Dagblaðið - 06.05.1981, Page 17

DAGBLAÐIÐ. MIÐVIKUDAGUR 6. MAÍ1981.
17
Erlendar hljómplötur pressaðar hér á landi:
Verð á plötum lækkar mjög
þegar til lengdar lætur
Ef fjallið kemur ekki til Múhameðs
þá verður Múhameð að koma til fjails-
ins. Það ófremdarverðlag sem hefur
verið hér á landi á erlendum hljómplöt-
um síðan í september 1978 hefur valdið
því að eftirspurnin hefur stórminnkað.
Til að koma verðinu niður hafa tveir
innflytjendur ákveðið að hefja fram-
leiðslu á erlendum plötum. Byrjað var
að pressa erlendar plötur hér fyrir um
það bil tveimur mánuðum og á næstu
vikum bætast margir titlar við.
Það var hljómplötudeild Fálkans
sem reið á vaðið. Safnplata með beztu
lögum Dr. Hook, Beatles Ballads, sóló-
plata Johns Lennon, Shaved Fish og
píanóplata Richards Clyderman,
Söngvar um ástina, eru allar pressaðar í
hljómplötupressunni Alfa í Hafnar-
firði. Að sögn Ólafs Haraldssonar for-
stjóra Fálkans hefur útkoman verið
ágæt hingað til. Islenzka framleiðslan
stenzt fyllilega samanburð við þá er-
lendu og salan hefur verið góð. Verð
þessara platna er 148 krónur. Plötur
framleiddar erlendis kosta 155—200
krónur.
Nú næstu daga verður byrjað að
pressa plötur fyrir Steina hf. í þessum
mánuði verða framleiddir átta titlar.
Fjórir frá Chrysalis útgáfunni og fjórir
frá Virgin Records. Þarna eru á ferð-
inni nýjasta plata hljómsveitarinnar
Blondie, Autoamerican; Journeys To
Glory með Spandau ballet; Vianna með
Ultravox; önnur plata söngkonunnar
kynningarstarfsemi. Einnig hefur þessi
nýja hlið á útgáfustarfseminni hér það í
för með sér að heimsþekktir tónlistar-
menn leggja leið sína hingað. Ekki
endilega til að spila heldur til að kynna
plötur sínar með ýmsum hætti.”
Verðlag á erlendum hljómplötum
hefur að mestu staðið i stað síðan í
desember i fyrra. Ekki er það að þakka
batnandi efnahagsástandi heldur miklu
fremur því að innflytjendur hafa keypt
inn þaðan sem það er hagstætt hverju
sinni. Því er það að talsvert er af
plötum pressuðum í Þýzkalandi og
Hollandi á markaðnum núna. Oft á
tíðum eru plötur pressaðar þar betri en
þær sem framleiddar eru í Englandi og
Bandaríkjunum. Gjaldeyrisstaðan
kemur því kaupendum til góða bæði
hvað verð og gæði varðar.
Fækkar
titlum?
Innflytjendurnir gera ráð fyrir þvi að
þeim takist að halda verðinu á erlend-
um plötum framleiddum hér á landi
stöðugu fram eftir ári. Hins vegar liggur
það í augum uppi að innfluttar plötur
hljóta að hækka í verði áður en langt
um líður að óbreyttu ástandi. Þýöir
það ekki að titlum fækki á hljómplötu-
markaðinum?
„Vafalaust fækkar titlum eitthvað
en ekki þó svo að það skipti neinu
máli,” sagði Steinar Berg. „Staðreynd-
Meðal þeirra hljómplatna sem þegar hafa verið pressaðar hér er safnplata með vin-
sælustu lögum Dr. Hook. Hún stenzt fyllilega samanburð við þær plötur sem fram-
leiddar eru erlendis, — og verðið er hagstæðara. DB-mynd Ragnar Th.
enská tónlistarmanninum Mike Old-
field og loks nýjasta plata söngvarans
Ians Gillan, Future Shock. Þessar
plötur verða sömuleiðis seldar á 148
krónur stykkið.
Lúxusvarningur
Hljómplötur teljast lúxusvarningur
og eru því tollaðar samkvæmt því. Til
viðbótar er lagt þrjátíu prósent vöru-
gjald á verð erlendra platna. — Það var
einmitt sá skattur sem hleypti verðinu
upp úr öllu valdi árið 1978. — Séu plöt-
urnar framleiddar hér á landi falla toll-
ur og vörugjald niður. Á móti kemur
að íslenzku fyrirtækin verða að kaupa
mót platnanna eða láta framleiða þau
og greiða höfundarlaun, einkarétt og
önnur gjöld til erlendu rétthafanná,
auk tolls af mótunum.
Aðeins söluplötur?
Utkoman á þessu dæmi er sú að það
margborgar sig að pressa plöturnar hér
á landi, — ef þær seljast í einhverjum
mæli. Fálkinn setur sér það lágmark
fyrst í stað að framleidd séu fimm
hundruð stykki af hverjum titli. Hjá
Steinum hf. er lágmarkið eitt þúsund.
Það er því ljóst að hér verður fyrst og
fremst um framleiðslu á öruggum sölu-
plötum að ræða, — eða hvað?
