Dagblaðið - 13.04.1976, Qupperneq 24

Perúmenn moka
upp magurri og
smárri ansjóvetu
— Loðnubrœðslu lýkur
hér um hátíðarnar
Perúmenn veiða nú á 6 dögum
álíka mikið magn af ansjóvetu og
heildarloðnumagnið varð á allri
vertíðinni hjá okkur. Þar veiðast
nú um það hi! 50 þúsund tonn á
sólarhring, en úr því fást um 10
þús. tonn af mjöli. Ansjóvetan er
mögur og smá.
„Við ljúkum bræðslu í
verksmiðjunni í Örfirisey i nótt,”
sagði Jónas Jónsson, fram-
kvæmdastjóri Kletts, í viðtali við
Dagblaðið í morgun. Hann kvað
nokkuð óbrætt ennþá í Kletts-
verksmiðjunni, en þar lýkur þó
bræðslu um hátíðirnar.
Síldar- og fiskimjölsverk-
smiðjan að Kletti fékk nú til
bræðslu um 28 þúsund tonn.sem
er heldui meira en í fyrra. Svo til
allt mjölið úr þessu magni er
þegar selt.
Loðnuveiðum er nú að fúllu
lokið á þessari vertíð, og reyndist
heildarmagn veiddrar loðnu um
330 þúsund tonn eða nokkuð á
annað hundrað þúsund tonnum
minna en í fyrra.
-BS.
BJARGVÆTTIR SKIPVERJANNA A ALFTANESI: Pétur Guðjónsson skipstjóri á Hrafni Svein-
bjarnarsyni Il.ásamt syni sínum Steingrími, 16 ára, sem er með honum á bátnum. Með á myndinni er
kona Péturs, Kristjana Stella Steingrímsdóttir og sonurinn Valur. DB-mynd: emm.
Þrjú systurskip hafa farizt:
Tróðu marvaðann í sjónum
— og aðrir voru á kili er að var komið
,,Eg bjóst ekki við því að sjá
nokkurn skipverja Alftanessins
þegar við komum að bátnum
eftir tvær til þrjár mínútur, en
mér Iétti mikið þegar ég sá
menn á kilinum, eða öllu
heldur á „slyngubrettinu”, þar
sem þeir höfðu handfestu,”
sagði Pétur Guðjónsson
skipstjóri á Hrafni
Sveinbjarnarsyni. ,,Við töldum
þar fjóra skipverja en komum
síðan auga á tvo aðra sem tróðu
marvaðann í sjónum. Við
björguðum þeim fyrst og var
annar þeirra orðinn all-
þrekaður, en hresstist samt
fljótt eftir að hann var kominn
um borð.”
Pétur sagðist fyrst hafa
ætlað að freista þess að leggja
að Álftanesinu til að bjarga
mönnunum af kilinum, en hætt
við það að ótta við að þeir gætu
fallið á milli bátanna.
Björgunarbáturinn, sem þeir
ætluðu að láta reka að Álfta-
nesinu, slitnaði strax frá, „svo
við gripum strax til björgunar-
hringjanna,” sagði sonur
Péturs skipstjóra Steingrímur,
16 ára piltur sem nú rær sína
fyrstu vertíð, „og komum þeim
eftir nokkrar tilraunir til
mannanna á kilinum, og
drógum þá síðan um borð í
Hrafninn og þeim varð sem
betur fer ekki meint af
volkinu.”
„Það má teljast hending að
við skyldum vera svo til
samhliða Álftanesinu á land-
leiðinni. Tregur afli í netrn olli
því að við vorum snemma á
ferð,” sagði Pétur, „og aðrir
bátar voru það fjarri að þeim
hefði varla auðnazt að ná til
Álftanessins í tæka tíð, en
báturinn sökk á um það bil 10
mínútum. Svo fljótt hvolfdi
þessum 64 tonna stálbáti, að
skipverjum tókst ekki að
nálgast björgunarvestin né
heldur björgunarbátana tvo,
sem reyndar eiga aö fljóta upp
ef þeir lenda í sjó, en hafa
greinilega lokazt undir
skipinu.”
