Dagblaðið Vísir - DV - 02.05.2002, Blaðsíða 18

18
FIMMTUDAGUR 2. MAÍ 2002
DV
• Tilvera
lí f iö
H F T I R V I II II IJ
Fyrirlestur Aí
Arkitektafélag íslands heldur í
kvöld fyrirlestur í Listasafni
Reykjavíkur í Hafnarhúsinu kl. 20.
Fyrirlesari er Morten Schmidt,
aðalhönnuður 250 manna
íbúðaþyrpingar í Skuggahverfinu,
sem byrjað verður á nú í haust.
Samkoman er hluti af fyrir-
lestrarröð sem AÍ hefur staðið
fyrir að undanfömu.
•T ónleikar
■ KK MEÐ TÓNLEIKA j NESKAUPSTAÐ
Hinn góðkunni tónlistarmaður
Kristján Kristjánsson, KK, verður
með tónleika í Egilsbúð á Nes-
kaupstað í kvöld. Þar mun hann
fara sínum fimu höndum um
gítarinn eins og honum einum er
lagið.
■ VILLILÚÐUR LEIKUR PJASS í
HLAÐVARPANUM Hljómsveitin
ViUiIúður mun í kvöld leika
framsækinn djass á djassklúbbnum
Múlanum í Hlaðvarpanum.
Hljómsveitina skipa þeir Jóel
Pálsson, Agnar Már Magnússon,
Valdimar Kolbeinn Sigurjónsson og
Eric Quick. Á efnisskránni eru verk
eftir Billy Sratyhom sem er einna
þekktastur fyrir samstarf sitt við
snillinginn Duke Ellinton sem
endist í 40 ár. Eftir hann liggja um
200 hljóðrituð verk sem hann samdi
eða átti þátt í að skapa. Tónleik-
arnir hefjast kl. 21 og miðaverð er
1000-kall en 500-krónur fyrir
námsmenn, eldri borgara og ör-
yrkja. Athygli skal vakin á þvi að
ekki er tekið við kortum í miða-
sölunni.
■ FIMMTUDAGSFORLEIKUR HINS
HÚSSINS í dag sem og aðra
fimmtudaga stendur Hitt húsið fyrir
tónleikum undir yflrskriftinni
Fimmtudagsforleikur Hins húss-
ins. í dag koma hljómsveitirnar
Coral og Man fram. Sú fyrri hefur
verið starfandi í tæp tvö ár og hefur
helst unnið sér það til frægðar að
eiga lag í kvikmyndinni Gemsar. Sú
síðari er alfarið skipuð stúlkum
sem leika eðal rokktónlist á
íslenskan máta. Fjörið hefst á
Loftinu, nýju húsnæði Hins
hússins að Pósthússtræti, kl. 20 og
standa þeir í rúma tvo tima.
•Leikhús
■ VIBOINÍA WOOLF? í kvöld sýnir
Þjóðleikhúsið leikverkið Hver er
hræddur við Virginíu Woolf? eftir
Edward Albee. Martha og George
bjóða ungum hjónum í eftirpartí en
eftir því sem lengra líður á nóttina
verður ljóst að hér er ekki um neitt
venjulegt heimboð að ræða. Magn-
þrungið verk um grimmileg átök
sem er jafnframt eitt frægasta leik-
rit tuttugustu aldarinnar. Sýningin
hefst kl. 20 en miðapantanir eru í
síma 551 1200.
•Sýningar
■ C.U.RRICULUM VITAE I QALLERÍI
$ÆVARS KARL5 Sýningu myndlist-
armannsins Rebekku Ránar
Samper á verkum sínum í Galleríi
Sævars Karls er að ljúka. Sýningin
ber yflrskriftina Curriculum Vitae
og er óhætt að segja að mannshönd-
in komi þar mjög við sögu í fleiri en
einum skilningi.
DV-MYND GVA
Ánægður íslandsmeistari
Vigdís Hauksdóttir kann vei viö sig innan um blómin í Blómagalleríinu á Hagamel.
Titillinn gefur tækifæri erlendis
- segir Vigdís Hauksdóttir, fyrsti íslandsmeistarinn í blómaskreytingum
„Titillinn skapar okkur íslending-
um áður ónýtt tækifæri erlendis,"
segir Vigdís Hauksdóttir sem ný-
lega sigraði i fyrstu íslandsmeist-
arakeppninni í blómaskreytingum.
