Dagblaðið - 05.05.1977, Blaðsíða 24

Dráttarvextir greiðast
ekki af dráttarvöxtum
Athyglisverður dómur í Borgardómi Reykjavíkur
„Dráttavextir dæmast ekki af
dráttarvöxtum," segir í dómi,
sem kveðinn var upp við
Borgardómaraembættið í
Reykjavík íjanúarsl.
í stefnu banka nokkurs á
hendur viðskiptavini hans var
meðal annars gerð krafa um
greiðslu dráttarvaxta af skuld á
hlaupareikningi samkvæmt
reikningsyfirliti að viðbættum
þeim vöxtum sem á voru fallnir
þegar stefnt var.
t þeirri fjárhæð, sem krafizt
var dráttarvaxta af, voru því
innifaldir dráttarvextir sem
áfallnir voru þegar stefnt var.
Var síðan krafizt dráttarvaxta
af samanlagðri skuld og áfölln-
um dráttarvöxtum.
Þessa kröfu bankans féllst
dómurinn ekki á. Segir í dómi
borgardóms: Stefndi (þ.e.
skuldarinn) hefur hvorki sótt
né látið sækja þing og er
honum þó löglega stefnt. —
Verður þá eftir 118. gr. laga nr.
85/1936 (lög um meðferð
einkamála) að dæma máliö
eftir framlögðum skjölum og
skilríkjum og þar sem þau eru í
samræmi við dómkröfu stefn-
anda, verða kröfur hans teknar
til greina að öðru leyti en því að
dráttarvextir dæmast ekki af
dráttarvöxtum.
Gerir dómurinn því næst
grein fyrir reikningslegum mis-
mun á þeim vaxtakröfum, sem
gerðar voru í stefnu, og þeirri
niðurstöðu, sem hann telur
rétta og lögum samkvæma.
Vekur það sérstaka athygli
leikmanns, að þrátt fyrir það að
stefndi, skuldarinn, mætti ekki
til þess að halda á máli sínu
fyrir dómi var hagsmuna hans
gætt í ofangreindu tilliti.
Dagblaðinu er ekki kunnugt
um að dóminum hafi verið
áfrýjað til Hæstaréttar. Er
hann um allt mjög athyglis-
verður. Dómarinn, sem kvað
upp þennan dóm, er Kristjana
Jónsdóttir, borgardómari.
BS.
„FYRSTI SLÁnUR”
HAFINN í KÓPAVOGI
Það eru heldur betur tíðindi
að í byrjun maí eru þeir farnir
að slá grasið á íþróttaleikvang-
inum í Kópavogi. Þar fer rækt-
un reyndar fram á nokkuð
annan hátt en gerist hjá öðrum
grasbændum. 1 vellinum er
hitalögn og í vor og vetur hefur
völlurinn verið hulinn geysi-
miklum plastdúk. Þetta sýnir
sig að vera gðð lausn, enda er
völlurinn f blóma og tilbúinn til
keppni. Hér sjáum við Gissur
Kristjánsson vallarstjóra renna
um völlinn á sláttuvélinni i
gærdag.
JBP/DB-mynd Bjarnleifur.
Þurftum áður að ganga 35-40 km á dag
— Rafknúin dráttartík veldur tæknibyltingu í eldhusi og á göngum Landspítalans
Hið mesta þarfaþing hefur
verið tekið í notkun i eldhúsi og á
göngum landspítalans. Er hér um
að ræða rafknúna dráttartík, sem
dregur matarvagna um ganga
spítalans. Landspítalinn er hið
mesta völundarhús og vegalengd-
ir miklar frá eldhúsinu út á hinar
ýmsu deildir spítalans. DB ræddi
við Stefán Þormóðsson verkstjóra
og umsjónarmann tækisins góða
og fékk að ferðast með tækinu um
gangana. Stefán sagði að tækið
hefði valdið hinni mestu byltingu
meðal starfsmanna. Áður fyrr
þurfti að draga alla matarvagn-
ana með handafli og taldi Stefán
að starfsmenn hefðu þurft að
ganga 35-40 km á dag. Nú dregur
dráttartíkin 3-4 vagna í hverri
ferð og menn þeysa um gangana á
tíkinni. Stefán sagðist ekki hafa
trúað því hve mikil þægindi þetta
tæki skapaði.
Þjóðviljinn ekki lengur i
„vondum félagsskap”
Stjórn Útgáfufélags Þjóð-
viljans hefur sagt sig úr Félagi
blaðaútgefenda. Telur stjórnin
það ekki samrýmast tilgangi og
stefnu blaðsins að eiga aðild að
,,félagi, sem sótt hefur um aðild
að Vinnuveitendasambandi
Islands."
