Dagblaðið - 24.10.1978, Blaðsíða 4

4
DAGBLAÐIÐ. ÞRIÐJUDAGUR 24. OKTÓBER 1978.
DB á ne ytendamarkað/
Einkennilegir söluhættir hjá
Sláturfélagi Suðurlands
Húsmóðir skrifar:
Ég og vinkona mín lögðum nýlega
leið okkar inn í Sláturfélagið við
Skúlagötu og hugðumst taka nokkur
slátur. Okkur var tjáð að slátur fengist
aðeins án sviðahausa, og það þá selt
ódýrara sem næmi hausnum, en verð
hans var víst reiknað á 400 krónur.
Nú voru það ekki sízt sviðin sem við
ágirntumst. Við spurðum hver ástæð-
an væri á þessum einkennilegu verzl-
unarháttum og var svarið að erfitt
vr.ri að fá mannskap til þess að svíða
hausana. Við spurðum þá hvort við
gætum sótt þá seinna en það var nú af
og frá. Við ákváðum þó að taka slátrið
en vorum óánægðar með viðskiptin.
Við ætluðum að gera góð matarkaup
en hjá báðum okkar er fjölskyldan stór
og sviðin áttu að vera sunnudagsmat-
urinn. En nú verðum við að kaupa
hausinn á 7—8 hundruð krónur í
verzlun.
Og þess vegna beinum við þessum
spurningum til réttra aðila:
Hvað verður um alla hausana sem
fylgja ekki með seldu slátri? Trúlega er
þeim ekki fleygt. Eru þeir kannski
seldir síðar í verzlunum Sláturfélagsins
þegar tími gefst til þess að sviða þá —
og þá á hækkuðu verði?
Hvers vegna er viðskiptavinum
félagsins ekki afhentur stimplaður
kvittanamiði fyrir greiddu slátri með
sviðum þar sem þess er getið að sviðin
megi sækja seinna?
BILAPARTASALAN
Höfum úrval notaðra varahluta íýmsar
tegundir bifreiöa, til dæmis:
1 Rambler American '67, Saab '67, Fiat
128 árg. '72, Taunus 17 M '67, Volvo
Amazon '65, Chevrolet Bel Air '65,
Willys '47.
Einnig höfum viö úrval af kerruefni,
til dæmis undir vélsleöa.
Sendum um allt land.
BÍLAPARTASALAN
Höföatúni 10 — Sími 11397
Starfskraftur óskast
Óskum eftir að ráða starfsmann til sölu- og af-
greiðslustarfa, nokkur reynsla í meðferð toll-
pappíra æskileg. Ennfremur viljum við ráða
starfskraft til almennra skrifstofustarfa, vélrit-
unarkunnátta nauðsynleg. Upplýsingar ekki
gefnar í síma.
VerzlanasambandM) Skipholti 37.
Rally Saab
Þessi Rally Saab er tilsölu ú ullra hagstœðustu
kjörum sem gerast í dag. Bifreiðin er að öllu
leyti tilbúin til aksturs í nœtur-rallinu 11.—12.
nóvember. Keppnisgjald og trygging greidd.

BJÖRNSSON A£o
BlLDSHÖFÐA 16 SlMI 81530 REYKJAVlK
Ég vil jafnframt geta atviks á
þessum sama stað á sl. ári er ég keypti
þar slátur. Hjá mér stóð ung kona og
bað um slátur. Hún var spurð hvort
hún vildi heldur lifur úr fullorðnum
kindum eða lömbum. Hún sagðist ekki
hafa vit á hvort væri betra. Þá var
dembt i ílát ungu konunnar lifur af
fullorðnu fé, en þeir sem til þekkja vita
að lifur úr gömlu fé er varla manna-
matur. Og þegar ég fór að vinna úr
mínu slátri sá ég að lætt hafði verið í
fötuna mína nokkrum slikum.
Við vinkonurnar fórum mjög
óánægðar frá Sláturfélaginu. Við viss-
um að annars staðar þar sem slátur er
selt, eins og t.d. hjá Sambandinu og
verzluninni Víði, fylgdu hausarnir
með. En af gömlum vana kusum við
að verzla við Sláturfélagið og töldum
víst að sami háttur væri á hafður og
hjá öðrum slátursölum. Má vera að
leið okkar liggi annað næsta ár þegar
við nálgumst þessa góðu „búbót”
heimilum okkar í hag. •
Raddir
neytenda
Sölustjórinn hjá Sláturfélaginu sagði að miklum erfiðleikum væri bundið að fá öll sviðin sviðin á þeim skamma tima sem
slátursalan stendur yfir vegna manneklu. — Svið sem keypt eru með slátri kosta 440 kr. kg en smásöluverð á sviðum út
úr verzlun er 663 kr. kg.
