Dagblaðið Vísir - DV - 19.11.1999, Blaðsíða 2
2
FÖSTUDAGUR 19. NÓVEMBER 1999
Fréttir
Salmonella í tveim-
ur kjúklingabúum
- haföi ekki fundist í búum síðastliðin tvö og hálft ár
Salmonella hefur fundist i eldis-
hópum í tveimur kjúklingabúum.
Er þetta í fyrsta skipti í tvö og hálft
ár sem salmonella greinist í búum
hér á landi. Halldór Runólfsson yf-
irdýralæknir staðfesti þetta í við-
tali við DV. Hann sagði að
kjúklingahópunum hefði verið
slátrað um leið og salmonellan
fannst.
„Þama var um að ræða tvo eldis-
hópa kjúklinga sem salmonella
greindist í,“ sagði Halldór. „Þeim
hópum var, í samvinnu við viðkom-
andi framleiðendur, fargað strax á
uppeldisstigi, þannig að þeir komu
aldrei til slátrunar. Öll hús voru
sóttthreinsuð vandlega áður en
nýir hópar vom settir þar inn.“
Halldór sagði að reglulega væru
tekin sýni úr eldishópum kjúklinga
til að fylgjast með campylobacter og
salmonellu. Sú sýnataka færi fram
þegar kjúklingarnir væru 2-3
vikna.
Heilbrigðisyfirvöld hafa lengi
barist við salmonellubakteríuna.
Tvær stórar sýkingar komu upp
1987 í Búðardal og Laugum á Snæ-
fellsnesi. Árið 1996 kom upp hóp-
sýking á Landspítalanum sem rak-
in var til rjómabolla. Landbúnaðar-
ráðuneytið veitti síðan 40 milljónir
til Félags kjúklingabænda vegna
baráttunnar við salmonellu. Félag-
ið varði þeim til að kaupa upp tvö
kjúklingabú og loka þeim.
„Við litum á þessa greiningu nú
sem einstakt tilfelli, sem menn hafa
ekki skýringu á,“ sagði Halldór.
„Við vitum ekki hvernig þetta hef-
ur komist inn í húsin. Hins vegar
útrýmum við ekki salmonellu á ís-
landi. Hún er í mávum, hröfnum og
víðar og því alltaf yfirvofandi."
Halldór sagði að salmonella hefði
ekki fundist í alifuglum hér frá því
í febrúar 1997 þar til nú. Þessi til-
felli nú hefðu komið á óvart. Hann
kvaðst ekki vilja tilgreina í hvaða
kjúklingabúum salmonellan hefði
komið upp. Kjúklingamir hefðu
ekki farið í vinnslu né verslanir og
því bæri ekki nauðsyn til að koma
þeim upplýsingum til neytenda.
-JSS
Campylobacter:
Finnst í öndum
og kalkúnum
„Það er nokkurn veginn öruggt mál
að sé campylobactermengun í þarma-
innihaldi eldisfugla þá berst bakterí-
an í hátt í hundrað prósent afurðanna
við slátrun," sagði Franklín Georgs-
son hjá Hollustuvernd, aðspurður um
mengun í kjötsýnum úr kalkúnum og
öndum. í skýrslu heilbrigðisyfirvalda
um campylobacter til umhverfisráð-
herra kemur m.a. fram að sýni voru
tekin úr eldishópum anda og kalkúna.
í öndunum reyndist vera 71 prósent
mengun en 20 prósent í kalkúnunum.
Engar tölur voru um mengun í afurð-
um þessara fuglategunda í skýrsl-
unni. Franklín sagði að hollustuvernd
heíöi fengið jákvæð sýni úr kalkúnum
áður en umrædd úttekt hófst. Al-
mennt talað væru nauðsynlegustu að-
gerðimar í alifuglaræktun að hindra
að mengun bærist inn í eldið. For-
vamaraðgerðirnar miðuðu að því að
vinna gegn campylobacter í eldishóp-
um kjúklinga nú. Einnig væri unnið
að því að bæta vinnslu sláturhúsa til
að minnka krossmengun. -JSS
Skilti mæðgnanna við tannlækna-
stofu þeirra í Núpalind 1.
