupa
húsnæði veitingastaðar-
ins Keisarans. Veitinga-
maðurinn hafnaði síðasta
tiiboði í staðinn en nú
mun vera í smíðum ann-
að tilboð sem hann á ekki
að geta hafnað. Lítur því
út fyrir að Keisaranum
verði lokað innan tíðar
og kúnnarnir fari á ver-
gang. Kúnnar Keisarans
eru af ýmsu sauðahúsi en
eiga það margir sameig-
inlegt að vera meintir
vandræðamenn. Það er
félagsskapur sem starfs-
fólk fyrirtækja og stofn-
ana í næsta nágrenni
kærir sig ekki um. Ein-
hvers staðar verða vondir að vera en enginn vill
hafa þá við hliðina á sér. Vertinum líst eðlilega
ekki á höfuðborgina ef kúnnamir hans lenda á
vergangi. Á Keisaranum hafa meintir vandræða-
menn átt athvarf og ekki verið til vandræða úti í
hinum stóra heimi á meðan. Dagfari sér fyrir sér
ferli þar sem meintir vandræðamenn munu
verða á götunni um hríð en finna sér brátt sama-
stað á annarri knæpu. Nágrannar þeirrar knæpu
munu fljótt fá sig fullsadda af umgangi meintra
vandræðamanna og taka sig saman um að kaupa
húsnæðið og koma vertinum út. Og svo framveg-
is. „Einhvers staðar verða þessir menn að vera
en ég vil ekki hafa þá við hliðina á mér,“ segja
nágrannarnir.
Á Keisaranum hefur verið hægt að ganga að
öllum meintum vandræðamönnum höfuðborgar-
innar á einum stað. Slíkt er auðvitað til mikils
hagræðis fyrir lögregluna sem ekki getur sinnt
nema brýnustu verkefnum vegna niðurskurðar
og blankheita. Vertinn á Keisaranum spáir því að
glæpir eigi eftir að stóraukast verði staðurinn
lagður niður.
Og þar sem löggan er blönk og getur ekki stað-
ið í því að eltast við meinta vandræðamenn stefn-
ir sannarlega í óefni. Einhvers staðar verða vond-
ir að vera og í stað þess að hrekja meinta vand-
ræðamenn úr einum stað í annan má leysa mál-
ið í eitt skipti fyrir öll með því að flytja Keisar-
ann yfir Hlemmtorg, í lögreglustöðina. Þá þarf
löggan ekki að fara út úr húsi til að eltast við
meinta vandræðamenn, glæpir munu ekki stór-
aukast og enginn meintur vandræðamaður fer út
fyrir Keisarans dyr nema allsgáður, þveginn og
strokinn. Og hagur lögreglunnar mun auðvitað
stórbatna því það er ekki eingöngu vegna ástar
sinnar á meintum vandræðamönnum sem vert-
inn á Keisaranum hefur ekki viljað selja heldur
vegna þess að viðskiptin blómstra. Blómstrandi
vertshús mun rétta af fjárhag löggunnar sem þá
þarf ekki að fara út úr húsi til að eltast við
meinta vandræðamenn. Getur hún þá einbeitt sér
að alvöruglæpamönnum sem eru of ríkir og flnir
til að láta sjá sig á stöðum eins og Keisaranum.
Og meintum vandræðamönnum mun sjálfsagt
finnast þeir vera eins og heima hjá sér því þó
vertinn fylgi ekki með yfir götuna má flnna tví-
fara hans í liði lögreglunnar sem hafa örugglega
ekkert á móti því að skenkja góðvinum sínum.
Dagfari
Eðalfraukur til íslands
Á vegum Eskimo Models stendur fyr-
ir dyrum mikil tískusýning í tilefni
þess að ný alþjóðleg tískuverslanakeðja
hyggst opna stærra og virðulegra útibú
á Reykjavíkursvæðinu.
Nú hefúr spurst út
meðal helstu mann-
kostamanna landsins
að allar líkur séu á að
tvær af frægustu
tískusýningarkonum
heims fyrr og síðar
komi til landsins af
þessu tilefni. Þeir
eru þvi þegar byrj-
aðir að setja fótin sín í hreinsun,
bursta skóna og tennurnar og endur-
nýja Old Spice rakspírabirgðimar.
Dömurnar em nefnilega kvenkostirnir,
súpermódelin og eðalfraukumar, Na-
omi Campbell hin dökka og Helene
Christensen hin danska.
Kvennamunur
Sú milda leið sem borgaryflrvöld
hafa ákveðið að fara að kennumm í
sambandi við ofgreidd laun, að höfða
til samvisku þefrra hvort þeim hugs-
anlega þóknist að skila
aftur því sem þeim hef-
ur verið ofborgað i
launum, hefur vakið
athygli alþjóðar. Það
hefur ekki síður vak-
ið athygli að borgar-
yfirvöldum þótti ekki
taka því að fara jafn-
mildilega að þeim
sem skúra skólahúsin,
skólaliðunum, sem líka fengu ofborguð
laun. Það þótti nú ekki ómaksins vert
að vera að höfða til einhverrar sam-
visku þeirra heldur bara rífa snarlega
af þeim þetta 40- 50 þúsund kall af 70
þúsund króna heildarmánaðarlaunum.
Yfirgnæfandi meirihluti kennara og
skólaliða eru konur og telja skólalið-
arnir að af þessu megi sjá með hvorri
starfsstéttinni hjarta Ingibjargar Sól-
rúnar Gisladóttur borgarstjóra og
Sigrúnar Magnúsdóttur, formanns
fræðsluráðs, slær...
Hlutleysi
Það var ekki laust við að hinn bjart-
leiti stjórnarformaður Landsvirkjun-
ar, Jóhannes Geir Sigurgeirsson,
ætti erfitt i flmmtudagsumræðunni í
Sjónvarpinu í síðustu
viku. Umræðunni
stjórnaði hinn víðfórli
Ómar Ragnarsson
og tefldi Ólafi Erni
Haraldssyni, hinum
umhverflsvæna
framsóknarþing-
manni gegn Lands-
virkjunarformann-
inum sem átti í vök að
verjast, aðallega vegna þess hve hart
hinn hlutlausi stjórnandi sótti að Jó-
hannesi. Menn segja að andköf Aust-
firðinga hafl heyrst alla leið norður á
Þórshöfn þegar stjórnandinn sótti
hvað harðast að Jóhannesi Geir og
spurði hann hvort þeir ætluðu 'virki-
lega að sökkva stuðlabergi, gljúfrum
og gróðurflákum í vatn, allri álfunni
til óbætanlegs tjóns...
Grófar falsanir
Hjörleifur Guttonnsson fyrrv. al-
þingsmaður vandar Gunnlaugi Stef-
ánssyni fyrrum þingmanni og klerki í
Eydölum ekki kveðjurnar á heimasíðu
sinni á Netinu. Hjör-
leifur segir málflutn-
ing hans og staðhæf-
ingar í Morgunblaðs-
grein nýlega, um að
Fljótsdalsvirkjun
hafi sérstaklega ver-
ið undanþegin um-
hverfismati á Al-
þingi árið 1993 þeg-
ar núverandi lög um umhverfis-
mat voru sett, ekkert annað en grófar
falsanir og mjög óvandaðan málflutn-
ing. Gunnlaugur hafi á þessum tíma
átt aö heita formaður umhverfisnefnd-
ar. Hann hafi hins vegar verið flarver-
andi lokaafgreiðslu málsins í nefnd-
inni og framsaga fyrir því í höndum
annars þingmanns...
Umsjón: Stefán Ásgrímsson
Netfang: sandkom feff. is
■B