Ársrit Ræktunarfélags Norðurlands - 01.01.1933, Page 57
60
flokki, axhnoðapunturinn, hefur verið mjög lítið notuð
í fræblöndu, en þar sem hér er um ágæta fóðurjurt
að ræða, verðskuldar hann vafalaust, að honum sé
meiri gaumur gefinn.
Ekki verður séð af tilraunum þessum, að uppruni
fræsins hafi haft nokkura verulega þýðingu, enda ein-
ungis um fræ af tiltölulega norðlægum uppruna að
ræða.
Árið 1921, var byrjað á tilraun með milli 70—80
tegundir og stofna af grösum og belgjurtum frá ýms-
um löndum. Hver tegund var reynd á mjög smáum
reitum (2 m2). Fyrir ýms mistök, var þessi tilraun þó
lögð niður aftur, áður en hún hafði borið nokkurn
verulegan árangur.
2. Sanianburð’ur á mismunandi grasfræblöndum.
Fyrstu tilraunir með mismunandi grasfræblöndur,
sem gerðar hafa verið hjá Ræktunarfélaginu, eru frá
1906—1909. Um 1921, er aftur gerð allstór tilraun
með mismunandi grasfræblandanir, en þar sem allar
upplýsingar um samsetning þessara blandana vantar,
er eigi hægt að taka þá tilraun með hér.
Eftir 1930, eru gerðar noggrar tilraunir með mis-
munandi fræblandanir, einkum með það fyrir augum,
að reyna notagildi mismunandi belgjurta í fræblönd-
unum. Tilraunir þessar eru allar starfræktar ennþá
og nýbyrjað á sumum þeirra.
í tilrauninni 1906—1909 voru reyndar 6 mismun-
andi fræblöndur og var samsetningur þeirra þannig í
aðalatriðum.