Dagblaðið - 16.10.1979, Blaðsíða 6

6
DAGBLAÐIÐ. ÞRIÐJUDAGUR 16. OKTÓBER 1979

^ ' /\y.
Þessi svarta stúlka, sem býr i Suður-Afríku, var fyrir nokkru fundin sek um að
hafa ungengizt hvitan landa sinn helzt til náið. Ekki þóttu það þó tfðindi þar i
landi þvi slikt háttalag er ekki leyft þar samkvæmt lögum. Hitt þótti aftur á móti
fréttnæmt að skötuhjúin fengu að ganga óáreitt á brott eftir að þau höfðu játað
sekt sfna. Vitað er að Pieter Botha forsætisráðherra Suður-Afríku hefur haft um
það góð orð að jafnvel komi til greina að leyfa svörtum og hvftum að ganga I
hjónaband innan tfðar. Sú hugmynd, sem gengur þvert á gildandi lög um að-
skilnað kynþáttanna f Suður-Afríku, hefur þó mætt verulegri andstöðu meðal
hvfta minnihlutans f landinu.
VIÐ BREYTUM UM NAFN
rnnnrflim
HEITIR NU
SKÆM
Skóverzlun Péturs Andréssonar hefur br
um nafn og heitir nú SKÆÐI.
Mikið úrval skófatnaðar á konur, börn
unglinga. Einnig Westland, mest seldu ki
mannaskór á íslandi.
Líttu við og skoðaðu úrvalið.
SKÆÐI
Laugavegi
Kalifomía:
Sjötíu slasast
í jarðskjálfta
Að minnsta kosti sjötíu og einn
maður slasaðist og einn lézt í
jarðskjálftum sem gengu yfir suður-
hluta Kaliforniu í gær. Eru (tetta
sagðir mestu skjálftar sem komið
hafa á þessum slóðum í rúmlega fjóra
áratugi. Þeir sem voru á staðnum
segja að skýjakljúfar í Los Angeles
hafi sveiflazt til og rafmagn fór af
stórum hluta borgarinnar. Á
nokkrum stöðum kviknuðu eldar,
hraðbrautir lokuðust, gasleiðslur
brustu og mikill fjöldi glerrúða í
gluggum brotnuðu.
Aðaljarðskjálftinn varði í fimm
sekúndur en á eftir honum komu sex
minni skjálftar. Sá fyrsti mældist 6,4
stig á Richterskvarða. Upptök hans
,voru um það bil fimmtán kílómetra
frá mexíkönsku landamærunum að
sögn jarðskjálftafræðinga í
Kaliforníu.
Flestir þeirra sem fórust urðu
fyrir steinum og brotum úr veggjum
sem brotnuðu auk þess sem glerbrot
ollu meiðslum. Fáir hinna meiddu
slösuðust alvarlega að sögn lögreglu.
Að sögn sérfræðinga er þetta
alvarlegasti jarðskjálfti síðan 18. maí
1940 en þá létust níu manns í skjálfta,
sem mældist 6,7 á Richterskvarða.
Talið er vist að skjálftar muni halda
áfram á þessu svæði næstu daga en ef
að líkum lætur þá munu aðeins fáir
þeirra verða merkjanlegir nema á
mælitæki.
Kalifornía er eitt mesta
jarðskjálftasvæði heims og til dæmis
er talið víst að þarna verði gífurlegur
skjálfti innan tíðar. Stórborgin San
Fransisco lagðist því nær í rúst um
síðustu aldamót og þá fórust tugir
þúsunda.
Börnin fara verst út úr matarskortinum i Kampútseu. Þau bera þess Ifka lengstmerki. Sérfræóingar segja, að ungbörn, sem
séu vannærð, beri þess avilangt merki bæði andlcga og likamlega. Myndin er af mæðrum með börn sin i Thailandi, rétt eftir
að þau hafa flúið frá Kampútseu.
Kína:
ANDOFSMENN
HANDTEKNIR
Einn þekktasti baráttumaður fyrir
mannréttindum í Kína var færður
fyrir rétt í morgun og sakaður um að
hafa skýrt erlendum aðilum frá ríkis-
leyndarmálum. Áhorfendur við
réttarhöldin sögðu að maðurinn, Wei
Jingshen, sem handtekinn var í marz
síðastliðnum, eigi yfir höfði sér fang-
elsisvist. Tveir fyrrum skoðanabræð-
ur hans mæltu gegn honum á fyrsta
degi réttarhaldanna í morgun. Wei er
ritstjóri eins þekktasta tímaritsins
sem hóf að koma út i frelsisöldunm
sem hófst í fyrra.
Ritstjórinn hefur verið atorku-
samur við að rita á veggblöð og krefj-
ast þar að ýmsir stjórnmálaáhuga-
menn væru látnir lausir. Almennir
áheyrendur við réttarhöldin sögðu að
Wei neitaði ekki því að hafa fram-
kvæmt það sem hann er sakaður um
en sagðist ekki viðurkenna að það
væri á neinn hátt saknæmt. Wei var
eins og áður sagði sakaður um að
Heimsmeistarakeppnin íbrídge:
hafa skýrt erlendum aðilum frá kín-
verskum ríkisleyndarmálum auk þess
sem hann er sakaður um að vera
endurskoðunarsinni. Aðstoðarrit-
stjóri blaðsins sem Wei ritstýrði
vitnar nú á móti samstarfsmanni sín-
um auk þess sem fleiri starfsmenn
blaðsins gerðu það sama. Wei rit-
stjóri var handtekinn í sumar en síð-
an látinn laus um miðjan september.
Fyrri ákærur gegn honum voru þær
að hann væri gagnbyltingarsinni.
Italimir komn-
ir f fyrsta sæti
Staðan í undankeppni að heims-
meistarakeppninni í bridge, sem nú
fer fram í Rio de Janeiro í Brasilíu, er
þessi, að því er tekur til efstu liða:
Ítalía 142,5, Ástralía 129 stig, Míð-
Ameríka — Karabísku eyjarnar 98
stig, Austurlönd fjær 77,5 og Brasilía
70 stig. Nú hafa verið spilaðar 11 af
15 umferðum í undankeppninni.
ítalska sveitin malaði þó banda-
rísku í gær með 19—1. Náðu ítalir
forystu í fyrsta skipti í keppninni.
Fari svo að bandaríska sveitin verði í,
úrslitaspilinu á móti ítölum hafa
Italir 24 stiga forskot fyrir lokaum-
ferðina. Fjórar umferðir eru eftir.
Eftir sem áður er Ástralía enn í
spilinu um efsta sætið. Ástralska
sveitin sigraði Mið-Ameríku-karab-
ísku sveitina í gær, 12—8. Náði hún
þar með að komast upp fyrir banda-
rísku sveitina. .
Austurlandasveitin sigraði gest-
gjafana, Brasilíumenn, í gær, 16—4
og setti hana þar með í 6. sæti úr 5.
sæti sem hún tók sjálf.
Umferðin í kvöld getur orðið af-
drifarík, ekki sízt fyrir sveitir Ástra-
líu og Bandaríkjanna. Hvernig sem,
fer virðist alveg Ijóst að hvor sveitin
sem verður ofan á verður að spila við
ítölsku sveitina um efsta sætið.