„Leiðarljósið hjá Steinum hf. verður
vitaskuld það að gefa út þaö sem beðið
er um,” sagði Steinar Berg Ísleifsson,
„en einnig erum við reiðubúnir að gefa
út plötur með litt þekktum tónlistar-
mönnum, sem hafa áhuga á að skapa
sér nafn hér á landi. Það þýðir þá að
þessir tónlistarmenn verða að koma
hingað til hljómleikahalds og annarrar
in er sú að það er ótrúlega mikið úrval
af hljómplötum hér á landi. Hingað er
flutt inn hérumbil allt sem einhverju
máli skiptir, bæði á evrópskum og
bandarískum markaði. Ég sé ekki að
það ætti að skaða neitt þó að titlum
fækki aðeins því að mikið af þessu eru
plötur sem fluttar eru inn í óverulegu
magni og eru nánast dauður lager.”
„Ég hygg að eitthvað dragi úr inn-
flutningi til að byrja með en á ekki von
á að það vari lengi,” sagði Ólafur Har-
aldsson. „Takmarkið með þessu öllu er
að auka plötusölu í landinu. Einnig er
rétt að benda á það að eftir að pressun
erlendra platna er komin i gang hér-
lendis er stjórnvöldum ekki stætt á
öðru en að lækka toUa á plötum. Sam-
kvæmt viðskiptasamningum við Efna-
hagsbandalag Evrópu og EFTA er
hreinlega ekki leyfilegt að keyra ís-
lenzkan samkeppnisiðnað undir toll-
vernd.”
Sömu tekjur
án vörugjalds
Ólafur bætti því við að hann sæi
ekki að það skaðaði ríkiskassann þó að
vörugjaldið yröi fellt niður af erlendum
plötum.
„Eftirspurnin var í hámarki árið
1977,” sagði hann. „Samkvæmt verzl-
unarskýrslum hefur hún minnkað um
hérumbil fjörutíu prósent til ársins
1980. Án vörugjaldsins myndi hún auk-
ast svo mikiö aö toUa- og söluskatts-
tekjur yrðu nánast þær sömu og nú
meðan gjaldið er lagt á.”
Pressun erlendra hljómplatna er visir
að nýjum iðnaði hér á landi. Alfa
plötupressan hefur verið starfrækt
síðan fyrir jól. Ein pressa er i gangi eins
og er hjá fyrirtækinu. önnur kemst i
gagnið um miðjan mánuð og búið er að
ganga frá kaupum á þriöju pressunni. í
henni verða framleiddar litlar plötur.
Hún kemur væntanlega til landsins í
þessum mánuði eða þeim næsta.
Sex manns vinna nú hjá Alfa. Að
sögn framkvæmdastjóra fyrirtækisins
þarf að fjölga starfsmönnum þegar
skriður kemst á pressun erlendu hljóm-
platnanna. Þá kemur þessi nýbreytni
prentiðnaðinum mjög til góða því að
framleiða verður öll hljómplötuum-
slögin hér á landi. — Allt er þetta þó
með þeim fyrirvara að þessi nýja hlið á
íslenzkri hljómplötuútgáfu fái að þró-
ast eðlilega án nýrra skatta.
-ÁT-
Úr Alfa 1 Hafnarfirði. Þar er nú ein plötuprcssa i gangi. Önnur kemst I gagnið um miðjan þcnnan mánuö og búið er að ganga
frá kaupum á þeirri þriðju. DB-mynd Sig. Þorri.
Silungsveiði í ýmsum vötnum hófst
formlega 1. maí sl. Þótt veðrið hafi
ekki alls staðar verið sérlega vorlegt
létu stangaveiðimenn það ekki á sig
fá — að minnsta kosti ekki þeir sem
fjölmenntu að Elliðavatni og stóðu af
sér létta snjókomu síðari hluta dags-
ins.
En þótt vorið sé heldur svalt hefur
það furðulega gerzt a'ð fiskurinn

Silungsveiðin hafin ívötnum:
VEIÐIMENN Á ÖLLUM
ALDRIVIÐ ELLIÐA-
VATN FYRSTA DAGINN
Það er friðsælt og fallegt við Elliðavatnið, sem segja má að sé I bakgarði höfuö-
borgarbúa. DB-myndir Gunnar Bender.
Veiðimcnn í Elliðavatni fyrsta veiðidaginn voru á öllum aldri
minni en veiðistangirnar sem þeir héldu á.
hefur gefið sig. Aðallega veiða menn
á flugu i Elliðavatni en þó var það
svo að fyrsti fiskurinn sem veiddist
þar í ár var 3,5 punda urriði sem tók
á laxahrogn. Sá næsti veiddist á flugu
envarheldurminni.
Það er bæði friðsælt og fallegt við
Elliðavatn og hefur það væntanlega
sitt að segja til að laða menn þar að.
Fróðir menn telja að bezt veiðist í
vatninu fyrri hluta sumars. Veiðileyfi
eru seld í Vesturröst, Vatosenda,
Elliðavatni og Gunnarshólma. Kost-
ar hálfur dagur fimmtíu krónur en
heill áttatíu. Vel er hægt að mæla
með dagferð í Elliðavatn, ekki sízt úr
Reykjavík, þvi vatnið er þar við bæj-
ardyrnar, og til dæmis gæti slík veiði-
ferð verið ágæt upphitun fyrir lax-
veiðina sem nú fer að byrja.
Á leiðinni heim renndu Dagblaðs-
menn í Rauðavatn og fengu væna
bleikju — en þar hefur ekki fengizt
— og sumir talsvert ætur fiskur í áraraðir. Kraftaverkin
gerast enn. -G.Bender.