Dagblaðið - 06.05.1981, Síða 16

16
DAGBLAÐIÐ. MIÐVIKUDAGUR 6. MAÍ1981.
FÓLK
FÓLK
LJÓSMYNDIR:
BJARNLEIFUR
BJARNLEIFS30N
flcira ,
FOLK
Syrpurnaraf
svarta listanum
Enn hefur ekki verið ráðizt í að
skera niður dagskrá hljóðvarpsins
svo að neinu nemi. Málið er hins veg-
ar í gaumgæfílegri athugun og eru
ýmsir þættir komnir á svartan lista.
Á honum var meðal annars einn al-'
vinsælasti þáttur útvarpsins um lang-
an tima, eftirmiðdagssyrpumar.
Þegar farið var að kanna hversu
margar krónur hver þáttur útvarpsins
kostar miðað við minútu var syrpun-
um gefið grænt ljós. I Ijós kom að
hver mínúta kostar um 11 krónur. Til
samanburðar má geta þess að fram-
haldssögur eru aðeins dýrari og leik-
ritin kosta litlar 264 krónur per mín-
útu. Óliklegt er þó að sá liður lendi
nokkum tíma á svörtum lista.
Veiztu hver?...
Getraun: Hver er mesti vinur hinn-
ar pólsku verkalýðshreyfingar, Soli-
darnosc, á Islandi?
Þess skal getið að hann ber tvö
merki hreyfingarinnar í barminum og
þrjú utan á bílnum sínum. Rétt svar
skal sent til DB merkt „Vinnan”.
Fyrir rétt svar er veitt frítt eintak af
sama blaði.
Hasshundurinn
og símaskráin
Þrír góðglaðir íslendingar héldu
einu sinni í skemmtireisu til Köben.
Þeir höfðu engan farangur meðferðis
en hins vegar tóma ferðatösku.
Skemmtu þeir sér konunglega við
drykkju og dóp en síðan leið að heim-
ferð. Einn þeirra stakk þá upp á því
að þeir tækju með sér eitt eintak af
símaskránni — svona til að hafa eitt-
hvað í töskunni er þeir kæmu heim.
Segir síðan ekki af ferðum þeirra
fyrr en við komuna til landsins. Vom
þeir enn vel við skál eða undir áhrif-
um annarra vímugjafa og vöktu um-
svifalaust mikla athygli tollvarða,
sem leituðu á þeim jafnt útvortis sem
innvortis.
Ekki fundu þeir neitt hass en ráku
þá augun í ferðatöskuna góðu. Var
hún spennt upp í flýti og í ljós kom
simaskráin. Eftir að hún hafði verið
strokin hátt og lágt, hnusað af henni
og guð má vita hvað var gripið til
þess ráðs að ná í hasshundinn fræga.
Var símaskráin því næst glennt
upp fyrir framan trýnið á hvutta en
þá var einum þremenninganna öllum
lokið og sagði: „Ég hef nú aldrei vit-
að til þess fyrr á íslandi að þýzkur
hundur hafi verið sóttur til að lesa
danska símaskrá!!!! ”
Hva, fœ ég
ekki stól?
Einn af utangarðsmönnum borgar-
innar er sagður hafa gengið góðglað-
ur á fund háskólarektors sl. haust —
svona meira af rælni en ásetningi
einum saman. Þegar inn var komið
var honum boðið sæti og síðan hóf-
ust samræður, sem fengu svo snögg-
anendi.
— Jæja, væni minn, ertu búinn
að velja þér grein?
— Hva, fæ ég ekki stól eins og
hinir?!
ELIN
ALBERTSDÓTTIR
Norræn landskeppnifatlaðra ífullum gangi:
„Erfiðast er að ná til allra”
segir Guðni Þór Arnórsson, 25 ára, sem ver öllum
sínum fiístundum til hjálpar fötluðum
með þessa fyrstu daga eru mjög glaðir
og hafa mikla ánægju af þessu. Margt
af þessu fólki kemur aldrei út og það er
fegið tilbreytingunni. Við reynum líka
að finna nýjar gönguleiðir á hverjum
degi tii aðauka tilbreytinguna.
Um næstu helgi ætlum við til
dæmis að ganga í öskjuhlíðinni. Fæst-
ir geta keyrt hjólastólana sjálfir þannig
að við höfum reynt að fá alla sem við
getum náð til okkur til hjálpar.”
Alltaf einhverjir
neikvæðir
— Vilja allir fatlaðir taka þátt eða
hafið þið orðið vör við neikvæðar
undirtektir?
„Það eru auðvitað alltaf einhverjir
neikvæðir og vilja ekki vera með. Þó
er almennara að fólk sé ánægt með
þetta. Bæði vegna tilbreytingarinnar
svo og vegna hreyfingarinnar sem það
fær út úr þessu. 1 lokin fá siðan þátt-
takendur viðurkenningarskjal,” sagði
Guðni Þór Arnórsson.
