Dagblaðið Vísir - DV - 31.05.2000, Blaðsíða 15

14
MIÐVIKUDAGUR 31. MAÍ 2000
MIÐVIKUDAGUR 31. MAÍ 2000
43
Útgáfufélag: Frjáls fjölmiölun hf.
Stjórnarformaður og útgáfustjóri: Sveinn R. Eyjólfsson
Framkvæmdastjóri og útgáfustjóri: Eyjólfur Sveinsson
Ritstjórar: Jónas Kristjánsson og Óli Björn Kárason
A&stoðarritstjóri: Jðnas Haraldsson
Auglýsingastjóri: Páll Þorsteinsson
Ritstjórn, skrifstofur, auglýsingar, smáauglýsingar, blaöaafgreiðsla, áskrift:
Þverholti 11,105 Rvík, sírni: 550 5000
Fax: Auglýsingar: 550 5727 - Ritstjórn: 550 5020 - Aðrar deildir: 550 5999
Græn númer: Auglýsingar: 800 5550. Áskrift: 800 5777
Stafræn útgáfa: Heimasíða: http://www.skyrr.is/dv/
Vísir, netútgáfa Frjálsrar fjölmiðlunar: http://www.visir.is
Ritstyórn: dvritst@ff.is - Auglýsingar: auglysingar@ff.is. - Dreifing: dvdreif@ff.is
Akureyri: Strandgata 25, slmi: 462 5013, blaðam.: 462 6613, fax: 461 1605
Setning og umbrot: Frjáls fjölmiðlun hf.
Filmu- og plötugerð: ísafoldarprensmiðja hf. Prentun: Árvakur hf.
Áskriftarverð á mánuði 1950 kr. m. vsk. Lausasöluverö 180 kr. m. vsk., Helgarblað 250 kr. m. vsk.
DV áskilur sér rétt til aö birta aðsent efni blaðsins I stafrænu formi og í gagnabönkum án endurgjalds.
DV greiðir ekki viðmælendum fýrir viðtöl við þá eða fyrir myndbirtingar af þeim.
Ófagur samfélagsspegill
Aðalmeðferð í hinu svokallaða stóra fíkniefnamáli sem
upp kom i september á liðnu ári hófst í Héraðsdómi
Reykjavíkur í fyrradag. Málið er viðamikið og gert er ráð
fyrir að meðferð þess fyrir dómi taki um hálfan mánuð.
Rikissaksóknari ákærir nítján manns fyrir aðild að mál-
inu og rúmlega tugur til viðbótar er ákærður af efnahags-
brotadeild Ríkislögreglustjóra fyrir peningaþvætti.
Meðferð þessa máls nú, sem og annars stórs fíkniefna-
máls sem kennt er við e-töflur, beinir enn og aftur kast-
ljósinu að fíkniefnamálunum, mesta samfélagsvanda sam-
tímans og undirrót margra alvarlegustu afbrota sem fram-
in eru, frá innbrotum og öðrum auðgunarbrotum til
nauðgunarmála og jafnvel manndrápa.
Þróun í fangelsismálum hefur breyst mjög vegna þessa
alvarlega þjóðfélagsmeins. Fjórir af hverjum tíu saka-
mönnum sem nú sitja inni í fangelsinu á Litla-Hrauni,
annaðhvort í afþlánun eða gæsluvarðhaldi, eru þar vegna
fíkniefnamála sem aðalbrots. Auk fyrri fíkniefnamála
sitja nú um tuttugu manns í gæsluvarðhaldi vegna þess-
ara tveggja mála og ákæruvaldið gerir ráð fyrir að heild-
artala sakbominga og dóma i þessum tveimur málum
verði um eða yfir fjörutíu. Fari svo er þess vart langt að
bíða að annar hver fangi sitji inni vegna fíkniefnabrota.
„Brotin sem um er að ræða endurspegla þjóðfélagið
hverju sinni,“ segir Erlendur Baldursson, afbrotafræðing-
ur hjá Fangelsismálastofnun ríkisins.
Samstarf starfsmanna Ríkislögreglustjóra og Ríkistoll-
stjóra hefur skilað góðum árangri og handtaka þeirra sem
tengjast þessum stóru fikniefnamálum og lokun þeirra
smyglleiða hafði greinileg áhrif á markaðinn fyrst á eftir.
