Dagblaðið - 01.06.1979, Qupperneq 13

„Líkur til að hlut-
ur þjóðaratkvæðis
verði aukinn”
— segir Sigurður Gizurarson sýslumaður, sem
á sæti ístjórnarskrámefnd
„Ekki út í vitleysu
eins og Vilmundur”
Margir notuðu tækifærið til að
lýsa andstöðu við tillögu, sem Vil-
mundur Gylfason bar upp í vetur um
þjóðaratkvæðagreíðslu um efnahags-
frumvarpið. ,,Ég er fylgjandi þjóðar-
atkvæðagreiðslu, ef hægt verður að
svara aðeins með jái eða neii. Það
þýðir, að ég er andvígur tillögunni,
sem Vilmundur var með,” sagði karl
í Reykjaneskjördæmi. „Hlynntur
því, en þó ekki að ana út í vitleysu,
eins og Vilmundur gerði. Almenn-
ingur getur ekki sett sig inn í fjármál-
in,” sagði karl í Neskaupstað. ,,Á nú
að fara að auglýsa Vilmund eina
ferðina enn? Það má hlæja að
þessu,” sagði kona á Sauðárkróki.
Flestir, sem kváðust fylgja þjóðar-
atkvæði, vildu fara varlega í sakirn-
ar. ,,Ég er fylgjandi þjóðaratkvæði
upp að vissu marki. Setja verður
strangar reglur, sem hindra, að það
verði misnotað með alls kyns smá-
málum,” sagði karl á Reykjavíkur-
svæðinu. „Þjóðaratkvæði gæti gilt
um allt nema efnahagsmálin. Við
höfum kosið alþingismenn til ein-
hvers,” sagði annar karl á Reykja-
víkursvæðinu. „Það er allt i lagi að
hafa þjóðaratkvæðagreiðslu, en fólk
verður að vita, hvað það er að greiða
atkvæði um,” sagði kona á Akra-
nesi. „Það verður að beita slikum at-
kvæðagreiðslum mjög varlega,”
sagði karl í Borgarnesi. „Ég er
hlynntur því en aðeins um einföld-
ustu mál, þannig að hægt sé að svara
með annaðhvort já eða nei,” sagði
karl á Dalvík. „Það þarf þá að bera
málin þannig upp, að hægt sé að
svara þeim,” sagði karl í Eyjum.
„Mér yrði óglatt"
„Alþingismenn eru kosnir til að
taka ákvarðanir,” sagði karl á
Reykjavikursvæðinu, sem lagðist
gegn þjóðaratkvæði. „Á móti
þjóöaratkvæðagreiðslu. Þjóðin gerir
sér enga grein fyrir, hvað þjóðarat-
kvæðagreiðsla er. Við veljum al-
þingismenn til að greiða úr okkar
málum,” sagði kona í Reykjanes-
kjördæmi. „Það er nóg að kæfa
mann í áróðri á fjögurra ára fresti.
Mér yrði hreint og beint óglatt að
hafa það yfir mér stanzlaust, en svo-
leiðis yrði það óhjákvæmilega, því að
alltaf væri verið að krefjast þjóðarat-
kvæðagreiðslu,” sagði kona í Mýra-
sýslu.
„Það yrði tómur hringlandahátt-
ur. Þjóðaratkvæðagreiðslu yrði kraf-
izt í tíma og ótíma, svo að Alþingi
yrði brátt óhæft til ákvörðunar-
töku,” sagði karl í V-Húnavatns-
sýslu. „Það yrði alltof dýrt,” sagði
kona í Keflavík. „Of mikið vafstur,”
sagðikarláísafirði.
„Við höfum kosið menn á þing,
sem eiga að geta ráðið fram úr þess-
um málum,” sagði karl í Hruna-
mannahreppi.
„Ef þeir menn, sem við erum að
kjósa, ráða ekki við þetta, verðum
við að ráða „framkvæmdastjóra”,”
sagði karl á Reykjavíkursvæðinu.
• HH
„Ég tel vissar líkur til, aðsett verði
i nýja stjómarskrá ákvæði, sem auka
mjög hlut þjóðaratkvæðis,” sagði
Sigurður Gizurarson sýslumaður,
sem á sæti i stjórnarskrárnefnd, í við-
tali við DB í gær.
„Ég er því persónulega fylgjandi,”
sagði Sigurður, „þannig að þjóðarat-
kvæði fari fram, ef ákveðinn fjöldi
þingmanna eða kjósenda fer fram á
það.
Ýmis mál eru þannig vaxin, að
þingmenn treysta sér ekki til að taka
á þeim, til dæmis áfengismálin. Þá
væri þjóðaratkvæði mögulegt um
ýmis meiri stórmál og má nefna aðild
að efnahagsbandalagi, mál sem varða
fullveldi o.s.frv.”
- HH iiguröur Gizurarson sýslumaður.
0 Viðskiptavinir Olíufélagið SÍMANÚMER okkar Æ Ske,junsur á aðalskrifstofunni I rnm 1 Suðurlandsbraut 4 er óbreyit lHJ i ifi f
(Birt vegna villu f nýju símaskránni)
DAGBLAÐIÐ. FÖSTUDAGUR 1. JÚNÍ 1979.
37. skoðanakönnun Dagblaðsins: Eruð þér fylgjandi eða andvfgur því, að þjóðaratkvæði verði
látið skera úr um ýmis hin mikilsverðari mál?
Tveir af hverjum þrem
vilja þjóðaratkvæði
Rúmlega tveir þriðju þeirra, sem
taka afstöðu, vilja, að þjóðarat-
kvæði verði látið skera úr um ýmis
hin mikilvægustu þjóðmál. Unnt
verði með vissum reglum að skjóta
máli til þjóðaratkvæðis, og þar með
úr höndum þingmanna í hendur
þjóðarinnar allrar. Þetta sýnir skoð-
anakönnun Dagblaðsins.
Þó fundu margir þessu sitthvað til
foráttu og töldu, að alþingismenn
væru kjörnir til þess arna. Andstaðan
var talsvert meiri úti á landi en á
höfuðborgarsvæðinu.
Karlar á Reykjavíkursvæðinu voru
skeleggastir í meirihluta með þjóðar-
atkvæði. Af 75 þeirra, sem spurðir
voru, voru 50 með, 18 á móti og 7
óákveðnir.
Af 75 konum á höfuðborgarsvæð-
inu voru 45 með, 18 á móti og 12
óákveðnir.
Meirihlutinn varð minni utan
Reykjavikursvæðisins, einkum meðal
karlanna.
Af 75 körlum úti á landi voru 42
með, 25 á móti og 8 óákveðnir. Af 75
konum á landsbyggðinni var 41 með,
20ámótiog 14óákveðnar.
- HH

Niðurstöður skoðanakönnunarinnar
urðu þessar:
Fylgjandi 178 eða 591/3%
Andvígir 81 eða 27%
Óákveðnir 41 eða 13 2/3%
Ef aðeins eru teknir þeir, sem tóku afstöðu,
verða niðurstöðurnar þessar:
Fylgjandi 68,7%
Andvígir 31,3%