Dagblaðið Vísir - DV - 22.01.2002, Qupperneq 20

24
Tilvera
ÞRIDJUDAGUR 22. JANÚAR 2002
I>V
Collins á BBC
Leikkonan Joan Collins mun verða
með sinn eigin vikulega spjallþátt á
bresku sjónvarpsstöðinni BBC og er
fyrirhugað að útsendingar byrji í upp-
>. hafi sumars. Collins mun sjálf hafa átt
hugmyndina að þáttunum, en þar er
fyrirhugað að hún taki á móti göml-
um kunningjum í létt spjall. „Joan
kom að máli við okkur fyrir jólin hér
hjá BBC ásamt dóttur sinni Töra
Newley og það var strax ákveðið að
slá til. Hún er vel kynnt og á örugg-
lega eftir að fá til sín mörg þekkt nöfn
í þáttinn. Við vitum hvað hún getur
og eigum von á skemmtilegum og
stundum hvössum umræðum," sagði
einn innanhússmaður hjá BBC.
Collins, sem er 68 ára, er enginn ný-
græðingur í þáttastjórnun og nú síð-
ast í hittifyrra stjórnaði hún sex þátta
röð um fegurð og frískleika á
Heilsurásinni.
Thurmari léttari
Leikkonan Uma Thurman eignað-
ist í síðustu viku sitt annað barn og
fæddist bamið á sjúkrahúsi i New
York. Uma sem enn er eitt helsta aug-
lýsingaandlitið hjá Lancome snyrti-
vörufyrirtækinu, átti fyrir þriggja ára
dóttur með eiginmanni sínum Ethan
Hawke, en þau gengu i hjónaband
árið 1998.
Henni verður ekki tU setunnar
boðið því upptökur á nýrri mynd
bíða hennar með vorinu, en þar er
um að ræða myndina KiU BUl í leik-
stjórn Quentins Tarantino. Tar-
antino hefur mikið álit á Umu og
kaus að fresta tökum myndarinnar
^,um eitt ár, meðan hún gekk með,
"'frekar en að fá aðra leikkonu í hlut-
verkið. „Henna var aUtaf ætlað hlut-
verkið og þvi var ekki um annað að
ræða en bíða eftir henni," sagði Tar-
antino.
Dóttir Carol
Burnetts látin
Carrie Hamilton, dóttir leikkon-
unnar Carol Bumett og kvikmynda-
framleiðandans Joe HamUton, lést á
sjúkrahúsi í Los Angelses á sunnu-
daginn og mun banameinið hafa
verið krabbamein. Carrie, sem var
38 ára gömul, varð fyrst þekkt fyrir
leik sinn í sjónvarpsþáttunum
Fame, en einnig sem gestaleikari i
öðrum sjónvarpsþáttum eins og
Murder She Wrote, Beverly HiUs
90210 og Thirtysomething, suk þess
sem hún lék í nokkrum sjónvarps-
kvikmyndum. Hún var mjög fjöl-
hæfur listamaður, bæði sem leikari
og hljómlistarmaður og var síðustu
árin farin að leikstýra stuttmyndum
og vann tU verðlauna fyrir mynd
sína Lunchtime Thomas.
Unnur Arngrímsdóttir fékk Exit-verðlaun Félags kvenna í atvinnurekstri:
Öllum eðlilegt að vilja
snerta elskuna sína
- og dansa við hana. Er að skrifa bók um kurteisi og framkomu
Félag kvenna í atvinnurekstri
heiðraði síðastliðinn fimmtudag
fjórar konur fyrir framlag þeirra til
atvinnurekstrar. Ein af þeim var
Unnur Amgrímsdóttir sem hlaut
svonefnd Exit-verðlaun. Þau fara til
kvenna sem lengi hafa staðið í eld-
línunni en eru nú að láta af störf-
um. Sem kunnugt er stóð Unnur
lengi aö rekstri dansskóla með eig-
inmanni sínum heitnum, Hermanni
Ragnari Stefánssyni, rak Módelsam-
tökin og var með ýmiss konar nám-
skeið í framkomu og slíku. En hvert
var upphafið að atvinnurekstri
Unnar?
brúðkaup. Erlendis þarf fólk líka að
þekkja þá siði sem þar gilda. Ég hef
til dæmis leiðbeint eiginkonum
manna sem farið hafa til starfa í ut-
anríkisþjónustunni um þá formlegu
siði sem gilda í diplómataveislum."
Reikulir í spori bjóða upp í
dans
- En i dag ertu að mestu leyti
hætt með námskeiðahald ...