Pétur skipstjóri sagði að
honum hefði fundist Álftanesið
vera ókyrrt á öldunni. „Að vísu
var „lens” og stóð í „hornið”,
sem er einna verst á siglingu,
en það hlýtur að vera eitthvað
að sjóhæfni þeirra skipa sem
hvolfir svo skyndilega sem
Álftanesinu, i ekki verra
sjólagi en var úti af
Hópsnesinu. Að minnsta kosti
tveir aðrir bátar af sjö eða átta
með þessu byggingarlagi hafa
farizt, Rafnkell fyrir um það bil
15 árum og Hafrún núna í
vetur. Enginn var til frásagnar
um það hvernig þau sjóslys bar
að höndum, en þau hefur borið
brátt að, eins og með Álftanesið
því að ekkert neyðarkall
heyrðist, og fullvist er að ekki
hefur skipverjum tekizt að
komist í björgunarbátana. .Og
eftir að hafa horft á Alftanesið
hvolfa finnst mér full ástæða til
að þeir bátar af sömu gerð, sem
ennþá eru ofansjávar, verði
athugaðir af þeim aðilum sem
með öryggismál sjómanna
fara”
-emm
Hart brugðizt við:
KOMIZT FYRIR LÚSAFARALDUR í F0SSV0GSSKÓLA
„Eg veit ekki hvað veldur
þessu, — tilfelli sem þessi
koma upp af og til,” sagði Maria
Heiðdal skólahjúkrunarkona
Fossvogsskóla i viðtali við Dag-
blaðið. Fyrir rúmlega viku kom
upp lúsafaraldur hjá nokkrum
nemendum skólans, alls um
átta tilfelli.
„Þótt undarlegt megi virðast
veit fólk ekki hvernig þessi
smádýr líta út,” sagði María
ennfremur. ,,í þessum tilfellum
er um þrjú systkini og
kunningja þeirra að ræða og
foreldrar þeirra vita alls ekki
hvar börnin hafa náð i lús. Þess
ber að gæta að lúsar verður
vart á hverju hausti og er þá
brugðið hart við. Fólk vili
auðvitað allt láta hreinsa þetta,
en veit ekki hvernig fara á að
því. „Viö erum búin að komast
fyrir lúsina í þetta skipti.”
Fyrstu einkenni þess að fólk
væri með lús, sagði María að
væri ákafur klaði'j hársverði og
ef vel væri að gáð mætti greina
lúsina sjálfa. Þó væri betra að
sjá egg lúsarinnar, nitina, sem
lúsin festir við hárleggi. Nitin
er hvít á lit, lítil flaga, sem
finna má eins og litlar blöðrur,
þegar strokið er yfir hárið.
„Helztu meðul við lús eru
DDT og nýrra meðal, sem nefnt
hefur verið Hvasse-sprít”, sagði
María. „Þetta eru hárböð og
hægt er að komast fyrir
óværuna á skömmum tíma."
Sagðist María vilja ítreka
það, að lúsatilf elli þessi í
borginni væru alls ekki
óvenjuleg, hefðu raunar ágerzt
er sítt hár varð tízkufyrirbæri,
en sem betur fer væri lúsin
ekki útbreidd, a.m.k. ekki eins
og fyrr á tímum. Einnig að
hvetja fólk til að koma með
börn sín til skólahjúkrunar-
konu eða læknis, ef það hefði
grun um lús. -HP.
írjálst, úháð dagblað
ÞRIÐJUDAGUR 13. APRÍL 1976.
Tvö páska-
egg tekin
í innbroti
'j
Tveir ungir menn voru
staðnir að verki upp úr
miðnætti í nótt þar sem þeir
voru önnum kafnir í inn-
broti á Vesturgötunni. Var
þetta við Vesturgötu 35,
verzlunina Krónuna, og
höfðu þeir tekið glugga úr
sýningarglugga verzlunar-
innar og tekizt að næla sér í
sitt páskaeggið hvor. Gefa
freistingar innbrotsmann-
anna þá e.t.v. til kynna hver
aldur þeirra er.
En áður en þeir gátu
meira aðhafzt kom lögreglan
að þeim og tók þá í sína
vörzlu.
—BH
Tvö innbrot
6 Akureyri
Brotizt var inn á tveim
stöðum á Akureyri um
helgina og tilkynnt um bæði
innbrotin á mánudags-
morgun er menn komu að.
Var annað innbrotið í
skúr í eigu vegagerðarinnar
sem stendur út við Lónsbrú.
Við könnun á þvi hvað
vantaði kom í ljós að aðeins
tvær svampdýnur voru
horfnar.
