Dagblaðið Vísir - DV - 05.12.2000, Blaðsíða 24
36
ÞRIÐJUDAGUR 5. DESEMBER 2000
Tilvera
I>V
Tónleikar til
heiðurs Andreu
Á Gauknum verða í kvöld haldn-
ir tónleikar til heiðurs Andreu
Jónsdóttur, útvarps- og blaða-
manni. Fram koma: Bubbi,
Bjartmar Guðlaugsson, KK og
Maggi Eiríks, Magnús og Jó-
hann, Mike Pollock, SteUa Haux,
Lísa Páls og Böggi, Hljómar frá
Keflavík, Todmobile, Sigun’ós og
Stuðmenn. Kynnir er Jón Olafs-
son. Húsið verður opnað kl. 20
og tónleikarnir hefjast kl. 21.
Kabarett
■ STRAKARNIR A BORGINNI Helgl
Björns og Bergþór Pálsson - Strák-
arnir á Borginni halda útgáfutónleik-
ar kl. 20.30 í kvöld í Borgarleikhús-
inu.
Klassík
■ AÐVENtufONLÉIKAR I kvöld kl.
20.30 heldur Kvennakór Reykjavík-
ur árlega aðventutónleika sína í
Hallgrímskirkju. Dlddú syngur meö
kórnum.
■ MOZART í FRÍKIRKJUNNI
Blásarakvintett Reykjavíkur
heldur árlega tónleika sína undir
heitinu Kvöldlokkur á jólaföstu í Frí-
kirkjunni í Reykjavík í kvöld kl
20.30. Þetta er i 20. sinn sem efnt
er til slíkra tónleika þar sem ein-
göngu eru leiknar klassískar blás-
araserenööur og hafa þeir notið sí-
vaxandi vinsælda. Að þessu sinni
verður leikin hin volduga og fagra
kvöldlokka fyrir 13 blasara í B-dúr
K.361 eftir W.A Mozart.
■ RÚSSNESKIR VIRTÚÓSAR Rúss
neskir virtúósar munu spila í Saln-
um í Kópavogi í kvöld kl. 20. Tríóið
er skipað Dmltry Tsarento, bala-
laiku-leikara og stjórnandi tríósins,
Nicholas A. Martynov bassa-bala-
, laiku-leikara og Veru A. Tsarenko
dormu-leikara. Þau flytja verk eftir
Lully og Couperin og þjóðsöngva og
dansa eftir Svridov og Gavrilin,
ásamt léttri tónlist af nýrra taginu.
■ FAGOTTERÍ í NORRÆNA
HUSINU A morgun kl. 12.30 kemur
fram nýstofnaður fagottkvartett á
háskólatónleikum. Kvartettinn skipa
þær Anette Arvidsson, Joanne
Árnason, Jutith Þorbergsson og
Kristín Mjöll Jakobsdóttir sem eiga
þaö sameiginlegt aö leika á fagott,
búa á tslandi og vera langt aö
komnar. Á efnisskránni eru fjölbreytt
og aðgengilegjóla- og barrokkverk.
Leikhús________________________
■ HAALOFT Háaloft er einleikur um
konu með geðhvarfasýki eftir Völu
r Þórsdóttur. Sýningin hefst kl. 21.00
í kvöld í Kaffileikhúsinu í Hlaðvarp-
anum.
Fundir
■ KVÖLPVAKA KVENNASÖGU-
SAFNS ISLANDS I ÞJOÐARBOK-
HLOÐUNNI Arleg kvöldvaka
Kvennasögusafns íslands er að
þessu sinni helguð hlutskipti kvenna
á hernámsárunum á íslandi. Herdís
Helgadóttir mannfræðingur og Bára
Baldursdóttir sagnfræðingur flytja
fyrirlestra. Ellen Kristjánsdóttir og
Eyþór Gunnarsson flytja nokkur
þekkt stríösáralög. Kvöldvakan verð-
ur haldin í veitingastofu á 2. hæö
V Þjóöarbókhlööu kl. 20. Allir vel-
komnir og aðgangur ókeypis.
Ferðir
■ JOLAFERÐ I HEIÐMORK I dag kl.