Ömurleg staðreynd er hins vegar að aðrir taka við kefl-
inu, menn sem einskis svífast í von um skjótfenginn gróða
og skeyta engu um ill örlög þeirra sem ánetjast eitrinu.
Kostnaður hins opinbera við að ná tangarhaldi á
fíknefnaþrjótunum er mikill enda er ómæld vinna að baki
hverju máli, allt frá uppljóstrun og rannsókn máls að
dómi og afplánun. Sú vinna kemur berlega í ljós í tengsl-
um við stóra fíkniefnamálið þar sem viðamiklar símahler-
anir, samvinna milli landa og fleira sýna að starfsemi
glæpamannanna hefur lengi verið í athugun áður en til
skarar var látið skríða.
Upptaka eigna sem verða til fyrir fikniefnagróða er
áhrifamikil aðgerð og á hana reynir í stóra fíkniefnamál-
inu. Beita verður öllum ráðum til þess að koma í veg fyr-
ir að fíkniefnasmyglarar, -salar og fjármögnunaraðilar
haldi hinum illa feng.
Hvergi má gefa eftir og raunar þarf að taka enn fastar á
til þess að framhald verði á ágætum árangri í baráttu við
sölumenn dauðans. Lögregla og tollgæsla hafa unnið mark-
visst að því að góma eitursmyglara, hvort sem þeir koma
sjálfir með efnin, nýta svokölluð burðardýr eða senda
varninginn til landsins með öðrum hætti. En ekki er síður
mikilsvert að reyna að komast að sölu- og dreifingaraðil-
um í gegnum fíkniefnaneytendur sem kaupa efnin á mark-
aði. Smæð samfélagsins ætti að auðvelda það starf.
Stjórnvöld hétu auknu framlagi til baráttunnar gegn
fíkniefnunum fyrir síðustu kosningar. Þar má betur ef
duga skal. Staða ríkissjóðs er sem betur fer góð og hann
aflögufær. Takist að draga úr innflutningi og sölu eitur-
efnanna og koma höfuðpaurum undir lás og slá skila þeir
peningar sem til þeirrar baráttu eru lagðir margfalt. Þá er
ótalið það sem ekki verður mælt í peningum - líf, heilsa
og hamingja fólks. Jónas Haraldsson
DV
Skoðun
Leiguíbúðir nútímans
Líklega ætti þessi hug-
vekja aö heita „Leiguíbúðir
ígildi eignaríbúða", sem er
eins konar ákall um jafn-
rétti, eðlilegt val á markaði.
í þessu samhengi er íbúðin
jafngild í einbýlishúsi eða
fjölbýli, enda valið um um-
ráðarétt á mismunandi
eignargrunni, ekkert ann-
að. Samningsbundinn um-
ráðaréttur er kjarni máls-
ins, ekki eignarhaldið; að sá
sem tekur sér búsetu hafi
átt þess kost að velja um
eign eða leigu á sambærilegum for-
sendum. Þeir sem þurfa stuðning til
annars hvors njóti hans einnig á
grunni sömu sjónarmiða.
Leigumarkaðurinn
Sá markaður leiguhúsnæðis sem
nú er til er villtur og afvegaleiddur.
Leigusalar og leigutakar eru án efa í
meirihluta aö stunda óyndislega
íþrótt; limbó um kjör, umgengni,
leigutima, skatta og ekki síst öryggis-
leysi beggja, þó einkum leigutaka.
Ekki bætir úr skák að til eru Leigj-
endasamtök, sem virðast hafa það
sérstaka hlutverk að
gráta upp leiguverð á
markaðnum. Skilaboð
þeirra til leigusala eru
að hækka leiguna með
fávíslegum upplýsing-
um í fjölmiðlum um
upphæð húsaleigu.
Ástæða er til þess að
gera athugasemdir við
trúgirni fjölmiðlanna
sem taka því fremur
fegins hendi að hreppa
hrikalegustu fréttir
Leigjendasamtakanna
en að grufla í leigumarkaðnum
og leiða fram i dagsljósið raun-
verulegt ástand og ástæður
þess.
Fasteignafélög
Hingað til hefur ekki verið
nægilega áhugavert fyrir fjár-
festa í íbúðarhúsnæði að byggja
það og reka sem leiguhúsnæði,
almennt séð. Þetta kann að
breytast. íbúðalánasjóður getur
nú lánað leigusölum og ný teg-
und fasteignafélaga er komin til
skjalanna.
