Dagblaðið Vísir - DV - 08.11.2001, Blaðsíða 13

13
FIMMTUDAGUR 8. NÓVEMBER 2001________________________________________________________________________________________
DV Útlönd
Talibanar leita bandarískrar herstöðvar:
Fjórir synir bin Ladens berjast
með hersveitum talibana
Samkvæmt fréttum al-Jazeera sjón-
varpsstöðvarinnar i Qatar starfa fjórir
synir hryðjuverkamannsins Osama
bin Ladens nú með hersveitum tali-
bana innan Afganistan, en stöðin
sendi í gær út myndbandsupptökur
sem sýna synina í herbúðum talibana.
Synirnir heita Hamza, Mohammad,
Khaled og Laden og sjást á myndunum
innan um brak úr bandarískri þyrlu,
sem talibanar segjast hafa skotið nið-
ur á fóstudaginn, en talibanar segjast
hafa skotið niður tvær bandarískar
herþyrlur tD þessa og drepið um 50
bandaríska hermenn. Bandarikja-
menn kannast aftur á móti ekki við að
þyrlur hafi verið skotnar niður, held-
ur hafi í fyrra tilfeliinu verið um að
ræða bilun og sú seinni hafi farist
vegna veðurs í fjalllendi Afganistans,
þangað sem hún var send til að sækja
sjúkan hermann. Að sögn talsmanns
hersins var hún sprengd upp eftir að
ílugmönnunum hafði verið bjargað.
Þeir kannast heldur ekki við að hafa
. Eplið fellur sjaldan langt frá eikinni
Einn fjögurra sona Osama bin Ladens sem berjast með hersveit taiibana, sem aö
mestu er skipuö sádí-arabískum hermönnum, sem gengiö hafa til liös viö al-Aaeta.
misst hermenn í orrustum og segja
talibana fara með lygar.
Myndirnar eru sagðar teknar við
leit hersveitar talibana að bandarískri
herbækistöð sem sagt er að þeir hafl
sett upp í Ghazni-héraði, nálægt þeim
stað þar sem þyrlan hrapaði og munu
synir bin Ladens liðsmenn sveitarinn-
ar sem er að mestu skipuö Sádum sem
gengið hafa til liðs við talibana. „Við
höfum leitað um allt svæðið en ekki
orðið varir við neitt,“ sagði foringi
sveitarinnar.
Upptökurnar sýna yngsta soninn,
Hamza, fara með lofkvæði um Kabúl,
„sem ber höfuðið hátt gegn árásum
óvinarins og mun aldrei falla i þeirra
hendur," segir Hamza sem einnig lofar
Mullah Mohammad Omar, foringja
talibana, í hástert. Einn þeirra fuli-
orðnu í hópnum heyrist segja á ensku
að Bandaríkjamenn séu aðeins hug-
hraustir hermenn á hvíta tjaldinu, en
ekki þegar á reynir í bardaga.
REUTER-MYND
Aöalóvinlr talibana
Tony Blair og George \N. Bush hitt-
ust í Hvíta húsinu í gær og ræddu
baráttuna gegn talibönum.
Fjendur talibana
á hestbaki gegn
skriðdrekunum
Hersveitir andstæðinga talibana í
Afganistan þustu á hestbaki fram til
orrustu gegn skriðdrekum óvina
sinna í norðanverðu landinu í gær.
Bandarikjamenn héldu áfram
stórfelldum loftárásum sínum á
hella og farartæki og harðir bardag-
ar geisuðu nærri hinni hernaðar-
lega mikilvægu borg Mazar-i-Sharif.
Stjórnarandstæðingar sögðust hafa
unnið á í baráttunni um borgina.
George W. Bush Bandaríkjafor-
seti sagði að talibanastjómin væri
að falli komin og að hryðjuverka-
maðurinn Osama bin Laden og sam-
verkamenn hans væru „á flótta".
Talibanar sjálfir sögðu í gær að
loftárásir Bandaríkjamanna, sem
hafa nú staðið í meira en mánuð,
hefðu ekki megnað að veikja bar-
áttuþrek þeirra.
Skóglendi tekur
ekki við eiturguf-
unum endalaust
Skógar og ræktarland í heimin-
um getur ekki tekið endalaust við
gróðurhúsalofttegundum sem eru
skaðlegar umhverfinu, að því er vís-
indamenn greindu frá í gær.
í skýrslu sem gæti haft mikil
áhrif á loftslagsviðræðurnar sem
fara fram í Marokkó þessa dagana
segja þrjátíu sérfræðingar í kolefn-
um að ekki sé hægt að treysta á
skóga og annaö ræktarland til að
gleypa koldíoxíð um ókomna tið þar
sem eiginleikar þessara svæða til
þess muni breytast með tímanum.
Ráðherrar og aðrir embættis-
menn eru í Marokkó um þessar
mundir til að reyna að koma Kyoto-
samningnum frá 1997 á koppinn.
REUTER-MYND
Samstaða með krístnum
Julius Salik heitir þessi maöur og gegndi eitt sinn ráöherraembætti í stjórn Pakistans. Nú hefur hann komiö sér fyrir
inni í kringlóttu rimlabúri þar sem hann ætlar aö dveija allan föstumánuö múslíma sem hefst um miöjan mánuöinn.
Meö uppátæki sínu vill Salik sýna kristna minnihiutanum í Pakistan samstööu sína. Kristin skólabörn fylgast meö.