Keppnin fór fram í tengslum við
stórsýninguna Matur 2002 og tóku
tólf skreytar þátt. Farið var að al-
þjóðlegum keppnisreglum og feng-
inn prófdómari frá Þýskalandi til að
tryggja gæðin. Sigurinn veitir Vig-
dísi þátttökurétt í Norðurlanda-
keppni í blómaskreytingum síðar á
árinu og gott gengi þar gefur mögu-
leika á Evrópukeppni.
Vigdís kveðst einkum hafa sótt
sína blómaskreytingarmenntun til
Danmerkur, að loknu námi í Garð-
yrkjuskólanum í Hveragerði. Hún
varö fyrsti kennarinn við blóma-
skreytingardeild Garðyrkjuskólans
sem stofnuð var 1992, gegndi því
starfi í tvö ár og hefur oft síðan ver-
ið prófdómari við deildina.
í íslandsmeistarakeppninni fólst
galdurinn í fallegum brúðarvendi
og borðskreytingu í brúðkaups-
veislu, ásamt aukaverkefni að eigin
vali. „Ég bjó til hárskraut á brúðina
sem aukaverkefni," segir Vigdís
brosandi og kveðst einkum hafa
notaö kóngablá og sæblá blóm í
skreytingarnar. Það hafi slegið í
gegn. -Gun.
Kvikmyndatónleikar í Bæjarbíói:
Maður með kvikmyndavél
Á morgun kl. 20 verður sýnd í Bæj-
arbíói í Hafnarfirði kvikmyndin Mað-
ur með kvikmyndavél (Tsjelovek s
kinoapparatom) eftir sovéska kvik-
myndaleikstjórann Dziga Vertov.
Þessi sýning er hluti verkefnisins Ný
tónlist - gamlar myndir þar sem ís-
lenskir tónlistarmenn semja og flytja
eigin tónlist við gamlar þöglar kvik-
myndir. Nú munu nemendur í tón-
smíðadeild Listaháskóla íslands stíga
á stokk en það eru þau Anna S. Þor-
valdsdóttir (selló), Gestur Guðnason
Bíógagnrýni
(rafmagnsgítar) og Ólafur Björn Ólafs-
son (slagverk).
Tónlistin sem hópurinn hefur sett
saman er ekki kvikmyndatónlist eins
og bíógestir þekkja í dag heldur er
miklu fremur um að ræða samruna
tveggja verka tónlistar annars vegar
og myndar hins vegar í eitt. Tónlistar-
mennirnir segja tónlistina byggja tals-
vert á spuna en undirbúningi er hag-
að þannig að verkið er að stórum
hluta mótað og fyrirfram ákveðið.
Tónlistin er mjög rytmísk og hrá og
má helst líkja við verksmiðjurokk,
vélrænir taktar og rafmagnaður
hljómur.
Myndina Maður með kvikmynda-
vél gerði Vertov árið 1929. Kvik-
myndatökumaður þvælist um stór-
borg með myndavélina á öxlinni og
myndar borgarlífið, fólkið við leik og
störf, og á sama tíma fylgjumst við
með þvi hvemig myndin sjálf verður
til. Sýningin tekur rúma klukkutíma.
HHHHHHHRHH
Smárabíó - Frailty ★ ★★
Drepið með leyfi guðs
Anna í mál
við Penthouse
Rússneska tennisdrottningin Anna
Koumikova er nú að undirbúa mál-
sókn gegn bandaríska tímaritinu
Penthouse, sem nýlega birti tíu siðna
blaðauka með myndum sem það segir
af Önnu topplausri í sólbaði á sólar-
ströndum Flórída.
Talsmaður Önnu segir að myndim-
ar séu ekki af Önnu heldur af annarri
dökkhærðri stúlku. Á móti segir lög-
fræðingur Penthouse að þar á bæ séu
menn sannfærðir um að myndirnar
séu af Önnu og engri annarri.
í texta sem birtur var með mynd-
unum er haft eftir ljósmyndaranum
að það hafi verið unun að sjá Önnu
með sín fersku og náttúrulegu brjóst
innan um allar silíkongellumar.
Hugh þögull
um Liz Hurley
Breski leikar-
inn Hugh Grant
vék sér undan því
að svara spurn-
ingum um Liz
Hurley, fyrrum
kærustu sína, og
nýfætt barn henn-
ar þegar hann
kom til frumsýn-
ingar nýjustu
myndar sinnar í
London á sunnudag.
Hugh sagðist einfaldlega ekkert
hafa að segja um málið þegar hann
var spurður.
