Dagblaðið - 22.10.1979, Blaðsíða 37

DAGBLAÐIÐ. MÁNUDAGUR 22. OKTÓBER 1979.
37
Tízkan:
Vetrarskórnir
Stígvélin eru enn á ferðinni í vetur,
þó með breyttu sniði eins og gera
mátti ráð fyrir. Hælarnir hafa
hækkað og eru þeir allt upp í 10 cm
háir og mjóir.
Stíliinn á skónum í vetur líkist því
sem var hér árið 1940. Rúskinn er nú
vinsælast og þá helzt vínrautt og
dökkbrúnt. Breiða táin sem verið
hefur ríkjandi undanfarin ár er nú úr
sögunni og sú mjóa tekin við.
Að sjálfsögðu hugsar tízkan líka
fyrir þær sem ekki geta gengið á
háum hælum. Gamaldags skór með
kínahæl verða því líka allsráðandi í
vetur, eru þeir oftast í sterkum litum.
Stígvélin úr leðri sem líkjast
kúrekastígvélunum eru ennþá og
verða í vetur. Þeir eru oftast úr gulu
leðri, en hafa þó breytzt að því leyti
að þeir eru víðari um kálfann en þeir
voru.
Betri skór fyrir þær sem ekki treysta
sér að ganga á mjóum hælum.
Ballskórnir i vetur. Stíllinn frá 1940.
Þessi gerö af skóm er oftast úr rú-
skinni.

Vinsælustu stígvélin í vetur. Háir
hælar og mjóar tær. Flnleg stígvél sem
þú getur farið í hvert sem er.
Agnetha meö taugaá■
fall og40stiga hita
ABBA-flokkurinn hefur að undan-
förnu haldið tónleika víðs vegar um
Bandaríkin. Frekar hefur ABBA fengið
lélega dóma i amerískum blöðum sem
hafa m.a. sagt að ABBA sé ekki annað
en söluvara.
Ein af ABBA, Agnetha Faltskog,
liggur nú með 40 stiga hita á hótelher-
bergi sínu og er undir stöðugu læknis-
eftirliti. Talsmaður ABBA hefur sagt
að það sé aðeins magakveisa sem gangi
að henni en þeir sem betur þekkja til
segja að hún hafi fengið taugaáfall.
ABBA-flokkurinn flaug milli Boston
og New York í einkavél fyrir stuttu og
fékk mjög slæmt flugveður. Allir sem
voru í vélinni héldu að þeirra síðasta
stund væri komin. Agnetha, sem
alltaf hefur verið í meira lagi flug-
hrædd, fékk martröð á leiðinni og eftir
að vélin var lent var hún með svima,
uppköst og háan hita.
Henni var strax gefið róandi lyf.
Vegna þessa þurfti að aflýsa tónleikum
sem áttu að vera í Washington. Sex
Agnetha Fáltskog liggur nú meó 40 stiga
hita 1 hótelherbergi í New York.
þúsund manns höfðu keypt sér miða og
m.a. dóttir Carters Bandaríkjaforseta,
Amy.
Hinir í ABBA voru ekki alveg á því
að fresta tóneikunum, þá varð að
halda. En auðvitað var það ekki hægt
þar sem Agnetha lá svo mikið veik. Þau
þrjú tókú sig þá til og heimsóttu Amy
Carter í Hvíta húsið og buðu henni að
koma á tónleika sem halda á eftir að
Agnethu batnar. En hvenær það verður
er ekki gott að segja og á meðan svo er
sem er verða þeir ABBA-meðlimir að
sætta sig við gífurlegt fjártap.
Hinir i ABBA tóku sig til, þar sem fresta varö tónleikum þeirra í Washington sem
dóttir Carters hafði keypt miöa á, og heimsóttu hana í Hvlta húsiö.
Gripið simann
Seriðsóð
kaup
Smáauglýsingar
BIADSINS
Þverholti11 sími 2 70 22
Opið til kl.10 í kvöld