Tannlæknastríð
í Kópavogi
Mæðgurnar Kristín Ragnarsdóttir
og Anna Stefánsdóttir, sem reka tann-
læknastofu í Núpalind 1 í Kópavogi,
hafa sett upp stórt auglýsingaskilti
utan á húsnæði sitt til að auglýsa
þjónustu sína og rekstur. í Bæjarlind,
þar rétt hjá, starfar Vilhjálmur Þ. Vil-
hjálmsson tannlæknir og hann er
ekki ánægður með auglýsingaskilti
þeirra mæðgna. Hefur Vilhjálmur
gert athugasemd við skiltið og kvart-
að yfir stærð þess við Tannlæknafé-
lagið.
„Samkvæmt siðareglum tannlækna
era útimerkingar með þessum hætti
bannaðar. Ef tannlæknar vilja á ann-
að borð vera félagar í Tannlæknafé-
laginu verða þeir áð fara að lögum
þess,“ sagði Bolli Valgarðsson, fram-
kvæmdastjóri Tannlæknafélagsins,
aðspurður um tannlæknadeiluna í
Kópavogi. „í lögum félagsins er skýrt
ákvæði þess efnis að skilti við tann-
læknastofur megi ekki vera stærri en
15 sentímetrar á hæð og 40 sentímetr-
ar á breidd," sagði Bolli.
Mæðgurnar í Núpalind hafa óskað
eftir því að deilan verði sett í gerðar-
dóm Tannlæknafélgsins en í þeim
dómi sitja fimm fyrrverandi formenn
Tannlæknafélagsins. -EIR
Sólveig Pétursdóttir dómsmálaráðherra og Haraldur Johannessen ríkislögreglustjóri funduðu með Janet Reno,
dómsmálaráðherra Bandaríkjanna, í dómsmálaráðuneytinu í Washington í gær. Símamynd Reuter
Fjarstýrðir flugeldar
- hægt að skjóta upp innan úr stofu
„Þetta kostar milljón úti i heimi.
Hjá okkur er hægt að fá flugeldaskot-
borð fyrr aðeins 160 þúsund krónur,"
sagði Gunnar Óskarsson markaðs-
stjóri hjá rafeindafyrirtækinu Samey
sem hefur framleitt og sett á markað
sérstakan búnað sem gerir fólki kleift
að skjóta áramótaflugeldunum upp
innan úr stofu.
Búnaðurinn rúmast allur í einni lít-
illi tösku sem rúmar skotborð með
tökkum og rafkapal, sem leiða má út
um glugga, tengdan við hvellhettur
sem tendra þráðinn í flugeldunum
þegar ýtt er á hnapp.
„Búnaðurinn hentar að sjálfsögðu
best fyrir stærri flugeldasýningar og
hefur þegar verið notðaður við allar
helstu flugeldasýningar sem fólk hef-
ur orðið vitni að á síðustu misseram,
svo sem flugeldasýningu á menning-
arnótt í Reykjavík og við opnun nýju
Kringlunnar," sagði Gunnar Óskars-
son. „Við erum búnir að selja allt of
lítið af þessu og erum í tapi ennþá en
markaðurinn hér á landi telur ekki
nema um tíu aðila. Þess vegna þurf-
um við að koma þessum búnaði á al-
þjóðamarkað sem fyrst. Búnaðurinn
stenst samanburð við allt það besta
sem þekkist erlendis og verðið er
miklu betra,“ sagði Gunnar og benti
jafnframt á að skotborðin væra ákjós-
anleg fyrir fatlaða sem ættu erfltt með
að komast úr húsi til að skjóta upp
flugeldum. Þá sagði hann búnaðinn
henta vel fyrir eldhræddar konur.
-EIR
Gunnar Óskarsson með rafræna flugeldabúnaðinn.
