Dagblaðið Vísir - DV - 17.05.2000, Blaðsíða 10

10
Útlönd
MIÐVIKUDAGUR 17. MAÍ 2000
DV
Vildi í sjónvarp
Lögregla leiöir norska gíslatöku-
manninn burt eftir uppgjöf hans.
Skipulagði gísla-
tökuna til að
koma í sjónvarp
Norski faðirinn sem tók 25 börn
og tíu fullorðna í gíslingu í leik-
skóla í Hjelmeland á mánudag
skipulagði agerðir sínar með hlið-
sjón af því að komast í þátt á sjón-
varpsstöðinni TV2.
„Mér skilst að hann hafi notað
þetta sem aðferð til að komast í
sjónvarpið," sagði lögmaðurinn Odd
Forsell í samtali við norska blaðið
Aftenposten.
Forsell gætir hagsmuna hins 39
ára gamla manns í forsjárdeilunni
sem varð kveikjan að gíslatökunni á
mánudag.
Niu dögum fyrir gíslatökuna
sendi maðurinn bréf til TV2 þar
sem hann ítrekaði ósk um að mál
hans yrði tekið fyrir í ákveðnum
þætti. Sjónvarpsstöðin talaði síðan
við gíslatökumanninn i leikskólan-
um og fLutti beint.
Vilja ekki danska
biskupa í fær-
eyskar kirkjur
Fjöldi færeyskra kirkna vill ekki
fá danska biskupa sem
gestapredikara þegar 1000 ára
afmæli kristnitöku verður fagnað í
Færeyjum um hvítasunnuna með
Margréti drottningu í fararbroddi.
Samkvæmt frétt Kristilega
dagblaðsins eru Færeyingar að
mótmæla því að danskir biskupar
skuli hafa gert blessun kirkjunnar
yfir staðfestri sambúð mögulega,
1997. Fyrirhugað hafði verið að allir
dönsku biskuparnir myndu predika
á kristnitökuhátíðinni.
í virðingarskyni við látna
Konur leggur blóm í virðingarskyni
viö þá sem fórust í Enschede.
Enschede:
Ekki vitað um
hundruð íbúa
Ekkert er vitað um afdrif 200 til
300 íbúa hollensku borgarinnar
Enschede í kjölfar sprenginga í flug-
eldasmiðju og eldsvoða sem varð að
minnsta kosti tuttugu manns að
bana á laugardag.
Yfirvöld sögðu að fólkið kynni að
dvelja hjá ættingjum eöa vinum og
hvatti það til að láta vita af sér.
Enn er leitað að líkum í rúsum
húsanna sem eyðilögðust og verður
leit haldið áfram næstu daga.
_ Fótboltabullur í átökum á Strikinu í gærkvöld:
Stuðningsmaður
Arsenal stunginn
Að minnsta kosti sjö manns, þar
af einn lögregluþjónn, voru fluttir á
sjúkrahús í Kaupmannahöfn í gær-
kvöld eftir að til átaka kom milli
stuðningsmanna breska knatt-
spymuliðsins Arsenal og hins tyrk-
neska Galatasaray í miðborginni.
Lögreglan handtók níu ólátabelgi.
Mikill fjöldi breskra og tyrk-
neskra knattspyrnuáhugamanna er
nú saman kominn í Kaupmanna-
höfn þar sem fram fer úrslitaleikur
UEFA-bikarkeppninnar milli
Arsenal og Galatasaray í kvöld.
Ólætin hófust við veitingahúsið
Absalon á Strikinu þegar stór hópur
tyrkneskra aðdáenda safnaðist þar
saman og lenti í átökum við breska
aðdáendur sem voru fyrir inni á
veitingahúsinu.
Fljótlega upphófust hörkuslags-
mál þar sem flöskur, götusteinar og
reiðhjól flugu um loftið. Þegar lög-
reglan reyndi að skakka leikinn
varð foringi laganna varða fyrir
Slagsmál í Köben
Alblóöugur aödáandi Arsenal eftir
átök viö tyrkneskar fótboltabullur.
grjóti svo blæddi úr augabrún hans.
Slagsmálin breiddust fljótlega út
um allt Ráðhústorgið og inn á
Vesterbrogade þar sem enn einn
hópur Breta hafði komið saman á
krá. Þrátt fyrir fjölda lögregluþjóna
kom enn á ný til slagsmála milli
Bretanna og Tyrkjanna og fór svo
að einn Bretinn var stunginn með
hnífl í bakið og lá í blóði sínu á göt-
unni. Maðurinn var úr allri lífs-
hættu í morgun en lögreglunni
hafði ekki enn tekist að hafa hend-
ur í hári stungumannsins.
Þegar tvær klukkustundir voru
liðnar frá upphafi slagsmálanna
tókst lögreglunni loksins að ryðja
Vesterbrogade. Bretarnir héldu
drykkjunni áfram inni á kránni
sinni en Tyrkirnir voru reknir út á
Ráðhústorg.
Þegar breska liðið Leeds lék gegn
Tyrkjunum í Tyrklandi fyrir
skömmu var einn stuðningsmaður
liðsins myrtur í Istanbúl.
