Dagblaðið Vísir - DV - 04.09.2000, Blaðsíða 2
2
MÁNUDAGUR 4. SEPTEMBER 2000
Fréttir I>V
Flugslysið í Skerjafirði um verslunarmannahelgina:
Mánuður enn í niðurstöðu
- formaður rannsóknarnefndarinnar kominn úr fríi
Flak Cessna-vélarinnar.
Skúli Jón Sigurðarson, formaður
rannsóknamefndar flugslysa, kem-
ur að nýju til starfa í dag eftir að
hafa tekið sér stutt frí. Skúli sagði í
gærkvöld rannsókn nefndarinnar á
flugslysinu í Skerjafirði fyrir fjór-
um vikum enn ólokið en vera i eðli-
legum farvegi undir stjórn Þor-
steins Þorsteinssonar flugvélaverk-
fræðings. Sex manns voru um borð
í vélinni og biðu fjórir þeirra bana í
slysinu en tveir ungir piltar liggja
alvarlega slasaðir á sjúkrahúsi.
„Það er ekkert um þetta frekar að
segja en það sem við erum þegar
margbúnir að segja,“ sagði Skúli
Jón aðeins.
Rannsókn á vélarhlutum
loklð
Að sögn Þorsteins Þorsteinssonar
bíður rannsóknamefndin nú fyrst
og fremst ákveðinna gagna frá fram-
leiðanda vélarinnar sem fórst en
hún var eins hreyfils af gerðinni
Cessna og var i eigu Leiguflugs ís-
leifs Ottesen. Þorsteinn sagði þá bið
geta tekið um hálfan mánuð og að
enn væri um mánuður þar til rann-
sóknarnefndin gæti lagt frum-
skýrslu sína fyrir aðila málsins til
umsagnar.
Hlutar úr flugvélinni voru sendir
utan til rannsóknar og er henni nú
lokið. Þorsteinn segir að þar með sé
a.m.k. vitað hvað viðkomandi hlut-
ar gátu gert og hvað ekki. „En það
segir ekki endilega hvað hafi valdið
slysinu. Jafnvel þótt hægt sé að
ákvarða hvers vegna slökknar á
hreyfli er ekki þar með sagt að það
sé komin skýring á því hvers vegna
vél hrapar. Það eru tveir aðskildir
þættir, annars vegar drepst á vél-
inni og hins vegar missir flugmað-
urinn stjóm á vélinni eða hún hrap-
ar,“ segir Þorsteinn.
Oft varað við vissum vélum
Spurður um öryggi farþega í eins
hreyflls vélum miðað við tveggja
hreyfla vélar segir Þorsteinn að
samkvæmt skilgreiningunni séu
tveggja hreyfla vélamar vitaskuld
öruggari.
„Það hefur oft komið fram í
skýrslum rannsóknamefndar flug-
slysa í gegnum tíðina að nefndin
hefur talið að ýmsar vélar væru
ekki heppilegar til atvinnuflugs þar
sem þær væru ekki hannaðar með
það í huga. Þær era afkastalitlar og
á afkastalítilli vél er ef til verið að
tefla á tæpara vað en nauðsynlegt
er. Þessar ráðleggingar hafa verið
settar fram hvað eftir annað og
komu raunar fram í skýrslu sem við
skrifuðum um slys á Bakkaflugvelli
fyrir tveimur árum,“ segir Þor-
steinn.
Erfitt að meta þyngdina
Að sögn Þorsteins er rannsóknar-
nefndinni viss vandi á höndum við
mat á því hvort Cessnan hafi verið
ofhlaðin þegar slysið varð. „Við vit-
um hvað var af farþegum og far-
angri um borð en það er erfiðara að
ákvarða um eldsneytismagnið. Flug-
félögin gefa það upp i flugþoli frek-
ar en i lítrum og flugþol getur verið
sveigjanlegt hugtak," segir hann.
Þorsteinn segir enn ekki hægt að
slá því fostu að flugmaður
Cessnunnar hafi verið kominn fram
yfir þau tímamörk sem reglur segja
til um að flugmenn megi vinna án
hvíldar.
„Það er ekki sjálfgefið því flug-
málayfirvöld geta veitt undanþágur.