Slátursalan minni vegna þess að
sviðin fylgdu ekki alltaf með
Nokkrar umræður hafa orðið
manna á meðal vegna þess að hjá
Sláturfélagi Suðurlands var ekki alltaf
hægt að afgreiða sviðna hausa með
slátrinu eins og venja er til. — Hefur
þetta haft veruleg áhrif á slátursöluna
samkvæmt upplýsingum Vigfúsar
Tómassonar sölustjóra hjá félaginu.
Sagði hann að slátursalan i ár væri
álíka mikil og verið hefði í fyrra.
Vegna manneklu við að svíða hausana
urðu margir að taka slátrið án hauss-
ins. Kostaði þá hvert slátur 900 kr., en
í sláturverðinu er hver eining reiknuð
á sérstöku verði, þ.e. sviðinn haus
kostar þannig 440 kr. — Hins vegar
kostar kg af sviðnum hausum í smá-
sölu 663 kr. Hver haus vigtar rúmlega
eitt kg.
Að sjálfsögðu er sviðunum, sem
ekki voru seld með slátrinu, ekki hent
(sjá spurningu í bréfi), heldur eru haus-
arnir sviðnir þegar slátursölunni lýkur
og þeir síðan seldir til kaupmanna.
„Við erum mjög óánægðir með
þetta fyrirkomulag,” sagði Vigfús
Tómasson. „Við kysum helzt að allir
fengju sviðna hausa með slátrinu.
Hvað varðar lifrina, sem getið er um í
bréfinu, er rétt að taka fram að ef ær-
lifur hefur verið í lifrarinnkaupum
bréfritara hefur það verið af hreinni
vangá. Þeim er haldið aðskildum í
slátursölunni frá sláturhúsunum. Hins
vegar kjósa margir að fá heldur ær-
lifur. Þykir hún betur fallin til lifrar-
pylsugerðar heldur en lambalifur þar
sem mun meira lifrarbragð er að
henni,” sagði Vigfús.
Hvað viðvíkur þvi að láta fólk fá
„ávisanir” upp á sviðna hausa sagði
Vigfús að það hefði verið reynt en alls
ekki gefið góða raun og því verið hætt
við það.
Slátursölunni lýkur i þessari viku.
- A.Bj.
Kjötbúðingsafgangur er
tilvalinn í nestispakkann
Kjötbúðingur, heimatilbúinn, er
ákaflega lystugur og handhægur mat-
ur. Það getur verið gott að búa til dá-
lítið stærri skammt heldur en gert er
ráð fyrir að dugi í matinn þvi kaldur
kjötbúðingur er tilvalinn sem álegg í
brauðpakka handa skólafólki eða
vinnandi fólki. í bókinni Við matreið-
um er að finna tvær uppskriftir að kjöt-
búðingi sem gott er að hafa'til hlið-
sjónar fyrst í stað. Húsmæður sem
vanar eru matargerð geta þó að sjálf-
sögðu spreytt sig á sinni „eigin” upp-
skrift og prófað sig áfram þar til þær
komast upp á lag með að búa til kjöt-
búðing sem fellur öðrum á heimilinu
bezt i geð.
1/2 kg hakkað kjöt (842 kr.)
hveiti (ca 1/5 hluti af kjötinu)
2 tesk salt
1/4 tesk pipar
1 rifinn eða hakkaður laukur
1 egg
2—4 dl mjólk eða kalt kjöt- eða grænmetissoð.
Hakkið er látið í stóra skál og þjapp-
að vel niður. Mótið í fjóra jafna hluta
og takið einn hlutann upp úr og fyllið
hólfið með hveiti. Eins má nota hafra-
mjöl, rasp eða stappaðar kartöflur.
Kryddið kjötdeigið, hrærið egginu
saman við og siðan mjólkinni þar til
deigið verður hæfilega þykkt.
Kjötbúðingurinn er siðan látinn i
jólakökuform og bakaður i heitum
ofni í ca 60 mín. Borið fram með soðn-
um kartöflum, grænmeti og bræddu
smjöri.
Hægt er að breyta til með kjötbúð-
inginn. T.d. er Ijúffengt að stinga
soðnum gulrótarbitum inn í deigið, —
harðsoðnum eggjum eða sveppum.
Mjög handhægur og fljótlegur
réttur. Verðið verður vitanlega dálítið
mismunandi eftir hakkinu en við
skulum reikna með kindahakki í okkar
uppskrift. Þá lítur verðútreikningur
svona út:
1/2 kg af kindahakki kostar 842 kr.
og kostar allur búðingurinn þá um 993
kr„ eða 248 kr. á mann.
- A.Bj.