Blaðamannafélag lslands sagði
lausum samningum víð Félag
blaðaútgefenda frá og með 1. maí
sl.. Viðræðufundir launamála-
nefndar blaðamanna og blaðaút-
gefenda hafa verið haldnir. Fyrsti
fundur þessara aðila með sátta-
semjara ríkisins, Torfa Hjartar-
syni, var i gær.
Ofangreind samþykkt um
úrsögn Þjöðviljans úr Félagi
blaðaútgefenda var gerð hinn 19.
apríl sl. Á fundinum með sátta-
semjara í gær voru mættir með
samninganefnd útgefenda full-
trúi Félags íslenska prentiðnaðar-
ins, sem er í Vinnuveitendasam-
bandinu og hagfræðingur V.S.l. 1
samninganefnd útgefenda eru
framkvæmdastjórar dagblaðanna,
að sjálfsögðu einnig Þjóðviljans.
Félagi blaðaútgefenda hafði
ekki borizt tilkynning um úrsögn
Þjóðviljans þegar fundur var
haldinn í gær. t Þjóðviljanum i
morgun eru tekin af öll tvímæli
um, að f'gáfufélag Þjóðviljans á
ekki samleið með Vinnuveitenda-
sambandi tslands.
BS.
Tikin er útbúin eins og bíll og enda vissara ef læknar og kandí-
með ótal aukahlutum og meira að datar væru á stofugangi handan
segja er hægt að flauta fyrir horn, við hornið. JH.
Dráttartíkin kemur til með að spara starfsliðinu sporin. — það er
gamanlaust að ganga tugi kilómetra eftir spítalagöngunum dag eftir
dag, árið um kring. —DB-mvnd llörður.
frýálst, úhád dagblað
FIMMTUDAGUR 5. MAl 1977.
dágOr
EVRÓPU
í dag er Evrópudagurinn, en 5.
mai er stofndagur Evrópuráðsins.
Markmið þessa dags er að vekja
athygli almennings á ört vaxandi
samstarfi aðildarríkja Evrópu-
ráðsins sem eru nítján að tölu.
Samstarf þetta hefur ekki sízt
verið á sviði félags- og menn-
ingarmála, heilbrigðis- og um-
hverfisverndar.
Hafa nokkur ár verið helguð
ákveðinni tegund náttúruverndar
að tilstuðlan náttúruverndar-
nefndar Evrópuráðsins. Sl. ár var
kallað votlendisár Evrópu, reynt
var að vekja athylgi á mikilvægi
votlendissvæða í búskap náttúr-
unnar og nauðsyn á verndun
þeirra.
Tvö ný • Evrópufrímerki eru
komin út, að verðgildi 45 og 85 kr.
A frímerkjunum eru landslags-
myndir, Ófærufoss í Eldgjá og
Kirkjufell í Grundarfirði.
Vegna yfirvinnubanns
þurfa auglýsingar, sem
birtast eiga í mánudags-
blaði, að hafa borizt auglýs-
ingadeildinni fyrir hádegi á
morgun, föstudag.
Einn garðyrkjumaður
borgarinnar um
grófar trjáklippingar:
Tókst að
bjarga
mínum
görðum
— afþakkaði aðstoð
klippumannanna
Vegna umræðu í DB um
meðferð garðyrkjumanna
borgarinnar á stærsta lim-
gerði á landinu, milli Hljóm-
skálans og Hringbrautarinn-
ar, hafði Kristinn Guðsteins-
son, einn garðyrkjumanna
borgarinnar, samband við
blaðið og vildi koma eftirfar-
andi á framfæri:
„í viðtali DB við Haf-
liða Jónsson garðyrkjustjóra
í gær eru undirmenn hans
sakaðir um hina illu
meðferð sem limgerðið við
Sóleyjargötuna hefur fengið
nú í vor. Þar sem ég er einn
þeirra flokksstjóra sem
vinna við skrúðgarða
borgarinnar og umsjónar-
svæði mitt er einmitt mið-
borgin, þá hef ég orðið þess
var að margir telja að ég
muni hafa staðið fyrir trjá-
klippingum þessum.
Af þessu tilefni lýsi ég því
hér með yfir, að ég stjórnaði
ekki vinnuflokki þeim sem
fór um garðana og sagaði
niður eða klippti bæði tré og
runna af slíku kappi að
furðu hefur vakið.
Þegar flokkur þessi
nálgaðist umsjó'narsvæði
mitt, sem m.a. er Lækjar-
torg, Hallargarður og
Mæðfagarður, og hugðist
gera trjákenndum gróðri
þessara garða sömu skil, þá
afþakkaði ég framboðna
aðstoð og tókst með því, að
ég tel, að bjarga þessum
görðum frá eyðileggingu, —
a.m.k. í þetta skipti."
-G.S.