Liz á bamið með ameriskum kvik-
myndaframleiðanda sem stakk af um
leið og leikkonan færði honum fréttir
af óléttu sinni. Hugh stóð hins vegar
sem klettur við hlið hennar, fór með
henni i mæðraskoðun og þar fram eft-
ir götunum. Minna mátti það sosum
ekki vera því þau Hurley og Hugh
voru saman í þrettán ár. Núna mun
hún dvelja í glæsihýsi
Hilmar
Karlsson
skrifar gagnrýni
um kvikmyndir.
BUl Paxton er kvikmyndaleikari
sem kannski hefur ekki þekktasta
nafhið í Hollywood, en áhorfendur
þekkja hann um leið og þeir sjá andlit
hans. Þegar litið er á feril hans þá hef-
ur hann yfirleitt vandað val sitt og
leikið oftar en ekki undir stjóm góðra
leikstjóra. Með tuttugu ára reynslu
sem leikari, leikstýrir hann sinni
fyrstu kvikmynd, Frailty, með glæsi-
brag og skilar frá sér einstaklega
áhugaverðum sakamálatrylli þar sem
undirtónninn er trúin og þær hættu-
legu öfgar sem hún getur leitt fólk í.
Handritið sem einnig er skrifað af ný-
liða, Brent Hanley, er vel skrifað og
innihaldsríkt um leið og það er lát-
laust þegar mið er tekið af atburða-
rásinni. Paxton er heldur ekki að
skrúfa upp ofbeldi sem vissulega hefði
verið hægt, heldur lætur áhorfandann
um að geta í eyðumar þegar kemur að
þeim atriðum þar sem vinsælast er að
láta.blóðið fljóta í stríðum straumi.
Þessi stíll minnir á Hitchcock enda er
augljóst að Paxton sækir meira í
klassíkina heldur en til að mynda jafn
áhrifamikinn stíl og öðmvísi sem
David Fincher kom með í Seven.
1 upphafi kemur inn á höfuðstöðvar
FBI í Texas, ungur maður, Feinton
Meiks, sem vill aðeins tala við þann
sem stjómar rannsókn á raðmorðum
sem kennd eru við „Hönd guðs“.
Meiks segir lögregluforingjanum að
bróðir hans sé morðinginn. Til út-
skýringar segir hann sögu sína. Hann
er annar tveggja bræðra, sem hafa
alist upp hjá fóður sínum: „Við vorum
hamingjusöm fjölskylda og faðir okk-
ar var okkur mjög góður. Allt breytt-
ist þetta á einni nóttu.“ Þessa nótt
kemur faðirinn til bræðranna sem
eru sjö og tíu ára og segir að hann
hafi fengið vitrun. Engill hafi birst
honum og hann hafi fengið lista með
fólki sem þarf að útrýma. Eldri dreng-
urinn gerir sér grein fyrir því að þetta
er ekki eins og það á að vera og morð
er alltaf morð, en foðurástin er mikil
og þar sem faðirinn breytist ekki
gagnvart sonum sínum er ekkert að-
hafst. Meira er ekki vert að láta uppi
um atburðarásina í myndinni, en
áður en yfir lýkur á sagan eftir að
taka óvæntar stefnur sem kannski
koma ekki svo mikið á óvart þar sem
það liggur alltaf í augum uppi að hinn
ungi Meiks, sem kemur til lögreglunn-
ar, er örugglega ekki að segja allt sem
hann veit.
Þaö sem gerir það að verkum að
það er aldrei hægt að trúa Meiks er
góður leikur Matthew McConaughey.
Það sést strax að þessi ungi maður á
við mikil vandamál að stríða, augun
eru tryllingsleg og framkoma hans öll
hin vafasamasta. Ekki síðri er Bill
Paxton í hlutverki fóðurins sem telur
sig verkfæri guðs. Hann er engilblíð-
ur á svipinn þegar hann segir sonum
sínum að þetta séu ekki morð heldur
aðgerðir í að bjarga heiminum.
Frailty hefur áhrif löngu eftir að
sýningu lýkur. Upp í huga koma
óhugnanleg dráp sem framin hafa ver-
ið í nafni guðs, þar sem heilum trúar-
flokkum er eytt eða fjölskylda fyrirfer
sér vegna trúarinnar. Paxton hefur
með þessari kvikmynd sinni sýnt okk-
ur á áhrifamikinn hátt hvað afskræm-
ing á kristinni trú getur orsakað.
Lelkstjóri: Bill Paxton. Handrit: Brent
Hanley. Kvikmyndataka: Bill Butler. Tón-
llst: Brian Tyler. Aöalhlutverk: Matthew
Conaughey, Powers Boothe og Matt O'Le-
ary.