Herbert
Guðmundsson
framkvæmdastjóri
„Mér er þó Ijóst, eins fyrr hefur komið fram, að leigjendur eru í
vondri stöðu, sama hjá hverjum þeir leigja, á meðan kerfið um
leigu íbúðarhúsnœðis er ekki jafngilt kerfinu um eignarhúsnœð-
ið í einu og öllu. “ - Á fundi Félagsstofnunar um húsnæðismál.
Á nýafstöðu Mannvirkjaþingi
Byggingarþjónustunnar lýsti
Stefán Friðfinnsson, forstjóri
ÍAV hf., þeirri skoðun að fast-
eignafélög hefðu fullan hug á
rekstri íbúðarhúsnæðis til út-
leigu, að uppfylltum skilyrðum
um jöfnun aðstöðu eigenda og
leigjenda.
Heimilislausir ieígjendur
Eins og skilja má af framan-
sögðu er ég ekki í trúarsöfnuði
Leigjendasamtakanna, sem mér
þykir að hafi ekki í frammi
vænleg sjónarmið og séu frekar
úrill út í allt og alla á opinber-
um vettvangi. Það væri því ekki
úr vegi að aðrir tækju kúrsinn
fyrir leigjendur.
Mér er þó ljóst, eins fyrr hef-
ur komið fram, að leigjendur
eru í vondri stöðu, sama hjá
hverjum þeir leigja, á meðan
kerflð um leigu íbúðarhúsnæðis
er ekki jafngilt kerfmu um eign-
arhúsnæöið í einu og öllu. í
þennan spotta mætti kippa með
snörpu átaki.
Herbert Guðmundsson
Spörum meira
Þegar talið var, að Ástþór Magnús-
son gæfi kost á sér í forsetaembætt-
ið, skrifuðu nokkrir ísfirðingar und-
ir áskorun til hans um að gera það
ekki og spara með því þjóðinni
kostnaö við forsetakjör. Ég vil ganga
enn lengra og spara þjóðinni kostnað
við forsetaembættiö. Eðlilegt væri að
leggja embættið í núverandi mynd
sinni niður og fela öðrum þær skyld-
ur, sem forseti hefur.
Þetta tengist að sjálfsögðu ekki nú-
verandi forseta íslands, Ólafi Ragn-
ari Grímssyni, enda setti ég hug-
myndina fram þegar árið 1987 í lítilli
bók um stjómarskrármálið.
Forseti Alþingis gegni
skyldunum
Mikilvægustu skyldur forseta ís-
lands eru að koma fram fyrir hönd
þjóðarinncir. Þetta felur meðal ann-
ars í sér, að hann tekur á móti þjóð-
höfðingjum annarra landa og heim-
sækir þá og veitir fjölda
fólks viðurkenningu fyrir
vel unnin störf, ýmist með
því að hengja á það heiðurs-
merki eða sækja samkomur
þess, þótt hann sé valdalaus
og ábyrgðarlaus á stjómar-
athöfnum.
Ég fæ ekki betur séð en
forseti Alþingis gæti hæg-
lega gegnt þessum skyldum
til viðbótar núverandi
starfi. Opinberar heimsókn-
ir til íslands og frá því og út
á land fara einmitt aðallega
fram á sumrin, þegar Al-
þingi situr ekki. Rökin fyrir slikri
skipan eru þríþætt.
Einfaldara og ódýrara
í fyrsta lagi yröi þetta miklu ein-
faldari og ódýrari en núverandi skip-
an. Það yrði blátt áfram einni siiki-
húfunni færra. Þótt gera mætti ráð
fyrir, að kjör forseta Alþingis myndu
batna talsvert við það, að hann yrði
að axla skyldur forseta íslands,
myndi það ekki vera neitt í líkingu
við það, sem sparaðist. Eftir að skatt-
fríðindi forseta og maka hans voru
felld úr gildi á nýliðnu Alþingi, er
við því að búast, að laun forseta
verði hátt í tvær milljónir króna á
mánuði eða nálægt hundrað milljón-
um króna á kjörtímabili. Annar
kostnaður af forsetaembættinu hefur
einnig stóraukist í tíð þeirra Vigdís-
ar Finnbogadóttur og Ólafs Ragnars
Grímssonar, enda hafa þau bæði ver-
ið ferða- og veisluglöð.
