Dagblaðið - 05.11.1981, Blaðsíða 27

DAGBLAÐIÐ. FIMMTUDAGUR 5. NÓVEMBER 1981.
27
Sjónvarp
D
Flóttinn úr kvennabúrinu—útvarp í fyrramálið kl. 11.00
Sönn frásaga sænskrar konu
sem giftist til Afganistan
Einar frá Hermundarfelli sér um
þáttinn „Mér eru fornu minnin kær”
í fyrramálið. Hefur hann fengið
Steinunni Sigurðardóttur til að lesa
sanna frásögu sem birtist í Eimreið-
inni fyrir fjölda mörgum árum síðan.
Er hún rituð af sænskri konu að
nafni Áróra Nilson.
„Ekki veit ég hvort hún er lífs eða
liðin núna,” sagði Einar frá Her-
mundarfelli við DB. „En 1925 var
hún í tónlistarnámi í Þýzkalandi. Þar
kynntist hún Asim Khans frá Afgan-
istan. Eftir myndum að dæma hefur
hann verið glæsilegur maður. Hún
varð ástfangin af honum og giftist
honum.
Ekki hafði hún gert ráð fyrir að
flytjast með honum til Afganistan
fyrr en eftir mörg ár, ef nokkurn
tíma. En fljótlega eftir brúðkaupið
var hann kallaður heim og hún afréð
aðfarameð honum.
Að vísu var hún farin að sjá að
hann mundi ekki semja sig að
evrópskum siðum í hjónabandinu.
Eftir giftinguna virtist hann ekki
skoða hana sem manneskju heldur
semhúsdýr sem hann gæti farið með
eins og honum sýndist. Jafnvel mis-
þyrmt henni, ef honum dytti það i
hug.
í Afganistan lenti hún í mestu
hrakningum. Ástandið var hundrað
sinnum verra en hún hafði búizt við.
Kvenhatrið gekk brjálæði næst og
þar á ofan var sóðaskapurinn voða-
legur.
Með aðstoð sendiráðsins þýzka í
Kabúl komst hún burt við illan leik.”
Einar fráHermundarfellibætir við
að ástandið í Afganistan — gagnvart
kvenþjóðinni — muni lítið hafa batn-
að þau rúmlega fimmtíu ár sem
síðan eru liðin.
„Ég frétti af Vesturlandabúum
sem þarna voru á ferð í fyrra,” segir
hann. ,,Þau þurftu að taka sér leigu-
bíl en þegar bílstjórinn afganski sá
að konur voru í hópnum sagðist hann
mundu missa atvinnuleyfið ef hann
tæki þær upp í bílinn. Um síðir féllst
hann á að taka þær með — en þær
urðu að Iiggja undir teppi á bilgólfinu
alla leiðina.” -IHH.
Afganskir karlmenn. Reglulega
ásjálegir, en ekki er talið ráðlegt að
giftast þeim. Í Afganistan missa leigu-
bilstjórar atvinnulcyfið ef þeir taka
kvenfarþega. Svo mikiir eru
hefðbundnir fordómar gagnvart
konum.
Malcolm litli — útvarpsleikritið íkvöld kl. 20.05
UM SKÓLANEMENDUR 0G ÁTÖK ÞEIRRA VIÐ KERFIÐ
Leikritið í kvöld, Malcolm litli, er
eftir David Halliwell. Þýðingu annaðist
Asthildur Egilson en Benedikt Árna-
son er leikstjóri. Með hlutverkin fara
Þórhallur Sigurðsson, Sigurður Skúla-
son, Hákon Waage, Gísli Alfreðsson
og Þórunn M. Magnúsdóttir. Flutn-
ingur leiksins tekur rúmar 2 klukku-
stundir. Tæknimaður: Friðrik Stefáns-
son.
Leikurinn gerist í Huddersfield í
Englandi og segir frá skólanemum sem
telja sig vera ofríki beittir af yfir-
völdum og grípa til sinna ráða til að fá
leiðrétting mála. Nokkrum árum eftir
að leikritið var samið kom víða til upp-
þota stúdenta og átaka við „kerfið” út
af skólamálum, og má því segja að höf-
undur hafi séð fram í tímann.
David Halliwell er fæddur í Yorks-
hire árið 1936: Hann stundaði nám við
Leikritið „Malcolm litli” var frumsýnt I London 1965. Segir þar frá skólanemendum I
uppreisn við yfirvöld. Slikir atburðir eru alltaf að gerast, eins og sjá má á þessari
splunkunýju mynd úr Menntaskólanum við Hamrahlíð. Rektorinn, Örnólfur
Thorlacius, á sýnilega úr vöndu að ráða i nemendaþvögunni.
DB-mynd: Kristján örn.
listaskólann í Huddersfield 1953—59
og samdi þá revíur og stuttar kvik-
myndir sem hann stjórnaði sjálfur. Á
árunum 1959—61 var hann í Royal
Academy of Dramatic Art en að því
námi loknu gerðist hann leikari hjá
nýju leikfélagi, Victoria Theatre
Company. Nokkrum árum síðar stofn-
aði Halliwell ásamt tveimur félögum
sínum leikflokkinn Dramagraph og
var Malcolm litli frumsýndur á hans
vegum í London 1965. Leikurinn fékk
dræmar undirtektir í fyrstu en eftir
sýningar í Royal Court Theatre haustið
1966 tók aðsóknin mikinn fjörkipp og
síðan hefur leikurinn verið sýndur víða
um heim og vakið óskipta athygli.
Þjóðleikhúsið sýndi hann vorið 1970.
HEILDSALA
SMÁSALA
GLOSSI SF.
HAMARSHÖFÐA 1
SÍMAR 31500 — 39420