„Já, eftir að Hermann lést árið
1997 dró ég mig að mestu leyti í hlé.
Mér fmnst alveg ómögulegt að vera
með námskeið eða slíkt nema mað-
ur hafi til þess eigið húsnæði. Að
vísu koma alltaf einstök verkefni en
þetta er mun minna en áður var.“
- En hvert var upphafið að dans-
skólanum sem þið Hermann Ragnar
rákuð svo lengi?
„Fyrst fórum við Hermann á
dansnámskeið hjá Rigmor Hanson
sem var með átta vikna námskeið
hér heima. í framhaldinu fórum við
utan til Danmerkur til náms í dans-
kennslu. Árið 1958 stofnuðum við
síðan skólann okkar og rákum
næstu áratugina. Kenndum við þar
þúsundum fólks, börnum jafnt sem
Tískusýningar í tuttugu ár
„Það var árið 1962 sem ég stofnaði
Snyrti- og tískuskólann sem var
rekinn undir mínu nafni. Þá þegar
fór ég af stað með námskeiðahald
úti um allt land. Þarna voru kennd
ýmis atriði, svo sem snyrting, hár-
greiðsla, borðsiðir, fatastíll, hrein-
læti, framkoma og fleira slíkt. Þetta
vatt svona upp á sig og árið 1967
stóð ég síðan að stofnun Módelsam-
takanna. Þau stóðu bæði að nám-
skeiöum og einnig tískusýningum
en enginn kom fram á sýningum
samtakanna nema þeir sem sótt
höfðu námskeið okkar.“
- Sýningahald samtakanna stóð
lengi og var mörgum þekkt...
„Já, við komum víða fram og
starfið var umfangsmikið á tíma-
bili. Sem dæmi um starfið get ég
nefnt að í hádeginu á hverjum föstu-
degi i tuttugu ár kom okkar fólk
fram og sýndi ullarfatnaö fyrir er-
lenda ferðamenn. Einnig kom okkar
fólk oft fram í Broadway, á Hótel
Esju og fleiri stöðum sem þá nutu
vinsælda. Sömuleiðis vorum við á
iðnsýningunum sem um árabil voru
í Laugardalshöllinni. Þá stóðum við
saman að starfmu Pálína Jón-
mundsdóttir, Hanna Frímannsdótt-
ir og ég. Á þessum sýningum voru
oft 20 til 25 tískusýningar á einni til
tveimur vikum; tvær til þrjár á dag.
Einnig fórum við í nokkur skipti til
Bandaríkjanna og Evrópulanda og
kynntum þar islenskan ullarfatnað.
Fleira gæti ég nefnt. Þetta var mik-
ið starf og skemmtilegt."
- Þú nefnir áhersluatriðin á nám-
skeiðunum, að þau hafi til dæmis
verið mannasiðir, borðsiðir, fram-
koma og hreinlæti. Nú hefur stund-
um verið sagt að íslendingar séu
drabbarar sem kunni sig ekki alveg.
Námskeið í þessum efnum hafa því
efalítið verið mörgum þörf?
„Þú getur rétt ímyndað þér. Fólk
þarf að kunna eða vita hvernig það
á að klæða sig við hin ýmsu tæki-
færi, samanber leikhúsferðir eða
DV-MYND ÞÖK
Fyrirmyndir annarra kvenna
Myndin er tekin viö verðlaunaafhendingu Féiags kvenna í atvinnurekstri í sl.
viku. Lengst til vinstri er Unnur Arngrímsdóttir, þá íris Gunnarsdóttir og Soffía
Steingrímsdóttir, sem reka vefsetriö Femin.is, ogyst til hægri er Elsa Har-
aldsdóttir sem rekur hárgreiöslustofuna Salon Veh.
DV-MYND E.OL.
Unnur verölaunahafi
„Fólk þarfaö kunna eöa vita hvernig þaö á aö klæöa sig viö hin ýmsu tækifæri, samanber leikhúsferöir eöa brúö-
kaup. Erlendis þarf fólk líka aö þekkja þá siöi sem þar gilda. Ég hef til dæmis leiöbeint eiginkonum manna sem fariö
hafa til starfa í utanríkisþjónustunni um þá formlegu siöi sem gilda í diplómataveislum, “ segir Unnur Arngrímsdóttir
m.a. hér í viötalinu.
fullorðnum, og lögðum til dæmis
mikið upp úr því að kenna hjónum,
enda var það vinsælt. Við kappkost-
uðum einnig að hafa skólahaldið
allt í mjög fostum skorðum - standa
vel og skipulega að því. Skólinn
starfaði eins og aðrir skólar alveg
frá því í byrjun september og fram í
maí.“
- Nú heyröi ég einu sinni þá
kenningu að mikilsvert væri að
kenna ungum mönnum að dansa og
fyrir því væru gildar ástæður.