í samræmi við þjóðararfinn
í öðru lagi yrði þetta miklu frekar
í samræmi við þjóðararf okkar ís-
lendinga en núverandi
skipan. Forsetinn er í raun
vandræðalegur staðgengill
Danakonungs, eins og ég
benti á í riti mínu árið 1987,
þótt ísland hafi í öndverðu
verið byggt fólki, sem vildi
vera frjálst „af ágangi kon-
unga og illræðismanna",
eins og segir í Vatnsdæla
sögu.
Sá hugsunarháttur, sem
birtist í djúpum hneiging-
um fyrir valdsmönnum,
hirðsiðum, titlatogi og
ýmsu tildri er fjarlægur ís-
lendingum, þótt hann kunni að veita
ljósmyndurum og öðrum starfs-
mönnum myndskreyttra vikublaða
margvísleg verkefni. Svissland þykir
til fyrirmyndar um stjómarfar, en
þar vita fáir sem engir, hvað forset-
inn heitir, enda skiptast ráðherrar á
að gegna skyldum hans.
Virðingarvottur við Alþingi
í þriðja lagi væri það virðingar-
vottur við Alþingi íslendinga, að for-
seti þess væri jafnframt þjóðhöfö-
ingi. Við íslendingar hreykjum okk-
ur stundum af því að eiga elsta starf-
andi þing heims. Og vissulega var is-
lenska þjóðveldið um margt afar
merkilegt. En er þá ekki rétt að
vekja athygli á því með því að hefja
Alþingi tÚ aukins vegs?
Þær röksemdir, sem stuðnings-
menn Ólafs Ragnars Grímssonar
færðu einmitt fram 1 forsetakjöri fyr-
ir fjórum árum, að forsetinn yrði að
vera lífsreyndur maður, sem þekkti
og skildi stjórnmál, eiga hér að
minnsta kosti vel við.
Dr. Hannes Hólmsteinn Gissurarson
„Ég fœ ekki betur séð en forseti Alþingis gœti hœglega
gegnt þessum skyldum til viðbótar núverandi starfi.
Opinberar heimsóknir til íslands og frá því og út á
land fara einmitt aðállega fram á sumrin, þegar Al-
þingi situr ekki.“
Dr. Hannes
Hólmsteinn
Gissurarson
prófessor
Með og á móti
rr/ífiríM1
'ögin á höfuðborgarsvœðinu?
Stærð er styrkur
Fjölbreytileika í byggð
J „Það eru engin
landfræðileg rök
■ fyrir því að sveit-
arfélögin séu átta.
Skynsamlegra væri að hafa
þau færri en svo geta menn
deilt um hvað sé réttur fjöldi.
Ég er ekki fylgjandi einu
stóru sveitarfélagi því ég vil
að borgarar geti gert saman-
burð á þjónustu og sköttum. _________
Ég er ósammála því að sam-
einingin sé ógnun við landsbyggðina
og samkeppni okkar við nágranna-
löndin um fólk er einnig mikilvæg.
Guðlaugur Þór
Þór&arson
borgarfulltrúi
Þeir sem trúa því að stærð sé
styrkur hljóta að vera hlynnt-
ir sameiningu. Hlutimir hafa
líka breyst og ungt fólk sækir
þjónustu þvert á landamæri.
Ég get líka vel skilið við-
horf bæjarstjórans á Seltjam-
amesi sem finnst ekki fysileg-
ur kostur að sameinast
Reykjavík. R-listinn er náttúr-
lega við völd og á meðan verð-
ur erfitt að selja borgina en
við skulum ekki gleyma því að valda-
tima R-listans lýkur vonandi fyrr en
varir.“
, / -:? „Meginmark-
| miðið með starf-
rækslu sveitar-
r stjómarstigsins er
að sú þjónusta sem sveitar-
stjómir standa fyrir liggi sem
næst íbúunum þannig að þeir
geti haft áhrif á þjónustustig-
ið og hvaða þjónusta er veitt.
Þetta mikilvægi týnist í mjög
stórum sveitarfélögum. Þá tel
ég þann ávinning sem fæst
með hagkvæmni stærðarinn-
ar ofmetinn og hann gæti vel náðst
með nánara samstarfi sveitarfélaga.
