Dagblaðið - 25.08.1976, Blaðsíða 14

Dagblaðið - 25.08.1976, Blaðsíða 14
UPPSTOKKUNIYR „Það má sannarlega segja að verulegar breytingar hafi orðið á hljómsveitinni nú að undan- förnu,“ sagði Reynir Guðmunds- son söngvari hljómsveitarinnar Ýs á Isafirði í samtali við Dag- blaðið fyrir skömmu. „Gítarleik- arinn.Sigurður Rósi.er genginn í Hljómsveit Asgeirs Sigurðssonar og Rafn Jónsson trommuleikari er kominn í Hauka.“ Skömmu eftir að Yr tók upp LP-plötuna sína í Bandaríkjunum á síðasta ári hætti bassaleikari hljómsveitarinnar, Hálfdán Hauksson, og i hans stað kom Örn Jónsson. Reynir er því einn eftir af þeim sem léku inn á plötuna. Nú er Ýr kominn af stað aftur með nýja menn í stað þeirra Sigurðar og Rafns. Þeir heita Kristján Níelsson gítar- og fiðlu- leikari og Hörður Ingólfsson trommuleikari. Ýr hefur leikið tvisvar á Vestfjörðum með þess- ari liðsskipan. DB innti Reyni eftir ástæðu þess að þeir Rafn og Sigurður yfirgáfu hljómsveitina. „Jú, Rafni var boðið í Hauka, sem hann þáði vitanlega," svaraði Reynir. „Hann hafði hins vegar að mestu séð um rekstur hljóm- sveitarinnar, ráðningar og slíkt. Sigurður Rósi var eitthvað efins um aó við myndum hafa jafn- mikið að gera og fyrir trommara- skiptin svo að hann skipti um hljómsveit. Það veröur að segjast eins og er,“ sagði Reynir Guðmundsson ennfremur, ,,að eftir að við tókum upp plötuna fór mikil þreyta að gera vart við sig og það má segja að við höfum sáralítið æft síðan þá. Með tilkomu nýju mannanna hefur nýtt líf færzt í hljómsveit- ina. Við höfum létt lagavalið nokkuð — leikum nú country- tónlist og notum fiðluna eins og hægt er. Ég er bjartsýnn á að við eigum eftir að ná okkur á strik á nýjan leik þrátt fyrir þessar miklu mannabreytingar." — AT Nyi Yrinn hefur enn ekki veriA IjósmyndaAur. SigurAur Rósi, annar fré vinstri, og Rafn Jónsson, | lengst til hægri, hafa skipt um hljómsveitir en eftir eru öm Jónsson og Reynir GuAmundsson ásamt tveimur nyliðum. DAGBLAÐIÐ. MIÐVIKUDAGUR 25. ÁGÚST 1976. LOGAR: Frá vinstri eru Ingi Hermannsson söngvari, Kristján Óskarsson hljómborðsleikari, Valdimar Gíslason gítarleikari, Kristinn Jónsson bassaieikari og Ölafur Bachmann trommuleikari. Myndina tók Ragnar Th. Sigurðsson í Klúbbnum á föstudagskvöldið. LOGUM VEL TEKIÐ Á MEGINLANDINU Nýjustu fréttir af Bítlunum: PAUL OG JOHN MEÐ Á NÝRRI PLÖTU RINGOS — sem tapaði dómsmáli ásamt Harrison fyrir skemmstu John Lennon og Paul McCartney koma báðir fram á nýrri breiðskífu með Ringo Starr sem verið er að gera í Los Angeles. Báðir hafa samið iög á plötuna og Lennon spilar auk þess á píanó í tveimur lögum. John og Yoko komu ekki alls fyrir löngu til Los Angeles og héldu rakleiðis til liljóðversins þar sem Ringo var nauðasköll- óttur við vinnu sína. Lennon sandi lag á staðnum, „A Dose Of Rock’N’Roll“, spilaði á píanóið og söng. Viku síðar komu Paul og Linda McCartney og aðstoðuðu við upptöku á laginu „Pure Gold“ sem Paul samdi á þessa nýju plötu Ringos. Upptökustjóri er Arif nokkur Mardin en meðal þeirra sem láta í sér heyra á plötunni eru Dr. John, Danny Kootch, Jesse Ed Davis og John Bonham, trommuleikari Led Zeppelin. Ringo og George topa mólaferlum Þeir Ringo og George Harri- son töpuðu nýlega máli sem þeir höfðuðu í Bretlandi á hendur hljómplötufyrirtækinu Polydor. Kröfðust þeir Ringo og George þess að fyrirtækinu yrði rneinað að gefa út tvær breiðskífur með viðtölum við Bítlana. I sömu vikunni og dómur féll komu plöturnar á markað 1 Bretlandi. Það var blaða- maðurinn David Wigg sem átti viðtölin við Bítlana fjóra á árunum 1969—1973. Þeir Ringo og George rökstuddu kæru sína með þvi að þær skoðanir, sem þeir hefðu sett fram í viðtölunum, þyrftu ekki að vera