Kjarkurinn væri ef til vill ekki mik-
ill og til þess að efla hann væri al-
gengt að menn fengju þeir sér í glas
áður en þeir byðu dömu upp í dans.
Þar með skapaðist sú hætta að þeir
yrðu brennivíni að bráð, og það
vegna slakrar danskunnnáttu. Ertu
sammála þessu?
„Já, svo sannarlega. Þegar ég var
ung stúlka á dansleikjum var mjög
algengt að herrarnir byðu dömun-
um ekki upp fyrr en þeir væru bún-
ir að fá sér í glas og orðnir aðeins
reikulir i spori. Þetta á ekki að vera
svona, þetta er feimni. Öllum mönn-
um er í raun eðlilegt að vilja snerta
elskuna sína og dansa viö hana.
Danskennsla er í dag í nokkrum
mæli komin út í grunnskólana en
það er þó undir vilja og áhuga til
dæmis skólastjórnenda komið. Áður
fyrr kenndi Hermann Ragnar víða i
skólum og á barnaheimilunum. Það
féll í mjög góðan jarðveg."
Samviskusemi og persónu-
ieiki
- Nú tekur þú við verðlaunum
fyrir áralangan eigin atvinnurekst-
uri. Ef þú værir beðin um góö ráð
hvemig standa eigi að rekstri hvað
myndir þú nefna helst?
„Aö hafa bókhaldið í fullkomnu
lagi og standa löglega að öllum hlut-
um. Það er alveg númer eitt. í ann-
an stað er mikilvægt að fylgjast með
öllum nýjungum og breytingu sem á
sér stað í því fagi sem maður er að
starfa í. Þegar við Hermann vorum
með dansskólann fórum viö á
hverju ári til Danmerkur þar sem
haldin er dansráðstefna á hverju
ári. Þannig kynntum viö okkur nýja
dansa og tónlist. Vegna Módelsam-
takanna setti ég mig einnig vel inn
í þá tískustrauma sem uppi voru á
hverjum tíma - og komu frá höfuð-
borgum tískunnar. Það er góð regla
að vita alltaf helmingi meira en
kúnninn - fátt er verra en standa á
gati fyrir framan hann.“
- Eru konur á einhvem hátt öðru-
vísi en karlar þegar kemur að at-
vinnurekstri?
„Það getur vel verið; kannski
þora þær ekki að taka sömu áhættu
og karlar gera. Ef til vill eru þær
hræddar við að fara út í banka og
biðja um lán; sjálf gerði ég það og
fékk. Þó verður alltaf að fara var-
lega i lántökur. Aldrei má stofna
fyrirtæki einvörðungu fyrir lánsfé
heldur verður að byggja á eigin fé
svo sem kostur er. Um muninn á
körlum og konum sem stjórnendum
er það að segja að konur eru ef til
vill samviskusamari í mörgum til-
vikum þó þetta fari auðvitað eftir
persónuleika hvers og eins.“
Situr við bókarskrif
- Exit-verðlaunin frá Félagi
kvenna í atvinnurekstri sem þú
tókst við i sl. viku, eru sérstaklega
helguð konum sem lengi hafa staðið
í eldlínunni. Ert þú að mestu leyti
búin að draga þig í hlé?
„Ekki alveg, alltaf kemur ein og
ein tískusýning eða annað sem ég
stend að. En annars sit ég mikiö við
skriftir þessa dagana og er að setja
saman uppsláttarbók um framkomu
og siðvenjur og fleira slíkt í daglegu
lífi. Það er langt síðan svona bók
hefur komið út á íslandi. Árið 1920
kom út bókin Mannasiðir og önnur
bók, Kurteisi, árið 1945. En nú sam-
eina ég efni þessara bóka í eina og
bæti nýju efni inn þannig að ný bók
eigi erindi við þjóðfélagið eins og
það er í dag. - En hvað varðar verð-
launin sem ég fékk í síðustu viku þá
fmnst mér óskaplega vænt um þau,
finnst þau sýna að fólk hefur tekið
eftir því sem ég hef verið að fást við
um dagana. Að taka á móti þessum
verðlaunum er „tvímælalaust ein af
stóru stundunum í mínu lifi,“ eins
og ég sagði orðrétt við móttöku
þeirra.“
-sbs