Jönas
Sigurðsson
forseti
bæjarstjórnar
Einnig held ég að sveitar-
félag af þessari stærð yrði
það stór eining að það myndi
skapa mjög mikið misvægi
við landsbyggðina.
Með fleiri sveitarfélögum
er miklu líklegra að menn
geti verið með meiri fjöl-
breytileika í byggð því fólk
getur fundið sér búsetu mið-
að við það umhverfi sem það
vill búa í, með tilliti til þétt-
leika byggðar og nálægðar
við útivistarsvæði og fleira þar að
lútandi." -jtr
Umræðan um sameiningu sveitarfélaga hefur verið ofarlega á baugi upp á síðkastið og sýnist sltt hverjum. Smærri bæjarfélögln fá oft tilfinningu fyrir því
að þau stærrl muni gleypa þau og skapast oft nokkur styrr þegar hugmyndin er reifuð.
Ummæli
Vinnutími og
framleiöni
„Með styttingu
vinnuvikunnar
náðist fram mikil-
væg krafa, sem
miðar að því að
auka lífsgæði fé-
lagsmanna, sem
skila munu sér i
auknum afköstum
og aukinni framleiðni. Eins og oft
hefur verið bent á, á þessum vett-
vangi, er vinnutími á íslandi með
því lengsta sem þekkist í heiminum.
Framleiðni er hins vegar minni hér
en í löndum þar sem vinnutíminn er
mun styttri. Það eru skilaboð til að-
ila vinnumarkaðarins."
Magnús L. Sveinsson í forystugrein
VR-blaðsins
Samgöngukerfi og
byggöaþróun
„Samgöngukerfi
þessara landshluta
er hluti af sam-
göngukerfi landsins
og vegir eru ekki
eingöngu fyrir íbúa
þeirra landsvæða,
sem þeir liggja um,
heldur eru þeir fyr-
ir alla landsmenn og þá umferð ferða-
manna, innlendra og erlendra, sem fer
sívaxandi með hverju ári... Ef byggða-
þróun næstu ára verður sú sama og
verið hefur þá mun þessi kostnaður
aukast verulega á næstu árum. Nú-
gildandi vegaáætlun sýnir ljóslega
hvers er að vænta í þeim efnum.“
Jón Kristjánsson, form. fjárlaganefndar
Alþingis, í Degi 30. maí
Milliliðirnir - „al-
vöru-f j árf estar “
„Nú heyrast
raddir um mikla
þenslu í þjóðfélag-
inu... Hvað er að
gerast í raun? Jú,
sterk króna lækkar
verð á innfluttum
vörum sem er óeðli-
lega hagstætt og er
því mikið flutt inn... Hvað verður svo
um lækkun vöruverðs sem ætti að
leiða af því að gjaldeyririnn er seldur
fyrir tombóluverð? Hún hverfur í
milliliðina, sem nú eru kallaðir „al-
vöru-fjárfestar“. Þeir nota umfram-
gróðann til að kaupa hlutabréf, sem
aftur styrkir krónuna, sem lækkar
innflutningsverðið, svo þeir geti
keypt enn þá fleiri bréf sem síðan
styrkir krónuna o.s.frv. Og almenn-
ingur og útflutningsfyrirtækin safna
skuldum."
Halldðr Bjarnason framkvstj.
I Mbl. 20. maí
Spönsk ásýnd
Fyrir rúmum tveimur
áratugum var haft viðtal í
útvarpi við einn af forystu-
mönnum saltfiskiðnaðarins
um öflun markaða. Hann
sagði frá ferðum sínum til
Spánar um miðja öldina og
fréttamaðurinn spurði þá
nánar. „Já,“ svaraði spurð-
ur, „flest kom mér þar
spánskt fyrir sjónir!“ án
þess að átta sig á því að
hann hafði notað algengt og
óbeint orðatiltæki en vita-
skuld lítur Spánn spánskt
út. En hvemig lítur ísland
út í augum Spánverja? Ætli þeim
detti ekki fyrst í hug bacalao (salt-
fiskur)?
Hér var á ferð fyrir skemmstu D.
Jimenez-Beltran, forstjóri Umhverf-
isstofnunar Evrópu (EB og EES). Af
því tilefni var haldinn blaðamanna-
fundur í Ráðherrabústaðnum en
skýrsla um ástand umhverfis í Evr-
ópu hefur verið gefin út og kynnti
forstjórinn hana.
