Dagblaðið Vísir - DV - 31.07.2001, Blaðsíða 7

ÞRIÐJUDAGUR 31. JÚLÍ 2001
DV
7
Fréttir
Hægt að lengja lán hjá íbúðalánasjóði um 15 ár:
Gagnast tvö hundr-
uð lántakendum
- fólki í vanskilum hefur fækkað
Akureyri:
Meiri
fjárhagsaðstoð
Veruleg aukning hefur orðið á
greiddri flárhagsaðstoð til einstaklinga
á vegum félagsmálayflrvalda á Akur-
eyri frá því í fyrra. I júní síðastliðnum
lágu íyrir félagsmálaráði 67 umsóknir
og voru veittir 55 styrkir að upphæða
rúmlega 2,6 milljónir sem þýðir að hver
styrkur var að meðaltali nokkuð undir 5
þúsund krónum. Þá voru veitt fimm lán
upp á rúmlega 210 þúsund en 7 umsókn-
um um aðstoð var synjað. Fjárhagsað-
stoð Akureyrarbæjar á fyrri helmingi
ársins í ár var tæplega 37% hærri en
hún var á sama tíma í fyrra.
Hallur
Magnússon.
„A síðasta ári
voru umsóknir
til íbúðalána-
sjóðs um
greiðsluerfiö-
leikalán eða
frystingu lána
vegna slíkra erf-
iðleika rösklega
200 talsins. Árið
áður voru þessi
mál aðeins um
160 talsins. Þess-
ar tölur gefa
nokkra vísbend-
ingu um hve
mörgum þessar
nýju reglur
munu gagnast,"
segir Hallur
Magnússon, sér-
fræðingur hjá
íbúðalánasjóði, í
samtali við DV.
Lántakendur hjá
sjóðnum, sem glíma við greiðslu-
vanda, geta samkvæmt nýrri
reglugerð félagsmálaráðherra
fengið lán sín hjá sjóðnum lengd
um allt aö 15 ár. Þetta þýðir að
lengstu lán til kaupa á húsnæði
geta verið til allt að 55 ára.
Skilyrði fyrir því að fá upphaf-
legan lánstíma lengdan verða hins
vegar nokkuö stíf. Lánið þarf að
vera í skilum og erfiðleikar við að
greiða af því þurfa að koma til
vegna veikinda, slysa, minni at-
Steingrímur J.
Sigfússon.
vinnu eða atvinnuleysis eða ann-
arra slíkra ófyrirséðra atvika. Þá
þurfa þeir sem fá frestun á
greiðslu lána sinna að borga verð-
bætur á höfuðstól lánsins. Á móti
kemur að lánstími lengist sem
nemur frestunartíma.
Fram kom hjá Halli að sífellt
færri lántakendur hjá íbúðalána-
sjóði eru nú í vandræðum með
sitt. Þeir voru sem fyrr segir í
fyrra og hittifyrra í kringum tvö
hundruð en voru árið 1995 rúm-
lega 1500 tafsins.
Greiöslukjör verði
viöráöanleg
„Það getur verið bót í þessu en
ég minni á að oft áður hefur fólk
getað fengið skuldbreytingar eða
lánalengingu. Slikt getur að sjálf-
sögðu létt fólki róðurinn. Það er
hins vegar spurning hversu stíf
þessi skilyrði um fyrirgreiöslu,
sem þarna eru sett, eiga að vera.
Reyndar kemur mér ekkert á
óvart að til svona ráðstafana þurfi
að grípa því ég sá aldei ljósið í því
á sínum tíma að stytta húsnæðis-
lán og hækka á þeim vextina. Því
er spurningin sú hvort veruleik-
inn er ekki að renna upp fyrir
mönnum; að greiöslukjör á hús-
næðislánum verða að vera þannig
að allur almenningur ráði við
þau,“ sagði Steingrímur J. Sigfús-
son, formaður VG.
-sbs
ÐV-MYND GVA
Gróðurvin í hrauninu
Þennan fallega garö getur aö líta á milll svartra hóla í hrauninu í Vestmannaeyjum. Þessl litla gróöurvin er í svo æp-
andi mótsögn viö hrjúft hrauniö í kring aö feröalangar komast ekki hjá því veröa hennar varir. Á myndinni má sjá unga
stúlku vestan úr Dýrafíröi viröa fyrir sér haganlega geröa vindmyllu í garöinum góöa.
Samdráttur í umsóknum um húsbréfalán:
Lánum til kaupa á not-
uðu húsnæði fækkar
Heildarfjárhæð samþykktra hús-
bréfalána fyrri helming ársins 2001
var rétt rúmlega 14,7 milljarðar
króna en áætlanir gerðu ráð fyrir
að um mitt ár yrði heildarútgáfa
samþykktra húsbréfalána um 14,8
milljarðar króna. Munurinn er ein-
ungis 0,75%. Heimild íbúðalána-
sjóðs til útgáfu húsbréfa er reyndar
ekki miðuð við heildarfjárhæð hús-
bréfalána heldur áætlað mark-
aðsvirði húsbréfa sem gert er ráð
fyrir að afgreidd verði vegna lána
sem samþykkt eru í hverjum mán-
uði. Áætlað markaðsvirði þeirra
húsbréfalána sem samþykkt hafa
verið á fyrri helmingi ársins 2001 er
um 13,3 milljarðar króna, eða 3,7%
lægri en áætlanir gerðu ráð fyrir.
