Dagblaðið Vísir - DV - 06.02.2002, Blaðsíða 10
10
Útlönd
MIÐVIKUDAGUR 6. FEBRÚAR 2002
3>V
Niðurskurðarhníf-
urinn í Argentínu
Stjórnvöld I Argentínu kynntu
fjárlög ársins 2002 í gær og skýrðu
langþreyttum almenningi frá því að
viðamikill niðurskurður á útgjöld-
um væri eina leiðin til að gera ráða-
mönnum Alþjóðagjaldeyrissjóðsins
til geðs og til að binda enda á efna-
hagskreppu síðustu fjögurra ára.
Á sama tíma fóru þúsundir at-
vinnuleysingja um götur Buenos
Aires, börðu bumbur og veifuðu
fánum til að þrýsta á Eduardo
Duhalde forseta og stjóm hans að
skapa fleiri störf.
Duhalde gerir sér vonir um að
fjárlagafrumvarpið verði til að liðka
fyrir erlendum neyðarlánum.
REUTER-MYND
Hún á afmaeli í dag
Elísabet Englandsdrottning heldur upp á þaö í dag að 50 ár eru liöin síöan
hún settist í hásætiö í Buckinghamhöll. Drottning ætlar meöal annars aö
halda upp á daginn meö því aö heimsækja nýtt krabbameinssjúkrahús.
Hegni Hoydal
Ráðherra sjálfstæöismála í Færeyj-
um fékk ákúrur frá lögmanni land-
stjórnarinnar, Anfinn Kallsberg.
Lögmaður Fær-
eyja sendi Hoy-
dal tóninn í gær
Hogni Hoydal, ráðherra sjálfstæð-
ismála í færeysku landstjórninni,
fékk það óþvegið frá Anfinn Kalls-
berg, lögmanni Færeyja, í gær.
Kallsberg kallaði Hogna ábyrgðar-
lausan, að því er fram kemur í
skeyti dönsku fréttastofunnar
Ritzau.
Tilefnið eru orð sem Hogni lét
falla á fundi með erlendum frétta-
mönnum í Kaupmannahöfn á mánu-
dag þar sem hann sagði að lögþings-
kosningarnar í vor yrðu eins konar
þjóðaratkvæðagreiðsla um sjálf-
stæði Færeyja. Þá sagði Hogni að
undirbúningurinn fyrir sjálfstæðið
gengi svo hratt og vel að sjálfstæðar
Færeyjar gætu orðið að veruleika á
næsta kjörtímabili.
Lögmaður vísaði í gær á bug orð-
um ráðherra síns um að Færeyjar
gætu orðið sjálfstæðar innan fjög-
urra ára. Hann vísaði til sjálfstæðis-
áætlunar sem landstjórnin, með
meirihluta þingsins aö baki sér, hef-
ur sett í gang.
Lögmaður sagði að samkomulag
lægi fyrir um að halda þjóðarat-
kvæðagreiðslu um sjálfstæði 2012.
Þrír flokkar mynda færeysku
landstjómina, Fólkaflokkur Kalls-
bergs, Þjóðveldisflokkur Hoydals og
Sjálfstjórnarflokkurinn.
Bandaríkjamenn hafa
afsakað mistökin
- segir Hamid Karzai, leiötogi þjóðstjórnarinnar í Afganistan
John Walker birt
ákæra í tíu liðum
Bandaríska talibanan-
um, John Walker Lindh,
var i gær birt formleg
ákæra í tíu liðum fyrir
ákærukviðdómi í Virgin-
iuríki í Bandaríkjunum,
eftir að hafa áður verið
fundinn sekur um sex
ákæraatriði vegna þátt-
töku sinnar í stríðinu í
Afganistan.
Ákæruatriði lúta öll að
samsæri Walkers um að
drepa bandaríska landa
sina í stríðinu í Afganist-
an og gæti Walker átt yf-
ir höfði sér lífstíðarfangelsi verði
hann fundinn sekur.