Erlendar ábendingar bíta sárt
Forstjórinn ræddi um umhverfis-
vanda í Evrópu og sagði aö ástandið
hefði ekki batnað mikið en „sjúk-
dómsgreining" væri þó til orðin.
Stefna í umhverfismálum er eitt en
framkvæmdir annað; lönd EES settu
sér oft markmið í umhverfismálum
en stefnt væri síðan allt annaö í
raun; til þess að ná árangri yröi að
skoða atvinnulífið. Hann fór síðan
yfir öll helstu atriði sem
lúta að umhverfi eins og t.d.
orkunotkun á hvem ein-
stakling og hlutfall sjálf-
bærrar orku. Á þessu sviði
hefur ísland forréttindaað-
stöðu en heildarorkunotk-
un Islendinga er þó mest.
En síðan sagði hann: „Hér
sé ég eitt vandamál, upp-
blásturinn!" „Þetta er einnig
vandamál á Spáni, stundum
mætast suðrið og norðrið
með þessum hætti og er það
erfitt viðfangs." í Ijósi þess
að Sif umhverfisráðherra
svaraði þessu ekki á umræddum
fundi og hefur hvergi látið frá sér
fara stafkrók opinberlega um gróður-
eyðingu og uppblástur, og komist upp
með það enn, er augljóst að hún verð-
ur að taka afstöðu til þess. Það er mat
mjög margra og sennilega flestra ís-
lendinga, að þau mál séu mesta um-
hverfisvandamál á íslandi.
Ekki er nóg að þrástaglast á því í
fjölmiðlun hvað við séum vistvæn og
„sjá ekki bjálkann í eigin auga“. Hér
kemur einfaldlega góður gestur frá
Spáni og sér það sem Sif vill ekki sjá.
Vandamálin verða ekki þöguð 1 hel
og nú er sem oftar að íslendingar
þurfa útlendinga til að segja sér
hvemig hlutimir séu. Nýtt orðatO-
tæki gæti verið: „Þetta kemur mér
íslenskt fyrir sjónir," en hér er
stærsta manngerða eyðimörk í Evr-
ópu. Gróðurvísindamenn segja að
uppblásturinn og eyðingin á afrétt-
um og bithögum hafi ekki veriö
stöðvuð.
Bjálki í auga
í síðustu ríkisstjórn var landbún-
aðarráðherra einnig ráðherra um-
hverfismála, ótrúlegt en satt.
Reyknesingar hafa greinOega keypt
köttinn í sekknum hvað Sif varðar
vegna þess hve drýgindalega hún
ræddi um umhverfismál fyrir kosn-
ingar. Það sem hefur sést tO hennar
er fálm í sambandi við olíuskipið E1
GrOlo og campylobacter í kjiöding-
um. Ekki varð hún bergnumin á
Eyjabökkum og kom þar síðan hvergi
nærri þótt augljóslega hefði hún get-
að tekið þátt í leit að málamiðlunum.
Nýjustu breytingar á stefnu í þeim
málum eru ekki hennar verk.
Eina alvarlega efnamengun á land-
inu eru spOliefnin, þungir málmar og
þrávirk klórlífræn efnasambönd, sem
eru nú þegar farin að hafa alvarleg
áhrif á lífríki sjávar á nálægmn haf-
svæðum. Þau mál virðast vera að
komast i gott lag hvað ísland varðar.
Venjulegt sorp er ekki alvarlegt nema
á þeim stöðum þar sem því er brennt
við lágan hita en þá geta myndast
þrávirk efni. Vitaskuld er töluverð
sjónmengun af venjulegu sorpi, en
hún er aOs ekki varanleg.
Umhverfisráðherrann var óvin-
sælastur stjórnmálamanna síðsumars
á liðnu ári; það sem hefur síðan gerst
er vont efni til að fara í kosningar
með. Ekki er sama metnaður og mekt.
Dr. Jónas Bjarnason
Dr. Jónas
Bjarnason
efnaverkfræöingur
„Nýtt orðatiltœki gœti verið: „Þetta kemur mér íslenskt fyrir sjónir“, en hér er
stœrsta manngerða eyðimörk í Evrópu. Gróðurvísindamenn segja að uppblásturinn
og eyðingin á afréttum og bithögum hafi ekki verið stöðvuð. “