Samdráttur hefur orðið í fjölda
innkominna umsókna um húsbréfa-
lán. Á fyrri helmingi ársins 2001
bárust sjóðnum 4.673 umsóknir um
húsbréfalán, en á sama tíma á síð-
asta ári höfðu borist 5.060 umsókn-
ir. Umsóknum hefur því fækkað um
7,65% milli ára.
Töluvert hefur dregið úr lánum
til kaupa á notuðu húsnæði og lán-
um til einstaklinga sem eru að
byggja eða kaupa nýtt húsnæði.
Hins vegar er veruleg aukning á
lánum til byggingaraðila og á lán-
um til endurbóta. Lánum til kaupa
á notuðu húsnæði hefur fækkað úr
4.103 fyrstu 6 mánuði árins 2000 í
3.675 fyrstu 6 mánuði árins 2001, eða
um 10,4%. Lánum til nýbygginga
einstaklinga fækkaði úr 800 í 720
eða um 10%. Lánum til byggingar-
aðila fjölgaði hins vega hvorki
meira né minna en um 88%, fóru úr
77 fyrri hluta ársins 2000 í 145 fyrri
hluta ársins 2001. Þá fjölgaði lánum
til endurbóta og endumýjunar úr 80
í 133 eða um 66%. -GG
Sorpverktaka sagt upp
- fjárhagslegar ástæður, segir bæjarstjórinn í Borgamesi
DV, BORGARNESI: __________________
Bæjarstjórn Borgarbyggðar
ákvað á síðasta fundi sínum að
segja upp samningi við Gámaþjón-
ustu Vesturlands ehf. sem hefur
annast sorphirðu í kaupstaðnum frá
því í janúarlok 2000.
Samningurinn við Gámaþjónust-
una var til tveggja ára eða til 31.
janúar árið 2002. Stefán Kalmans-
son, bæjarstjóri Borgarbyggöar, seg-
ir að gert hafi verið ráð fyrir að
samningurinn mundi framlengjast
ef verkkaupi tilkynnti ekki að hann
ætlaði að láta þessa lokadagsetn-
ingu samningins standa.
„Það voru talin ákveðin rök fyrir
því fyrir tveimur árum að semja við
núverandi verktaka, m.a. meðan
verið var að fá reynslu af rekstri
nýrrar gámastöðvar í Borgarnesi.
Ástæður þess að samþykkt er að
bjóða þessa þjónustu út er alfarið
fjárhagslegs eðlis og engin veiga-
mikil rök fyrir öðru en að leita til-
boða í þjónustuna. Þetta er töluvert
stór útgjaldaliður hjá sveitarfélag-
inu og rétt að láta reyna á það
hvaða tilboð fást,“ segir Stefán
Kalmansson bæjarstjóri í Borgar-
byggð, við DV. -DVÓ
Auglýsing
um álagningu opinbema
gjalda á áninu 2001
I samraami við 1. mgr. 98. gr. laga nr. 75/1981, um tekjuskatt og eignarskatt, er hér
með auglýst að álagningu opinberra gjalda, þ.m.t. tryggingagjalds, á árinu 2001 er
lokið á alla einstaklinga sem skattskyldir eru samkvæmt framangreindum iögum,
sbr. 1. kafla laga nr. 75/1981.
Álagning gjalda á lögaðila mun liggja fyrir síðar og verður auglýst sérstaklega.
Álagningarskrár með gjöldum einstaklinga verða lagðar fram í öllum skattumdæm-
um þriðjudaginn 31. júli 2001. Skrárnar liggja frammi til sýnis á skattstofu hvers
skattumdæmis og hjá umboðsmönnum skattstjóra í hverju sveitarfélagi dagana 31.
júlí til 14. ágúst að báðum dögum meðtöldum.
Álagningarseðlar er sýna álögð opinber gjöld 2001, vaxtabætur og barnabætur hafa
verið póstlagðir.
Kærur vegna allra álagðra opinberra gjalda, vaxtabóta og barnabóta, sem gjaldend-
um hefur verið tilkynnt um með álagningarseðli 2001, þurfa að hafa borist skattstjóra
eða umboðsmanni hans eigi síðar en fimmtudaginn 30. ágúst 2001.
Reykjavík, 31 . júlí 3001
Skattstjórinn í Reykjavík, Gestur Steinþórsson
Skattstjórinn í Reykjanesumdæmi, Sigmundur Stefánsson
Skattstjórinn í Vesturlandsumdæmi, Stefán Skjaldarson
Skattstjórinn í Vestfjarðaumdæmi, Erla Þ. Pétursdóttir
Skattstjórinn i Norðurlandsumdæmi vestra, Bogi Sigurbjörnsson
Skattstjórinn i Norðurlandsumdæmi eystra, Gunnar Karlsson
Skattstjórinn í Austurlandsumdæmi, Karl Lauritzson
Skattstjórinn í Suðuriandsumdæmi, Hreinn Sveinsson
Skattstjórinn í Vestmannaeyjum, Ingi T. Björnsson