Dagblaðið Vísir - DV - 18.11.2003, Síða 14

74 ÞRIÐJUDAGUR 7 8. NÓVEMBER 2003
Fókus DV
Hugmyndin um skjótfenginn gróða, fyrir sem minnsta
vinnu á sem stystum tíma, hefur löngum heillað mann-
skepnuna. íslendingar eru þar engir eftirbátar annarra
þjóða, þvert á móti vilja margir meina að auðfengið fé kitli
íslenska þjóðarsál meira en góðu hófi gegni. Á síðasta ára-
tug hafa svokölluð píramída- og fjölþrepafyrirtæki átt mik-
illi velgengi að fagna. Þau höfða nær eingöngu til þeirrar
gróðaflknar sem virðist mörgum 1 blóð borin. Heimsbank-
inn, Alþjóða gjaldeyrissjóðurinn og Qölmörg vestrænar eft-
irlitsstofnanir hafa ítrekað varað við slíkum fyrirtækjum
Hefur þú tekið þátt í pýramída-gróðastarfsemi?
„Ég persónulega hef aldrei lagt
peninga í svona keðjur. En einu
sinni var mér boðið að taka þátt í
einhverju keðjubréfí og ég ætlaði að
gera það, en svo var svo mikil röð á
pósthúsinu að ég sendi það ekki,
sem betur fer. En mér finnst vera
gríðarleg ólykt af þessu öllu saman.
Ég hef til dæmis aldrei heyrt um
neinn sem hefur orðið milli á að
taka þátt í einhverju svona, einmitt
öfugt. Ég þekki engan persónulega
sem getur státað af því að hafa rúllað inn milljónum, ef svo
væri tæki ég kannski þátt.“
Páll Óskar Hjálmtýsson tónlistarmaður
„Ég hef aldrei tekið þátt í svona pýramídastarfssemi og
mun aldrei gera það. Ég þekki efni málsins ekki það vel að ég
geti haft skoðun á en það er svona almennt sjónarmið þegar
mönnum eru boðnar billegar aðferðir til að auðgast að það sé
betra að hafa varann á. Ég þekki
engan sem hefur hefur tapað pen-
ingum í svona nokkru en ástæðan
fyrir þessum gylliboðum er líklega sú
að menn komast upp með það að
plata fólk út í svona starfssemi. Með
þessum orðum er ég þó ekki að
leggja dóm á þessi mál heldur eru
þetta meira bara svona vangaveltur."
Jón Steinar Gunnlaugsson, iög-
maður og prófessor
„í gamla daga voru þessi
keðjubréf í gangi og menn tóku
þátt í þeim og það gekk svona
upp og niður. Sjálfur hef ég aldrei
tekið þátt í neinu af þessu tagi.
En það virðist vera þannig að ein-
hver einn stendur alltaf uppi með
pálmann í höndunum. Stundum
virðist þetta vera of gott til að
vera satt. Mér persónulega finnst
eitthvað verulega bogið við þessa
starfssemi."
Björgvin Halldórsson tónlist-
armaður
„Ég hef fengið mörg keðjubréf um dagana en ekki svarað
þeim síðan ég var á fermingaraldri. Fékk aldrei neitt útúr
;
&
þeim, mér var lofað hell-
ingi af póstkortum ef ég
myndi bara senda eitt en
aldrei komu þau. Ef ég fæ
send svona bréf þá fara
þau beinustu leið í rusla-
körfuna. Við sjáum nú hve
örugg svona starfssemi er
þar sem öll albanska þjóð-
in fór á hausinn á einu
bretti. Ég veit ekki til þess
að neinn hafi orðið ríkur af því að taka þátt í svona
pýramída. Það var síðast í síðustu viku sem ég fékk tölvupóst
frá einhverju Afríkulandi og ég var beðinn um að geyma pen-
ing. Það yrðu lagðar 10 milljónir bandaríkjadollara inn á
reikninginn minn og ég fengi 20% af upphæðinni fyrir
geymsluna. Ég var ekki lengi að henda þeim pósti því mín af-
staða til gylliboða er skýr, maður
fær ekki mikið fyrir lítið og þú
uppskerð eins og þú sáir.“
Davíð Þór Jónsson
„Ég hef engan áhuga á pýramí-
dasölu og veit ekkert um þetta. Ég
er bara að selja vítamín til þeirra
sem þurfa á því að halda.“
Jónína Benediktsdóttir at-
hafnakona og Aloe Vera snyrti-
vörusaii.
„Ég tók þátt í keðjubréfi upp á
viskíflöskur fyrir 10 árum. Ég tapaði
10 flöskum, en það var svosem í lagi
þar sem mér finnst viskí vont. Svo
tók ég þátt í tyggjókeðjubréfi þegar
ég var sjö ára. Ég hef ekki fengið
neitt útúr því ennþá, en kannski
birtist einn daginn bilfarmur af tyg-
gjói fyrir utan hjá mér. En þetta er
eins og með svo margt annað, þeir
sem eru neðst í píramídanum hafa
minnstan aðgang að upplýsingum,
kaupa dýrast og græða minnst.“
Almar Örn Hilmarsson forstjóriAco tæknival
„Þegar ég var krakki var mikill keðjubréfafaraldur, sem
barst á endanum til Vestmannaeyja þar sem ég bjó. Mig
minnir að þegar ég var 12 ára höfum við strákarnir allir látið
10 krónur í umslag og sent, en enginn okkar fékk nokkurn
ífa*,.\
tíma peninga til
baka.Einhvers
konar amöbuskipt-
ing á víst að eiga sér
stað, en ég veit ekki af
neinum sem hefur grætt á
þessu. í dag myndi ég frek-
ar taka þátt í annars konar
viðskiptum."
Árni Sigfússon bæjarstjóri í
Reykjanesbæ
„Einhvern tíma fýrir svona
20 árum þegar mikið heilsu-
æði var í gangi fékk ég ein-
hver vítamín send. Eitthvað
af þeim nýttist fjölskyldunni
en ég endaði með að gefa þau
flest öO, enda er ég afskaplega
lítil sölumanneskja. Ég hef
ekki tekið þátt í slíku aftur, ég
bara er ekki þessi týpa.“
Guðrún ögmundsdóttir
aþingisþingmaður
„Ég er ekki ginnkeypt fyrir slíku. Ég
held ég sé of jarðbundin. Mér finnst
verið að spila með fólk, og ég læt ekki
spila með mig, en ég get þó skilið að
fólk láti heillast ef það er örvænting-
arfullt og eygir í þessu einhverja von.
En það virðist samt vera þannig að
þeir fyrstu fá og síðan útvatnast
þetta."
Margrét K. Sverrisdóttir, fram-
kvæmdarstjóri Frjálslynda flokksins
„Ég hef aldrei haft nein afskipti
af slíku, enda er ég alveg gersam-
lega laus við allt svona peningadót
og á reyndar enga peninga til að
eyða í slíkt. Ég hef aldrei komist
svo langt að láta peninga vinna
fyrir mig, ég er ennþá að vinna fyr-
ir þá. En fólk virðist vera að leika
sér að einhverju sem er ekki til. „
Andrea Jónsdóttir útvarpskona