Dagblaðið Vísir - DV - 07.02.2003, Blaðsíða 9

9
FÖSTUDAGUR 7. FEBRÚAR 2003
I>V
Fréttir
Svíar hafa opnað á áfengisauglýsingar - á íslandi er umræða um hvort leyfa eigi þær eða ekki:
Vínauglýsing gerir
menn ekki að rónum
- segir Friðrik Eysteinsson, formaður Samtaka auglýsenda
Svíar tala um fátt meira þessa
dagana en einróma dóm sænska
Markaðsdómstólsins í fyrradag þar
sem leyft var að birta áfengisauglýs-
ingar. Dómstóllinn telur aö auglýs-
ingabann brjóti í bága við reglur
Evrópusambandsins. Templarar
segja að áfengisauglýsingar muni
leiða af sér mikil vandamál, fleiri
ungmenni eigi eftir að vaxa upp við
áfengisböl drykkjusjúkra foreldra
sinna. Auglýsingar áfengis eigi
einnig eftir að stórauka heilbrigðis-
kostnað þjóðfélagsins. Aðrir eru
bjartsýnni, til dæmis útgefendur
blaða og eigendur annarra fjöl-
miðla. Þeir eru glaðir i bragði og sjá
fram á betri tíð.
Hér á landi er fylgst með því sem
gerist í þessum efnum í Svíþjóð og
sýnist sitt hverjum. Talaö er um aö
eftirlitsdómstóll Evrópska efnahags-
svæðisins muni taka ástand mála á
Islandi fyrir og hafa sjálfur frum-
kvæði að því. Einnig er hugsanlegt
að innflytjendur áfengis hér á landi
kæri auglýsingabannið til dómstóls-
ins.
Einn þeirra manna sem vinnur
við markaðssetningu áfengra
drykkja er Friðrik Eysteinsson,
framkvæmdastjóri markaðsdeildar
hjá Vífiifelli, framleiðanda drykkj-
arvöru, áfengrar og óáfengrar, og
stundakennari í markaðsfræði við
Háskóla íslands. Friðrik er formað-
ur Samtaka auglýsenda. DV ræddi
við Friðrik i gær. Hann hefur um
árabii kannað drykkjarvörumark-
aðinn og þar á meðal áhrif áfengis-
auglýsinga sem eru í raun bannaðar
hér á landi þótt birtar séu undir
folskum formerkjum. Alvöruauglýs-
ingar sjá landsmenn iðulega í er-
lendum blöðum, tímaritum og sjón-
varpi. Friðrik er ekki á því að vín-
auglýsingar geri menn að of-
drykkjumönnum.
„Gleður mannsins hjarta..."
„Menn er oft að rugla saman
tveim staðreyndum varðandi
áfengi, því að áfengi í óhófi er
slæmt fyrir alla, enginn efast um
það - og því að áfengi í hófi gerir
fólki ekki nema gott eins og í ljós
hefur komið, enda oft sagt, og það
með réttu, að hóflega drukkið vín
gleðji mannsins hjarta. Misvisandi
umræða hefur verið í gangi varð-
andi það hvort auglýsingar hafi
áhrif á áfengisneyslu og misnotkun
áfengis. í þessu efni má fullyrða að
ekki hefur ekki verið sýnt ótvírætt
fram á að auglýsingar sem slíkar
ykju misnotkun sem þá væri mæld
DV-MYND HILMAR
Laumuspilið er slæmt
Friðrik Eysteinsson segir auglýsingar ekki hvetja til ofneyslu - en auglýsinga-
leysi og laumuspil með áfengi geti haft áhrif í þá veruna.
í skorpulifur, umferðarslysum og
ýmsum fylgikvUlum ofneyslu áfeng-
is. Núna síðast hefur því reyndar
verið haldið fram af sérfræðingum
að það að banna auglýsingar á
áfengi auki neyslu áfengis en ekki
öfugt. Ástæðan er sögð sú að hlut-
verk auglýsinga í markaðssetningu
vöru eins og áfengis, sem hefur fylgt
mannkynininu í þúsundir ára, sé
fyrst og fremst að færa fólk á milli
vörumerkja. Auglýsingarnar gera
vöruna dýrari og hærra verð dregur
úr sölu og neyslu,“ sagði Friðrik Ey-
steinsson.
„Með því að hækka verð, banna
auglýsingar og einnig að minnka
aðgengi að áfengi þá dregur að sjálf-
sögðu úr áfengisneyslu. Það gildir
sama um þetta og tóbaksreykingar,
engum hefur tekist að sýna fram á
að auglýsingar á tóbaki séu skaðleg-
ar - hins vegar vita allir að neysla á
þessu tvennu í óhófi er skaðlegt,"
sagði Friðrik.
Að sýna ábyrga neyslu
„Auglýsingar á áfengi eiga að
vera ábyrgar, þær eiga að sýna
ábyrga neyslu. Þar á ekki að sýna
fólk ofurölvi. Meirihluti tíma ung-
linga er varið í hópi félögum, en
sáralitill hluti tímans fer í að horfa
á auglýsingar í sjónvarpi. Meiri
tími fer í að horfa á bíómyndir og
þar kemur áfengisneysla auðvitað
oft við sögu og ekki alltaf á fallegan
hátt. Ekki er hægt að sýna fram á að
unglingar hefji neyslu vegna áfeng-
isneyslu, né heldur að þeir auki
neysluna, vegna áróðurs í auglýs-
ingum,“ sagði Friðrik.