Einnig var brotizt inn á
Rannsóknarstofu Norður-
lands, en það er rannsóknar-
stofa starfrækt af búnaðar-
sambandinu og vinnur að
rannsókn verkefna á vegum
þess. Er rannsóknarstofan
til húsa á efri hæðum bygg-
irígar kaupfélagsins. Kom í
ljós áð þar hafði aðeins verið
farið inn en einskis var
saknað er menn könnuðu
rannsóknarstofuna. —BH
Verzlanir opnar
til kl. 22
á miðvikudag
Verzlunum er heimilt að
hafa opið til kl. 22 á
miðvikudaginn fyrir páska
og er þess því að vænta, að
fólk geti annazt hátíðarinn-
kaupin, sem ólokið er á
venjulegum verzlunartíma,
þá um kvöldið.
Þá verða verzlanir opnar
fyrir hádegi á laugardag
fyrir páska, en síðan ekki
fyrr en þriðjudaginn 20.
apríl.
r
Sameining flugfélaganna:
\
Flugfélagsbréfin 5-föld — Loftleiðabréfin 30-föld
Hlutabréfaeign hluthafa
Loftleiða hf. i Flugleiðum hf.
verður rúmlega 54%, en hlut-
hafa Flugfélags íslands hf. tæp-
lega 46% Með hliðsjón af eigna-
mati flugfélaganna verða nú
bráðlega gefin út. hlutabréf i
Flugleiðum hf. i skiptum fyrir
hlutabréfin i áðurgreindum
flugfélögum. Er nú verið að
senda hluthöfum greinargerð
um aðalatriði framkvæmdar-
innar á hinni formlegu sam-
einingu, þar með talið hluta-
bréfaskiptunum.
Til nánari skýringa á upp-
hæð nvrra hlutabréfa miðað viö
eldri bréf er eftirfarandi dæmi
tilgreint:
A. Hlutabrcfaeign í Flug-
félagi Islands hf, kr 1.000,00
verður kr. 4.928,00 í Flug-
leiðum hf.
B. Hlutabréfaeign í Loft-
leiðum hf kr. 1.000.00 veráur
kr. 29.510.00 í Flugleiðum hf.
Margfeldi þetta er miðað við
niðurstöður matsnefndar, en
ástæðan fyrir hærra ntargfeldi
á hlutabréfum í Loftleiðum hf.
er sú, að heildarhlutafé Loft-
leiða hf. er í dag kr.
24.000.000.00 en heildarhlutafé
Flugfélags tslands hf. er í dag
kr. 121.153.000,00.
Samkvæmf aðalfundar-
samþykktum beggja flugvélag-
anna 28. júni 1973, •, ar ákveðið
að hefjast handa um útgáfu
hlutabréfa í Flugleiðum hf„
þegar eignamat flugfélaganna
lægi fyrir, en það mat var fram-
kvæmt ' af matsnefnd, sem
skipuð var af Landsbanka
Islands.
Endanlegar niðurstöður
hennar eru þær, að heildareign-
ir félaganna voru 31. júlí 1973:
kr. 1.283.531.746.00,' þar af
eignir Flugfélags íslands hf. kr.
597.095.445.00. eða 46.51973%,
en eignir' Loftleiða hf. kr.
686.436.301,00 eða 53.48027%.
Þegar tillit var síðan tekið til
1.12915% hlutabréfaeignar
Loftleiða í Flugfélaginu, varð
niðurstaða eignarhlutfallanna
sú, sem fyrst er greint frá.
Með tilliti til laga, sem gefin
voru út gagngert vegna sam-
einingar flugfélaganna, taldi
ríkisskattstjóri heimilt að gefa
út jöfnunarhlútabréf þannig,
að heildarhlutafé Flugleiða hf
yrði sama fjarhæð og niður-
stöður matsnefndar. Sam-
kvæmt umsögn ríkisskattstjóra
eru hlutabréf Flugleiða hf.
ekki eignarskattskyld fram til
1980, ef arðgreiðslur ná ekki
3% á ári, en bréfin að sjálf-
sögðu framtalsskyld.
Við hlutafjáraukningu í
Flugleiðum hf„ að hámarki,
sem er 1.650 milljónir króna,
eiga hluthafar forkaupsrétt á
aukningarhlutum í réttu hlut-
fallí við hlutafjáreign sína.
Aðalfundur Flugleiða hf.
hefur verið ákveðinn 10. júní
1976. og er þá nauðsynlegt, að
hlutabréfaskipti hafi átt sér
stað, til þess, að hluthafar geti
nevtt atkvæðisréttar síns.
—BS—