13.30 veröur farið í hina árlegu jóla-
ferö leikskóla borgarinnar í Heiö-
mörk. Þetta markar lokin á fjöl-
breyttri heilsársdagskrá í tilefni af
50 ára afmæli Heiðmerkur.
Sjá nánar: Lffiö eftir vinnu á Vísl.ls
Jóhann Ásmundsson.
Spilar ásamt félögum sínum eigin tónsmíðar á So Low
Jóhann Ásmundsson bassaleikari með sólóplötu:
Alltaf jafn spennandi að leika
tónlist sem ég hef mestan áhuga á
Ein frægasta hljómsveit íslendinga
er Mezzoforte. Hljómsveitin sem hefur
starfað með hléum í ein tuttugu og
þrjú ár náði um tíma alheimsfrægð og
kom lögum inn á vinsældalista. Um
tíma var hljómsveitin á faraldsfæti
um aUan heim og fer enn í tónleika-
ferðir til fjarlægra landa þegar tími
gefst tU. Þegar fór að hægjast um hjá
sveitinni lágu leiðir meðlima hennar í
sitt hverja áttina, án þess að þeir
misstu sjónar hvor af öðrum og hafa
þeir Eyþór, Friðrik, Jóhann og Gunn-
laugur verið tíðir gestir með hinum
og þessum tónlistarmönnum á tón-
leikum og á plötum, auk þess að starfa
undir eigin nafni. Bassaleikari
Mezzoforte, Jóhann Ásmundsson hef-
ur nú sent frá sér sína fyrstu sóló-
plötu, So Low, plötu sem hann hefur
verið með nokkum tíma í smíðum og
lék forvitni á að vita um tUurð henn-
ar:
„Það er lengi búið að geijast með
mér að gefa út plötu undir eigin nafni
og eru um tvö ár síðan ég fór að að
vinna að plötunni. Ég hef ekki samið
mikið af lögum í gewgnum tíðina og
þau lög sem ég hef komið frá mér hafa
farið á plötur Mezzoforte. Nú hefur
Mezzoforte verið lítið starfandi und-
anfarin þrjú tU fjögur ár og lög farin
að safnast fyrir hjá mér og fannst mér
tilvalið að gera eitthvað fyrir þau. Ég
var í rauninni aldrei í vafa um að
platan yrðu instrumental og eru lögin
í anda Mezzoforte, enda hefur sú tón-
list sem Mezzoforte er hvað þekktust
fyrir aUtaf verið mín uppáhaldstón-
list. Þar sem þetta er mín plata þá er
bassinn nokkuð framarlega, sumir
hafa þó sagt við mig að hann sé ekki
nógu framarlega, en þetta er eins og
ég vildi hafa það. Þetta er fyrsta skref-
ið hjá mér í plötuútgáfu og það er
aldrei að vita nema bassinn verði
meira áberandi á næstu plötu.“
Með Jóhanni á plötu hans, So Low,
er fjöldinn áUur af þekktum tónlistár-
mönnum, félagar hans úr Mezzoforte
ásamt fleirum: „Þegar ég var tUbúinn
með lag í upptöku hóaði ég í þá sem
mér datt í hug og ef þeir máttu vera
að því að koma komu þeir og því er ég
með enga eina hljómsveit á plötunni.
Flestir þeir sem með mér eru eiga það
þó sameiginlegt að koma úr djassgeir-
anum.“
Jóhann hefur fengist við ýmislegt í
tónlistinni á síðustu árum: „Ég starfa
eingöngu sem tónlistarmaður, hef ver-
ið mikið á sýningum á Broadway og
leikið með hljómsveitinni GUdru-
Mezz, sem er í rokkkantinum, og gáf-
um við út plötu í fyrra. Þá hef ég leik-
ið inn á plötur og ýmsum tónleikum.
Annars býður þessi bransi ekki upp á
neitt öryggi. Ég hef verið lánsamur að
hafa yfirleitt haft nóg að gera.“
Jóhann segir að nafn plötunnar, So
Low, hafi orðið tU í huga hans fyrir
mörgum árum: „Ég var aUtaf ákveð-
inn að ef ég myndi gera sólóplötu þá
ætti hún að heita So Low. Þannig að
nafnið varð tU á undan lögunum."