„Áfengisneyslan virðist fylgja
efnahagsástandinu hverju sinni.
Þegar illa gengur í þjóðfélaginu,
eins og núna, eykst neysla áfengis.
Þannig er bjórsala í janúar í ár
næstum 20% meiri en var í janúar í
fyrra,“ segir Friðrik.
Hundruð milljóna í spilinu
Friðrik Eysteinsson segir að aug-
lýsingamarkaður áfengis sé stór,
skipti án efa hundruðum milljóna
króna á íslandi á ári hverju. í
Bandaríkjunum er áfengi einn
stærsti liðurinn á auglýsingamark-
aðnum, jafnvel sá stærsti. Hann seg-
ir erfltt fyrir nýja umboðsmenn að
fóta sig á markaðnum þegar þeir fá
ekki að auglýsa vöru sína. Sumir
bjóða nýjungar sem neytendur
þurfa að vita af, til dæmis kalor-
íuminni bjór sem er framleiddur
hér og fluttur inn.
„Ég er fullkomlega ósammála því
að allt fari í klúður í Svíþjóð þegar
farið verður að auglýsa áfengi. Það
sama yrði hér, engin breyting yrði
nema menn reyndu ný vörumerki.
Þetta minnir á umræðuna sem átti
sér stað áður en bjórinn kom. Þá
var sagt að allt færi til andskotans,
menn fullir á vinnustööum. Þetta
gekk auðvitað ekki eftir. Drekki
menn í hádeginu eða i vinnunni þá
eru það forfallnar fyllibyttur sem
verða sér alltaf úti um alkóhólið
meðan þeir eiga fyrir því,“ sagði
Friðrik Eysteinsson. -JBP
DV-MYNDIR MAGNÚS ÓLAFSSON
Húsnæðið margfaldað
Nýbyggingin stórbætir aðstöðuna í
heimilisiðnaðarsafninu, húsnæöið
fjórfaldast.
Blönduós:
Safnrými fjór-
faldast við
nýbyggingu
Nýbygging við Heimilisiðnaðar-
safnið á Blönduósi er nú fullbúin
og á næstunni verður haflst handa
við að koma safnmunum þar fyrir
og undirbúa opnun safnsins í þess-
um nýju og góðu húsakynnum.
Nýja byggingin verður vígð í vor
og safnið verður opið alla daga í
sumar, frá 1. júní. Aðsókn að safn-
inu hefur farið mjög vaxandi hin
síðari ár og er þar margt góðra
muna til sýnis og þykir safnið gefa
glögga mynd af heimilisiðnaði fyrri
ára.
Nýlega afhenti Jón Eiríksson,
smiður á Blönduósi, Elínu Sigurð-
ardóttir, formanni stjómar Heimil-
isiðnaðarsafnsins, lykla að nýju
byggingunni. Hún er alls 348 fer-
metrar, þar af eru 90 fermetrar í
kjallara nýbyggingarinnar.
Til samanburðar má geta þess að
grunnflötur gömlu bygginga safns-
ins er aðeins 90 fermetrar svo
þarna er um mikla viðbót að ræða.
Heildarbyggingarkostnaður er 51
millj. kr. með hönnunarkostnaði.
Heimilisiðnaðarsafnið er sjálfseign-
arstofnun sem er í eigu nær allra
sveitarfélaga í héraðinu auk Kven-
félagasambands A-Húnavatnssýslu.
Fjölmargir einstaklingar hafa lagt
peninga f þessar framkvæmdir og
gerst hollvinir Heimilisiðnaðar-
safnsins. Sýnir það áhuga Húnvetn-
inga á málinu. -MÓ
I röð eftir áfengi
Friörik Eysteinsson segir að ekki sé hægt aö sýna fram á að unglingar hefji
neyslu vegna áfengisneyslu, né heldur að þeir auki neysluna
vegna auglýsinga.
Aðalfundur
r
Landsbanka Islands hf.
Aöalfundur Landsbanka Islands hf. veröur haldinn í Súlnasal Radisson
SAS Hótel Sögu, föstudaginn 14. febrúar 2003 kl. 14:00.
Dagskrá: 1. Skýrsla bankaráðs um starfsemi bankans síðastliöið starfsár.
2. Ársreikningur fyrir liðið starfsár ásamt skýrslu endurskoðenda lagður fram
til staðfestingar.
3. Ákvörðun um greiöslu arös og meðferð hagnaöar eöa taps á síðastliönu
reikningsári.
4. Tillögur til breytinga á samþykktum.
5. Tillaga um aö heimila bankanum að kaupa allt að 5% af eigin hlutabréfum.
6. Kosning bankaráös.
7. Kosning endurskoöenda.
8. Ákvörðun um þóknun til bankaráðsmanna fyrir næsta kjörtímabil.
9. Önnur mál.
Tillögur frá hluthöfum sem bera á fram á aðalfundi skulu hafa borist í hendur stjórnar með
skriflegum hætti eigi síðar en átta dögum fyrir aðalfund.
Dagskrá, endanlegar tillögur og ársreikningur félagsins ásamt skýrslu endurskoðenda munu
liggja frammi í útibúi Landsbankans, Austurstræti 11, Reykjavík, hluthöfum til sýnis sjö
dögum fyrir aðalfund. Einnig verður hægt að nálgast þessi gögn á www.landsbanki.is.
Atkvæöaseðlar og önnur fundargögn verða afhent við innganginn við upphaf fundarins.
Bankaráð Landsbanka íslands hf.
Landsbankinn