Dagblaðið - 21.06.1977, Blaðsíða 4
4
DA(JBLAÐIi). ÞKIÐJUDAGUH 21. jUNl 1977
Bezta skyr á landinu
— Spjallað viðskyrgerðarmann Mjólkursamlagsins íBorgarnesi
í Mjólkursamlaginu í Borgar-
nesi er sagt að búið sé til bezta
skyr á landinu og á leið okkar
um Borgarnes ákváðum við því að
hafa tal af skyrgerðarmanni
þeirra Borgnesinga, Geir Jóns-
syni, og forvitnast um
skyrgerðina.
Geir hefur sinnt skyrgerðinni
samfleytt frá 1941 og við spurðum
hann hvort það væri rétt að hann
byggi til bezta skyr á landinu.
„Það held ég að sé eitthvert kjaft-
æði,“ svaraði Geir, enda maður
lítillátur. „Ef ég hef einhver
leyndarmál við skyrgerðina þá'
læt ég þau ekki uppi,“ sagði hann
og glotti við okkur. „Ég bý til
u.þ.b. 1 tonn af skyri á dag og fer
mestur hluti þess til Reykjavíkur.
Einnig fer mikið af skyri til
Borgarness, Akraness og
Snæfellsness og í hvert veiðihús
hér á svæðinu.
Skyrgerðina lærði ég mest af
sjálfum mér og er mest einn við
þetta. Að vísu fæ ég aðstoð
tveggja manna frá klukkan 7 til
8.30 á morgnana.
Ég skal nú ekki segja hvort ég
kann vel við mig innan um skyrið,
ég er orðinn svo gamall, nær
sjötíu og fimm ára. En ég kann
því illa að vera iðjulaus. Að vísu
ætlaði ég að vera löngu hættur en
það hefur æxlazt þannig að þeir
DB-myndir Hörður.
Geir býður blaðamanni DB að smakka skyrið gðða.
Geir Jðnsson skyrgerðarmaður.
hafa alltaf beðið mig um að koma
aftur. Ekki veit ég hvort það er af
hreinni hjartagæzku.
Það kemur aldrei neitt
skemmtilegt fyrir í skyrinu. Ef
eitthvað gerist er það leiðinlegt,
skyrið eyðileggst eða eitthvað.
Ég veit ekki hvort maður endist
vel innan um skyrið. Það er nú
ekki til að gera mann sérstaklega
langlífan aðvera alltaf inni. En ég
held að sú kynslóð sem nú er að
hverfa hafi verið sterkari en sú
sem er að alast upp núna.
Veikburða börn dóu í gamla daga
og kjarninn komst upp. Þetta
voru að vísu harkalegar kyn-
bætur, en svona var það samt.
Skólamenn fá ekki sterkan
líkama að mínum dómi, en það má
vera að þetta sé allt rangt hjá
mér, — hver veit,“ sagði Geir
Jónsson skyrgerðarmaður. -JH,
Á landamærum lifs og dauða, gæti þessi myndasería heitið, en hún var tekin í Hveragerði
í síðustu viku. Á fyrstu myndinni koma tveir hundar trítlandi eftir veginum að Varmá og
enn i landi ölfushrepps, þar sem ekkert hundabann er. Óhindraðir hiaupa þeir svo út á
brúna, sem tengir Ölfushrepp og Hveragerðishrepp, og ramba nú á barmi iaganna. Og
loks heldur ferðin áfram inn í Hveragerði og þeir Skuggasveinn og Ketill skrækur, eins og
þeir geta allt eins heitið, eru orðnir lögbrjótar og réttdræpir. DB-myndir G.S.
Ensk kven-
stígvél
úr leðrí
Stærðir: 37-41
Litur: Drapp
Verð kr. 8500.-
Póstsendum
SKOBUÐIN
SNORRABRAUT38
Sími 14190
Hveragerði:
Hundarnir pissa
á hundabannið
Þrátt fyrir að lausir hundar séu
lögbrjótar og réttdræpir f Hvera-
gerði var fáar aðrar lifverur að
sjá þar á götum úti er blaða-
maður DB átti leið um í þoku
og rigningu í síðustu viku.
Er blaðið leitaði upplýsinga hjá
Sigurði Pálssyni sveitarstjóra um
þessi mál kom fram að i Hvera-
gerði má fólk halda hunda ef það
gætir þess að þeir gangi ekki
lausir, séu einnig merktir og
tryggðir. Gjald fyrir hundaleyfi í
Hveragerði er tíu þúsund á ári og
auk þess þurfa eigendur að greiða
árlega hreinsun þeirra.
Að sögn Sigurðar hefur orðið
misbrestur á að fólk taki þetta
alvarlega, þótt um 20 leyfi hafi
verið gefin út. Þá slæðast einnig
— hundaeftirlitsmaður
ráðinn tilaðtaka
ftaumana
lausir hundar úr aðliggjandi
sveitum inn í þorpið, t.d. á eftir
skólabörnum úr sveitunum og
fólki þaðan í verzlunarerindum.
Nýlega var ráðinn hundaeftir-
litsmaður fyrir Hveragerði og er
hann að taka til starfa um þessar
mundir. Stendur þá til að herða
allt eftirlit og koma reglu á þessi
mál. G.S.
1354 kvartanir um rottu-
og músagang í og við Reykjavík
Hreinsunardeild lógaði 820 dúfum, 656 köttum og um 1600 veiðibjöllum
Fjórir menn með bíla unnu að
rottueyðingu í Reykjavík allt árið
1976. Tvær skólastúlkur komu til
liðs við þá fjóra mánuði yfir
sumarið. Rottueyðing náði nú
einnig til Seltjarnarness og var
eitrað kerfisbundið i holræsi
borgarinnar og voiu sum hverfi
yfirfarin tvisvar. Til reynslu voru
framleiddir 1000 staukar af rottu-
eitri, steyptir í paraffínfeiti.
Hefur þetta reynzt vel og verður
gert meira framvegis, að því er
segir í skýrslu frá gatnamála-
stjóra.
Alls bárust 1354 kvartanir uni
rottu- og músagang í Reykjr. , ik og
á Seltjarnarnesi. Slíkar kvartanir
voru 1854 árið áður. A árinu 1976
voru farnar 22000 ferðir til eftir-
lits og skoðunar vegna rottugangs
en slíkar ferðir voru 19800 til
eftirlits og skoðunar 1975.
Skýrslan hermir að rottum og
músum hafi verið útrýmt á 4560
stöðum á árinu 1976 og 67 skip
skoðuð. Hliðstæðar tölur frá
fyrra ári voru 4950 hús og 58 skip
skoðuð.
Alls var dreift 294 þúsund
eilurskömiiinim. þar af 18000 á
sorphaugunuin i Gufunesi. 83
biluð holræsi fundust sem hús-
eigendurnir löguðu á sinn
kostnað. 345 staðir fundust þar
sem rottur voru og 260 staðir þar
sem mús var.
287 rökstuddar kvartanir unt
óþægindi af dúfum og köttum
bárust og skoðaðir voru 2900
staðir vegna þessara kvartana.
Lógað var 820 dúfum. 590
villiköttum og 66 heimilisköttum.
Skotnar voru um 1600
veiðibjöllur á sorphaugunum.
-ASt.