Félagar Jóhanns úr Mezzoforte,
Friðrik Karlsson og Gunnlaugur
Briem, hafa komið sér fyrir í London
þar sem þeir starfa i tónlistarbransan-
um. Jóhann er spurður hvort hann
hafi hugsað sér tU hreyfings: „Við
störfuðum úti um tíma og ég kynntist
bransanum sem er mjög harður og
það þarf bæði áhuga og vUja til að
heUa sér út í hann af fullri alvöru.
Friðrik er búinn að koma sér vel fyr-
ir er orðinn virtur og eftir'sóttur og
GuUi er að koma sér fyrir. Ég er með
eiginkonu sem er með fyrirtæki og
þrjú börn svo það er meira en að segja
það að flytja út í óvissuna, svo ég held
ég haldi mig við Island.
Eftir tuttugu og þrjú ár í spUa-
mennskunni, er þetta aUtaf jafn gam-
an? „Já, þegar hægt er að lifa af því að
spUa þá tónlist sem maður hefur
mestan áhuga á, er þetta aUtaf jafn
spennandi. Mezzoforte er ekkert hætt
þó lítið hafi borið á henni að undan-
fómu. Við erum ennþá að fá tUboð um
að leika erlendis og það er aldrei að
vita nema við sjáum okkur fært um
að koma saman aftur og taka upp
þráðinn á ný.“ -HK
Hljómplótur
Einar Már Guðmundsson/Tómas R. Einarsson - í draumum var þetta helst: ★★
Dansaðu fíflið þitt
Það er ekki beinlínis hefðbundið að
semja jasstónlist við ljóð, ekki síst
þegar gert er ráð fyrir að ljóðin séu
lesin upp undir flutningnum en ekki
sungin eins og söngtextar. Þetta gerði
nú samt Tómas R. Einarsson, tón-
skáld og jassgeggjari, við nokkur af
bestu ljóðum Einars Más Guðmunds-
sonar, sem bókhneigður vinnufélagi
minn kallar alltaf Einar alheimsins.
Tómas fékk Eyþór Gunnarsson slag-
hörpuleikara, Matthías Hemstock
trumbuslagara og Óskar Guðjónsson
saxófónundrabarn sér til fulltingis og
ásamt skáldinu fluttu þeir þessa sér-
stæðu dagskrá í Kaffileikhúsinu í
sumar. Þá var aldeilis kátt í höllinni.
Einar las ljóð sín með þeim sérstæða
upplestrarstíl sem hann hefur tamið
sér og sennilega fundið upp sjálfur og
er eiginlega sjálfstætt listform. Af
hljóðfæraleikurum verður sérstaklega
að nefna Óskar Guðjónsson, sem var
demónískur í atgangi sínum með
saxófónana. Gamli timburhjallurinn í
Kvosinni svingaði með þetta kvöld.
Þessi dagskrá er nú komin á disk og
var tekin upp í Ríkisútvarpinu sam-
kvæmt því sem stendur á umslagi.
Það er allt þama á sinum stað og held-
ur vandlegar gert en var á tónleikun-
um forðum en að sama skapi vantar
einhvem neista. Þeir Einar skáld og
Óskar saxari halda manni samt alveg
við efnið. Ljóð Einars hafa ekkert
misst af slagkrafti sínum og að heyra
skáldið hrópa: Dansaðu fíflið þitt,
dansaðu, er hreint ógleymanlegt. Ósk-
ar blæs af stakri snilld og er vand-
fundinn sá sem ekki skynjar snilli-
gáfu hans í ágætum lögum Tómasar
sem em eiginlega meira í ætt við
stemmningar en hefðbundin lög. Þeir
Einar og Óskar eiga þær stjörnur sem
diskurinn fær úthlutað hér.
Tómas er lipur bassaleikari en mér
hefur alltaf fundist hljómurinn i hans
fomfálega bassa eitthvað þunnur og
skrýtinn. Mér er tjáð af kunnugum að
þetta sé gamalt og vandað hljóðfæri
en ég held að Tómas ætti að splæsa á
sig nýjum bassa. Þá myndum við
njóta betur tónlistar hans.
Páll Ásgeir Ásgeirsson