Dagblaðið - 19.03.1981, Qupperneq 11

DAGBLAÐIÐ. FIMMTUDAGUR 19. MARZ 1981.
II
Vilhjálmur Hjálmarsson: Hefur fyrr
séð dökkt útlit í rekstri Ríkisútvarpsins.
Vilhjálmur Hjálmarsson formaður útvarpsráðs um samdráttaraðgerðir
íhljóðvarpi:
„Hlýtur að koma niður
á gæðum dagskrár"
„Dagskrá sjónvarpsins í maí verður
stytt til samræmis við sparnaðaráform-
in og apríldagskráin styttist líka á
sunnudögum,” sagði Vilhjálmur
Hjálmarsson formaður útvarpsráðs í
gær.
Útvarpsráðsmenn hafa lítillega rætt
hvernig dagskrá hljóðvarps skuli breytt
til sparnaðar. Á fundi á föstudaginn
verður þeirri umræðu fram haldið, en
Vilhjálmur bjóst ekki við að endanleg
ákvörðun yrði tekin þá. Hann sagði
það álit sitt að ekki beri að stytta
sjálfan útsendingartímann eins og gert
verður í sjónvarpinu, heldur reynt að
spara í gerð dagskrárefnis.
„Menn vona að þetta takist án mik-
illar útþynningar á dagskránni, en auð-
vitað hljóta aðgerðirnar alltaf að koma
niður á gæðunum,” sagði formaður út-
varpsráðs.
Vilhjálmur Hjálmarsson hefur fyrr
kynnzt fátæklegum búskap innan
veggja Útvarps. Þegar hann tók við
menntamálaráðherraembætti í stjórn
Geirs Hallgrímssonar árið 1974 var
fjárhagur stofnunarinnar mjög svo
bágborinn. Þá nam yfirdráttarskuld
Ríkisútvarpsins í Landsbankanum ná-
lægt 200 milljónum króna. Vilhjálmur
bretti upp ermar og hófst handa, ásamt
yfirmönnum stofnunarinnar, við að
leysa vandann. Samið var við Lands-
bankann að breyta lausum skuldum í
föst lán sem greidd yrðu á næstu 2—3
árum. Skuldin mikla, sem að miklu
leyti var afgangur erlendra skulda
vegna stofnunar sjónvarpsins, saxaðist
niður og árið 1978, þegar Vilhjálmur
lét af embætti, var rekstrarafgangur
hjá stofnuninni sem nam 5% af veltu.
Vilhjálmur Hjálmarsson sagði að
missir tolltekna af sjónvarpstækjum
árið 1979 hafi skipt sköpum um að
grafa undan rekstrinum aftur. Tolltekj-
urnar hefðu skilað 1 milljarði króna
það ár að öllu óbreyttu. Þannig hefði
verið öðru visi um að litast á árinu
1981, þegar samdráttur og kreppa
blasir við.
- ARH
16,5 milljóna halli á rekstri Ríkisútvarpsins 1979 og 1980:
FIMM MILUÓNIR VANTAR í SJÓÐINA
— til að geta haldið úti sambærilegri sjónvarps- og hljóðvarpsdagskrá í ár og árið 1979
Ríkisútvarpið vantar u.þ.b. 5,1
milljón króna í sjóði sína til að geta
haldið úti hliðstæðri dagskrárgerð i
sjónvarpi og hljóðvarpi í ár og var árið
1979. 2,5 milljónir skortir hjá sjón-
varpinu, en 2,6 milljónir hjá hljóð-
varpi. Yfirmenn stofnunarinnar sjá
ekki aðra leið til að mæta vandanum en
að herða sultarólina. Landsmenn hafa
verið upplýstir rækilega um sparnaðar-
áform sjónvarps sem ákveðin voru á
útvarpsráðsfundi á þriðjudaginn. Á
morgun mun ráðið fjalla umsambæri-
legar sparnaðarráðstafanir hljóðvarps.
Dagskráin verður ekki stytt, en inni-
haldið gert einfaldara og ódýrara.
Tónlist af hljómplötum mun líklega að
einhverju leyti fylla skarðið i dag-
skránni sem dýrari unnir þættir skilja
eftir sig.