Stuttar fréttir i>v
Ekkiúr flokknum
Ólafur Örn Haraldsson, þing-
maður Framsóknarflokksins, við-
urkenndi í sjón-
varpsviðtali i
fyrradag að
hann væri kom-
inn út á kant í
flokknum, en
segist ekki vera
á leið úr honum
þar sem hann
eigi svo mikið erindi við kjósend-
ur flokksins. Dagur sagði frá.
Óholl eingangrun
Yfirlæknir Litla-Hrauns, krafð-
ist þess með bréfi til Fangelsis-
málastofnunar 11. nóvember sl.
að þá þegar yrði rofin einangrun
þeirra gæsluvarðhaldsfanga sem
lengst höfðu verið í einangrun
vegna stóra fikniefnamálsins svo-
kallaða þvi heilsa þeirra væri í
veði. Dagur sagöi frá.
Síbrotamaður í varðhald
Héraðsdómur Reykjavíkur
samþykkti i dag kröfu lögreglunn-
ar um síbrotagæslu til 30. desem-
ber nk. yflr hálíþritugum manni,
en í rannsókn eru ýmis fjársvika-
mál sem tengjast honum, meðal
annars vegna bilaviðskipta. Hann
hefur áður fengið dóma fyrir fjár-
svik, þjófnaði og fyrir að svikja út
vörur og þjónustu með folsuðum
ávísunum. Mbl. sagði frá.
Kio vann hjá höfuöpaur
Kio Briggs, sem nýverið var
sýknaður á íslandi af ákæru um
stórfellt e-pillusmygl til íslands,
er á dögunum var handtekinn í
Danmörku með á áttunda hund-
rað e-pillur i Danmörku, vann
tímabundið í sumar hjá fyrir-
tækjaeigandanum sem hnepptur
hefur verið í gæsluvarðhald
vegna 30 kilóa af hassi sem náð-
ust í Barcelona. Dagur sagði frá.
Tapa á virkjun
Halldór Ásgrímsson, formaður
Framsóknar-
flokksins, segir
Fljótsdalsvirkj-
un helstu
ástæðu slæmr-
ar útkomu
flokksins í
skoðanakönnun
Félgsvísinda-
stofnunar. Dagur
44 úttöluðu sig
44 þingmenn tóku til máls í
rúmlega fimm tíma umræðu um
þingsályktunartillögu um Fljóts-
dalsvirkjun i dag, en þetta er
þriðji dagurinn i röð sem hún er
til umræðu. Þingfundi lauk um
klukkan hálfsjö. Mbl. sagði frá.
Sýkna I ólíkindamáli
Hæstiréttur sýknaði í gær mann
af öllum kröfum sem á hann voru
bornar í óvenjulegu skuldamáli.
Kunningi hins stefnda lánaði hon-
um nokkurt fé og sömdu þeir um
að endurgreiðsla lánsins væri
bundin því skilyrði að sá sem lán-
ið fékk hagnaðist ekki á markaðs-
setningu og sölu hljómplatna er-
lendra tónlistarmanna, sem hann
hafði lagt fé í. Þegar maðurinn var
svo kraflnn um greiðslu bar hann
þetta skilyrði fyrir sig. Dagur
sagði frá.
Fóstbræður í vanda
Samkæmt ákvörðun Sýslu-
mannsins í Reykjavík um að
leggja lögbann
við því að Jón
Gnarr og Sigur-
jón Kjartansson
starfi hjá eða
fyrir Norðurljós
og fjölmiðla i
eigu þess mega
þeir ekki eiga
flárhagslegra hagsmuna aö gæta
hjá Norðurljósum fyrr en eftir 30.
júní árið 2000. Upptökum á nýjum
þáttum um Fóstbræður er lokið
og var fyrirhugað að sýna þá í
vetur hjá Stöð 2. Óljóst er hve
mikið flárhagslegt tjón muni
hljótast af frestun á sýningu þátt-
anna. Viðskiptablaðið sagði frá.
-GAR