Það hefur ekki komið fram hvaða
afstöðu flugmálayfirvöld höfðu
varðandi þennan flugrekstur. En í
sjálfu sér veldur það ekki heldur
slysinu þó langur vinnudagur geti í -
sjálfu sér verið meðvirkandi þáttur
og haft til dæmis áhrif á viðbragðs-
flýti manna,“ segir Þorsteinn Þor-
steinsson.
Lögregla vinnur nú einnig að
rannsókn flugslyssins.
-GAR
mmmmm i
Hiti yfir meðaliagi í ágúst
Að sögn Trausta Jónssonar hefur
verið heldur hlýrra í veðri í Reykjavík
sem og á Akureyri í ágústmánuði mið-
að við meðalár. í Reykjavík var meðal-
hitinn 0,4 gráður yfir meðallagi, eða
10,7 gráður, en meðalhiti á Akureyri
var 11, 3 gráður, 0,7 gráður yfir meðal-
lagi. Mbl. sagði frá.
Sigurður Grétar valinn prest-
ur á Seltjarnarnesi
Sóknamefnd Sel-
tjarnamespresta-
kalls valdi á fóstu-
daginn síðastliðinn
séra Sigurð Grétar
Helgason til að gegna
embætti sóknar-
prests í prestakall-
inu. Sigurður hefur
starfað sem prestur á sama stað í 2 1/2
ár og nýtur mikils stuðnings meðal
íbúa prestakallsins. Mbl. sagði frá.
Indriði G. látinn
Indriði G. Þor-
steinsson, rithöfund-
ur og fyrrum rit-
stjóri, lést á sjúkra-
húsinu á Selfossi að-
faranótt sunnudags,
74 ára að aldri. Hann
fæddist 18. apríl 1926.
Meðal þekktustu
skáldverka Indriða eru 79 af stöðinni
og Land og synir en bæði hafa verið
kvikmynduð. Hann lætur eftir sig fjög-
ur böm. Eftirlifandi sambýliskona
hans er Hrönn Sveinsdóttir. RÚV
greindi frá.
Jón Viktor ís-
landsmeistari
Alþjóðlegi meistarinn Jón Viktor
Gunnarsson er skákmeistari íslands
eftir að hafa borið sigurorð af Þresti
Þórhallssyni stórmeistara í bráða-
bana. Þröstur hafði vinnings forystu
þegar fjórða og síðasta kappskákin í
úrslitaeinvígi þeirra var tefld í Félags-
heimili Kópavogs í gær en þar sem
Jón Viktor jafnaði metin með góðum
sigri varð að grípa til framlengingar.
Tefldar voru tvær skákir með
styttri umhugsunartíma en að þeim
loknum var staðan enn jöfn. Var þá
tíminn enn styttur og vann Jón Vikt-
or fyrri skákina á glæsilegan hátt með
mannsfórn. Honum dugði þá jafntefli
og lauk skákinni með því að Jón Vikt-
or þráskákaði í betri stöðu. í kvenna-
flokki sigraði Harpa Ingólfsdóttir eftir
úrslitaeinvígi við Áslaugu Kristins-
dóttur.___________-MT
Tölvuvæðing
viöHÍ
Stúdentaráð Háskóla íslands
kynnir í dag nýja samninga sem
gerðir hafa verið við Nýherja og
Opin kerfi. Snúast samningar þessir
um samstarf að auknum möguleik-
um stúdenta, kennara og annars
starfsfólks Háskóla íslands til far-
tölvunotkunar. -MT
Engin leikfimi í bráð dvaíynd s.
Á laugardag kviknaöi í þaki leikfimisalar Árbæjarskóla. Eldurinn kviknaöi þegar iönaöarmenn voru aö skipta um pappa
á þakinú. Skemmdir uröu miklar á þakinu sem og vatnstjón á parketlögöu gólfi íþróttasalarins.
Tónleikar Suede á íslandi:
Miðasalan eingöngu á Vísi.is
í hádeginu í dag hefst forsala
miða á aðaltónleika Iceland Airwa-
ves, fjögurra daga tónlistarhátíðar
sem haldin verður hér á landi í
október. Aðaltónleikarnir verða í
Laugardalshöll laugardagskvöldið
21. október. Þar koma fram popp-
risamir í Suede en auk þeirra
treður upp bandaríska rokksveitin
Flaming Lips, sem vakið hefur
mikla athygli að undanfómu, og
sveitin Thievery Corporation.