Kosningabaráttan í Danmörku á fullri ferð:
Kjósendurnir flykkjast
um kratana og íhaldið
Þess er nú farið að sjá merki að
aðalmennirnir í kosningaslagnum í
Danmörku eru Rasmussen-arnir
tveir, Poul Nyrup, forsætisráðherra
og leiðtogi jafnaðarmanna, og And-
ers Fogh, leiðtogi íhaldsílokksins
Venstre.
Samkvæmt skoðanakönnun sem
blaðið Jyllands-Posten lét gera hef-
ur fylgi bæði krata og Venstre auk-
ist upp á síðkastið, svo og fylgi
Danska þjóðarflokksins sem berst
gegn veru útlendinga í Danmörku.
Fylgi flestra annarra flokka hefur
dregist saman.
Jafnaðarmenn hafa enn vinning-
inn á Venstre, með 32,1 prósents
fylgi á móti 28,7 prósentum. „Þetta
sýnir að kosningabaráttan er enn
REUTER-MYND
Betur má ef duga skal
Poul Nyrup Rasmussen, forsætis-
ráðherra Danmerkur, eykur fylgi sitt
meöal kjósenda.
jöfn. Nú er kominn tími til að fá
önnur mál á dagskrána en málefni
útlendinga. Danski þjóðarflokkur-
inn hefur grætt á því en kjósend-
umir vilja líka fá að heyra um af-
stöðu flokkanna til sígildra velferð-
armála," sagði Mogens Lykketoft,
utanríkisráðherra krata, við
Jyllands-Posten.
Enn sem komið er hafa innflytj-
endur í Danmörku og afstaðan til
þeirra verið helsta kosningamálið.
Skoðanakönnun Jyllands-Posten
bendir til að samfylking borgara-
flokkanna fái meirihluta á danska
þinginu, eða 93 menn kjörna. Poul
Nyrup og samstarfsflokkar hans
geta hins vegar ekki vænst þess að
fá fleiri en 82 menn kjörna.
REUTER-MYND
Nýi borgarstjórinn í New York
Michaels Bloombergs bíöur mikiö
verkefni viö uppbygginguna.
Bloomberg undir-
býr valdaskiptin
Fjölmiðlakóngurinn Michael
Bloomberg, nýkjörinn borgarstjóri i
New York, sagði í gær að fyrsta
stóra verkefni hans yrði að tryggja
að valdaskiptin í janúar færu fram
jafnátakalaust og kostur væri.
Bloomberg sagðist ætla að leita
ráða hjá fyrirrennara sínum, hinum
vinsæla Rudolph Giuliani. Bloom-
berg hefur aldrei áður gegnt opin-
beru embætti. Þá sagði hann ekki
ólíklegt að einhverjir úr starfsliði
Giulianis myndu þjóna nýja borgar-
stjóranum.
Bloombergs biður gríðarlegt
verkefni við uppbyggingu í kjölfar
hryðjuverkaárásanna í september.
Talið er að það muni kosta borgina
105 milljarða dollara á næstu tveim-
ur fjárhagsárum.
Starfsmenn
Sabena gráta
Margir starfsmenn Delgíska flug-
félagsins felldu tár i gær þegar dóm-
stóll hafði lýst það gjaldþrota og
þeir kenndu stjómendum fyrirtæk-
isins um hvernig komið er.
„Okkur finnst stjórnendurnir
hafa svikið okkur. Við studdum þá
ávallt og þetta eru þakkirnar sem
við fáum,“ sagði Jean-Pierre Vand-
erschueren, sem vann í fragtdeild
Sabena, ásamt eiginkonu sinni.
Tólf þúsund manns unnu hjá
belgíska þjóðarflugfélaginu.
Stjómvöld í Brussel tilkynntu í
gær að þau hefðu fundið fjárfesta úr
einkageiranum sem væru tilbúnir
til að leggja fram fé til að stofna nýtt
flugfélag á næstu dögum.
Selur vió Noregsstrendur
Svein Ludvigsen, sjávarútvegsráöherra
Noregs, vill selja veiðleyfí á sel til að
skapa ný sóknárfæri í feröaþjónustu.
Ráðherrann vill
selja selveiðileyfi
Svein Ludvigsen, sjávarútvegsráð-
herra Noregs, hefur viðrað þá skoðun
sína að bjóða ferðamönnum upp á sel-
veiðar við strendur Noregs og segist
hafa trú á að það gæti orðið veruleg
lyftistöng fyrir norska ferðaþjónustu.
Hann byggir þessa skoðun sína á því
að selastofnarnir við Noreg séu van-
nýttir þar sem ekki sé veitt upp í leyfi-
lega kvóta og að halda verði stofnin-
um í skefjum þar sem selurinn éti
mun meiri flsk en maðurinn veiði.
„Ég veit að fólk í ferðaiðnaði er að
leita eftir nýsköpun og þetta er einn af
möguleikunum," segir ráðherrann í
viðtali við norska blaðið Fiskaren.
„Ég sé engin mun á að selja veið-
leyfi á sel frekar en á elg og sé fyrir
mér að það gæti slegið í gegn. Við
megum ekki horfa eingöngu á afstöðu
umhverfissinna eins og Brigitte Bar-
dot og verðum að stuðla að jafnvægi í
náttúrunni," segir Ludvigsen.