Þess má geta að keppnin stendur
yfir allan þennan mánuð. Öll Norður-
löndin taka þátt í keppninni og er hún
einkum til að auka áhuga og þátttöku
fatlaðra í íþróttum. Keppt er í göngu,
sundi, skokki, hjólreiðum, hjólastóla-
akstri og kajakróðri.
Fjölmiðlar verða að
sinna þessu betur
— Hafa fjölmiðlar sýnt þessari
keppni ykkar nægan áhuga?
„Nei, þeir mættu gera meira úr
þessu. Til dæmis kom bara ein smá-
klausa i Morgunblaðinu og sama er að
segja um önnur blöð nema Dagblaðið.
Það þarf að auglýsa þetta vel upp svo
almennur áhugi komi hjá fötluðum
fyrir keppninni. Þeir sem hafa verið
Allir hafa rétt tilþátttöku / keppninni hvort sem þeir eiga við varanlega fötíun að stríða eða timabundna. Hór er
einn keppandi, Ólafur Þ. Jónsson, sem er blindur, á hjóli en aðstoðarmaður hans situr á fremra sæti og stýrir.
DB-mynd Bjarnleifur.
Vegna mismunandi fólksfjölda hafa
þátttökuþjóðirnar mismunandi við-
miðunartölu. Til dæmis þegar Svíar fá
eitt stig fá íslendingar 36,03 stig,
Norðmenn 2,04, Danir 1,62 og svo
framvegis. Miðað er við að hver þátt-
takandi sé 30 mínútur við æfingar í
hvert sinn er hann tekur þátt. Allir
fatlaðir hafa þátttökurétt hvort sem
um er að ræða langvarandi fötlun eða
tímabundna. Iþróttasamband fatlaðra
hefur veg og vanda af framkvæmd
keppninnar og hefur það ráðið Sigurð
R. Guðmundsson skólastjóra til aðsjá
um framkvæmdina.
- ELA
Áhuginn á norrænu trimmkeppn
inni fyrir fatlaða er miklu meiri en við
bjuggumst við. Á þremur dögum
höfum við fengið 120 nöfn á þátttöku
listann. Við byrjuðum kl. lOárdegisá
föstudag og þá voru þegar komin 100
nöfn. Síðan skráðum við alla sem við
sáum í bænum þann dag. Enn fleiri
nöfn eiga eftir að bætast við þvi
Bjarkarás og Kópavogshælið voru lok-
uð um helgina en opna aftur i dag,"
sagði Guðni Þór Arnórsson í samtali
við DB í gær. Guðni Þór er 25 ára inn
réttingasmiður sem ver öllum sínum
frístundum til hjálparfötluðum.
Fékk áhugann
í Þórsmörk
„Þetta hjálparstarf mitt byrjaði
fyrir um fjórum árum. Ferðafélag is-
lands bauð fötluðum í Þórsmerkurferð
i tilefni af 20 ára afmæli sínu og ég fór
'í þessa ferð með fötluðum kunningja
mínum. í þessari ferð fékk ég áhuga á
málefnum fatlaðra. Eftir hana gerðist
ég styrktarfélagi auk þess sem ég
byrjaði að mæta í tíma hjá íþrótta-
félagi fatlaðra. Síðan er starfið alltaf
að þróast meira og meira og ég hef
alltaf meiri ánægju af þessu," sagði
Guðni.
„Við stefnum að því að vinna nor-
rænu trimmkeppnina og eigum eftir
að gera það. Verst er að ná til þeirra
sem ekki eru í félagssamtökum.
Sigurður Guðmundsson, sem er fram-
kvæmdastjóri keppninnar, hefur sent
um 600 bréf til skóla og sundlauga og
á fleiri staði til að hvetja skólastjóra og
aðra til að fá fatlaða með í keppnina.
Það er eina ráðið okkar til að ná til
allra því við vitum ekki hvar fólkið
er."
Alltaf feginn þegar
koma ný andlit
— Er ekki sjaldgæft að ungt fólk
leggi fyrirsig hjálparstarfsem þetta?
„Jú, það eru aðallega systkini fatl-
aðra og aðrir tengdir sem láta sig þetta
skipta. Þá hafa sjúkraþjálfarar einnig
verið hjálpsamir en auQvitað er maður
alltaf feginn þegar koma ný andlit. Ég
held að sem betur fer sé þetta að breyt-
ast. Sumum finnst erfitt að umgangast
fatlaða en það er um að gera að vera
eðlilegur. Ég hef alltaf talað hreint út
um hlutina og ég held að fatlaðir vilji
það helzt,” sagði Guðni.
Hann hefur auk mikils hjálparstarfs
veitt leiðbeiningar hjá, íþróttafélagi
fatlaðra, m.a. í boltaleiknum Boccia.
Einnig hefur Guðni farið í utanlands-
ferð með fötluðum, til Noregs á síðast-
liðnu ári.
Guðni Þór Arnórsson er innráttíngasmiður að atvinnu en öllum sínum fri-
stundum ver hann með fötíuðum. Áhugann fókk henn í Þórsmerkurferð
með fötíuðum fyrir um fjórum árum. DB-mynd Sig. Þorri.