Aðspurður um það hvort bandarísk
stjómvöld muni fara fram á að Walker
verði sakaður um landráð, sagði Paul
J. McNulty, saksóknar i málinu, að
það kæmi vel til greina.
„Miðað við ákæruatriðin
þá höfum við tækifæri og
rétt til að breyta ákæru
gefi vitnisburður ástæðu
til þess,“ sagði McNulty.
í tilkynningu frá
bandaríska dómsmála-
ráðuneytinu segir að
ákæran lýsi Walker sem
þjálfuðum hryðjuverka-
manni sem gert hafi sam-
særi um að drepa banda-
ríska landa sína. Þar kem-
ur einnig fram að ákæru-
atriðin séu að mestu
byggð á vitnisburði hans sjálfs.
Að sögn Johns Ashcrofts, dóms-
málaráðherra Bandaríkjanna, gera
nýju ákæraatriðin nánari grein fyrir
aðdragandanum að þátttöku Walkers
í átökunum á Afganistan.
John Walker Lindh
Walker hefur veriö birt
formleg ákæra í tíu liðum.
Hamid Karzai, leiðtogi þjóö-
stjórnarinnar í Afganistan, sagði í
viðtali við dagblaðið Washington
Post í morgun að hernaðarleg
mistök Bandaríkjamanna í suður-
hluta Afganistans hefðu kostað
marga saklausa borgara lífið, en
bætti við að þeir hafi viðurkennt
mistök sín og að minnsta kosti I
einu tilvikanna háfi þeir fengið
vísvitandi rangar og villandi upp-
lýsingar. í þessu fyrsta blaðavið-
tali eftir heimsókn sína til Banda-
ríkjanna í síðustu viku reynir
Karzai eftir megni að gera lítið úr
meintum mistökum Bandaríkja-
manna og leggur áherslu á að þau
hafi öll verið afsökuð og í sumum
tilfellum hafi verið greiddar
bætur.
„Þeir hafa i öllum tilvikum
strax gert grein fyrir málavöxtum
og sent fulltrúa sína til að biðja
viðkomandi afsökunar og þannig
axlað fulla ábyrgð,“ sagði Karzai,
sem tók sem dæmi árásina i bæn-
um Hazar Qadam, þar sem átján
Hamid Karzai
Hernaöarleg mistök Bandarikjamanna í suöur-
hluta Afganistans heföu kostaö marga saklausa
borgara lífiö.
manns létu lífið. „Einstök mistök,
þar sem fólkið var á ferð á óheppi-
legum tíma og stað,“ sagði Karzai
sem að sögn blaðsins vildi ekki
ræða einstök atriði árásarinnar
nánar. „Það er ekki við banda-
rísku sérsveitirnar eða okkar her-
menn að sakást. Fólikð var á ferð
á átakasvæði á óheppilegum
tíma,“ sagði Karzai.
Hann staðfesti einnig í viðtal-
inu að fólkið sem látist hafði í
loftárásinni á bílalestina viö bæ-
inn Khost í desember sl. hafi ver-
ið öldungar úr héraðinu á leið til
embættistöku hans í Kabúl en
ekki leiðtogar talibana eins og
herinn hafði fengið rangar upp-
lýsingar um.
Fram kom að upplýsingarnar
hefðu borist frá bækistöðvum
eins stríðsherrans í héraðinu og
að þær hefðu vísvitandi verið vill-
andi og hluti af valdabaráttu
stríðandi ættflokka í héraðinu,
sem börðust um völdin eftir fall
talibana.