skoðanir þeirra enn í dag. En dómarinn féllst á mál- stað Polydor og plöturnar eru komnar út. — ÓV. Vestmannaeyjahljómsveitinni Logum var prýðilega fagnað þegar hún sótti meginlandið heim um sl. helgi. Á föstudagskvöldið var hljómsveitin í Klúbbnum — þar sem var mjög fátt fólk, líklega vegna skemmtunarinnar á Hótel Sögu — og á laugardagskvöldið léku Logar fyrir dansi í Festi í Grindavík. Þar voru um 300 manns og þótti dansleikurinn vel heppnaður. „Í stórum dráttum vorum við ánægðir," sagði Ingi Hermanns- son, söngvari hljómsveitarinnar, í samtali við poppsíðuna eftir helg- ina. „Okkur var vel tekið. Annars horfði þetta ekki gæfulega í byrjun, Herjólfur var bilaður í höfn heima í Eyjum og svo var ekkert l'lug til Reykjavíkur fyrr en seinni hluta dagsins. Við vorum ekki komnir þangað fyrr en um kvöldmat og þá kom í ljós að nærri helmingurinn af tækjum okkar hafði orðið eftir í Eyjum. Við urðum því að fá lánuð tæki hingað og þangað. Satt að segja héldum við að við myndum hrein- lega ekki getað spilað. Menn voru frekar trekktir yfir þessu öllu.“ En Logar spiluðu. Þegar við litum inn í Klúbbinn á föstudags- kvöldið voru þeir á fullri ferð og stóðu sig vel. Líklega hefur hljómsveitin ekki verið jafngóð i tangan tíma; að vísu er orðið nokkuð um liðið síðan poppsíðan heyrði í hljómsveitinni. Fyrr í suntar heyrðunt við því fleygt að hljómsveitin hefði hafið undirbúning gerðar tólf laga plötu sem Geimsteinn Rúnars Júlíussonar hygðist gefa út. Meðal laga, sem valin höfðu verið, var gamalt og gott lag úr Eyjum, „Við gefumst aldrei upp þótt móti blási“, í nýjum búningi. „Það er tímaskortur sem hefur tafið frekari framkvæmdir á þessu sviði. Það er nefnilega nokkuð erfitt að halda úti hljóm- sveit í Eyjum, við verðum að skipta mjög ört um prógramm því þetta er yfirleitt alltaf sama fólkið sem hlustar á okkur. Við gerum varla meira en að halda við prógramminu, enda erum við allir í fastri vinnu svo við myndum neyðast til að taka okkur frí frá henni ef við ætluðum út í einhver stórvirki." Logum hefur nýlega bætzt hljómborðsleikari, Kristján Öskarsson, en hann hætti fljót- lega aftur, þar sem liann hyggur á nám. Bassaleikari Loga, Krist- inn Jónsson, er einnig að hætta en að sögn Inga hefur þegar verið fyllt í skörðin. — ÓV. Loggins og Messina hœtta Bandaríski söngdúettinn Loggins og Messina hefur ákveðið að slita samstarfi sínu að lokinni hljómleikaferð um Bandaríkin, sem endar í næsta mánuði Þeir Kenny Loggins og Jim Messina hófu að syngja saman árið 1971. F'undum þeirra bar saman með þeim hætti, að Messina var ráðinn til að aðstoða Loggins við sólóplötu. hans. Messina hafði þá skömmu áður sagt upp í hljómsveitinni Poco. Allar plötur Loggins og Messina hafa selzt fyrir meira en milljón dollara hver og því náð gullplötumarkinu. Öhætt er að fullyrða, að þeir hafi notið og njóti enn mikilla vinsælda i Bandaríkjunum. Englendingar hafa hins vegar enn ekki komið auga á gæði þeirra að neinu marki, hvað sem síðar verður. Síðasta hljómleikaferð Loggins og Messina hófst um miðjan júlí og stendur fram í september. Aður en lagt var af stað tilk.vnnti Kenny Loggins að þeir hefðu ákveðið að slíta samstarfinu. „Astæðan er sú," sagði hann, „að við vorum ein- faldlega orðnir þreyttir hvor á öðrum." Loggins mun eftir hljóm- leikaferðina halda áfram að koma fram einn sins liðs. Messina hefur aftur á móti í h.vggju að semja söngleik ásamt eiginkonu sinni, Jenny Sulli- van. MOOOY MAKEX. July íl. 19?*—Puc JJ Heilsiðuauglýsing um viðtalsplöturnar úr Melodv Maker 31. júli.

x

Dagblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið
https://timarit.is/publication/260

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.