Indíánar berjast viö skógarelda
Slökkviliösmenn af ættbálki Crow-indíána frá Montana eru gengnir til liös viö slökkviliösmenn í Nýju-Mexíkó sem
berjast þar viö gífurlega skógarelda í nágrenni bæjarins Los Alamos. Indíánarnir fengu þaö hlutverk aö sjá til þess aö
eldurinn kæmist ekki yfir læk og í vinsælt og fallegt gljúfur.
Límdu sprengju um
hálsinn á bóndakonu
Skæruliðar marxista í Kólumbíu
límdu á mánudaginn sprengju mn
hálsinn á konu sem gert hafði upp-
reisn gegn kúgun þeirra. Sex
klukkustundum siðar lést konan er
sprengjan, sem var vafin um háls
konunnar eins og hálsfesti, sprakk.
Lögreglumaður, sem reyndi að losa
sprengjuna, lét einnig lífið. Þrír
aðrir sprengjusérfræðingar særð-
ust.
Talsmenn lögreglunnar sögðu að
skæruliðarnir hefðu notað sterkt
lím til bess að festa sprengjima við
húð Elviru Cortes Gil eftir að þeir
brutust inn á heimili hennar í
Boyaca í dagrenningu.
í yfirlýsingu frá hemum sagði að
Elvira Cortes Gil, sem var 52 ára,
hefði rekið búgarðinn Esperanza
ásamt eiginmanni sínum austan
við Bogota. Skæruliðarnir hefðu
dregið hana út og framið ótrúlegt
Sorg í Kólumbíu
Salomon Pachon viö útför eiginkonu
sinnar sem skæruliöar myrtu á
hroöalegan hátt.
hryðjuverk þar sem fjölskyldan
hafði neitað að greiða skæruliða-
samtökunum FARC fé.
Skæruliðamir hurfu af vettvangi
þegar nágrannar gerðu hernum
viðvart. Sprengjusérfræðingar lög-
reglunnar og hersins komu á stað-
inn en þeim tókst hvorki aö gera
sprengjuna óvirka né losa hana.
Lögreglumaðurinn Yair Lopez og
hermaður misstu báðir handlegg er
sprengjan sprakk. Lopez blæddi út
áður en hann komst á sjúkrahús.
Skæruliðasamtökin FARC hafa
tekið þátt í friðarviðræðum við
stjómvöld síðan i janúar í fyrra.
Þeir kúga fé af bændum í Boyaca-
héraðinu og hafa rænt fjölda
þeirra. Skæruliðamir hótuðu ný-
lega að innheimta skatt af öllum
þeim sem eru virði yfir 80 milljóna
islenskra króna og ræna þeim sem
ekki borga.

Sankoh gripinn
Uppreisnarleið-
toginn Foday San-
koh í Sierra Leone
hefur verið hand-
tekinn í Freetown,
afklæddur og flutt-
ur í herskála, að
því er sjónarvottar
greindu frá í morg-
un. Sankoh hafði síðast sést 8. mars
síðastliðinn 1 skothríð við heimili
sitt.
Vaxtahækkun
Bandaríski seðlabankinn hækk-
aði í gær vexti á skammtímalánum
um hálft prósentustig til þess að
reyna að draga úr þenslu.
Bretar á norðurpólinn
Bresku landgönguliðarnir Alan
Chambers og Charlie Paton, sem
komust á norðurpólinn í í nótt, eru
fyrstu Bretamir sem komast þangað
frá Kanada án stuðnings.
Nauðlending í Liverpool
Bresk Advance-skrúfuþota nauð-
lenti í gær með 44 farþega og 4 flug-
liða á flugvellinum í Liverpool
vegna bilunar í lendingarbúnaði.
Öllum um borð var skjótt bjargað út
um neyðarútgang. Vélin var á leið
frá Manchester til Belfast á N-
írlandi.
3 tonn af kókaíni
Öryggissveitir í Kólumbíu fundu
í gær 3 tonn af kókaíni grafin í
jörðu á afskekktri strönd. Á svæð-
inu eru stöðvar dauðasveita hægri-
manna sem grunaðar eru um aðild
að fikniefnasölu.
Nyrup gagnrýndur
Varaformaður
Venstre í Dan-
mörku, Lars
Rasmussen, gagn-
rýnir Poul Nyrup
Rasmussen forsæt-
isráðherra fyrir að
standa í viðræðum
við Kína en ekki
Austurríki. Segir varaformaðurinn
það hræsni að Nyrup skuli syngja
karaoke í Peking og sýna valdhöf-
um þar vináttuhót en frysta sam-
tímis Austurríki.
6 milljónir með alnæmi
6 milljónir Suður-Afríkubúa
verða smitaðir af alnæmi fyrir lok
þessa árs. Áður höfðu yfirvöld spáð
því að fjöldi smitaðra yröi ekki 6
milljónir fyrr en árið 2005.
Prodi rangtúlkaður
Romano Prodi,
forseti fram-
kvæmdastjórnar
Evrópusambandins,
segir nú að Danir
geti vel hætt við
evruna þó svo að
þeir samþykki hana
í atkvæðagreiðslu í
september. Prodi segir að hann hafi
verið rangtúlkaður í síðustu viku
þegar hann sagði að ekki væri hægt
að hoppa inn og út.
Viðræður um gíslana
Samningamenn stjórnvalda á
Filippseyjum taka á ný upp
viðræður við mannræningja á
morgun eða fóstudag um lausn
gísla.