DV5 bœkur firalli og 6ormur -
stafaseiðurinn mikli
Eiður D. Bjarkason nr. 15104
Þorsteinn Arnar nr. 18712
Ingibjörg F. fiunnarsdóttir nr. 14874
Silla M. Jensdóttir nr. 13088
íris Gunnarsdóttir nr. 169645
kur Gralli Gormur - stafirnir okkar
Aníta B. Friðriksdóttir nr. 12246
Karen Þ. Jensdóttir nr. 17847
Axel M. Kristjónsson nr. 15625
Svala Sveinsdóttir nr. 18682
Jóhann G. Jensson nr. 19006
DU óskar vinninöshöfum fil hamingiu.
irnir verða sendir í pósfi næsfu daga.
5ími:
544 4555
Dalvegur 16a • 201 Kópavogur • Pósthólf 564 • Sími: 544 4656
Fax: 544 4657 • Netfang: mhg@mhg.is
5NJOKEÐJUR
Fyrir flestar gerðir vinnuvéla og vörubifreiða
Powell spáir stærra NATO
Colin Powell, utan-
ríkisráðherra Banda-
ríkjanna, spáði þvi i
gær að mikil stækk-
un NATO yrði sam-
þykkt á leiðtogafund-
inum sem haldinn
verður í Prag í Tékk-
landi í nóvember.
Níu Evrópulönd hafa óskað eftir
inngöngu og segja sérfræðingar að
fjórum, eða jafnvel sjö, verði boðin
aðild.
Uk fjarlægð í Lagos
Brunnin lik voru fjarlægö af göt-
um fátækrahverfis í Lagos, stærstu
borg Nígerfu, í gær eftir að her-
menn bundu enda á fjögurra daga
ættbálkaerjur sem urðu eitt hundr-
að manns að bana.
Óhressir meö lægri styrki
Stjórnvöld í Slóveníu mótmæltu í
gær það sem þau kölluðu ósann-
gjarnar tillögur ESB um lægri
styrki til nýrra aðildarlanda,
Fluttir frá eldfjalli
Rúmlega tvö hundruð þorpsbúar
voru fluttir burt frá spúandi eld-
fjalli í austurhluta Mexíkós í gær.
Einn maður á tíræðisaldri neitaði
þó að hreyfa sig.
Veltur á landbúnaðinum
Ef takast á að ljúka nýrri við-
ræðulotu um aukna fríverslun fyrir
árið 2005 verður að komast fljótt að
samkomulagi um landbúnaðarmál
og tækniaðstoð til þróunarríkja, að
sögn næsta forstjóra WTO.
Vont fyrir Chirac
Heimkoma fyrr-
um fransks stjórn-
málamanns, sem
hefur verið á flótta
undan réttvísinni í
mörg ár, gæti kom-
ið sér illa fyrir
Chirac forseta, sem
býður sig fram til
endurkjörs í vor, þar sem stroku-
maðurinn segir að flokkur forsetans
hafi þegið mútur frá verktökum.
Binda vonir við heimsókn
Utanríkisráðherra Suður-Kóreu
gerir sér vonir um að heimsókn
Bush Bandaríkjaforseta til Seoul
síðar í mánuðinum verði til að liðka
fyrir viðræðum við norðanmenn.
Ekki rætt um ESB í bráð
Kjell Magne
Bondevik, forsætis-
ráðherra Noregs,
sagði í gær að Norð-
menn væru orðnir
þreyttir á umræð-
um um aðild að
Evrópusambandinu
og að litlar líkur
væru á að málið yrði tekið á dag-
skrá fyrir árið 2005.
Um ættleiðingar homma
Sænska stjórnin kynnti í gær
uppkast að frumvarpi til laga þar
sem samkynhneigðum pörum er
veittur réttur til ættleiðinga.
Stuðlað að lægra bílverði
Evrópusambandið kynnti í gær
tillögur sem eiga að stuðla að lægra
bílverði í Evrópu. Með nýju reglun-
um verður losað um tök bílafram-
leiðenda á umboðsmannakerfinu.
Samtök neytenda fögnuðu tillögun-
um en framleiðendur gagnrýndu.