Útvarpsráð hefur beint þeim til-
mælum til stjSrnenda stofnunarinnar
að „dregið verði úr yfirvinnu almennt
og ýtrasta aðhalds gætt í öllum
rekstri.”
„Góð verkstjórn er stöðugt við-
fangsefni innan stofnunarinnar. Yfir-
vinna er mismikil eftir deildum, sums
staðar nánast engin, en annars staðar
mikil,” sagði Hörður Vilhjálmsson
fjármálastjóri Ríkisútvarpsins í samtali
við Dagblaðið.
Hörður nefndi sérstaklega tækni-
deildir og fréttastofur i sambandi við
mikla yfirvinnu, en tók fram að í mörg-
um tilvikum væri erfitt að komast hjá
yfirvinnu, enda störfin þess eðlis.
„Hljóðvarpið sendir út dagskrá í að
meðaltali 17 klukkustundir á dag, þar á
meðal fréttir níu sinnum. Á stór-
hátíðum, þegar flestir eru i fríi, er álag
á starfsmenn hér oft hvað mest og dag-
skrárgerð dýr,” sagði Hörður.
Hallinn á rekstri Ríkisútvarpsins árin
1979 og 1980 nam 16,5 milljónum
króna. Að sögn fjármálastjórans er ein
af orsökunum sú, að árið 1979 „hirtu
stjórnvöld af sjónvarpinu tolltekjur af
sjónvarpstækjum, sem stóðu undir
tækjakaupum og uppbyggingu dreifi-
kerfis. Það hefði verið mannúðlegt að
gefa stofnuninni tækifæri til að aðlaga
reksturinn þeim tekjumissi — en um
það var ekki að ræða. ”
Hörður Vilhjálmsson benti líka á, að
Alþingi skammtaði útvarpinu fjármagn
á fjárlögum, en stundum kæmi fyrir að
afnotagjöld og auglýsingar gæfu ekki
þær tekjur sem fjárlög gerðu ráð fyrir.
Þannig hafi farið til dæmis 1979, er
ekki var leyft að hækka afnotagjöldin í
samræmi við hækkun verðlags al-
mennt. Og Ríkisútvarpið sjálft sat uppi
með vandann sem af hlauzt. -ARH
Tilvaldar
fermingagjafir
STÓH'
V\\-'

Skemmtari
fyrir börn og unglinga
□ Innbyggt útvarp og segulband
□ Stórir og hljómgóðir hátalarar
□ Atta trommutaktar, með hraðastillingu
□ Tónborð með tveimur áttundum
□ Hljóðnemi (míkrófónn) o.fl.
□ Verð kr. 4924,- Afborgunarkjör
Feróaviðtæki
Steríótæki meó segulbandi
SflHKE
Verð kr. 2337,- Verð kr. 2166,-
□ Rafmagn og rafhlöður
□ FM-bylgja, miðbylgja, langbylgja og stutt-
bylgja.
Skipholti 9,
sími 10278
TOYOTA-
SALURINN
SÍMI44144
Nýbýlavegi 8 (i portínu)
Opið laugardaga kl. 13—17
Toyota Cressida STW ’80, ekinn
21.000. Litur gold metalic. Verð
110.000.
Toyota Corolia ke-30 ’78,
station, ekinn 54.000. Litur
brúnn. Verð 57.000. Bein sala.
Toyota Cressida Grand Lux árg.
’80, sem nýr, ekinn 6.000. Litur
brúnn metalic. Verð 110.000.
Bein sala.
Toyota Tercel 4 dyra árg. ’80.
Litur rauður, ekinn 18.000. Verð
80.000. Bein sala.
Toyota Crown disil árg. ’80.
Litur svartur, ekinn 53.000. Verð
140.000. Skipti möguleg á
Cressida, sjálfsk.
Toyota Cressida ’78, ekinn
76.000. Litur brúnn. Verð 69.000.
Skipti möguleg á ódýrari Toyota.
Toyota Cressida, 2ja dyra, 5 gíra,
árg. ’78, ekinn 43.000. Litur
brúnn metalic. Verð 73.000.
Skipti möguleg á ódýrari Toyota.
Toyota Corolla árg. ’73, ekinn
ca. 10.000 á vél. Litur rauður.
Verð 22.000.