Aðstandendur Iceland Airwaves
hafa gert samning við Vísi.is um
sölu allra aðgöngumiðanna á
lokatónleikana. Hér á íslandi verða
3.000 miðar til sölu og miöaverð er
2.900 krónur. Miðamir verða ein-
göngu seldir á Vísi.is.
Fyrstu Iceland Airwaves-tónleik-
amir vora haldnir i október í fyrra
og tókust mjög vel og greiddu þeir
götu margra íslenskra listamanna
á erlendri grand. Núna bæta að-
standendur þeirra um betur og
verða tónleikar viðs vegar um
borgina en hápunkturinn, eins og
fyrr segir, í Laugardalshöll 21.
október.
Auk þeirra hljómsveita sem þeg-
ar hafa verið upp taldar koma með-
al annars fram á þessari fjögurra
daga hátíð Apparat Organ Quartet,
Kanada, Traktor, Magga Stína,
200.000 naglbítar, Brain Police,
Dead Sea Apple, Ensími, Maus,
Mínus, Silt, Stjörnukisi, Bang
Gang, Delphi, Jagúar, Súrefni, Bell-
atrix, Skítamórall, Móa and the
Vinylistics, Páll Óskar, Quarashi
og XXX Rottweiler-hundar.
Samnlngur undirrltaöur
Þorvaldur Jacobsen, framkvæmdastjóri Vísis.is, og Magnús Stephensen,
markaösstjóri Flugleiöa í Noröur-Ameríku, handsala samning um aö allir miö-
ar á lokatónleika lcelandic Airwaves veröi seldir á Vísi.is.
Samherji fær nýtt skip
Nýtt fjölveiðiskip sem Samherji hf.
á Akureyri lét smíða kom til hafnar á
Akureyri á sunnudag. Þónokkur fjöldi
fólks var mættur á höfnina til að taka
á móti skipinu og fylgjast með því þeg-
ar skipinu var gefið nafnið Vilhelm
Þorsteinsson. Skipið var smíðað í Pól-
landi og Noregi og kostar um 1,5 millj-
arða króna. Ríkissjónvarpið sagði frá.
ísland styður Eystrasaltsríkin
Opinber athöfn var haldin á Bessa-
stöðum fyrir Valdas Adamkus, forseta
Litháens. Við athöfnina lét Ólafur
Ragnar Grímsson, forseti íslands, hafa
eftir sér að íslendingar styddu Litháen
og hin Eystrasaltsríkin heils hugar
um inngöngu í NATO. Ríkissjónvarpið
greindi frá.
Sveitarfélög hagnast á Evr-
ópusambandsaðild
Gísli Gíslason,
bæjarstóri Akraness-
bæjar, telur að ís-
lensk sveitarfélög
myndu hagnast á því
að íslandi gengi i
Evrópusambandið. Á
meðal þeirra þátta
sem taldir eru til
bóta er víðtækt og mikið styrktarkerfi
sambandsins. Fréttastofa Stöðvar 2
greindi frá.
Samvinna um Ijósleiðaralagn-
ingu
Lina.net og Islandssími skrifuðu
undir samning um sameiginlega lagn-
ingu ljósleiðarastrengs frá Reykjavík
til Vestmannaeyja. Fyrsta skóflustunga
var tekin á laugardagsmorgun og er
áætlað að verkið taki um 4 mánuði.
Það yrði tilbúið til notkunar snemma á
næsta ári. Kostnaður er áætlaður um
110 milljónir. Mbl. greindi frá.
Höfðu öll leyfi
Að sögn Hjalta Jónssonar, markaðs-
stjóra Nóa-Siríusar, var búið að ganga
frá öllum leyfúm fyrir að skjóta neyðar-
blysum upp við fagnað fyrirtækisins á
Esjunni fýrir tveim vikum. Ástæðan
fyrir uppistandinu sem varð hafi verið
misbrestur í samskiptum lögreglu og
Landsbjargarmanna, sem sáu um að
skjóta þeim á loft. Mbl. greindi frá.
-HT