Dagblaðið - 05.05.1977, Blaðsíða 8
8
DAGBLAÐIÐ. FIMMTUDAGUR 5. MAl 1977.
BÓKAGJÖF
FRÁ
ÞÝZKALANDI
ÍS
Smidjuvegi 17-Sími43631 -kópavogi
Akiðsjálf
CarRental Service
Sími(tel.)43631
NýirVW 1200L
Opið frá kl. 8-22 og um helgar
Utboð
Olíumöl hf. Hamraborg 7 Kópavogi
óskar eftir tilboði í flutning á 10—20
þúsund tonnum af steinefni úr námu í
Rauóamel við Grindavíkurveg að
blöndunarstöð Olíumalar hf. Smára-
hvammslandi í Kópavogi. Tilboðum
skal skilað fyrir 12. maí ’77 á skrif-
stofu félagsins.
Olíumöl hf.
Nýlega barst Borgarbókasafni
Reykjavíkur bókagjöf frá Sam-
bandslýðveldinu Þýzkalandi.
Sendiherrann, Raimund Herzt,
afhenti borgarstjóra gjöfina.
Þetta eru alls tvö hundruð og
fimmtíu bækur og er um það bil
helmingur þeirra skáldsögur eftir
Thomas Mann, Bertholt Brecht,
Max Frisch, Gunter Grass og Her-
mann Hasse. Einnig eru bækur
um bókmenntir, listir og sagn-
fræði, ævisögur og ferðabækur í
bókargjöfinni. -A.Bj.
Birgir ísleifur Gunnarsson borg-
arstjóri skoðar bókagjöfina frá
Vestur-Þýzkalandi ásamt sendi-
herranum, Raimund Herzt.
Vetrardekkin mega hverfa:
URÐU AÐ HELDUR
LITLU GAGNI í
VETUR ER LEIÐ
Vetrarhjólbarðarnir, vonandi þeir síðustu, eru að hverfa af bílum.
a.m.k. á höfuðborgarsvæðinu og iíkast til um land allt. Óvenjulítil not
urðu af þessari dýru fjárfestingu ökumanna nýliðinn vetur. Veturinn
reyndist óvenjumildur og góður og það sjaldgæfa gerðist að á slíkan
útbúnað reyndi nánast aldrei. — DB-mynd Hörður.
Hvergerðingar gefa
ylræktina líklegast
ekki upp á bátinn
—nýjar aðferðir gefa nýjar vonir
Eftir nokkra daga verður
haldinn fundur í undirbúnings-
félagi að stofnun ylræktarvers í
Hveragerði og á þar að taka
ákvörðun um hvort félagið
verður lagt niður eða því haldið
áfram.
Fyrir rúmu hálfu ári var slíkt
félag lagt niður í Reykjavík,
m.a. vegna of margra óvissu-
þátta i rekstrinum þá. Var talið
að Hvergerðingar mundu feta í
fótspor þeirra, eða a.m.k. fyrst
um sinn.
Eftir því sem blaðið kemst
næst nú verður félagið ekki
lagt niður þar sem græðlinga-
tilraunir eru farnar að bera
góðan árangur. Þykir nú full
ástæða til að halda þeim áfram'
og hefja arðsemisútreikninga
að nýju á grundvelli nýrra
aðferða.
Þær aðferðir eru fólgnar í
meira ljósmagni sem virðist
ætla að gefa af sér hlutfallslega
meiri vöxt en kostnaðaraukan-
um nemur.
-G.S.
Lagarfoss loks lagð-
ur af stað heim
— væntanlegur til Kanaríeyja á föstudag
Síðla dags i gær bárust þær
fréttir frá I.as Palmas 'á
Kanarieyjum að Lagarfoss væri
væntanlegur þangað á föstu-
daginn á leið sinni frá Nígeríu
til Islands.
Er þá þessari miklu óvissuför
skipsins loks að ljúka. Þrír
mánuðir eru nú síðan skipið
var ferðbúið í Keykjavíkurhöfn
með skreiðarfarm sinn.
I skipafréttum útvarpsins að
undanförnu hafa ferðir skipa
verið tíundaðar nákvæmlega
nema Lagarfoss, um hann er
sagt að hann hafi væntanlega
lagt af stað frá Nigeriu þann 28.
apríl sl.
Að sögn blaðafulltrúa E.t.
vildi félagið ekki taka sterkara
til orða þar sem skeytið með
þessum upplýsingum kom frá
aðilum, sem sendu áður vill-
andi skeyti um brottför og los-
un skipsins.
-G.G.
Lögreglan í Keflavík íhúsnæðisvandræðum:
Enginn staður lengur
fyrir fangana
— og lögregluvarðstofan senn á götunni ef ekki verða gerðar lagf æringar
Eins og frá var skýrt I Dag-
blaðinu fyrir nokkru setti
Heilbrigðiseftirlit ríkisins lög-
reglunni í Keflavík þau skilyrði
að fangageymslum hennar yrði
komið í lag fyrir 1. apríl síðast-
liðinn ellegar yrði þeim ein-
faldlega lokað. Ekkert var gert
í málinu og hefur því
Heilbrigðiseftirlitið fram-
kvæmt þessa hótun. Eins og er
hefur lögreglan í Keflavík eng-
an stað fyrir fanga og hefur því
neyðzt til að flytja þá til
nágrannastaðanna i gæzlu. 1.
júní verður svo lögreglu-
stöðinni sjálfri lokað, verði hún
ekki endurbætt stórlega.
Dagblaðið hafði af þessu
tilefni samband við lögregluna
í Keflavík. Viðar Pétursson
varðstjóri sagði okkur að
ástandið væri þegar orðið mjög
slæmt. Flytja verður alla fanga
á aðra staði og setja þar yfir þá
sérstaka gæzlu. Eru af þessu
mikil fjárútgjöld fyrir utan
önnur óþægindi. Borga þarf
gæzlumönnum kaup aukalega I
stað þess að áður gat varðstjóri
litið eftir föngum á sinni vakt,
þar sem fangageymslan er i
sama húsi og lögreglustöðin.
Viðar sagði okkur að sá sex
mán. frestur, er gefinn var til
að koma fangaggymslunni I lag,
hefði ekkert verið nýttur. Hús-
ið sem hún er i er enda svo
slæmt að efamál er hvort hægt
er að lagfæra það svo gagn sé
að. Raki er mikill í húsinu og
loftræsting engin. Engar
ráðstafanir hefðu verið gerðar
til að útvega nýtt húsnæði á
tímanum enda væri nær því
ómögulegt að fá leiguhús í
Keflavík. Lögregluþjónarnir
hefðu þó margoft óskað eftir
því við yfirvöld en ekkert hefði
verið gert.
Viðar taldi að ekkert mundi
verða gert í þessum málum
fyrir 1. júní. Lögreglan færi þá
að öllum líkindum á götuna og
væri það lítið verra ástand en
það ástand sem hún nú býr við.
Viðar taldi þó Iágmark að
krefjast þess að þeir fengju
tjald til afnota og að fyrir vet-
urinn yrði þeim útvegaður ein-
hver kofi.
-DS.